நடிகை ஷகிலா, தனது 16 வயதில் சினிமா துறையில் நுழைந்தவர். இவர் மலையாளத்தில் அறிமுகமாகி தமிழ், தெலுங்கு, கன்னட சினிமாக்களில் கவர்ச்சி நடிகையாக வலம்வந்து பிரபலமானவர். தமிழில் தூள், வாத்தியார், ஜெயம், அழகிய தமிழ்மகன், பாஸ் என்கிற பாஸ்கரன் உள்ளிட்ட படங்களில் நகைச்சுவை கதாபாத்திரத்தில் நடித்து பிரபலமானார்.

இதனைத்தொடர்ந்து பிரபல தொலைக்காட்சியில் ஒளிப்பரப்பான குக் வித் கோமாளி என்ற நிகழ்ச்சியில் கலந்து கொண்டதன் மூலம் ஒரு கவர்ச்சி நடிகை என்ற தனது இமேஜை மாற்றிக் கொண்டவர் நடிகை ஷகிலா. இந்த நிகழ்ச்சியில் தன்னுடன் சக போட்டியாளராக கலந்து கொண்ட அஸ்வினின்  ‘என்ன சொல்லப் போகிறாய்’ படம் குறித்து தனது கருத்தை ஷகிலா தெரிவித்துள்ளார்.

’என்ன சொல்ல போகிறாய்’ படம் நன்றாக இருக்கிறது என்றும், இந்த படம் நன்றாக இல்லை என்று சொன்னால் உங்கள் கண்களில் தான் தவறு இருக்கிறது என்றும், அஸ்வின் மிகவும் அழகாக ஓவர் ஆக்டிங் இல்லாமல் நடித்துள்ளார் என்றும், அதேபோல் படத்தில் உள்ள இரண்டு ஹீரோயின்களும் நன்றாக நடித்திருக்கிறார்கள் என்றும் ஷகிலா கூறியுள்ளார்.

அஸ்வின் படத்தின் Press Meet-ல்  இதுவரை 40 படங்களை நான் புறக்கணித்து இருக்கிறேன் என்று சொல்லி உங்கள் வாயிக்கு அவல் தந்துவிட்டார், அதனால் நீங்கள் உங்கள் இஷ்டத்திற்கு அவரை விமர்சனம் செய்கிறீர்கள், ஒரு படத்தைத் குறை சொல்வதால் உங்களுக்கு என்ன கிடைக்கப் போகிறது என்றும் கேள்வி எழுப்பி உள்ளார்.

மேலும் படத்தை விமர்சனம் செய்கிறேன் என்று இஷ்டத்திற்கு பேசக்கூடாது என்றும், அப்படி விமர்சனம் செய்பவர்கள் இந்த நாட்டுக்கே தேவையில்லாதவர்கள் என்றும் ஆவேசமாக பேசியுள்ளார் ஷகிலா. மேலும் இந்த படத்தை ஒரு முறை தான் பார்க்க முடியும் என்று கூறியவர்களுக்கு நான் ஒரு கேள்வியை கேட்கிறேன், ஒரு படத்தை எல்லோரும் ஒருமுறை தான் பார்ப்பார்கள். திரும்ப திரும்ப ஒரே படத்தை பார்க்க எல்லாரும் வேலைவெட்டி இல்லாதவர்களா? என்றும் சரமாரியாக கேள்விகளை எழுப்பியுள்ளார்.

ஓ மை கடவுளே திரைப்படத்தின் இயக்குனரின் அடுத்த படத்தில் நடிகர் சிம்பு நடிக்கவுள்ளதாக தகவல் வெளியாகியுள்ளது.

நடிகர் சிம்புவின் நடிப்பில் சமீபத்தில் வெளியான மாநாடு திரைப்படம் மிகப்பெரிய வெற்றி பெற்றது. இப்படத்தை தொடர்ந்து கவுதம் மேனன் இயக்கத்தில் வெந்து தனிந்தது காடு படத்தில் சிம்பு நடித்து வருகிறார்.

