தேனி மாவட்டம் பெரியகுளம் அருகே உள்ள அகமலை ஊராட்சிக்கு உட்பட்ட பகுதிகளான ஊரடி, ஊத்துக்காடு, கரும்பாறை, குறவன் குளி உள்ளிட்ட வனப்பகுதிகளில் பழங்குடி இனத்தை சேர்ந்த  37 குடும்பங்கள்  வீடுகள் இன்றி வாழ்ந்து வருகின்றனர். 

இவர்கள் சுதந்திரம் பெற்ற இந்தியாவில் கடந்த 70 ஆண்டுகளுக்கும் மேலாக  அரசால் வீட்டுமனை பட்டா எதுவும் வழங்காத நிலையில், மேற்குத் தொடர்ச்சி மலை பகுதிகளில் உள்ள  வனப்பகுதியில் குகைகள், பாறை இடுக்குகள் மற்றும் வனப்பகுதியில் குடிசைகள் அமைத்து வாழ்ந்து வருகின்றனர். 

எனவே பழங்குடியின மலைவாழ் மக்கள், தொடர்ந்து குடி இருக்க வீட்டுமனை பட்டா வழங்க வேண்டும் என கோரிக்கை விடுத்து வந்த நிலையில், தற்போது பெரியகுளம் அருகே உள்ள சோற்றுப்பாறை அணைக்கு மேல் பகுதியில் வருவாய்த்துறைக்கு சொந்தமான நிலத்தை தேர்வு செய்து அதில் பழங்குடியினத்தை சேர்ந்த 37 குடும்பங்களுக்கு வீட்டு மனை வழங்க வருவாய் துறையினர் நடவடிக்கை எடுத்து வருகின்றனர்.

இதுகுறித்து பழங்குடியின மலைவாழ் மக்கள், வீடின்றி வாழ்ந்து வரும் தங்களுக்கு இந்த இடத்தை தேர்வு செய்தது பெரும் மகிழ்ச்சி அளிப்பதோடு தங்களின் குழந்தைகள் இனிமேலாவது கல்வி கற்று தங்களின் வாழ்க்கை தரம் உயரும் என நம்பியுள்ளதாகவும் இந்த இடத்தில் அரசு விரைவாக வீடு கட்டி தங்களுக்கு வழங்க வேண்டும் எனவும் கோரிக்கை விடுத்துள்ளனர்.

இதையும் படிக்க : கோவை சம்பவம் எதிரொலி...! திருவண்ணாமலை கோவிலில் பாதுகாப்பு அதிகரிப்பு...!

கன்னியாகுமரி | புதுக்கடை அருகே கூட்டாலுமூடு கோவில் உள்ளது இந்த கோவிலின் முன்பக்கம் உள்ள சாலை வழியாக தேங்காய்பட்டணம் மீன்பிடி துறைமுகத்தில் இருந்து, மீன் ஏற்றி வந்த ஆட்டோ ஒன்று திடீரென கட்டுபாட்டை இழந்து சாலையில் தலைகுப்புற கவிழ்ந்து விபத்து ஏற்பட்டது.

இதனை கண்ட அக்கம்பக்கத்தினர் ஓடி வந்து சாலையில் கவிழ்ந்து கிடந்த ஆட்டோவை நிமிர்த்தபோது என்ஜின் செயல்பாட்டில் இருந்ததால் ஆட்டோ அதிவேகமாக அருகில் இருந்த பேரூராட்சி அலுவலகத்திற்குள் சென்று சுவரில் மோதி நின்றது.

இந்த விபத்தில் ஆட்டோவில் இருந்த பெண்மணி ஒருவருக்கு பலத்த காயம் ஏற்பட்டது. ஆட்டோ டிரைவர் மது போதையில் இருந்ததே விபத்திற்கு காரணம் என தெரியவந்துள்ளது.

மேலும் படிக்க | கனரக லாரியின் சிசிடிவி காட்சிகள் வைரல்...

திருவண்ணாமலை நகரில் உள்ள அருள்மிகு அருணாசலேஸ்வரர் திருக்கோவிலில் கோவை வெடிகுண்டு சம்பவம் எதிரொலியாக முன்னெச்சரிக்கை நடவடிக்கையாக பாதுகாப்பு கருதி மாவட்ட காவல் கண்காணிப்பாளர் கே.கார்த்திகேயன் உத்தரவின் பேரில் கூடுதல் காவல் கண்காணிப்பாளர் வெள்ளத்துரை தலைமையில் காவல்துறையினர் மோப்பநாய் உதவியுடன் திருக்கோவிலின் பல்வேறு இடங்களில் சோதனை செய்து வருகின்றனர்.

திருவண்ணாமலையில் உள்ள அருள்மிகு அருணாசலேஸ்வரர் திருக்கோவிலில் 10 நாட்கள் நடைபெறும் திருக்கார்த்திகை தீப திருவிழா நாளை கொடியேற்றத்துடன் தொடங்க உள்ள நிலையில் பல லட்சம் பக்தர்கள் திருக்கோவிலுக்கு வருகை தர உள்ளனர். இந்நிலையில் பக்தர்களின் பாதுகாப்பு கருதி கூடுதல் காவல் கண்காணிப்பாளர் வெள்ளத்துரை தலைமையில் மோப்பநாய் தென்றல் உதவியுடன் திருக்கோவிலின் ராஜகோபுரம், பக்தர்கள் கொண்டு வரும் பொருட்கள் வைக்கும் அறை, திருக்கோயில் ஐந்தாம் பிரகாரம், கோவில் கருவறை உள்ளிட்ட பல்வேறு இடங்களில் சோதனை நடைபெற்று வருகிறது.

