நான் இதுவரையும் என்னுடைய படங்களில் குடிப்பது, தம் அடிப்பது போலவும் படம் எடுத்ததில்லை இயக்குநர் விக்னேஷ் சிவன் பேட்டியளித்துள்ளார்.

ஆவணத் திரைப்படம் போட்டி:

சென்னை பெருநகர காவல்துறை சார்பில் நடத்தப்பட்ட போதைப் பொருட்களுக்கு எதிரான சிறப்பு நடவடிக்கை குறித்த ஆவணத் திரைப்பட போட்டியில் வெற்றி பெற்ற நபர்களுக்கு பரிசுகளை வழங்கிய பின் பெருநகர காவல்துறை ஆணையர் சங்கர் ஜிவால் மற்றும் அமைச்சர் உதயநிதி ஸ்டாலின், இயக்குநர் விக்னேஷ் சிவன் ஆகியோர் கலந்து கொண்டனர். 

பரிசு:

இந்த போதை பொருட்கள் பயன்பாட்டிற்கு எதிரான போராட்டத்தில் இளைஞர்களை ஈடுபடுத்தும் நோக்கில் இயக்குனர் விக்னேஷ் சிவன் ஆதரவுடன் நடத்தப்பட்ட ஆவணத் திரைப்படம் போட்டியில் 289 பதிவுகள் பெறப்பட்ட நிலையில் அதில் வெற்றி பெற்ற நபர்களுக்கு பரிசு வழங்கப்பட்டது.

அதனை தொடர்ந்து செய்தியாளர்களிடம் பேசிய இயக்குனர் விக்னேஷ் சிவன், 

ஒரு தொடக்கமாக:

திரைத்துறையில் போதைப்பொருள் விழிப்புணர்வு ஏற்படுத்த இந்த குறும்பட போட்டி என்பது ஒரு தொடக்கமாக அமைந்துள்ளது எனவும் இது போன்ற விசயங்களை படமாக எடுக்க முடியாது என்பதாலேயே குறும்படமாக எடுத்து விழிப்புணர்வு ஏற்படுத்துவதே இதன் நோக்கமாகும் எனவும் தெரிவித்துள்ளார்.  மேலும் சினிமாவில் போதை பழக்கம் காட்சிகள் இல்லாமல் காண்பிப்பது நல்லது தான் இது குறித்து காவல்துறை கூட அறிவுறுத்தி இருப்பதாகவும் கூறியுள்ளார்.

இதுவரை..:

தொடர்ந்து பேசிய விக்னேஷ் சிவன் போதைப்பொருள் பயன்படுத்தும் காட்சிகள் படங்களில் வரும் பொழுது கீழேயே விழிப்புணர்வு ஏற்படுத்த கார்டு போடப்படுகிறது எனவும் தற்பொழுது அது போன்ற காட்சிகள் சினிமாவில் குறைந்துள்ளது எனவும் போகப் போக அதை குறைத்து கொள்ளப்படும் எனவும் தெரிவித்துள்ளார்.  மேலும், சில இயக்குனர்கள் அது போன்ற காட்சிகளை எடுக்காமல் இருக்க வேண்டும் என்று தான் ஆசைப்படுவதாகவும் பேசியுள்ளார். 

விழிப்புணர்வு:

அதனைத் தொடர்ந்து நான் இதுவரையும் என்னுடைய படங்களில் குடிப்பது, தம் அடிப்பது போலவும் படம் எடுத்ததில்லை எனவும் அது போன்ற காட்சிகள் படங்களில் வைக்கும் பொழுது படம் தொடங்குவதற்கு முன்னதாகவே அது குறித்து விழிப்புணர்வு காடு போடப்படும் எனவும் கூறிய அவர் ஆனால் என் படங்களில் அது போன்ற கார்டு போடப்பட்டது இல்லை எனவும் தெரிவித்துள்ளார்.  

நானும் ரவுடிதான்:

மேலும் நானும் ரவுடிதான் படம் பாண்டிச்சேரியில் எடுத்தேன் எனவும் அந்தப் படத்தில் கூட குடிப்பது போன்ற காட்சிகள் எதுவும் வைக்கவில்லை எனவும் தெரிவித்த அவர் என்னால் முடிந்தவரை என்னுடைய நண்பர்கள், என் படத்தில் வரும் ஹீரோக்களை குடிக்க விடாமல் நானும் பார்த்துக் கொள்கிறேன் என்று தெரிவித்துள்ளார்.

இதையும் படிக்க:   கலாஷேத்ரா மாணவிகளின் பாலியல் புகார்... விசாரணைக்கு உத்தரவு!!!

வெற்றிமாறன் இயக்கத்தில் சூரி மற்றும் விஜய் சேதுபதி நடித்துள்ள விடுதலை படத்தின் முதல் பாகத்திற்கு சென்சார் போர்டு ஏ சான்றிதழ் வழங்கி உள்ளது.

