குளித்தலை அருகே கோவில் திருவிழாவில் பட்டியல் இன சமூக இளைஞரை கோவிலுக்குள் அனுமதிக்காததால் ஏற்பட்ட பிரச்சனையை தொடர்ந்து தற்காலிகமாக கோவிலை அதிகாரிகள் இழுத்துப் பூட்டியுள்ளனர்.

கரூர் மாவட்டம், குளித்தலை அருகே வீரணம்பட்டியில் காளியம்மன் கோவில் உள்ளது. இக்கோவிலின் வைகாசி திருவிழா தற்போது நடைபெற்று வருகிறது. கோவிலைச் சுற்றியுள்ள 8 கிராமங்களை சேர்ந்த மக்கள் கொண்டாடும் திருவிழாவில், கோவில் அமைந்திருக்கும் உள்ளூரான வீரணம்பட்டியில் பட்டியலின சமூகத்தைச் சேர்ந்த 80 குடும்பத்தினர் வசித்து வருகின்றனர்.

இந்த ஊரில் பெரும்பான்மையாக வாழும் குறிப்பிட்ட சமூகத்தை சேர்ந்த மக்கள் 200 குடும்பத்தினரும் வசித்து வருகின்றனர். அப்பகுதியில் தொடர்ச்சியாக சாதிய பிரச்சனைகள் இருந்து கொண்டே இருப்பதாக கூறப்படுகிறது. மேலும் பட்டியல் இன சமூகத்தினர் கோவிலுக்குள் நுழைவதை அனுமதிப்பதில்லை என்ற குற்றச்சாட்டும் வைக்கப்படுகிறது. இந்நிலையில் நேற்று நடந்த திருவிழாவில் கோவிலுக்குள் சென்ற பட்டியலின இளைஞரை கோவிலுக்குள் வரக்கூடாது என்று தடுத்து வெளியே தள்ளியிதாக தெரிகிறது. சாமி கும்பிட்டு விட்டு திருநீர் கேட்ட போதும் கொடுக்க மறுத்ததாக கூறப்படுகிறது. 

இந்த சம்பவத்தையடுத்து இரு பிரிவினருக்கும் இடையே பிரச்சனை ஏற்பட்டது. இது குறித்து தகவல் அறிந்த கடவூர் வட்டாட்சியர் முனிராஜ், கரூர் மாவட்ட ஏடிஸ்பி மோகன், குளித்தலை டிஸ்பி ஸ்ரீதர் தலைமையில்  அதிகாரிகள் அங்கு சென்று  இச்சம்பவம் குறித்து விசாரணை மேற்கொண்டனர்.

அப்போது குறிப்பிட்ட அந்த சமூகத்தினர் பட்டியல் இன மக்களை கோவிலுக்குள் வழிபாடு செய்ய அனுமதிக்க மாட்டோம் என்றும் கூறியுள்ளனர் என அடுத்து கோவில் திருவிழாவை நிறுத்தி கோவிலை பூட்டுவதாக அதிகாரிகள் தெரிவித்தனர். அப்போது குறிப்பிட்ட அந்த சமூகத்தினர் கோவிலை பூட்டக்கூடாது எனவும், கோவிலுக்குள் எங்களை அனுமதிக்க வேண்டும் என பட்டியலின மக்களும் சாலை மறியல் போராட்டத்தில் ஈடுப்பட்டனர்.

இதனை அடுத்து இரு தரப்பினரிடமும் பேசிய அதிகாரிகள் இப்பிரச்சனையை சுமூகமாக பேசி தீர்த்துக் கொள்ளலாம் எனவும் அதுவரை கோவிலை தற்காலிகமாக பூட்டுவதாகவும் கூறி கோவில் திருவிழாவை நிறுத்தி கோவிலுக்கு பூட்டு போட்டனர்  இந்த சம்பவம் காரணமாக காளியம்மன் கோவில் தற்காலிகமாக இழுத்து பூட்டப்பட்டுள்ளது. மேலும் இது குறித்து அதிகாரிகள் இரு தரப்பினருடையே பேச்சுவார்த்தை நடத்தி வருகின்றனர்

இதையும் படிக்க:அதிமுகவினர் மீதான வழக்கை ரத்து செய்யக்கோாிய மனு தள்ளுபடி!

