நடிகர் சிவகார்த்திகேயனின் டான் திரைப்படம் கடந்த மே 13 ம் தேதி வெளியாகி ரசிகர்களிடம் நல்ல வரவேற்பை பெற்று வந்த நிலையில், அந்த படத்தின் முக்கியமான நகைச்சுவை காட்சியான, சிவகார்த்திகேயனும், சூரியும் பேசிக்கொள்ளும் கொரியன் மொழி நகைச்சுவை மக்களிடையே நல்ல வரவேற்பை பெற்றது. தற்போது நடிகர் சூரி, அந்த காட்சியின் மேக்கிங் வீடியோ ஒன்றை தனது ட்விட்டர் பக்கத்தில் வெளியிட்டுள்ளார். 

நடிப்பு, தயாரிப்பு என இரண்டையும் முழு முனைப்புடன் செய்து வரும் சிவகார்த்திகேயன் நடிப்பில் கடந்த மே 13ம் தேதி திரையரங்குகளில் வெளியாகி நல்ல வரவேற்பை பெற்ற படம் டான். முன்னதாக நெல்சன் இயக்கத்தில் அமைதியான ஆர்ப்பாட்டமில்லாத தனது எதார்த்த நடிப்பை வெளிப்படுத்திய சிவகார்த்திகேயனின் டாக்டர் திரைப்படம் நல்ல வெற்றியை பெற்றுத்தந்தது. அதனை தொடர்ந்து அறிமுக இயக்குனரான சிபி சக்கரவர்த்தி இயக்கத்தில் உருவாகிய டான் திரைப்படத்தில் பிரியங்கா அருள்மோகன், எஸ் ஜே சூரியா, சிவாங்கி,  சமுத்திரக்கனி போன்ற பலர் நடித்திருந்தனர். மேலும் படத்தில் ஆர் ஜே விஜய், சூரி ஆகியோர் இருப்பதனால் நகைச்சுவைக்கு பஞ்சமே இல்லாமல் படமானது நகர்ந்தது.  

காதல், காமெடி, அப்பா செண்டிமெண்ட் என கலவையாக உருவாகியுள்ள இந்த படம் மக்கள் மத்தியில் நல்ல வரவேற்பை பெற்றது.  கல்லூரியில் பெரும் அட்டகாசம் செய்யும் குறும்புக்கார மாணவனாக SK நடித்துள்ளார். இந்த டான் திரைப்படம் வெளியான 2 வாரத்திலேயே உலக அளவில் 100 கோடி வசூலை வாரி குவித்தது. ஒரு அறிமுக இயக்குனரின் முதல் படமே 100 கோடி வசூலை ஈட்டி இருப்பது அவருக்கும் நல்ல பெயரை பெற்று தந்துள்ளது. 

இந்நிலையில், டான் திரைப்படத்தில், ஒரு சிறப்பான நகைச்சுவை காட்சி இடம் பெற்றிருந்தது. கல்லூரியில் SK செய்யும் தவறை பெற்றோரிடம் சுட்டிக்காட்ட அவரிடம் பெற்றோரை அழைத்து வரும் படி, ஆசிரியர் கூறுவர். உடனே SK உண்மையான பெற்றோரை அழைத்து வந்தால், மாட்டிக்கொள்வோம் என்பதால், சூரியை அப்பாவாக நடிக்க வைக்க திட்டமிட்டு கூட்டிக்கொண்டு வருவார்.

அப்போது இருவரும், தமிழ் மொழியையே கொரியன் மொழி போல் " இதுக்கா ஊ அம்ச்சா...aannfa .." என இருவரும் பேசுவது நல்ல நகைச்சுவைகாட்சியாக அமைந்தது. அதோடு, அந்த நகைச்சுவை மக்கள் மனதில் அழுத்தமாக பதிந்தது. அதுமட்டுமல்லாமல் சமூக வலைத்தளங்களை திறந்தாலே ரீல்ஸ் என்ற பெயரில், மக்கள் அதனை recreate செய்து வருகின்றனர்.