வெற்றிமாறன் இயக்கத்தில் உருவாகி உள்ள விடுதலை திரைப்படம் வருகிற மார்ச் 31-ந் தேதி ரிலீஸ் ஆக உள்ளது.   நடிகர் சூரி கதையின் நாயகனாகவும், விஜய் சேதுபதி கதாநாயகனாகவும் நடித்துள்ள இப்படத்தை எல்ரெட் குமார் தயாரித்துள்ளார்.  இப்படத்தில் நடிகர் சூரிக்கு ஜோடியாக இசையமைப்பாளர் ஜிவி பிரகாஷின் தங்கை பவானிஸ்ரீ நடித்துள்ளார்.  படத்திற்கு இசைஞானி இளையராஜா இசையமைத்து உள்ளார்.

விடுதலை படத்தை இரண்டு பாகங்களாக எடுத்துள்ளார் வெற்றிமாறன்.  அப்படத்தின் முதல் பாகம் தான் அடுத்த வாரம் ரிலீஸ் ஆக உள்ளது.   இப்படத்தை ரெட் ஜெயண்ட் மூவீஸ் நிறுவனம் தமிழ்நாட்டில் வெளியிடுகிறது.  படத்தின் ரிலீஸ் நெருங்கி வருவதால் படம் குறித்த அப்டேட்டுகளும் அடுத்தடுத்து வெளிவந்த வண்ணம் உள்ளன.   அந்த வகையில் படத்தின் சென்சார் மற்றும் ரன்னிங் டைம் குறித்த அறிவிப்பு வெளியாகி உள்ளது.

அதன்படி விடுதலை படத்திற்கு சென்சார் போர்டு ஏ சான்றிதழ் கொடுத்துள்ள நிலையில் வெற்றிமாறன் இயக்கத்தில் வெளியான படங்களில் ஏ சான்றிதழ் பெறும் மூன்றாவது படமாக விடுதலை உள்ளது.    இதற்கு முன் வெற்றிமாறன் இயக்கத்தில் வெளிவந்த பொல்லாதவன், வடசென்னை ஆகிய படங்களுக்கு ஏ சான்றிதழ் வழங்கப்பட்டுள்ளது என்பது குறிப்பிடத்தக்கது.

இதன்மூலம் இப்படத்தில் சில ஆபாச வசனங்கள் அல்லது காட்சிகள் இடம்பெற்றிருக்க வாய்ப்புள்ளதாக தெரிகிறது.  விடுதலை படத்தின் திரைக்கதைக்கு தேவைப்படும் அந்த காட்சிகளுக்கு கத்திரிபோட வெற்றிமாறன் விரும்பாததால் சென்சார் போர்டு அதிகாரிகள் ஏ சான்றிதழ் கொடுத்துள்ளதாக தெரிகிறது. அதுமட்டுமின்றி இப்படம் 2 மணிநேரம் 30 நிமிடங்கள் ரன்னிங் டைம் கொண்டிருக்கும் என்றும் அறிவிக்கப்பட்டு உள்ளது.

இதையும் படிக்க:  பத்து தல படத்தில் நடிக்க மறுத்த ரஜினி.... காரணம் கூறிய இயக்குனர்!!!

ஒபிலி என் கிருஷ்ணா இயக்கத்தில் சிம்பு நடித்துள்ள பத்து தல படத்தில் நடிகர் ரஜினிகாந்த் நடிக்க மறுத்ததற்கான காரணத்தை தயாரிப்பாளர் வெளியிட்டுள்ளார்.

சில்லுனு ஒரு காதல், நெடுஞ்சாலை போன்ற படங்களை இயக்கியவர் ஒபிலி என் கிருஷ்ணா.  இவர் நீண்ட இடைவெளிக்கு பின் இயக்கியுள்ள திரைப்படம் பத்து தல.  இது கன்னடத்தில் வெளியாகி பிளாக்பஸ்டர் ஹிட் ஆன முஃப்டி படத்தை தழுவி இப்படம் எடுக்கப்பட்டு உள்ளது.  இதில் ஏஜிஆர் என்கிற கேங்ஸ்டர் கதாபாத்திரத்தில் சிம்பு நடித்துள்ளார்.  மணல் மாஃபியாவை மையமாக வைத்து இப்படம் தயாராகி உள்ளது.

பத்து தல படத்தில் சிம்பு உடன் பிரியா பவானி சங்கர், கவுதம் கார்த்திக், டிஜே அருணாச்சலம், கவுதம் மேனன் என மிகப்பெரிய நட்சத்திர பட்டாளமே நடித்துள்ளது. இது தவிர நடிகர் ஆர்யாவின் மனைவி சாயிஷாவும் இப்படத்தில் ஒரு பாடலுக்கு கவர்ச்சி நடனம் ஆடி இருக்கிறார்.  பத்து தல படத்திற்கு இசைப்புயல் ஏ.ஆர்.ரகுமான் இசையமைத்து உள்ளார்.  இப்படத்தை ஸ்டூடியோ கிரீன் நிறுவனம் சார்பாக கே.இ.ஞானவேல் ராஜா தயாரித்து இருக்கிறார்.

