வழிகாட்டு நெறிமுறை:

2022 முதல் 2023ம் கல்வியாண்டிற்கான B.Ed., பட்டப்படிப்பு மாணவர் சேர்க்கைக்கான வழிகாட்டு நெறிமுறைகள் முன்னதாக வெளியிடப்பட்டன.

அக்.3-ம் தேதி வரை விண்ணப்பிக்கலாம்:

அந்த வகையில், B.Ed., படிப்புகளுக்கு இன்று முதல் அக்டோபர் 3ம் தேதி வரை இணையவழியில் விண்ணப்பிக்கலாம் என கல்லூரிக் கல்வி இயக்குனரகம் அறிவித்துள்ளது.

அக்.12-ம் தேதி கலந்தாய்வு:

அக்டோபர் 6ம் தேதி ரேங்க் பட்டியல் வெளியிடப்படும் எனவும் அக்டோபர் 12ம் தேதி முதல் கலந்தாய்வு தொடங்கும் எனவும் கூறப்பட்டுள்ளது.

69% இட ஒதுக்கீடு பின்பற்றப்பட வேண்டும்:

அனைத்து வகைக் கல்லூரிகளிலும் B.Ed., மாணவர் சேர்க்கை 69 சதவீத இடஒதுக்கீடு முறையில் பின்பற்றப்பட உள்ளது குறிப்பிடத்தக்கது.

இணையதளம்:

மேலும் அரசு கல்வியியல் கல்லூரிகள், உதவிபெறும் கல்வியியல் கல்லூரிகளில் சேர இதற்கென வெளியிடப்பட்ட http://www.tngasaedu.in இணையதளத்தை அணுகலாம் எனவும் கூறப்பட்டுள்ளது.

B.Ed., மாணவர் சேர்க்கை நாளை தொடக்கம்:

B.Ed., மாணவர் சேர்க்கைக்கான ஆன்லைன் விண்ணப்பம் நாளை முதல் தொடங்கிறது. தமிழக உயர் கல்வித்துறை கட்டுப்பாட்டில் செயல்படும் அரசு கல்வியியல் கல்லூரிகள் மற்றும் உதவி பெறும் கல்லூரிகளில், B.Ed., மாணவர் சேர்க்கைக்கு, அரசின் சார்பில், கவுன்சிலிங் நடத்தப்படுகிறது. 

அக்.3 வரை விண்ணப்பிக்கலாம்:

இந்நிலையில் 2022 ஆம் ஆண்டிற்கான B.Ed., மாணவர் சேர்க்கைக்கான ஆன்லைன் விண்ணப்பம் நாளை முதல் தொடங்குகிறது.  http://www.tngasaedu.in என்ற இணையதளத்தில் நாளை முதல் அக்டோபர் 3-ம் தேதி வரை விண்ணப்பிக்கலாம் என்றும், அக்டோபர் 6-ம் தேதி தரவரிசைப் பட்டியல் வெளியிடப்படும் எனவும் தெரிவிக்கப்பட்டுள்ளது.

8,000 எம்.பி.பி.எஸ்., இடங்கள்:

தமிழகத்தில் உள்ள அரசு மற்றும் தனியார் மருத்துவ கல்லுாரிகளில் சுமார் 8,000 எம்.பி.பி.எஸ்., இடங்கள் மற்றும் பல் மருத்துவ கல்லுாரிகளில் உள்ள 2,000 மேற்பட்ட இடங்கள் உள்ளன. 

3-ம் தேதி வரை விண்ணப்பிக்கலாம்:

இந்த இடங்களுக்கு, 2022 - 23ஆம் கல்வியாண்டுக்கான எம்.பி.பி.எஸ்., - பி.டி.எஸ்., படிப்புகளுக்கு, இன்று முதல் அக்டோபர் 3-ம் தேதி வரை விண்ணப்பிக்கலாம் என அறிவிக்கப்பட்டுள்ளது. அதன்படி, நீட் தேர்வில் தேர்ச்சி பெற்ற மாணவர்கள், www.tnhealth.tn.gov.in, உள்ளிட்ட இணையதள முகவரிகளில் விண்ணப்பிக்கலாம். 

கலந்தாய்வு:

அரசு ஒதுக்கீடு மற்றும் நிர்வாக ஒதுக்கீடு இடங்களுக்கு தனித்தனியாக விண்ணப்பிக்க வேண்டும். சிறப்பு பிரிவு, 7.5 சதவீத ஒதுக்கீட்டு மாணவர்களுக்கு நேரடியாகவும், பொது பிரிவினருக்கு ஆன்லைனிலும், 'கலந்தாய்வு' நடைபெறும் என மருத்துவ கல்வி இயக்ககம் தெரிவித்துள்ளது. 