சென்னை மெட்ரோ ரயில் இரண்டாவது கட்டப் பணிகள் மாதவரம் வேணுகோபால் நகரில் முதல் சுரங்கம் தோண்டும் இயந்திரம் பணியை இன்று நிறைவு செய்தது.

சென்னையில் இரண்டாம் கட்டமாக ரூ.61, 841 கோடி மதிப்பில் 118.9 கிலோ மீட்டர் தொலைவில் 3 வழித்தடங்களில் மெட்ரோ ரெயில் திட்டப்பணிகள் நடைபெற்று வருகிறது. இவற்றில் மாதவரம்- சிறுசேரி சிப்காட் வரையிலான 3-வது வழித்தடத்தில், மாதவரம்-தரமணி வரை பாதையில் சுரங்க ரெயில் நிலையங்கள் அமைக்கும் பணி நடந்து வருகிறது.

இந்தப்பாதையில் மாதவரம்-பெரம்பூர், அயனாவரம்- கெல்லீஸ், கீழ்ப்பாக்கம் மருத்துவக் கல்லூரி - ராயப்பேட்டை, ராதாகிருஷ்ணன் சாலை - அடையாறு, அடையாறு- தரமணி, கொளத்தூர் - நாதமுனி என 6 தொகுப்புகளை பிரித்து பணிகள் நடந்து வருகிறது.

மாதவரம்-சோழிங்கநல்லூர் வரையிலான பாதையில் முக்கியமான பணியான முதல் சுரங்கம் தோண்டும் பணியை கடந்த ஆண்டு அக்டோபர் 13-ந்தேதி மாதவரத்தில் முதல்-அமைச்சர் மு.க.ஸ்டாலின் தொடங்கி வைத்தார். எஸ்.98 எண் கொண்ட ஆனைமலை என்ற பெயர் கொண்ட சுரங்கம் தோண்டும் எந்திரம் (டணல் போரிங் எந்திரம்) சுமார் 1 கிலோ மீட்டர் தூரம் சுரங்கம் தோண்டும் பணியை முடித்து கொண்டு வேணுகோபால் நகர் ரெயில் நிலையத்தை இன்று  மாலை 4.15 மணி அளவில் வந்தடைந்தது. 

தொடர்ந்து இந்த பாதையில் 2-வது சுரங்கம் தோண்டும் எந்திரம் பணியில் ஈடுபட்டு வருகிறது. மாதவரம்- சிப்காட் வரை 47 கி.மீ. நீளம் அமையவுள்ள தடத்தில் 30 சுரங்க ரெயில் நிலையங்கள் உள்பட 50 மெட்ரோ ரெயில் நிலையங்கள் வர உள்ளன. சென்னையில் நடைபெறும் மெட்ரோ ரெயில் திட்டத்தில் இரட்டை சுரங்கங்கள் தோண்டுவதற்காக 23 சுரங்கம் தோண்டும் எந்திரங்கள் பயன்படுத்தப்பட உள்ளன.

வரும் 2026-ம் ஆண்டுக்குள் இப்பணிகளை முடிக்கத் திட்டமிடப்பட்டுள்ளது என்று மெட்ரோ ரெயில் நிர்வாகம் தரப்பில் தெரிவிக்கப்பட்டுள்ளது.

இதையும் படிக்க:"கருணாநிதி நூற்றாண்டு விழா" சாதனைகளை நினைவு கூர்ந்த தலைவர்கள்!

சீர்காழி சையது யாசின் மவுலானா தர்கா கந்தூரி விழாவில் அருகே இறைதூதர் நபிகள் நாயகத்தின் வம்சா வழியினர் வழிபாடு செய்தனர்.