இதைத்தொடர்ந்து பத்து தல, கொரோனா குமார் உள்ளிட்ட திரைப்படங்களில் சிம்பு நடிக்கவுள்ளார்.  இந்நிலையில் ஓ மை கடவுளே திரைப்படத்தை  இயக்கிய அஷ்வத் மாரிமுத்து இயக்கத்தில் சிம்பு அடுத்ததாக நடிக்கவுள்ளதாகவும், இந்தபடத்தை ஏ.ஜி.எஸ் நிறுவனம் தயாரிக்க உள்ளதாகவும் தகவல் வெளியாகியுள்ளது. 

தமிழ் மற்றும் மலையாள திரைப்படங்களில் முன்னணி நாயகியாக,  இளைஞர்கள் மனதைக்கிறங்கடித்தவர் நடிகை மீரா ஜாஸ்மின். தற்போது 10 வருடங்களுக்கு பிறகு மீண்டும் திரையில் தோன்றுகிறார். 

காதல் பிசாசாக மக்கள் மனதை கொள்ளையடித்து சென்ற மீரா ஜாஸ்மின் தமிழ் ரசிகரின் இதயங்களை கொள்ளை கொள்ளும்  வகையில் மீண்டும் தமிழ் திரைப்படங்களில் நடிக்கவுள்ளார்.  ரன், சண்டகோழி போன்ற படங்களில் தனது அழகு, கொஞ்சும் நடிப்பால், ரசிகர்களை ஆச்சர்யப்படுத்தி, விஜய், அஜித், தனுஷ், மாதவன், விஷால், பிரசாந்த், எஸ் ஜே சூர்யா, என தமிழின் முன்னணி நடிகர்களுடன் ஜோடி சேர்ந்து, ரசிகர்கள் மத்தியில் நீங்காத இடம் பிடித்த மீரா ஜாஸ்மின் பல வருடங்களாக நடிப்பிலிருந்து விலகி இருந்தார்.

அதையெல்லாம் ஈடுகட்டும் விதமாக, நிறைய தமிழ் படங்களில் நடிக்க திட்டமிட்டுள்ள நடிகை மீரா ஜாஸ்மின் தற்போது மீண்டும்  பல தமிழ்படங்களில் ஒப்பந்தம் ஆகியுள்ளார். விரைவில் அவர் நடிக்கவுள்ள படங்கள் பற்றிய அதிகாரப்பூர்வ தகவல் வெளியாகவுள்ளது. ரசிகர்களுடன் இன்னும் நெருக்கமாக இருக்க வேண்டும் என முடிவெடுத்துள்ள மீரா ஜாஸ்மின், பல காலமாக சோசியல் மீடியா பக்கம் வராமல் இருந்த மீரா ஜாஸ்மின் தற்போது இன்ஸ்டாகிராமில்  புதிதாக கணக்கு தொடங்கி இன்று ஒரு நாள் முதலே  55 ஆயிரம் ரசிகர்களை பெற்றுள்ளார். மேலும் இவர்  மீண்டும் திரைக்கு வருவதில் ரசிகர்கள் மத்தியில் நல்ல வரவேற்பு உள்ளது.

மேலும் அவர் இயக்குநர் சத்யன் அந்திக்காட் இயக்கிய ‘மகள்’ படத்தில் தான் நடிப்பது குறித்து அவர் பகிர்ந்துள்ளது ரசிகர்களுக்கு இன்ப அதிர்ச்சியாக உள்ளது. நமது மனதில் நீங்கா இடம் பிடித்திருந்த மீரா ஜாஸ்மின் தற்போது மீண்டும் நம்மை அசர வைக்க வருகிறார்.

தமிழ் சினிமாவில் பிரபல காமெடி நடிகராக வலம் வருபவர் தான் நடிகர் சதீஷ். இவர் கடந்த 2013 -ஆம் ஆண்டு நடிகர் சிவகார்த்திகேயன் நடிப்பில் வெளியான ‘எதிர்நீச்சல்’ படத்தில் பீட்டர் என்ற கதாபாத்திரத்தில் ஹீரோவுக்கு நண்பராக நடித்து பிரபலமானார். அந்த படத்தில் சிவகார்த்திகேயன் - சதீஷ் Combination வேற லெவல் ஹிட்டானது. இவர்கள் இணைந்து நடித்த காமெடிகள் படத்திற்கு பெரிய பிளஸ் ஆக அமைந்தது எனலாம்.

