திருவண்ணாமலை மாவட்ட ஆட்சியர் அலுவலகத்தில் புயல், வெள்ளம், கட்டிட இடிபாடுகள், பூகம்பம் உள்ளிட்ட பல்வேறு பேரிடர் காலங்களில் விபத்தில் சிக்கிக்கொண்ட பொதுமக்களை எவ்வாறு மீட்க வேண்டும் என்று விழிப்புணர்வு ஏற்படுத்தும் வகையில் பேரிடர் மேலாண்மை படையினர் மாவட்ட ஆட்சியர் அலுவலகத்தில் விழிப்புணர்வு ஒத்திகை நடத்தினர்.

ராணிப்பேட்டை மாவட்டம் அரக்கோணம் பகுதியில் இருந்து 25 நபர்கள் கொண்ட பேரிடர் மேலாண்மை படையினர் மாவட்ட ஆட்சியர் அலுவலகத்தில் மாவட்ட ஆட்சியர் முருகேஷ் முன்னிலையில் பேரிடர் காலங்களில் பொதுமக்கள் சிக்கிக்கொண்டால் அவர்களை எவ்வாறு மீட்க வேண்டும் என்ற ஒத்திகையை செய்து காட்டினார்.

மேலும் படிக்க | ஸ்ரீரங்கம் கோவிலில் தீவிரவாத தடுப்பு நடவடிக்கை ஒத்திகை...

குறிப்பாக பெரிய கட்டிடங்களில் தீ விபத்து ஏற்பட்டால் கட்டிட சுவற்றை தலையிட்டு உள்ளே சிக்கிக் கொண்ட பொதுமக்களை எவ்வாறு மீட்க வேண்டும் என்றும், கட்டிடங்களில் மேல் தளத்திலிருந்து பொதுமக்களை கயிற்றின் மூலம் எவ்வாறு மீட்க வேண்டும் என்றும், அவர்களை மீட்ட பின்னர் அவர்களுக்கு மருத்து முதல் உதவி சிகிச்சை எவ்வாறு அளிக்க வேண்டும் என்று பல்வேறு ஒத்திகை நிகழ்ச்சிகளை செய்து காட்டினார்.

இது போன்ற விபத்துக்கள் நடைபெற்றால் பொதுமக்கள் விழிப்புடன் இருந்து கட்டிடங்களில் சிக்கியுள்ளவர்களையும், தீ விபத்தில் சிக்கிக் கொண்டவர்களை எவ்வாறு மீட்க வேண்டும் எனவும் ஒத்திகை நிகழ்ச்சி நடத்தி விழிப்புணர்வை ஏற்படுத்தினர்.

மேலும் படிக்க | அரசு மருத்துவமனையில் தீ தடுப்பு ஒத்திகை நடத்திய அதிகாரிகள்...

ஈரோடு | தமிழக மற்றும் கர்நாடக ஆகிய இரு மாநிலங்களை இணைக்கும் முக்கிய பாதையாக விளங்கும் திம்பம் மலைப்பாதையை அடுத்து தமிழக எல்லைப் பகுதியில் காரபள்ளத்தில் வனத்துறையினரின் சோதனை சாவடி அமைக்கப்பட்டுள்ளது.

வனவிலங்குகளை காப்பதற்காக, நீதிமன்ற உத்தரவுப்படி, இரவு நேர போக்குவரத்திற்கு தடை விதிக்கப்பட்டது. அதன் காரணமாக அன்றாடம் காலை 6 மணி முதல் போக்குவரத்து துவங்கும்.  காலை ஆறு மணியில் இருந்து அனைத்து வாகனங்களுக்கும் இந்த பாதையில் போக்குவரத்து அதிகமாக இருக்கும். 

மேலும் படிக்க | வெயிலுக்கு இதமாக குளியல் போடும் திருநள்ளாறு கோயில் யானை.

இந்நிலையில் தான் நேற்று இரவு கர்நாடக மாநிலம் மைசூரில் இருந்து பல்லடம் செல்வதற்காக மக்காச்சோளம் ஏற்றி வந்த ஒரு லாரி, சோதனை சாவடி அருகே பழுதாகி நின்றது. இதனால் மக்காச்சோளத்தை உண்பதற்காக காட்டுப்பகுதியில் இருந்து வெளியே வந்த ஒற்றைக் காட்டு யானை ஒன்று, அந்த லாரியை நெருங்கி நின்றது. 