தற்போது அந்த காட்சியின் மேக்கிங்கை நடிகர் சூரி தனது ட்விட்டர் பக்கத்தில் வெளியிட்டுள்ளார். அதில் அந்த வசனத்தை இயக்குனர் கூற அதை பேசும் போது இருவரும் பேசி சிரிப்பதும், அவர்களோடு சேர்ந்து படக்குழுவும் சிரிப்பதுமாக அந்த வீடியோ அமைந்துள்ளது. இந்த வீடியோ தற்போது இணையத்தில் வைரலாக பரவி வருகிறது. மேலும், அனுதீப் kv இயக்கத்தில் தற்போது சிவா கார்த்திகேயன் பிரின்ஸ் படத்தில் நடித்து வருகிறார் என்பது குறிப்பிடத்தக்கது.

Making of #IdakaOoAmcha from #Don

இத்திரைப்படத்தில் நடிகர் பிரஜினுக்கு ஜோடியாக வித்யா பிரதீப் நடித்திருக்கிறார். மேலும் இத்திரைப்படத்தில் சார்லி, வர்கீஸ் மேத்யூ உடன் மோகமுள் அபிசேஷ் உள்ளிட்ட பலரும் முக்கிய வேடத்தில் நடித்திருக்கின்றனர். 

“டி 3” திரைப்படத்தை பீமாஸ் என்டர்டெயின்மெண்ட் சார்பில் மனோஜ் மற்றும் ஜேகேஎம் புரோடக்‌ஷனில் சாமுவேல் காட்சன் ஆகிய இருவரும் இணைந்து தயாரித்துள்ளனர். இப்படத்துக்கு ஸ்ரீஜித் எடவானா இசையமைத்திருக்கிறார்.

ஒரே நாளில் நடக்கும் கதைகளை அம்சமாக கொண்டு உருவாகி இருக்கும் இத்திரைப்படத்தின் ஃபர்ஸ்ட் லுக் போஸ்டரை இயக்குனர் வெங்கட் பிரபு சமீபத்தில் வெளியிட்டு இருந்தார். 

மேலும் இத்திரைப்படம் குறித்து இயக்குனர் பாலாஜி கூறுகையில், நான் கேள்வி பட்ட உண்மை சம்பவம் பற்றியது, அதே சமயம் இதுவரையிலும் வெளிவராத சம்பவம் பற்றி இந்த கதையை உருவாக்கி இருக்கிறேன் அதனால் படம் ஆரம்பம் முதல் இறுதி வரை சுவாரஸ்யமாக இருக்கும் என்றார். 

இதையடுத்து தெரிவித்த அவர் சென்னையில் இருக்கும் ஒரு பிரபல மருத்துவமனைக்கு ஒரு நாள் வாடகை மட்டுமே இரண்டரை லட்சத்துக்கு இருப்பினும் அதனை செலுத்தி படப்பிடிப்பு நடத்துவதற்காக தயரான நிலையில் தான் இருந்தோம். ஆனால் அன்றைய நாளின் படப்பிடிப்புக்காக ஹைதராபாத்தில் இருந்து சென்னை வந்த நடிகர் வர்கீஸ் மேத்யூவுக்கு விமான நிலையத்திலேயே கோவிட் பாசிடிவ் உறுதியானதால் படப்பிடிப்பு தடையானது.

இதுபோல அனுபவங்கள் பல இருப்பினும் அதனையெல்லாம் கடந்து உருவாக்கப்பட்ட திரைப்படம் தான் டி 3. இப்படம் அனைவரும் பிடித்தமான வகையில் இருக்கும் என நம்புகிறேன் என்றார். 

பீஸ்ட் படத்தை தொடர்ந்து விஜய் நடித்து வரும் திரைப்படம் வாரிசு. இப்படம் தமிழ்,தெலுங்கு மொழிகளில் நேரடியாக வெளியாக இருக்கிறது. இத்திரைப்படத்தில் விஜய்க்கு ஜோடியாக நடிகை ராஷ்மிகா மந்தனா நடித்துள்ளார். முக்கிய கதாபாத்திரங்களில் சரத்குமார் பிரபு உள்ளிட்ட பலர் நடித்து வருகின்றனர்.