'கியூட்' இளங்கலை தேர்வு முடிவுகளை வெளியிட்டுள்ளது தேசிய தேர்வு முகமை.

QUET  தேர்வு:

நாடு முழுவதும் உள்ள மத்திய பல்கலைக் கழகங்களில் இளங்கலை, முதுகலை பட்டப் படிப்புகளில் மாணவர்கள் சேர்வதற்கான கியூட் தேர்வை மத்திய அரசு நடத்துகிறது. இதன்படி, நடப்பு கல்வி ஆண்டுக்கான கியூட் தேர்வு ஜூலை மாதம் 15 முதல் ஆகஸ்ட் 30 வரை 6 கட்டங்களாக நடைபெற்றது. இந்தியாவில் 259 நகரங்கள், இந்தியாவுக்கு வெளியே 9 நகரங்கள் என 489 மையங்களில், தேர்வு நடைபெற்றது. இந்த தேர்வை மொத்தம் 14 புள்ளி 9 லட்சம் பேர் எழுதினர்.

தேர்வு முடிவுகள்:

இதன் முடிவுகள் நேற்று இரவு 10 மணிக்கு வெளியாகும் என அறிவிக்கப்பட்டது. ஆனால், கியூட் இளங்கலை தேர்வு முடிவுகளை தேசிய தேர்வு முகமை இன்று அதிகாலை வெளியிட்டது. இதில், 30 பாடங்களில் 20 ஆயிரம் மாணவர்கள் 100 சதவீதம் மதிப்பெண் பெற்றுள்ளனர்.  குறிப்பாக, ஆங்கில பாடத்தில் 8 ஆயிரத்து 236 பேரும், அரசியல் பாட திட்டத்தில் 2 ஆயிரம் பேரும், வணிகப் பிரிவில் ஆயிரத்து 669 பேரும் 100 சதவீத மதிப்பெண் பெற்றுள்ளனர். 

எப்படி பார்ப்பது:

இதன் முடிவுகளை cuet.samarth.ac.in என்ற அதிகாரப்பூர்வ இணையதளத்தில் பதிவிறக்கம் செய்து கொள்ளலாம் என அறிவிக்கப்பட்டுள்ளது. விண்ணப்ப எண் மற்றும் பிறந்த தேதி உள்ளீடு செய்து முடிவுகளை பதிவிறக்கம் செய்து கொள்ளலாம் என்றும் தேசிய தேர்வு முகமை தெரிவிக்கப்பட்டுள்ளது. 

நாடு முழுவதும் உள்ள 612 மருத்துவ கல்லூரிகளில் காலியாக உள்ள 91 ஆயிரம் எம்.பி.பி.எஸ் இடங்களுக்கு நீட் தேர்வானது கடந்த ஜூலை 17ஆம் தேதி நடைபெற்றது.  இதனை சுமார் 18 லட்சத்து 72 ஆயிரம் மாணவர்கள் எழுதியிருந்தனர். இதற்கென நாடு முழுவதும் 3 ஆயிரத்து 570 தேர்வு மையங்கள் அமைக்கப்பட்டிருந்தன. 

இந்த நிலையில் இந்த தேர்வு முடிவுகள் இன்று மதியத்திற்கு பிறகு வெளியாக உள்ளதாக தேசிய தேர்வு முகமை அறிவித்துள்ளது.  தேர்வு முடிவுகளை முகமையின் அதிகாரப்பூர்வ வலைதள பக்கமான neet.nta.nic.in என்ற இணைய பக்கத்தில் மாணவர்கள் பார்த்து கொள்ளலாம் என கூறப்பட்டுள்ளது. முன்னதாக கடந்த ஆகஸ்ட் 31ம் தேதி நீட் தேர்வுக்கான விடைத்தாள் வெளியான நிலையில், அது சரிபார்க்கப்பட்டு இன்று தேர்வு முடிவுகளுக்கு முன்னதாகவே இறுதி விடைத்தாள் வெளியிடப்படும் என தெரிவிக்கப்பட்டுள்ளது. 

இதுவரை நீட் தேர்வில் ஒரே மதிப்பெண் பெற்ற மாணவர்களுக்கு வயது மூப்பு அடிப்படையில் இறுதி மதிப்பெண் நிர்ணயிக்கப்பட்ட நிலையில், நடப்பாண்டு ஒரே மதிப்பெண் பெறுவோருக்கு உயிரியல் மதிப்பெண் அடிப்படையிலும்,  அதைத்தொடர்ந்து வேதியல் மதிப்பெண் அடிப்படையிலும் முன்னுரிமை அளிக்கப்பட்டுள்ளது.