ஷ்ரத்தா கொலை வழக்கு குற்றவாளி மீது தாக்குதல் எதிரொலி.  துணை ராணுவ பாதுகாப்பில் ஆப்தாப் பூனாவாலாவை அழைத்து செல்லும் டெல்லி காவல்துறை. 

மும்பையை சேர்ந்த ஷ்ரத்தா வால்கர் டெல்லியில் 35 துண்டுகளாக அவரது காதலரால் வெட்டி கொலை செய்யப்பட்ட வழக்கில் காதலன் ஆப்தாப் பூனாவாலா-வை டெல்லி போலீசார் கைது செய்து விசாரணை நடத்தி வருகின்றனர்.

நேற்று மாலை ஆப்தாப் பூனாவாலாவை ரோகினியில் உள்ள ஆய்வகத்திலிருந்து சிறைக்கு அழைத்துச் செல்லும்போது, ​​ஒரு காரில் வந்த கும்பல் முகத்தில் துணியை கட்டி கொண்டு வாள்-களை கொண்டு தாக்குதல் நடத்தியது. 

போலீசார் துப்பாக்கியால் வானை நோக்கி சுட்டு பாதுகாப்பாக குற்றவாளியை அழைத்து சென்றனர்.  இது பெரும் பரபரப்பை ஏற்படுத்திய நிலையில் இன்று காலை திகார் சிறையில் இருந்து மற்றொரு சுற்று பாலிகிராப் சோதனைக்காக தடயவியல் ஆய்வகத்திற்கு அழைத்துச் செல்லப்பட்டார். அப்போது துணை ராணுவ படையின் பாதுகாப்புடன் டெல்லி காவல்துறை அதிகம் குவிக்கப்பட்டு அழைத்து செல்லப்பட்டார். 

புனவல்லாவை நேற்று வாளுடன் கொலை செய்ய வந்தவர்கள் இந்து சேனா என்ற வலதுசாரி குழுவைச் சார்ந்தவர்கள் என்றும் கொலைக்கு வகுப்புவாத காரணம் இருக்கலாம் என போலீசார் கருதுகின்றனர்.

இதையும் படிக்க:   தமிழ்நாடு காவல் நிலையங்களுக்கு உத்தரவிட்ட உயர்நீதிமன்றம்....காரணம் என்ன?!!

கோவில் தெப்பக்குளத்தில் கிடந்த பெண் சடலத்தை அடையாளம் காணும் வகையில் போலீசார் மேற்கொண்ட விசாரணையில், சாப்பாட்டில் விஷம் கலந்து கணவனை கள்ளக் காதலனுடன் சேர்ந்து கொலை செய்த மனைவி சிறைக்குச் சென்றுவிட்டு வெளியே வந்த நிலையில் குடும்பத்தார் சேர்த்துக்கொள்ளாததால் மனமுடைந்து தற்கொலை செய்துகொண்டது தெரியவந்துள்ளது.

சென்னை திருவல்லிக்கேணி பார்த்தசாரதி கோயில் தெப்பக்குளத்தில் கடந்த 27 ஆம் தேதி இரவு பெண் சடலம் மிதப்பதாக ஐஸ் ஹவுஸ் போலீசாருக்கு பொதுமக்கள் தகவல் அளித்த நிலையில், சம்பவ இடத்திற்கு வந்த போலீசார் சடலத்தை கைப்பற்றி பிரேதப் பரிசோதனைக்காக ராயப்பேட்டை அரசு மருத்துவமனைக்கு அனுப்பி வைத்தனர். அதனைத் தொடர்ந்து சடலமாகக் கிடந்த பெண் யார் என்பது குறித்தும் அவர் கொலை செய்யப்பட்டாரா? அல்லது தற்கொலை செய்துகொண்டாரா? என்ற கோணத்தில் ஐஸ் ஹவுஸ் போலீசார் வழக்குப்பதிவு செய்து விசாரணை நடத்தினர்.