இத்திரைப்படத்தை பிரபல தயாரிப்பாளரான தில் ராஜு தயாரிக்கிறார். மேலும் இத்திரைப்படம் குடும்ப பின்னணியாக இருக்கும் என படக்குழு தெரிவித்திருக்கிறது. இதனை தொடர்ந்து ரசிகர்களின் எதிர்பார்ப்புகளுக்கு மத்தியில் விஜயின் பிறந்தநாளன்று வாரிசு -ன் ஃபர்ஸ்ட் லுக் போஸ்டர் வெளியானது.

இதனை தொடர்ந்து இந்த போஸ்டரை ஓட்டோ நிறுவனத்தின் விளம்பரத்தில் இருந்து காப்பி அடிக்கப்பட்டதாக சமூக வலைத்தளத்தில் புகைப்படம் வைரலானது. மேலும் இந்த சர்ச்சை குறித்து ஓட்டோ நிறுவனமானது விளக்கமளித்துள்ளது. 

அதில் தெரிவித்து இருப்பதாவது ஓட்டோவில் நாங்கள் அறிவுசார் சொத்துரிமை மீறலை எளிதாக எடுத்துக்கொள்ளா மாட்டோம். மேலே இருக்கும் புகைப்படம் எந்த வகையிலும் ஓட்டோவுடன் தொடர்புடையது அல்ல.பொழுதுபோக்கிற்காக மட்டுமே மீம் கிரியேட்டர்கள் உருவாக்கி உள்ளனர். வாரிசு அணிக்கு எங்கள் மணமார்ந்த வாழ்த்துக்கள் என அதனை தெரிவித்துக் கொள்கிறோம் என்றன்

பிரபல பாடகியான சின்மயி அனைவர்க்கும் நன்கு பரிட்சயமான ஒரு முகம், இவர் பல நடிகைகளுக்கு பிண்ணனி குரல் கொடுத்து இருக்கிறார், அதிலும் குறிப்பாக நடிகை சமந்தாவிற்கு குரல் கொடுப்பதில் இவர் அதிக பிரபலமானவர். இவருடைய அதிகாரப்பூர்வ இன்ஸ்டாகிராம் பக்கம் முடக்கப்பட்டுள்ளது. பிரபலங்கள் மீதான பாலியல் துன்புறுத்தல்களை ஹேஷ் metoo என்பதன் மூலம் பல்வேறு குற்றச்சாட்டுகளை பிரபல பின்னணிப்பாடகி சின்மயி முன்வைத்து வந்தார்.

சமீபத்தில் இவருக்கு இரட்டைக் குழந்தைகள் பிறந்த நிலையில், இணையத்தில் அநாகரீகமான விமர்சனங்களுக்கு தொடர்ந்து உள்ளானார். இந்நிலையில் கொச்சையான புகைப்படங்களை அனுப்பியவர்கள் குறித்து தொடர்ந்து புகாரளித்து வந்ததால், தன் இன்ஸ்டாகிராம் கணக்கு முடக்கப்பட்டுள்ளதாக சின்மயி தெரிவித்துள்ளார்.

தென்னிந்திய சினிமா ரசிகர்களிடையே மிகவும் பிரபலமானவர் நடிகை சாய்பல்லவி. நடிப்பு, நடனம், என ரசிகர்களை கவர்ந்த சாய் பல்லவி வரிசையாக பல வெற்றிப்படங்களில் நடித்து வருகிறார். தற்போது சாய்பல்லவி நடிப்பில் ’கார்கி’ என்ற திரைப்படம் உருவாகியுள்ளது.

இப்படத்தை கௌதம் ராமச்சந்திரன் இயக்கியுள்ளார்.  சாய் பல்லவியின் பிறந்தநாளை முன்னிட்டு படத்தின் ஃபர்ஸ்ட் லுக் போஸ்டர் வெளியிடப்பட்டு சமூக வலைத்தளங்களில் வைரலானது.

இந்நிலையில் பிளாக்கி ஜெனி & மை லிஃப்ட் புட் புரொடக்ஷன்ஸ் உடன் இணைந்து கார்கி படத்தை சூர்யா, ஜோதிகா அவர்களின் 2 டி என்டர்டெயின்மென்ட் நிறுவனம் மூலம் வழங்க இருப்பதாக படக்குழுவினர் அறிவித்துள்ளனர்.