பத்து தல திரைப்படம் வருகிற மார்ச் 30-ந் தேதி திரையரங்குகளில் ரிலீஸ் ஆக உள்ளது.    இப்படத்தின் ரிலீசுக்கு இன்னும் ஒரு வாரமே எஞ்சியுள்ள நிலையில், அதற்கான புரமோஷன் பணிகளும் முழுவீச்சில் நடைபெற்று வருகிறது.  அதன்படி இப்படத்தின் தயாரிப்பாளர் ஞானவேல் ராஜா பத்து தல படத்திற்காக பல்வேறு பேட்டிகளை கொடுத்துள்ளார்.  அந்த வகையில் அவர் அளித்த பேட்டி ஒன்றில் பத்து தல படத்தில் ரஜினிகாந்த் நடிக்க மறுத்ததாக தெரிவித்துள்ளார்.

கன்னடத்தில் வெளியான முஃப்டி திரைப்படத்தை அப்படியே ரீமேக் செய்ய தான் முதலில் முடிவெடுத்திருந்தனர்.  அப்படத்தில் கன்னட சூப்பர்ஸ்டார் ஷிவ ராஜ்குமார் நடித்த வேடத்தில் தமிழில் ரஜினிகாந்தை நடிக்க வைக்க திட்டமிட்டிருந்தார்களாம்.  இதுகுறித்து ரஜினியை அணுகியபோது அவர் நடிக்க மறுத்துவிட்டாராம்.  ரீமேக் படம் என்கிற ஒரே காரணத்துக்காக இப்படத்தில் நடிக்க ரஜினி மறுத்துவிட்டாராம்.  இதையடுத்து தான் இந்த படத்தில் சிம்புவை நடிக்க வைத்ததாக ஞானவேல் ராஜா தெரிவித்துள்ளார்.

இதையும் படிக்க:   நடிகர் அஜித் குமாரின் தந்தை உடல்நலக்குறைவால் உயிரிழப்பு...!!

உடல்நலக்குறைவால் அவதிப்பட்டு வந்த நடிகர் அஜித்குமாரின் தந்தை பி.சுப்ரமணியம் சென்னையில் இன்று காலமாகியுள்ளார்.

தமிழ் திரையுலகில் முன்னணி நடிகராக வலம் வருபவர் அஜித்குமார்.  அவரின் தந்தை உடல்நலக்குறைவால் அவதிப்பட்டு வந்த நிலையில் சிகிச்சை பலனின்றி இன்று உயிரிழந்தார்.  அஜித்தின் தந்தை மரணமடைந்த செய்தி அறிந்த ரசிகர்கள் சோகத்தில் மூழ்கி உள்ளனர்.  சமூக வலைதளங்கள் வாயிலாக அஜித்துக்கு ஆறுதலும் கூறி வருகின்றனர்.

நடிகர் அஜித்தின் தந்தை பி சுப்ரமணியம் கடந்த 4 ஆண்டுகளாக பக்கவாத நோயால் பாதிக்கப்பட்டு அதற்காக சிகிச்சையும் எடுத்து வந்துள்ளார்.   இவருக்கு மோகினி என்கிற மனைவியும், அனில் குமார், அனூப் குமார் மற்றும் அஜித் குமார் என மூன்று மகன்களும் உள்ளனர்.  தந்தையின் மரணத்தால் சோகத்தில் மூழ்கியுள்ள நடிகர் அஜித்திற்கு அவரது ரசிகர்கள் ஆறுதல் கூறி வருகின்றனர்.   

அஜித்தின் தந்தை பி சுப்ரமணியத்தின் உடல் இன்று தகனம் செய்யப்பட உள்ளது.  சென்னை பெசன்ட் நகரில் உள்ள மின் மயானத்தில் இன்று காலை 10 மணிக்கு அவரது உடல் தகனம் செய்யப்பட உள்ளதாக தகவல் வெளியாகி உள்ளது.  அவரது இறுதி ஊர்வலத்தில் உறவினர்கள் மட்டுமே கலந்துகொள்ள உள்ளதாகவும் தகவல்கள் தெரிவிக்கின்றன.

இதையும் படிக்க:   வங்கியில் தொடரும் போலி நகை மோசடிகள்...!!

