கரூர் அருகே ஊரடங்கை மீறி சாலையில் சுற்றியர்களுக்கு மருத்துவகுழு உதவியுடன் கொரோனா பரிசோதனை செய்யப்பட்டது.  

குளித்தலை சுங்ககேட் அருகே போலீசார் ரோந்து பணியில் ஈடுபட்டிருந்தனர். அப்போது அந்த வழியாக தேவையின்றி வந்தவர்களை தடுத்து நிறுத்திய போலீசார் அவர்களுக்கு கொரோனா பரிசோதனை மேற்க்கொண்டனர். 

பரிசோதனையின் முடிவில் கொரோனா தொற்று இல்லை என்ற சான்றிதழ் அளித்தால் மட்டுமே இருசக்கர வாகனங்கள் திருப்பி அனுப்பபடும் என தெரிவித்தனர். மேலும் பறிமுதல் செய்யப்பட்ட இரு சக்கர வாகனங்கள் குளித்தலை காவல் நிலைய வளாகத்தில் நிறுத்தி வைக்கப்பட்டுள்ளன.

கிருஷ்ணகிரியில் தடுப்பூசி செலுத்தும் பணி நிறுத்தப்பட்டதால் பொதுமக்கள் பாதிப்பு அடைந்துள்ளனர். கிருஷ்ணகிரி மாவட்டத்தில் பல்வேறு இடங்களில் சிறப்பு முகாம்கள் அமைக்கப்படும் அரசு மருத்துவமனை, ஆரம்ப சுகாதார நிலையங்கள் என 20க்கும் மேற்பட்ட இடங்களில் தடுப்பூசி செலுத்தப்பட்டு வந்தது.

மாவட்டத்தில் இதுவரை மொத்தம் 2 லட்சத்து 31ஆயிரம் நபர்களுக்கு கொரோனா தடுப்பூசி செலுத்தப்பட்டுள்ள நிலையில், தற்பொழுது தடுப்பூசி இல்லாமல் தடுப்பூசி செலுத்தும் பணிகள் நிறுத்தப்பட்டு உள்ளது. 

இதனை அறியாத ஏராளமான மக்கள் மருத்துவமனைக்கு வந்து ஏமாற்றம் அடைந்து செல்வதுடன், மருத்துவர்கள் அறிவுறுத்தலின்படி குறுப்பிட்ட நாட்களில் ஊசி செலுத்திகொள்ள முடியா நிலை ஏற்பட்டு உள்ளதாக வருத்தம் தெரிவித்தனர்.

மதுரை வாடிப்பட்டியில் அதிமுக பிரமுகரின் பூட்டிய பேக்கரி கடையை பட்டா கத்தியுடன் வந்து அடித்து நொறுக்கி பொருட்களை சேதப்படுத்தும் மர்ம நபர்கள்-பதற வைக்கும் சி.சி.டி.வி காட்சிகள் வெளியீடு

மதுரை மாவட்டம் வாடிப்பட்டியில் அதிமுக பிரமுகர் அசோக்குமார் என்பவருக்கு சொந்தமான பேக்கரி கடை செயல்பட்டு விடுகிறது.  தற்போது கொரோனா முழு ஊரடங்கு காரணமாக கடை மூடப்பட்டிருந்தது. 

இந்த நிலையில் நேற்று மாலை கையில் பட்டா கத்தியுடன் பேக்கரி கடை வாசலில் நுழைந்த 4 பேர் கொண்ட மர்ம கும்பல் பட்டாகத்தியுடன் வந்து பேக்கரி கடை முன் போடப்பட்டிருந்த கண்ணாடிகளை அடித்து நொறுக்கியும், டேபிள், சேர்களை தூக்கிவீசியும், அந்த வளாகத்திலுள்ள அரசு வங்கி ஜன்னல் கண்ணாடிகளையும் அடித்து நொறுக்கியும் வாசலில் நின்ற இரு சக்கர வாகனங்களையும் அடித்து நொறுக்கிவிட்டு இரு சக்கர வாகனத்தில் மின்னல் வேகத்தில் தப்பிள்ளனர். இந்த சம்பவத்தின் சிசிடிவி காட்சிகள் வெளியாகி பரபரப்பை ஏற்படுத்தியுள்ளது. 

இது குறித்து சம்பவம் அறிந்த  வாடிப்பட்டி போலீசார் சி.சி.டி.வி. காட்சிகளின் அடிப்படையில் அராஜகத்தில் ஈடுபட்ட நபர்கள் குறித்து விசாரணை நடத்தி வருகின்றனர்.