ஒற்றை யானை நின்றதால், அச்சத்தின் காரணமாக, எந்த வாகனமும் செல்ல முடியாமல் அனைத்து வாகனங்களும் வரிசையாக நிறுத்தப்பட்டது. காலை 7.00 மணியிலிருந்து இரு மாநிலங்களில் இருந்து வந்த கனரக வாகனங்கள் மற்றும் அனைத்து வாகனங்களும் செல்ல முடியாமல் நீண்ட வரிசையில் நிறுத்தப்பட்டது.

மேலும் படிக்க | 40 அடி கிணற்றில் விழுந்த 2 கரடிகள்...  8 மணி நேரமாக போராடிய அதிகாரிகள்...

சுமார் 40 நிமிடங்களாக காட்டு யானை நடுரோட்டில் நின்று மக்காச்சோளத்தை உண்டு,  அங்கும் இங்கும் நடமாடுவதால் அனைவரும் பீதி அடைந்து, நகர செல்ல முடியாமல் காத்திருக்கின்றனர்.

வனத்துறையினர் சம்பவ இடத்திற்கு வந்து யானையை துரத்தும் முயற்சியில் ஈடுபட்டுள்ளனர்  பேருந்தில் வந்தவர்கள் அனைவரும் பேருந்தில் இருந்து இறங்கி, அதனை புகைப்படம் எடுத்தும் வருகின்றனர். அனைவரையும் வனத்துறையினர் விரட்டி வருகின்றனர்.

ஒற்றையானை என்பதால் தாக்கி விடக்கூடும் என்ற பயத்தால் வனத்துறையினர் தற்பொழுது அதனை துரத்தும் நடவடிக்கையில் ஈடுபட்டு வருகின்றனர்.

மேலும் படிக்க | தாயை இழந்து தவிக்கும் குட்டி யானைகள்... தீவிரமாக தேடும் வனத்துறையினர்...

ஈரோடு | கோபிசெட்டிபாளையம் அருகே உள்ள மொடச்சுரை சேர்ந்தவர் பூபதி. இவர் கோபி திருப்பூர் சாலையில் துணி கடை வைத்து நடத்தி வருகிறார். நேற்று இரவு இவர் வழக்கம் போல் கடையை பூட்டி விட்டு வீட்டிற்கு சென்றுவிட்டார்.

இன்று காலை கடைக்கு வந்த போது கடையின் மேலே இருந்த ஓடுகளை பிரித்து உள்ளே இறங்கிய கொள்ளையார் கடையில் வைத்து இருந்த பணத்தை கொள்ளையடித்து சென்று இருப்பது தெரிய வந்தது.

மேலும் படிக்க | வீட்டில் தனியாக இருந்த பெண்ணை மிரட்டி கொள்ளை...

அதே போன்று அருகே உள்ள உணவகம் ஒன்றிலும் மளிகை கடையிலும் இதே போன்று ஓடுகளை பிரித்து உள்ளே இறங்கிய கொள்ளையர் மூன்று கடைகளில் இருந்தும் சுமார் ஒரு லட்சம் ரூபாயை கொள்ளையடித்து சென்று இருப்பது தெரிய வந்தது.

இதுகுறித்து தகவல் அறிந்த கோபி போலீசார் சம்பவ இடத்திற்கு சென்று கொள்ளை சம்பவம் குறித்து விசாரணை நடத்தி வருகின்றனர்.

கோபியில் விடிய விடிய போக்குவரத்து உள்ள  பிரதான சாலையான கோபி - திருப்பூர் சாலையில் ஒரே இரவில் அடுத்தடுத்து 3 கடைகளில் ஓடுகளை பிரித்து உள்ளே இறங்கி கொள்ளையடிக்கப்பட்ட சம்பவம் பரபரப்பை ஏற்படுத்தியது.

மேலும் படிக்க | நீதிமன்றத்தில் சரணடைய வந்த குற்றவாளி தப்பி ஓட்டம்...

ஈரோடு | சத்தியமங்கலம் அடுத்த பவானிசாகரில் கீழ்பவானி அணை உள்ளது. இந்த அணையில் இருந்து  பவானி ஆறு மற்றும் கீழ் பவானி வாய்க்கால் செல்கிறது. இந்த அணையில் இருந்து விவசாயத்திற்கும், குடிநீர் தேவைக்கும் தண்ணீர் திறந்து விடப்படும்.

