எந்திரன், உட்பட பல திரைப்படங்களை இயக்கியவர் சங்கர், இவர் சட்டவிரோத பணபரிமாற்ற வழக்கு ஒன்றிற்காக சென்னை ஆயிரம் விளக்கில் அமைந்துள்ள அமலாக்கத்துறை அலுவலகத்தில் அவர் விசாரணைக்காக ஆஜரானார்.

அமலாக்கத்துறை துணை இயக்குனர் மல்லிகா அர்ஜுனா, சுமார் 3 மணி நேரம் அவரிடம் விசாரணை நடத்தியதாக கூறப்படுகிறது.

இதனிடையே, விசாரணைக்கு இயக்குனர் சங்கர் ஆஜரானதை செய்தியாளர்கள் தெரிந்து கொண்ட நிலையில், அவர் பின் வழியாக காரில் சென்ற சம்பவம் அதிர்ச்சியை ஏற்படுத்தியது. 

மேலும் மீண்டும் இது தொடர்பாக இயக்குனர் சங்கரை அழைத்து விசாரணை நடத்த திட்டமிட்டுள்ளதாக அமலாக்கத்துறை வட்டாரங்கள் தெரிவித்துள்ளன.

நடிகரும் இயக்குனருமான பார்த்திபன் நடித்து இயக்கி இருந்த ஒத்த செருப்பு திரைப்படம் அனைவரின் மத்தியிலும் நல்ல வரவேற்பை பெற்று சென்றது. அத்திரைப்படத்துக்காக அவர் தேசிய விருதையும் பெற்றார்.இதையடுத்து இரவின் நிழல் திரைப்படத்தை இயக்கி வந்தார்.

இப்படத்தில் வரலட்சுமி சரத்குமார், ரோபோ ஷங்கர், சகாய பிரிகிடா ஆகியோர் முக்கிய கதாபாத்திரத்தில் நடித்துள்ளனர். இந்த படத்திற்கு ஏ.ஆர். ரஹ்மான் இசையமைத்து 'அகிரா புரொடக்ஷன்ஸ்' தயாரித்துள்ளது.

சமீபத்தில் தான் இப்படத்தின் டீசர் வெளியாகி நல்ல வரவேற்பை பெற்றது. இரவில் நிழல் திரைப்படம் ஒரே ஷாட்டில் எடுக்கப்பட்ட உலகின் முதல் நேர்க்கோட்டில் அமையாக கதையம்சம் கொண்டது என்ற பெருமையையும் பெற்றுள்ளது.

இரவின் நிழல் படத்தினுடைய அனைத்து பணிகளும் நிறைவடைந்த நிலையில் இப்படத்துக்கான வெளியீட்டிற்கு தயாராகி உள்ளது. தற்போது இப்படத்தினுடைய வெளியீடு தேதியை படக்குழு அறிவித்து உள்ளது. இப்படத்தை ஜூன் 24 ஆம் தேதியன்று திரையரங்குகளில் வெளியிடுவதாக அறிவித்துள்ளனர்.  

கடந்த 2019 ஆம் ஆண்டின் பொழுது நடிகர் கார்த்தி நடிப்பில் லோகேஷ் கனகராஜ் இயக்கி இருந்த திரைப்படம் கைதி.

பரபரப்பான சண்டை காட்சிகள் மற்றும் அப்பா,மகள் உறவு என ரசிகர்களிடம் நல்ல வரவேற்பை பெற்றது. இப்படத்தை ட்ரீம் வாரியர்ஸ் பிக்சர்ஸ் சார்பில் எஸ்.ஆர்.பிரபு தயாரித்து இருந்தது குறிப்பிடத்தக்கது. 

