தமிழ்நாடு சட்டமன்ற பேரவை சார்பில் சட்டமன்ற நாயகர் கருணாநிதி என்ற தலைப்பில் பள்ளி கல்லூரி மாணவ மாணவியர்களுக்கு மாநில அளவிலான பேச்சு போட்டி தொடங்கப்பட்டது.

சென்னை நுங்கம்பாக்கத்தில் உள்ள லயோலா கல்லூரியில் தமிழ்நாடு சட்டமன்ற பேரவை செயலகம் சார்பில் கலைஞர் நூற்றாண்டு விழாவை முன்னிட்டு சட்டமன்ற நாயகர் கருணாநிதி என்ற தலைப்பில் மாநில அளவிலான பள்ளி கல்லூரி மாணவ மாணவியர்களுக்கு பேச்சுப்போட்டி தொடங்கப்பட்டுள்ளது. இதற்காக, மாவட்டம் தோறும் போட்டிகள் நடைபெற்று மாவட்டத்திற்கு மூன்று பேர் தேர்வு செய்யப்பட்டு சென்னையில் இறுதிப்போட்டி நடத்த திட்டமிடப்பட்டுள்ளது.

மாவட்ட அளவில் தேர்வாகும் மூன்று நபர்களில் முதல் பரிசு பெறுபவர்களுக்கு ரூபாய் 3000 இரண்டாம் பரிசு பெறுவதற்கு 2000 மூன்றாம் பரிசு பெறுவோருக்கு 1000 ரூபாய் பரிசுத் தொகையும் சான்றிதழ்களும் வழங்கப்பட உள்ளது.

இந்நிகழ்வில் பேசிய சிறுபான்மை நல ஆணையத் தலைவர் பீட்டர் அல்போன்ஸ், பல துறைகளுக்கு செல்ல நினைக்கும் மாணவர்கள் சட்டமன்றத்துக்கும் செல்ல திட்டமிட வேண்டும். கருணாநிதியின் சட்டமன்ற நினைவுகளை மாணவர்கள் தெரிந்து கொண்டால் அதன் விருப்பம் அதிகரிக்கும் என்றார்.

மேலும் தாம் சட்டமன்ற உறுப்பினராக செல்ல வேண்டும் என கல்லூரி நாட்களில் விரும்பியதாகவும் மத்திய அரசின் முதுநிலை மருத்துவ நுழைவுத் தேர்வு வேண்டாம் என முதலில் குரல் கொடுத்தவர் கருணாநிதி. இன்று அதில் மாற்றம் வந்து இருக்கிறது என்றும் தெரிவித்தார். 

தொடர்ந்து பேசிய தமிழ்நாடு சட்டமன்ற பேரவை தலைவர் அப்பாவு, வாழ்நாள் முழுவதும் சட்டமன்ற உறுப்பினராக இருந்து மறைந்தவர் கருணாநிதி. பெண்களுக்கு சொத்தில் உரிமை, பலர் பட்டதாரிகளாக மாறி இருப்பதற்கும், தமிழகத்தில் பட்டம் பெற்றவர்கள் சதவீதம் 51ஆக இருக்க கருணாநிதி தான் முதன்மை காரணம் என தெரிவித்த அவர், சந்திராயன், இஸ்ரோவில் இருக்கும் தமிழர்கள் இன்று சாதித்தற்கு பெருமை திராவிட மாடல் ஆட்சிதான் எனவும் சமச்சீர் கல்வியும், சாமானிய மக்களுக்கும் கல்வி என்ற கருணாநிதியின் இலக்கு தான் காரணம் எனக் கூறினார். 

மேலும், சமூகநீதிக்கு முதல் புள்ளி தமிழகம் வைத்து இருக்கிறது என்றும் ஜாதி, மதம் தவிர்த்து தமிழர், இந்தியன் என மாணவர்கள் பயணிக்க வேண்டும் என்றும் தெரிவித்தார். இந்நிகழ்ச்சியில் சட்டமன்ற துணை சபாநாயகர் பிச்சாண்டி,தலைமை கொறடா கோவி செழியன், சட்டமன்ற உறுப்பினர்கள் மற்றும் லயோலா கல்லூரி மாணவர்கள் கலந்து கொண்டனர்.

இதையும் படிக்க: 2 வாரங்களுக்கு இபிஎஸ் பற்றி உதயநிதி பேசக் கூடாது!!