மயிலாடுதுறை மாவட்டம் சீர்காழியை அடுத்த திருமுல்லைவாசலில் இஸ்லாமியர்களின் இறை தூதர் நபிகள் நாயகத்தின் வம்சா வழி பேரன் ஜமாலியா சையது யாசின் மவுலானா தர்கா அமைந்துள்ளது. தமிழகம் மற்றும் இலங்கை வாழ் முஸ்லிம்களின் ஆன்மிக குருவாக விளங்கிய இவர் இந்தியா மற்றும் கீழ்திசை நாடுகளில் இஸ்லாமிய ஆன்மிகத்தை பரப்பியவர். இறுதியாக மயிலாடுதுறை மாவட்டம் சீர்காழி  அருகே உள்ள திருமுல்லைவாசலில் 1964 ம் ஆண்டு நல்லடக்கம் செய்யப்பட்டார்.அங்கு அவருக்கு தர்க்கா அமைத்து வழிபட்டு வருகின்றனர். ஆண்டு தோறும் யாசின் மெளலானா இறையடி சேர்ந்த தினமான கந்தூரி விழா நடைபெறவது வழக்கம்.

அதன்படி இன்று நடைபெற்ற விழாவில் தஞ்சை, சென்னை, புதுக்கோட்டை உள்ளிட்ட பல்வேறு மாவட்டங்கள் பல்வேறு மாநிலங்களில் இருந்தும், இலங்கை, லண்டன், துபாய் உள்ளிட்ட வெளிநாடுகளில் இருந்தும் மவுலானவின் கலிபாக்கள், சீடர்கள், பக்தர்கள் கலந்துகொண்டனர். விழாவின் முக்கிய நிகழ்ச்சியான சந்தனக்கூடு வைபவம் இன்று விமர்சையாக நடைபெற்றது. சந்தன குடம் ஊர்வலமாக எடுத்துவரப்பட்டு சையது மவுலான சமாதியில் சந்தனம் பூசும் வைபவம் நடைபெற்றது. அதனை தொடர்ந்து சிறப்புத்துவா ஓதி வழிபாடு நடைபெற்றது. மேலும் மத நல்லினக்கத்தையும் ஒற்றுமையையும்  வெளிபடுத்தும் விதமாக அனைத்து மதங்களையும் சேர்ந்தவர்கள் உட்பட பல்லாயிர கணக்கானோர் பங்கேற்று வழிபாடு செய்தனர்.

https://youtu.be/wHMtOkdRPY0

இதையும் படிக்க:மல்யுத்த வீராங்கனைகள் போராட்டம் வாபஸ்!

ஏரியில் கழிவு நீர் கலப்பதாகவும், குடிக்க நல்ல தண்ணீர் வேண்டும் என்றும் அம்பத்தூர் வருவாய் குறைத்தீர் ஜமாபந்தி நிகழ்ச்சியில் சிறுவர்கள் மனு அளித்துள்ளனர்.

அம்பத்தூர் வட்டாட்சியர் அலுவலகத்தில் சென்னை மாவட்ட ஆட்சியர் அமிர்தஜோதி ஐ.ஏ.ஸ் மற்றும் வருவாய் தீர்வாக அலுவலர்கள் முன்னிலையில், நடைபெற்ற ஜமா பந்தி நிகழ்ச்சியில் கலந்து கொண்ட சென்னை மாவட்ட ஆட்சியரிடம் கொரட்டூரை சேர்ந்த குழந்தைகள் பேரணியாக வந்து கைகளில் புகார் மனுவை அளித்தனர். இனிவரும் காலங்களில் சுகாதாரமான குடிநீர் தேவை என்பதற்காக சிறுவர்கள் மாவட்ட ஆட்சியரிடம் கொரட்டூர் ஏரியில் கலக்கப்படும் கழிவுநீரை தடுக்க வேண்டும் என்றும் கூறினர். 

இந்நிகழ்ச்சியில் அம்பத்தூர் சுற்றுவட்டார பகுதிகளில் சுமார் 50க்கும் மேற்பட்டோர் மாவட்ட ஆட்சியரிடம் புகார் தெரிவித்து வருகின்றனர். இந்த நிகழ்ச்சியில் அம்பத்தூர் சட்டமன்ற உறுப்பினர் ஜோசப் சாமுவேல் உள்ளிட்ட வருவாய் துறை அதிகாரிகள் கலந்து கொண்டனர்.  குழந்தைகளிடம் மனுவை பெற்றுக் கொண்ட மாவட்ட ஆட்சியர் அமிர்த ஜோதி ஐ.ஏ.ஸ் அவர்கள் விரைவில் நடவடிக்கை எடுப்பதாக உறுதி அளித்ததன் பேரில் அனைவரும் அங்கிருந்து கலைந்து சென்றனர்.