இந்த நிலையில் தான் கைதி திரைப்படத்தை ரஷ்ய மொழியில் டப்பிங் செய்யப்பட்டு இன்று வெளியாகி இருக்கிறது. இத்திரைப்படமானது ரஷ்ய நகரங்கள் 121 ல் அமைந்துள்ள சுமார் 297 திரையரங்குகளில் வெளியாகி இருப்பதாக தகவல் தெரிவிக்கப்பட்டுள்ளது. 

தமிழ் திரையுலகில் உச்ச நட்சத்திரமாக விளங்கும் உலகநாயகன் கமல்ஹாசன் அவர்களின் நடிப்பில், லோகேஷ் கனகராஜ் இயக்கத்தில் உருவாகியுள்ள  திரைப்படம் ”விக்ரம்”. உலகளவில் ரசிகர்களை வைத்துள்ள நடிகர் கமல்ஹாசன் அரசியல், பிக்பாஸ் நிகழ்ச்சி என்று பல காரணங்களால் தொடர்ந்து படங்களில் நடிக்காமல் இருந்தார். ஆனால் தற்போது 4 ஆண்டு இடைவெளிக்கு பிறகு இவரது நடிப்பில் விக்ரம் படம் உருவாகி சர்வதேச அளவில் ஜீன் 3 ஆம் தேதி வெளியாகவுள்ளது.

இதனிடையே சமீபத்தில் ”விக்ரம்” படத்தின் இசை மற்றும் ட்ரைலர் வெளியானது. அந்த ட்ரைலரில் கமலுடன் விஜய் சேதுபதி, சூர்யா, பகத் பாசில், நரேன் உள்ளிட்டவர்களும் நடிப்பில் மிரட்டியுள்ளதால் படத்தின் எதிர்பார்ப்பை ரசிகர்களிடையே அதிகரிக்க செய்துள்ளது.

இந்நிலையில் இந்த படத்தின் ஹிந்தி ட்ரைலர் சற்றுமுன்னர் வெளியாகி உள்ளது. அதில் இந்த படத்தின் பெயர் விக்ரம் ஹிட் லிஸ்ட் என்று வைக்கப்பட்டுள்ளது. மிகுந்த எதிர்பார்ப்புடன் காத்திருக்கும் ரசிகர்களுக்கு இந்த படம் ஒரு மாஸான எக்ஸ்பீரியன்சை கொடுக்கும் என்று சினிமா வட்டாரங்களில் பேசப்படுகிறது.    

தமிழில் டார்லிங் திரைப்படத்தின் மூலம் கதாநாயகியாக அறிமுகமானவர் நிக்கி கல்ராணி.அதைத்தொடர்ந்து பல படங்களில் நடித்திருந்தார்.

நிக்கி கல்ராணியும் நடிகர் ஆதியும் காதலித்து வருவதாக சொல்லப்பட்டது. அதன் இடையே ஆதி வீட்டில் நடந்த குடும்ப நிகழ்ச்சிகளிலும் நிக்கி பங்கேற்று வந்த புகைப்படங்கள் வைரலாகி வந்தது. 

நிக்கி கல்ராணிக்கும் ஆதிக்கும் திருமண ஏற்பாடுகள் நடந்து வருவதாக சொல்லப்பட்ட நிலையில் இருவருக்கும் நிச்சயம் முடிந்த புகைப்படங்கள் வெளியாகி வந்தது.

இருவரும் விரைவில் திருமணம் செய்ய தேதியும் முடிவு செய்யப்பட்டது. 

இந்த நிலையில் நேற்று இருவருக்கும் திருமணம் நடந்து முடிந்துள்ளது.

இவர்கள் திருமண நிகழ்ச்சியில் நடிகர் ஆர்யா மற்றும் அவரது மனைவி சாயிஷா ஆகியோரும் மற்ற திரைப்பிலங்களும் கலந்து கொண்டு ஆதியையும் நிக்கியையும் வாழ்த்தி உள்ளனர். இவர்களின் திருமண புகைப்படங்கள் இணையத்தில் வைரலாகி வருகிறது.