கோவையில் நடைபெற்ற வெடிகுண்டு சம்பவம் எதிரொலியாக முன்னெச்சரிக்கை நடவடிக்கையாக இன்று முதல் 12 நாட்களுக்கு காலையும் மாலையும் அருள்மிகு அருணாசலேஸ்வரர் திருக்கோவில் வரும் பக்தர்கள் பலத்த சோதனைக்கு பிறகு கோயிலுக்குள் அனுமதிக்கப்படுகின்றனர். இதே நகரில் மத்திய பேருந்து நிலையம், ரயில்வே நிலையம், பொதுமக்கள் அதிகமாக கூடும் இடம் உள்ளிட்ட இடங்களில் மோப்பநாய் தென்றல் உதவியுடன் காவல்துறையினர் சோதனை நடத்த உள்ளனர்.

இதையும் படிக்க : தரமற்ற நிலக்கடலை விதைகள் விற்பனை...! விவசாயிகள் வேதனை....!

தமிழகத்தின் நெற்களஞ்சியமாக தஞ்சை மாவட்டம் விளங்கி வருகிறது. இங்கு குறுவை, சம்பா, தாளடி என 3 போகம் நெல் சாகுபடி நடைபெற்று வருகிறது. இதில் ஒரு பகுதியான காவிரி பாசன நீர் எட்டாத விளைநிலங்களில் மானாவாரி பயிரான கடலை, எள், உளுந்து, பாசிப்பயிர், கம்பு ஆகிய பயிர்களை விவசாயிகள் பயிரிட்டு வருகின்றனர். குறிப்பாக திருவோணம், ஒரத்தநாடு, மதுக்கூர், வடசேரி உள்ளிட்ட ஊர்களில்  விளைநிலங்களில் கடலையை அதிகமாக விவசாயம் செய்து வருகின்றனர். மானாவாரி பயிரான நிலக்கடலை விதைக்கும் பணி தற்போது மும்முறமாக நடைபெற்று வருகின்றன.

இந்நிலையில் தனியார் நிறுவனத்தில் 35 கிலோ கொண்ட நிலக்கடலை விதைகள் ரூ.4500 முதல் 4800 வரை விற்பனை செய்யப்படுகிறது. அதுவும் தரமற்ற விதைகளாக உள்ளன. எனவே, தமிழக அரசே தரமான விதைகளை விவசாயிகளுக்கு விற்பனை செய்ய வேண்டும், தரமற்ற விதைப்பொருகளை வழங்கும் தனியார் நிறுவனங்கள் மீது நடவடிக்கை எடுக்க வேண்டும் என கோரிக்கை விடுக்கின்றனர். தனியார் மூலம் கொள்முதல் செய்யப்பட்ட நிலக்கடலை விதைகள் முளைப்புத்திறன் இல்லாமல் உள்ளது, விளைநிலங்களில் பல ஆயிரம் ரூபாய் செலவு செய்து பலன் அளிக்காமல் உள்ளது என விவசாயிகள் வேதனைடன் தெரிவிக்கின்றனர்.  வேளாண்துறை நிலக்கடலை கொள்முதல் செய்து தரமான கடலை வழங்க வேண்டும் என விவசாயிகள் கோரிக்கை விடுக்கின்றனர். 

இதையும் படிக்க : ஞாபகம் வருதே... ஞாபகம் வருதே... ஐம்பது ஆண்டுகள் கழித்து மீண்டும் இணைந்த மாணவர்கள்..

திண்டுக்கல் | பழனி சாலையில் அரசு உதவி பெறும் ஐ டி ஓ மேல்நிலைப்பள்ளி கடந்த நூறாண்டுகளுக்கு மேலாக செயல்பட்டு வருகிறது. இப்பள்ளியில் இந்த 1974 ஆம் ஆண்டு முதல் முதல் 1976 ஆம் ஆண்டு வரை பயின்ற மாணவர்களின் சந்திக்கும்  விழா நடைபெற்றது.

இதில் 50 ஆண்டுகளுக்கு முன்னர் பயின்ற முன்னாள் மாணவர்கள் 300 க்கும்  மேற்பட்டோர் கலந்து கொண்டு தங்களின் பழைய நினைவுகளை பகிர்ந்து மகிழ்ச்சி அடைந்தனர். தங்களுக்கு பாடம் கற்றுக் கொடுத்த ஆசிரியர்களுக்கு மாலை அணிவித்து மரியாதை செய்து சிறப்பித்தனர்.

மேலும் படிக்க | வடிகால் வாய்க்காலுக்காக தோண்டப்பட்ட பள்ளம்...! புகார் மனு அளித்த வர்த்தக சங்கத்தினர்...!

இவர்களில் பெரும்பாலானோர் மருத்துவர்,  பொறியாளர், அரசு பணியில் உயர் பதவியில்  இருந்து ஓய்வு பெற்றவர்கள் ஆவர்.  இவர்கள் அனைவரும் தங்கள் மனைவி பேரக் குழந்தைகளுடன் கலந்து கொண்டு விழாவினை சிறப்பித்தனர். அனைவருக்கும் மதிய உணவு ஏற்பாடு செய்யப்பட்டிருந்தது.

மேலும் கல்வி கற்றுக்கொடுத்த ஆசிரியர்களிடம்  முன்னாள் மாணவர்கள் காலில் விழுந்து வணங்கி ஆசி பெற்று மரியாதை செலுத்தினர் இந்த சம்பவத்தால் நெகிச்சியை ஏற்படுத்து.

மேலும் படிக்க | மீண்டும் பள்ளிக்கு போகலாம்... நம்மை நாம் அங்கே தேடலாம்...