சென்னை பள்ளிகளில் எந்த விதியின் கீழ் பட்டதாரி ஆசிரியர் பணியிடங்கள் நிரப்பப்படுகின்றன என மாநகராட்சி ஆணையர் விளக்கம் அளிக்க உயர் நீதிமன்றம் உத்தரவிட்டுள்ளது

பட்டதாரி ஆசிரியராக பதவி உயர்வு வழங்கக் கோரி சென்னை  மாநகராட்சி தொடக்கப் பள்ளி இடைநிலை ஆசிரியர் தாக்கல் செய்த வழக்கை விசாரித்த நீதிபதிகள் சுரேஷ்குமார் மற்றும் குமரேஷ்பாபு அமர்வு, சென்னை மாநகராட்சி சார்பில் எத்தனை நடத்தப்படுகின்றன?. அந்த பட்டதாரி ஆசிரியர் பணியிடங்களில் எத்தனை காலியாக உள்ளன?. கடந்த 10 ஆண்டுகளாக காலியாக உள்ள 400 பட்டதாரி ஆசிரியர் பணியிடங்களை, தகுதியான ஆசிரியர்களுக்கு பதவி உயர்வு வழங்கி நிரப்ப நடவடிக்கை எடுக்காதது ஏன்?. என  அறிக்கை தாக்கல் செய்ய சென்னை மாநகராட்சி ஆணையருக்கும், கல்வித்துறை துணை ஆணையருக்கும் நீதிபதிகள் உத்தரவிட்டிருந்தனர்.

இந்த வழக்கு மீண்டும் விசாரணைக்கு வந்த போது, மாநகராட்சி ஆணையர் தரப்பில் தாக்கல் செய்யப்பட்ட அறிக்கையில், 119 ஆரம்ப பள்ளிகள் 92 நடுநிலை பள்ளிகள், 38 உயர் நிலை பள்ளிகள், 32 மேல்நிலை பள்ளிகள் ஆகியவற்றை மாநகராட்சி நடத்துவதாகவும், 1,345 பட்டதாரி ஆசிரியர் பணியிடங்கள் உள்ளன என்றும் தெரிவிக்கப்பட்டுள்ளது.

மேலும், காலிப்பணியிடங்களில் 50 சதவீதம் பதவி உயர்வு மூலமும், மீதமுள்ளவற்றை ஆசிரியர் தேர்வு வாரியத்தின் நேரடி தேர்வு மூலமாகவும், பணியிடமாற்றம் மூலமாகவும் நிரப்பப்படுவதாக தெரிவிக்கப்பட்டு இருந்தது. 

இதையடுத்து, சென்னை மாநகராட்சி பள்ளிகளில் எந்த விதியின் கீழ் பட்டதாரி ஆசிரியர் பணியிடங்கள் நிரப்பப்படுகின்றன? எந்த விதிகளும் இல்லாவிட்டால் எந்த அடிப்படையில் பணி நியமனங்கள் மேற்கொள்ளப்படுகின்றன? இடமாற்றம் மூலமாக நியமிப்பதாக இருந்தால் அதற்கு எந்த பணி விதி ஒப்புதல் அளிக்கிறது? என்பன உள்ளிட்ட கேள்விகளை எழுப்பி, அதற்கு விளக்கம் அளிக்க மாநகராட்சி ஆணையருக்கு உத்தரவிட்ட நீதிபதி, வழக்கின் விசாரணையை செப்டம்பர் 25ஆம் தேதிக்கு தள்ளிவைத்தார்.

இதையும் படிக்க   | மகளிர் உரிமை தொகை விண்ணப்பித்தும் கிடைக்காத பெண்கள்..!

அண்ணா பல்கலைக்கழக உறுப்புக் கல்லூரிகளில் நிரந்தர ஆசிரியர்களை நியமிக்காதது குறித்து கேள்வி எழுப்பிய சென்னை உயர்நீதிமன்றம், தற்காலிக ஆசிரியர்களை நிரந்தரம் செய்வதில் உள்ள சிக்கல் என்ன என்பது குறித்தும் அறிக்கை தாக்கல் செய்ய அண்ணா பல்கலைக்கழகத்துக்கு உத்தரவிட்டுள்ளது.