செங்களம்  இணைய தொடர்

இயக்குனர் எஸ்.ஆர்.பிரபாகரன் சசிகுமார் நடித்த சுந்தரபாண்டியன் திரைப்படம் இயக்குனராக அறிமுகமானவர். அதனை தொடர்ந்து இது கதிர்வேலன் காதல், சத்ரியன் உள்ளிட்ட படங்களை இயக்கியுள்ளார். தற்போது முதல் முறையாக செங்களம் என்ற இணைய தொடரை இயக்கியுள்ளார். இதில் கலையரசன், விஜி சந்திரசேகர், டேனியல், பிரேம், வாணி போஜன், ஷாலி உள்ளிட்டோர் நடித்துள்ளனர். தரண் குமார் இசை அமைத்துள்ளார். 

ஜீ 5 ஓடிடி தளத்தில் நாளை வெளியாக உள்ள இந்த செங்களம் இணைய தொடர் இன்று செய்தியாளர்களுக்கு சிறப்பு காட்சி திரையிடப்பட்டது. அதனை தொடர்ந்து செய்தியாளர் சந்திப்பு நடைபெற்றது. இந்த செய்தியாளர் சந்திப்பு நிகழ்ச்சியில் விஜி சந்திரசேகர், பிரேம், டேனியல், ஷாலி , வாணி போஜன் உள்ளிட்டோர் கலந்து கொண்டனர்.

விஜி சந்திரசேகர் 

எனக்கு நன்றி சொல்ல வார்த்தையே இல்லை. எனது குடும்பம் போல தான் உங்களை பார்க்கிறேன். பார்க்கும் போது மிரட்டலாக இருந்தது மிக்க நன்றி. என்னை எப்படி இந்த கதாபாத்திரத்திற்கு தேர்வு செய்தீர்கள் என்று தெரியவில்லை. படத்திற்கு இசை மிகப்பெரிய பலம். அயலியை எப்படி நீங்கள் தூக்கி சென்றீர்கள் அது போல இதையும் செய்ய வேண்டும் என்றார்‌.

எஸ்ஆர் பிரபாகரன்

மிரட்டல் வந்தால் பரவாயில்லை. அரசியல் என்றால் என்ன என்பதை உண்மையாக காட்டியுள்ளோம். இது என்னுடைய 5வது படைப்பு. சுந்தரபாண்டியன் படம் வரும்போது இருந்த பதட்டம் தற்போது இருந்தது. இதை நீங்கள் தான் கொண்டு சேர்க்க வேண்டும். இந்த செங்களம் சுட சுட ஒரு அரசியல் களம். இதை பார்க்கும் போது உங்களுக்கு எந்த அரசியல் தலைவர் தோன்றுகிறாரோ அதை அப்படியே மக்களிடம் கொண்டு செல்ல வேண்டும். உள்ளதை உள்ளபடி எடுத்துள்ளேன் அதை அப்படியே எடுத்துள்ளேன். மிரட்டல் வந்தால் பார்த்து கொள்ளலாம். 

மாவட்ட அரசியலை சொல்லி உள்ளேன்

மாநில அரசியலை முழுமையாக சொல்ல முடியாது அதனால் மாவட்ட அரசியலை சொல்லி உள்ளேன். நான்‌பார்த்த அரசியலை இக்கதையில் சொல்லியுள்ளேன். நமக்கு தெரிந்தது சசிகலா, ஜெயலலிதா என்பதால் இதை பார்க்கும் போது அப்படி தெரியலாம். நிறைய அரசியல்வாதிகள் குறித்து இதில் உள்ளது.

மேலும் படிக்க | ஊதிய உயர்வு: மின் வாரிய தொழிற்சங்க பிரதிநிதிகளுடன் மீண்டும் நாளை பேச்சு வார்த்தை

வயதான தலைவர் நிறைய பேர் உள்ளனர். ஆளும் கட்சியை சார்ந்தவர் என்று சொல்லவில்லை. ராமதாஸ் கூட சில நேரங்களில் நாற்காலியில் இருப்பார். வயதானவர் என்று காட்ட வேண்டும் என்பதற்காக தான் அப்படி வைத்தேன் என்றார்.

இந்த படத்தில் சக்கர‌நாற்காலியில் வருவது போன்று காட்டப்பட்டுள்ளது. இதை பார்த்த செய்தியாளர்கள் படத்தில் கருணாநிதி குறித்து தவறாக காட்டியுள்ளதாக கேள்வி எழுப்பினர். மேலும் ஜெயலலிதா, சசிகலா கதாபாத்திரத்தை போன்று இதில் கதாபாத்திரங்கள் வருகின்றன. இதுகுறித்தும் கேள்வி எழுப்பினர். இதற்கு பதிலளித்த இயக்குனர் நான் பார்த்த அரசியல் நிகழ்வுகள் குறித்து மட்டுமே இதில் சொல்லியுள்ளேன் வேறு எந்த உள்நோக்கமும் இல்லை என்று தெரிவித்துள்ளார்.