விசாரணையில் சடலமாகக் கிடந்த பெண் கடந்த சில நாட்களாக பார்த்தசாரதி கோயில் தெப்பக் குளத்தைச் சுற்றித் திரிந்தது தெரியவந்தது. ஆனால் அந்த பெண் யார் என்ற விவரம் தெரியாத நிலையில், போலீசார் தமிழகம் முழுவதும் காணாமல் போனவர்கள் மற்றும் குற்றவாளிகளின் அடையாளங்களை கண்டுபிடிக்கும் பிரத்தியேக இணையதளத்தை (CCTNS) பயன்படுத்தி இறந்த நபரின் புகைப்படத்தை பதிவிட்டு ஆய்வு செய்தனர். அப்போது சடலமாக கிடந்த பெண் கொலை வழக்கில் சிறைக்குச் சென்று திரும்பியவர் என்ற அதிர்ச்சித் தகவல் போலீசாருக்கு தெரியவந்தது.  அதனைத் தொடர்ந்து போலீசார் மேற்கொண்ட விசாரணையில் சடலமாக கிடந்த பெண் சூளைமேடு கண்ணகி நகர் பகுதியைச் சேர்ந்த செல்வம் என்பவரது மனைவி விஜயலட்சுமி (40) என்பதும், அவர் கடந்த ஆண்டு செப்டம்பர் மாதம் தனது கள்ளக் காதலனான மோகன் (எ) முண்டகண்ணு என்பவருடன் சேர்ந்து கணவன் செல்வத்தை சாப்பாட்டில் விஷம் கலந்து கொடுத்து கொலை செய்த வழக்கில் சூளைமேடு போலீசாரால் கைது செய்யப்பட்டு சிறையில் அடைக்கப்பட்டதும் தெரியவந்தது.

மேலும், விஜயலட்சுமிக்கு உடந்தையாக இருந்த மோகன் என்பவன் மீது 7 கொலை வழக்குகள் உட்பட பல குற்ற வழக்குகள் நிலுவையில் இருந்த நிலையில், அவனது கள்ளக்காதலியான விஜய லட்சுமி தனக்கு 2 பெண் குழந்தைகள் இருப்பதையும் கருத்தில் கொள்ளாமல் அவனுடன் கூட்டு சேர்ந்து கணவனை கொலை செய்து சிறைக்குச் சென்று திரும்பிய நிலையில், உறவினர் வீட்டில் வாழ்ந்து வரும் குழந்தைகளும், குடும்பத்தாரும் விஜயலட்சுமியை வீட்டில் சேர்த்துக் கொள்ளாததும் விசாரணையில் தெரியவந்தது.

குடும்பத்தார் ஒதுக்கியதால் மனதளவில் பாதிக்கப்பட்ட விஜய லட்சுமி திருவல்லிக்கேணி பார்த்தசாரதி கோயில் தெப்பக்குளத்தருகே தங்கி கிடைக்கும் வேலைகளைச் செய்து வாழ்ந்து வந்த நிலையில் கடந்த 27 ஆம் தேதி இரவு குளத்தின் முகப்பில் உள்ள சிறிய கதவு வழியாக உள்ளே நுழைந்த விஜய லட்சுமி குளத்தில் குதித்து தற்கொலை செய்துகொண்டதும் போலீசார் விசாரணையில் தெரியவந்தது. பிரேதப் பரிசோதனை முடிந்து விஜய லட்சுமியின் உடலை உறவினர்கள் வாங்க மறுத்து வந்த நிலையில், ஐஸ் ஹவுஸ் போலீசார் அவர்களிடம் பேச்சுவார்த்தை நடத்தி உடலை ஒப்படைத்து அனுப்பி வைத்துள்ளனர். கணவனை கொன்ற மனைவிக்கு பெற்ற பிள்ளைகளும், குடும்பத்தாரும் ஆதரவளிக்காத நிலையில், மனமுடைந்து தற்கொலை செய்துகொண்ட சம்பவம் பேசுபொருளாகியுள்ளது.