அண்ணா பல்கலைக்கழகத்தின் உறுப்பு கல்லூரிகளில் கடந்த 2010 - 11ம் ஆண்டுகளில் தற்காலிக அடிப்படையில் ஆசிரியர்கள் நியமிக்கப்பட்டனர்.  ஒப்பந்த அடிப்படையில் நியமிக்கப்பட்ட இவர்களுக்கு மாதம் 20 ஆயிரம் ரூபாய் தொகுப்பூதியமாக வழங்கப்பட்டு வருகிறது.

உதவிப் பேராசிரியர்களுக்கான பணியை செய்து வரும் தற்காலிக ஆசிரியர்கள், பணி வரன்முறை செய்யக் கோரியும், ஏற்கனவே நியமிக்கப்பட்ட தற்காலிக ஆசிரியர்களுக்கு பணிப்நிரந்தரம் வழங்காமல், புதிதாக தற்காலிக ஆசிரியர்கள் தேர்வுக்காக வெளியிடப்பட்ட அறிவிப்பாணையை எதிர்த்தும் சென்னை உயர் நீதிமன்றத்தில் வழக்குகள் தொடரப்பட்டன.

புதிதாக தற்காலிக ஆசிரியர்களை நியமிக்க கூடாது என கூறியதுடன், மனுவை தள்ளுபடி செய்து தனி நீதிபதி உத்தரவிட்டார். இந்த உத்தரவை எதிர்த்து தற்காலிக ஆசிரியர்கள் தாக்கல் செய்த மேல்முறையீடு வழக்கு, நீதிபதிகள் சுரேஷ்குமார் மற்றும் குமரேஷ் பாபு அமர்வில் விசாரணைக்கு வந்தன.

அப்போது, தற்காலிக ஆசிரியர்களை நியமிக்க கூடாது என்ற தனி நீதிபதி உத்தரவுக்கு மாறாக தற்போது ஒப்பந்த அடிப்படையில் தற்காலிக ஆசிரியர்கள் தேர்வுக்கு விண்ணப்பங்களை வரவேற்று, அண்ணா பல்கலைக்கழகம், கடந்த ஆகஸ்டில் அறிவிப்பாணை வெளியிட்டதாகவும், அதற்கு உயர் நீதிமன்றம் தடை விதித்துள்ளதாகவும் நீதிபதிகளின் கவனத்துக்கு கொண்டு வரப்பட்டது.

நிர்வாக காரணங்களுக்காக தற்காலிக அடிப்படையில் ஆசிரியர்கள் நியமிக்கப்படுவதாக அண்ணா பல்கலைக்கழகம் தரப்பில் முன்வைத்த வாதத்தை ஏற்க மறுத்த நீதிபதிகள், ஒரே காரணத்துக்காக 10 - 12 ஆண்டுகளாக தற்காலிக ஆசிரியர்களை நியமித்து வருவதாகவும்,  நிரந்தர ஆசிரியர்கள் இல்லாமல் இந்த கல்வி நிறுவனங்களை செயல்பட அனுமதிக்க முடியாது எனத் தெரிவித்தனர். 

மேலும், நிரந்தர ஆசிரியர்களை நியமிக்கும் விஷயத்தில் அண்ணா பல்கலைக்கழகத்தின் நிலைப்பாடு என்ன? 12 ஆண்டுகளாக தற்காலிக ஆசிரியர்களாக உள்ளவர்களை பணி நிரந்தரம் செய்ய என்ன சிக்கல் உள்ளது? தற்காலிக ஆசிரியர்களை நிரந்தரம் செய்ய தயங்குவதேன்? நிரந்தர ஆசிரியர்களை நியமிக்க ஏன் நேரடி தேர்வு நடத்த முடியாது? எனக் கேள்விகளை எழுப்பிய நீதிபதிகள், செப்டம்பர் 26ம் தேதிக்குள் இந்த கேள்விகளுக்கு பதிலளித்து அறிக்கை தாக்கல் செய்யும்படி, அண்ணா பல்கலைக்கழகத்துக்கு உத்தரவிட்டு, வழக்கின் விசாரணையை தள்ளிவைத்தனர்.

இதையும் படிக்க: திமுக எம்.பிக்கள் கூட்டத்தில் முக்கிய ஆலோசனை...!

அக்டோபர் மாதம் ஒன்பதாம் தேதி சென்னையில் மாற்றுத் திறனாளிகளுக்கான வேலை வாய்ப்பு முகாம் நடைபெறவுள்ளது.