இதனைத்தொடர்ந்து அடுத்தடுத்த படங்களில் காமெடி நடிகராகவே நடித்து வந்த சதீஷ் தற்போது ‘நாய் சேகர்’ திரைப்படத்தில் ஹீரோவாக என்ட்ரீ கொடுத்திருக்கிறார்.

சமீபத்தில் திரையரங்குகளில் வெளியான இந்தப்படம் ரசிகர்கள் மத்தியில் நல்ல வரவேற்பை பெற்று வருகிறது. இந்த படத்திற்கு பெரும்பாலான விமர்சகர்கள் பாசிட்டிவ் கமெண்ட்ஸ்களை தந்து வருகின்றனர்.

இந்நிலையில் நடிகர் சதீஷ் தனது படத்தின் வெற்றியை ஒருபுறம் கொண்டாடி வர, இன்னொரு புறம் குடும்பத்துடன் மகளின் பிறந்தநாளை கொண்டாடி வருகிறார். இந்த பிறந்த நாள் கொண்டாட்டத்திற்கு நடிகரும், அவரின் நெருங்கிய நண்பரும் ஆன சிவகார்த்திகேயன் திடீரென வருகை தந்து சர்ப்ரைஸ் அளித்து உள்ளார். சதீஷ் மனைவி மற்றும் மகளுடன் சிவகார்த்திகேயன் இருக்கும் புகைப்படம் தற்போது இணையத்தில் வைரலாகி வருகிறது.

தமிழ் சினிமாவில் ஆக்‌ஷன் ஹீரோவாக வலம் வரும் நடிகர் விஷால் ’செல்லம்மே’ திரைப்படம் மூலம் தமிழில் அறிமுகமானார். இவரது நடிப்பில் அடுத்தடுத்து  வெளியான படங்கள் அனைத்தும் ஆக்‌ஷன் கலந்த குடும்ப திரைப்படமாக இருந்ததால் ரசிகர்களிடையே நல்ல வரவேற்பை பெற்றது.

இந்நிலையில்  விஷால் நடிப்பில் தற்போது உருவாகியுள்ள படம் ‘வீரமே வாகை சூடும்’. இந்த படத்தை புதுமுக இயக்குனர் து.ப.சரவணன் என்பவர் இயக்கி வருகிறார். இப்படத்தில் விஷாலுக்கு ஜோடியாக நடிகை டிம்பிள் ஹயாத்தி நடித்துள்ளார். மேலும் நகைச்சுவை கதாபாத்திரத்தில் யோகிபாபுவும், மலையாள நடிகர் பாபுராஜ் வில்லனாகவும் நடித்துள்ளனர்.

நடிகர் விஷால் தனது சொந்த தயாரிப்பு நிறுவனமான விஷால் பிலிம் பேக்டரி மூலம் தயாரித்து வரும் இப்படத்திற்கு இசையமைப்பாளர் யுவன் சங்கர் ராஜா இசையமைத்துள்ளார். விறுவிறுப்பாக நடைபெற்று வந்த இப்படத்தின் படப்பிடிப்பு தற்போது முடிவடைந்த நிலையில் ஜனவரி 26ஆம் தேதியன்று ரிலீஸ் ஆக இருப்பதாக படக்குழுவினர் தெரிவித்திருக்கின்றனர். 

இந்நிலையில் இப்படத்தின் டிரைலர் வெளியாகி ரசிகர்களை வெகுவாக கவர்ந்து  இணையத்தில் வைரலாகி வருகிறது.  விஷால் மீண்டும்  காவல் துறை அதிகாரியாக அவதாரம் எடுத்துள்ள இந்த படம் முழுக்க முழுக்க ஆக்ஷன் திரைப்படமாக உருவாகியிருக்கிறது.  

இந்த டிரைலரில் வந்த ஒருசில வசனங்களில் இருந்தே இந்த படம் ரசிகர்கள் மத்தியில் பெரிய எதிர்பார்ப்பை ஏற்படுத்தியுள்ளது. அதிலும் ’சண்டை போடலைன்னா நம்மளையும் கொன்னுருவாங்க’ என்ற வசனம் இந்த படத்தை உடனே பார்க்க வேண்டும் என்ற எதிர்பார்ப்பை தூண்டி உள்ளது.