காவல்துறை நடத்திய முதல்கட்ட விசாரணையில் அதே பகுதியை சேர்ந்த திமுக பிரமுகர் அசோக் என்பவர் இச்சம்பவத்தில் ஈடுபட்டது தெரியவந்துள்ளது. 

கடந்த உள்ளாட்சி தேர்தலில் போட்டியிடுவது தொடர்பாக ஏற்பட்ட முன்விரோதத்தால் திமுக பிரமுகர் அதிமுகவினருக்கு சொந்தமான கடையை அடித்து நொறுக்கி தப்பியதாக போலீசாரின் முதற்கட்ட விசாரணையில் தெரியவந்துள்ளது. தற்பொழுது திமுக பிரமுகர் அசோக் உள்ளிட்ட 3 பேரை கைது செத்துள்ளதாகவும் காவல்துறை தரப்பில் தெரிவிக்கப்பட்டுள்ளது. 

பூட்டிய பேக்கரி கடையை பட்டாகத்தியால் அடித்து நொறுக்கி சேதப்படுத்திய திமுக பிரமுகரின் செயல் அப்பகுதியில் பெரும் பரபரப்பை ஏற்படுத்தியுள்ளது.

விழுப்புரம் மாவட்டம், அரகண்டநல்லூர் ஒழுங்குமுறை விற்பனை கூடத்தில் விவசாயிகளுக்கு நீண்ட நாட்களாக பணப்பட்டுவாடா செய்யப்படவில்லை என்று விவசாயிகள் உயர்கல்வித்துறை அமைச்சர் பொன்முடியிடம் புகார் தெரிவித்தனர்.

விவசாயிகள் புகாரினை தொடர்ந்து விவசாயிகளுக்கு பண பட்டுவாடா செய்யாமல் இருக்கும் வியாபாரியை உடனடியாக கைது செய்து அவரது சொத்துக்களை முடக்கி விவசாயிகளுக்கு பண பட்டுவாடா செய்ய நடவடிக்கை எடுக்க வேண்டும் என்று மாவட்ட ஆட்சியர் அண்ணாதுரை, எஸ்பி ராதாகிருஷ்ணன் ஆகியோருக்கு உத்திரவிட்டார்.  

அதன்படி  27.12.19 முதல் 21.10.20 ஆய்வு செய்தபோது வரை நெல் வியாபாரி ராஜ் (34)  அரகண்டநல்லூர் (அரகண்டநல்லூர் அ ம மு க நகர செயலாளர் )   என்பவர் 2011-2016வரை அரகண்டநல்லூர் பேரூராட்சி துணைத்தலைவர் விவசாயிகளுக்கு பட்டுவாடா செய்ய வேண்டிய ரூபாய் 27லட்சத்து 45,803 பணத்தை விவசாயிகளுக்கு பட்டுவாடா செய்யாமல் ஏமாற்றி மோசடி செய்ததாக  விழுப்புரம் மாவட்ட குற்றப் பிரிவில் ஒழுங்குமுறை விற்பனை கூட செயலாளர் ஜெயக்குமார் கொடுத்த புகாரின் பேரில் மாவட்ட குற்றப்பிரிவு போலிசார் ராஜ் மீது  வழக்கு பதிவு செய்து செய்திருந்த நிலையில் நேற்று எதிரியை கைது செய்து அவரிடமிருந்து ரூபாய் 4 லட்சத்து 40,000  பறிமுதல் செய்து நீதிமன்றத்தில் ஆஜர்படுத்தப்பட்டு பின்னர் சிறையில் அடைக்கப்பட்டார்.   

இந்த ஒழுங்குமுறை  விற்பனை கூடத்தில் மோசடியில் ஈடுபட்டுவரும்  இன்னும் சில வியாபாரிகள் மீதும் துணை போன அதிகாரிகள் மற்றும் ஊழியர்கள் மீதும் குற்றவியல் மற்றும் துறை ரீதியான நடவடிக்கை எடுக்க முடிவு செய்துள்ளனர். இதனால் மற்ற வியாபாரிகள் மத்தியில் இந்த அதிரடி நடவடிக்கை பெரு. அதிர்ச்சியை ஏற்படுத்தி உள்ளது. ஒருவருடத்திற்கு மேலாக நீடித்து வந்த பிரச்சினை முடிவுக்கு வந்தது. தொடர்ந்து இந்த விற்பனை கூடத்தில்  பணபட்டுவாடா உள்ளிட்ட விவசாயிகளுக்கு எதிரான பிரச்சினைகள் முழுமையாக தீர்க்கப்பட வேண்டும் என்பது  விவசாயிகளின் கோரிக்கை ஆகும்.