இந்த நிலையில் பவானிசாகர் கீழ் பவானி அணை நீரேற்று நிலையம் அருகே இன்று காலை நூற்றுக்கணக்கான மீன்கள் செத்து மிதந்து துர்நாற்றம் வீசியது. இச்சம்பவம் குறித்து பவானிசாகர் அணை மீன்வளத்துறை மற்றும் பொதுப்பணித்துறை அதிகாரிகளுக்கு தகவல் கொடுக்கப்பட்டது.

மேலும் படிக்க | மாவட்ட ஆட்சியா் திடீா் ஆய்வு...! அரசு மருத்துவமனையில் ஓராண்டாக பூட்டிகிடந்த ஸ்கேன் சென்டா் ...

இத்தகவலை அடுத்து அதிகாரிகள் சம்பவ இடத்திற்கு வந்து மீன்கள் இறப்புக்கான காரணம் குறித்து ஆய்வு செய்து விசாரணை நடத்தி வருகின்றனர்.

பவானிசாகர் கீழ்பவானி அணையில் இருந்து கீழ் பவானி வாய்க்காலில் திறந்து விடப்படும் தண்ணீரில்  வெள்ளை நிறத்தில், ரசாயனம் கலந்த வண்ணத்தில், தண்ணீர் வெளியேற்றப்பட்டு வருகிறது.

இந்த  ரசாயனம் கலந்த தண்ணீர் மேட்டுப்பாளையம் சிறுமுகை பகுதியில் இருந்து, பவானிசாகர் அணைக்கு வரும் ஆற்றில், அப்பகுதியில் உள்ள ஆலைகளில் இருந்து வெளியேற்றப்படும் கழிவு நீரால் மீன் இறப்புக்கு காரணமாக இருக்குமா என அதிகாரிகள் சந்தேகம் அடைந்துள்ளனர்.

மேலும் படிக்க | ஆணுடன் பைக்கில் சென்ற மனைவியை தள்ளி விட்ட கணவன்... மனைவி பலி...

நாகப்பட்டினத்தில் உள்ள தனியார் திருமண மண்டபத்தில் யாதவ ஆலோசனை மையத்தின் முப்பெரும் விழா நடைபெற்றது. இவ்விழாவில் தமிழ்நாடு அரசு பணியாளர் தேர்வாணைய இலவச வழிகாட்டி புத்தக தொகுப்பு 20 மாணவர்களுக்கு வழங்கப்பட்டது. மேலும் தையல் மெஷின் உள்ளிட்ட நலத்திட்ட உதவிகள் மற்றும் இலவச மணமாலை மணமகள் மணமகன் அறிமுக விழா உள்ளிட்ட நிகழ்ச்சிகள் நடைபெற்றது. 

மேலும் படிக்க | தமிழ்நாடு முழுவதும் அதிமுகவினர் இனிப்புகள் வழங்கி கொண்டாட்டம்...! 

இதை தொடர்ந்து செய்தியாளர் சந்தித்த இந்த அமைப்பின் மாநில உயர்மட்ட ஆலோசகர்  ராமசாமி அண்ணாதுரை கூறியதாவது 

விதவைப் பெண்களுக்கு தனி ஆணையம் அமைக்க வேண்டும், 

ஜாதி வாரி  கணக்கெடுப்பு எடுத்து முடிப்பதற்கு முன்னதாகவே யாதவ சமுதாயத்தை மிகவும் பிற்பட்டோர் பட்டியலில் சேர்க்க வேண்டும், 

அவர்களின் பொருளாதார நிலையை கருதி கொண்டு கால்நடை வளர்ப்பில் முன்னோடிகளாக திகழும் யாத சமுதாய மக்களுக்கு முன்னுரிமை அளிக்க வேண்டும் 

என அவர் கூறினார் இந்த முப்பெரும் விழாவில் தமிழகத்திலிருந்து நூற்றுக்கும் மேற்பட்டோர் கலந்து கொண்டனர். 

மேலும் படிக்க | வி.பி.ராமன் வாழ்ந்த பகுதிக்கு "வி.பி.ராமன் சாலை" எனப் பெயர்மாற்றம்!!!