இதையும் படிக்க:காவல்துறை உங்கள் நண்பன்; நண்பன் கடையில் டீ குடித்தால் காசு கொடுக்க வேண்டுமா?

உலக அளவில் முதன் முறையாக சூரிய ஒளி மின் வசதி மூலம் செயல்படும் நவீன வசதிகளுடன் கூடிய குளிர்சாதன இரண்டடுக்கு பேருந்து நிழற் கூடம் கலைஞர் கருணாநிதியின் நூறாவது பிறந்தநாள் விழாவை முன்னிட்டு தருமபுரியில் திறக்கப்பட்டுள்ளது.
    
தருமபுரி நாடாளுமன்ற உறுப்பினரின் தொகுதி மேம்பாட்டு நிதியிலிருந்து 58 இலட்ச ரூபாய் மதிப்பில்  கட்டப்பட்ட தமிழ்நாட்டில் முதல் முறையாக சூரிய ஒளி மின்சக்தி மூலம் இயங்கும் அதி நவீன வசதிகளுடன் கூடிய குளிர்சாதன இரண்டடுக்கு பேருந்து நிழற் கூடம் கலைஞர் கருணாநிதி அவர்களின் நூறாவது பிறந்த நாளை முன்னிட்டு திறந்து வைக்கப்பட்டது.

தருமபுரி நாடாளுமன்ற உறுப்பினர் மருத்துவர் செந்தில் குமார் முன்னிலையில் மாவட்ட ஆட்சியர் சாந்தி இந்த நிழற் கூடத்தை ரிப்பன் வெட்டி திறந்து வைத்தார். அதனை தொடர்ந்து நிழல் கூடத்தில் உள்ள வசதிகளை பார்வையிட்டார். இந்நிழல் கூடத்தில் குளிர்சாதன வசதியுடன் பயணிகளுக்கு இரண்டடுக்கு தளத்தில் இருக்கை வசதி. தானியங்கி பரிவர்த்தனை எந்திரம், ஏடிஎம் மையம், சிறப்பு அங்காடி, தானியங்கி சூரிய மின் சக்தி நிலையம், 24 மணி நேர கண்காணிப்பு கேமரா வசதி,  24 மணி நேரமும் இலவச வைஃபை வசதி ஆகிய வசதிகள் செய்யப்பட்டுள்ளன.

மேலும், அதிநவீன வர்த்தக விளம்பர எல்இடி பலகை. குளிர்சாதன பாதுகாக்கப்பட்ட தாய் சேய் பாலூட்டுஅறை. மினி நூலக வசதி, அரசின் ஈராண்டு சாதனைகள் குறித்த வாசகங்கள் தருமபுரி பண்பலை வானொலியை கேட்கும் வசதி, தொலைக்காட்சி பெட்டி, செல்பி பாயிண்ட். கார்டன் சீட் அவுட். செல் சார்ஜிங் பாயிண்ட் இவை அனைத்தும் அது நவீன நிழல் கூடத்தில் அமைக்கப்பட்டுள்ளது.

உலக அளவில் இத்தனை வசதிகளும் உள்ள பேருந்து நிழற் கூடம் அமைக்கப்படுவது இதுவே முதன்முறை என்பது குறிப்பிடத்தக்கது. இந்நிகழ்வில் மாவட்ட காவல் கண்காணிப்பாளர் ஸ்டீபன் ஜேசுபாதம், கூடுதல் ஆட்சியர் தீபனா விஸ்வேஸ்வரி, கிழக்கு மாவட்ட திமுக செயலாளர் தடங்கம் சுப்ரமணி, மற்றும் அரசு அதிகாரிகள் என பலர் கலந்து கொண்டனர்.

இதையும் படிக்க:ஒடிசா ரயில் விபத்து: "தலைகுனிவை ஏற்படுத்தி இருக்கிறது" திருமாவளவன் சாடல்!