சென்னையில் கருத்து வேறுபாடு காரணமாக மனைவியை பிரிந்து வாழும் கணவன் தனது இரு பெண் குழந்தைகளுடன் தற்கொலை முயற்சி மேற்கொண்ட சம்பவம் பரபரப்பை ஏற்படுத்தியுள்ளது.

மனைவியை பிரிந்த கணவன்:

சென்னை சேப்பாக்கம் லால் முகமது குறுக்கு தெரு பகுதியில் வசித்து வருபவர் விஜயகுமார். இவருக்கும் பொழிச்சலூர் பகுதியைச் சேர்ந்த கவிதா என்பவருக்கும் கடந்த 2015 ஆம் ஆண்டு திருமணம் நடைபெற்ற நிலையில் இவர்களுக்கு 6 வயது மற்றும் 4 வயதில் இரு பெண் குழந்தைகள் உள்ளனர். மனைவியுடன் ஏற்பட்ட கருத்து வேறுபாடு காரணமாகவும், குடும்ப பிரச்சனை காரணமாகவும் கடந்த 2020 ஆம் ஆண்டு முதல் விஜயகுமார் கவிதாவைப் பிரிந்து தனியாக வாழ்ந்து வருகிறார்.

தற்கொலை முயற்சி:

இதையடுத்து, இரு பெண் குழந்தைகளும் தாயுடன் பொழிச்சலூரில் வசித்து வரும் நிலையில், இரு வாரத்திற்கு ஒரு முறை சனி மற்றும் ஞாயிற்றுக்கிழமைகளில் விஜயகுமார் தனது இரு குழந்தைகளையும் வீட்டிற்கு அழைத்து வந்து மீண்டும் திங்கள் அன்று தாயிடம் கொண்டு விடுவதை வழக்கமாக வைத்திருந்துள்ளார்.

இதையும் படிக்க: ஆதார் இணைப்பு: லஞ்சம் வாங்கினால்...அதிகாரிகளை எச்சரித்த மின்வாரியம்...!

அதேபோல், கடந்த வெள்ளிக்கிழமையன்று விஜயகுமார் பொழிச்சலூரில் இருந்து தனது இரு குழந்தைகளையும் சேப்பாக்கம் வீட்டிற்கு அழைத்து வந்துள்ளார். இந்நிலையில் நேற்றிரவு 9 மணியளவில் மன நோயாளிகளுக்கு அளிக்கும் Alprazolam 0.5 mg மாத்திரைகளையும், கரப்பான் பூச்சி மருந்தையும் பாலில் கலந்து குழந்தைகளுக்கும் கொடுத்து, தானும் அருந்தியுள்ளார். இதனால் 3 பேருக்கும் வாந்தி மயக்கம் ஏற்பட்டுள்ளது. அதைக்கண்டு அதிர்ச்சியடைந்த விஜயகுமாரின் தந்தை ராமசந்திரன், 108 ஆம்புலன்ஸ் மூலம் 3 பேரையும் ஓமந்தூரார் அரசு மருத்துவமனையில் சிகிச்சைக்காக அனுமதித்தார்.

தீவிர சிகிச்சை:

மருத்துவமனையில் மூவருக்கும் தீவிர சிகிச்சை அளிக்கப்பட்டு வரும் நிலையில், இச்சம்பவம் தொடர்பாக திருவல்லிக்கேணி போலீசார் வழக்குப்பதிவு செய்து விசாரணை மேற்கொண்டு வருகின்றனர். விசாரணையில், விஜய்குமார் குடிபோதைக்கு அடிமையானவர் எனவும், பலமுறை குடித்துவிட்டு அப்பகுதியில் தகராறில் ஈடுபடுவது வழக்கம் எனவும் அப்பகுதி மக்கள் தகவல் தெரிவித்துள்ளது குறிப்பிடத்தக்கது. இருப்பினும், இந்த சம்பவம் அப்பகுதியில் பெரும் பரபரப்பை ஏற்படுத்தியது.