மாற்றுத்திறனாளிகளுக்கான  வேலை வாய்ப்பு கண்காட்சி சென்னையில் 9 அக்டோபர் 2023 திங்கட்கிழமை அன்று நடைபெறவுள்ளது.   Naukri.com, NHRD சென்னை, NHRD புனே மற்றும் ரோட்டரி கிளப் ஆஃப் மெட்ராஸ் ஆகியவற்றுடன் இணைந்து எபிலிட்டி பவுண்டேஷன் இணைந்து இந்த வேலைவாய்ப்பு முகாமை நடத்துகிறது.

குறைந்த பட்சம்   பட்டதாரியான மாற்றுத்திறனாளி எவரும் வேலைவாய்ப்புக்காக பதிவு செய்துகொள்ளலாம் எனவும்,  மேலும், இதற்கான பதிவு இலவசம்  என்றும்,   பதிவு செய்வதற்கான கடைசி தேதி  25 செப்டம்பர் 2023  எனவும் தெரிவிக்கப்பட்டுள்ளது.  

பதிவு செய்ய மற்றும் மேலும் விவரங்களுக்கு www.abilityfoundation.org  என்ற இணையதள முகவரி  அல்லது   8939675544  என்ற எண்ணை தொடர்பு கொள்ளலாம்.  மேலும், பங்கேற்க விரும்பும் தேர்வாளர்கள் தங்களது விவரங்களை employability@abilityfoundation.org என்ற மின்னஞ்சல் முகவரிக்கு அனுப்பலாம்.

திறன் அறக்கட்டளை என்பது 1995 இல் நிறுவப்பட்ட சென்னையை தலைமையிடமாகக் கொண்டு செயல்பட்டு வரும் இந்த நிறுவனம்,  எபிலிட்டி ஃபவுண்டேஷன், வெளியீடு, ஊடகம், கல்வி, வேலைவாய்ப்பு மற்றும் வேலைவாய்ப்பு தொடர்பான பயிற்சி, வழக்கறிஞர், சட்டம் & பொதுக் கொள்கை மற்றும் மனித உரிமைகள் உள்ளிட்ட பல்வேறு செயல்பாடுகளில் ஈடுபட்டுள்ளது. 

அக்டோபர் 9, 2023 அன்று, சென்னையில் வேலைவாய்ப்பு - சம வாய்ப்பு வேலைவாய்ப்பு கண்காட்சி நடைபெற உள்ளது. திறன் அறக்கட்டளையால் ஏற்பாடு செய்யப்பட்டு, அங்கீகரிக்கப்பட்ட நிறுவனங்களில் சரியான அணுகல் விதிமுறைகளுடன் சரியான வேலைகளைத் தேடும் தகுதியுள்ள மாற்றுத்திறனாளிகளின் பன்முகத்தன்மை, சமத்துவம் மற்றும் உள்ளடக்கத்தை ஆதரிக்கும் வகையில்,  இந்த வேலைவாய்ப்பு நடத்தப்படவுள்ளது. 

இதையும்  படிக்க   |  அரசு கலைக் கல்லூரிகளில் விண்ணப்பிக்க கால அவகாசம் நீட்டிப்பு ..!

தமிழ்நாட்டில் அரசு கலை மற்றும் அறிவியல் கல்லூரிகளில் உள்ள காலி இடங்களுக்கு விண்ணப்பிக்க கால அவகாசம் நீட்டிக்கப்பட்டுள்ளது.

முதலாமாண்டு சேர்வதற்கு செப்டம்பர் 12 முதல் மூன்று நாள்களுக்கு விண்ணப்பிக்கலாம் என்று உயர்கல்வித் துறை தெரிவித்துள்ளது.

இதுகுறித்து வெளியிட்டுள்ள அறிக்கையில், தமிழ்நாட்டில் உள்ள 164 அரசு கலை மற்றும் அறிவியல் கல்லூரிகளில் சில அரசு கல்லூரிகளில் மாணாக்கர் சேர்க்கைக்கான இடங்கள் முழுமையாக நிரப்பப்படாமல் சில பாடப்பிரிவுகளில் காலியாக உள்ளன. 

இதையொட்டி கால அவகாசம் நீட்டிக்கப்படுவதாக அறிவிக்கப்பட்டுள்ளது. 

இதையும் படிக்க   | "உதயநிதி தலைக்கு விலை வைத்தவர் போலி சாமியார்" அண்ணாமலை பேச்சு!!