கணவரை 10 பாகங்களாக வெட்டி பிரிட்ஜில் வைத்து பின்னர் அப்புறப்படுத்திய மனைவியும் மகனும் காவல்துறையிடம் மாட்டிக்கொண்ட சிக்கிக்கொண்டுள்ளனர்.

ஷ்ரத்தா கொலை:

டெல்லின் இளம் பெண் ஷ்ரத்தா கொலை சம்பவத்தை கேள்விபட்ட போது இப்படியும் ஒரு இளைஞர் இருக்க முடியுமா என அச்சம் கொண்டனர் மக்கள். 35 பாகங்களாக வெட்டிய அப்தாப், அவரின் உடல் எங்கு வீசினார் எனத் தெடி வருகின்றனர் காவல்துறையினர். இன்னும் அந்த சம்பவத்தில் இருந்தே மக்கள் வெள்வராத நிலையில் மேலும் அதிரவைக்கும் சம்பவம் ஒன்று நிகழ்ந்துள்ளது.

ஷ்ரத்தாவின் உடல் இல்லை:

ஷ்ரத்தாவின் உடல் பாங்களைத் தேடி சென்றபோது கிடைத்த பாகங்களை சோதனை செய்ய அனுப்பிய போது தான் காவல்துறையினருக்கு அதிர்ச்சி கிடைத்துள்ளது. அது ஷ்ரத்தாவின் உடல் பாகங்கள இல்லை என்று. தெரிந்ததும் அதிர்ந்து போன காவல்துறையினர் அது யாருடையது என்பதி கண்டுபிடிக்க அடுத்தகட்ட விசாரணையில் இறங்கியுள்ளனர். எந்த துப்பும் கிடைக்காத நிலையில், உடல்பாகம் கண்டெடுக்கப்பட்ட இடத்தில் இருந்த சிசிடிவி காமிராவை ஆய்வு செய்த போது சிக்கியுள்ளார் பெண் பூனம்.

2 கணவர்கள்:

பூனம் என்பவருக்கு 2 கணவர்கள். முதல் கணவன் பெயர் கல்லு. இவர்களுக்கு பிறந்த மகன் தீபக். கடந்த 2016 இல் உடல்நிலை சரி இல்லாமல் கல்லு இறந்துவிட்டார். அவர் இறந்த அடுத்த வருடமே, அஞ்சன் தாஸ் என்பவரை 2 ஆவது திருமணம் செய்துள்ளார் பூனம். அஞ்சன்தாஸ் ஏற்கனவே திருமணம் ஆனவர். முதல் மனைவி மற்றும் ஐந்து குழந்தைகள் அனைவௌம் பீகாரில் உள்ளனர். அவர்கள் அனைவரையும் விட்டுவிட்டு, பூனத்தை 2 ஆவது திருமணம் செய்துகொண்டுள்ளார் அஞ்சாந்தாஸ்.

இதையும் படிக்க: ப்ரிட்ஜில் ஷ்ரத்தாவின் தலைக்கு அருகில் காய்கறி..! புது காதலி..! காவல்துறை விசாரணையில் வெளி வந்த திடுக்கிடும் உண்மைகள்..!

பல பெண்களுடன் உறவு:

எந்த வேலைக்கு செல்லாமல் வீட்டிலேயே இருந்த அஞ்சான் தாஸ்க்கு மேலும் பல பெண்களுடனும் தகாத உறவு இருந்துள்ளது. அதை தட்டி கேட்டபோது கணவன், மனைவி இடையே தகறாறு எழுந்துள்ளது. மேலும் குடித்துவிட்டு வந்து தினமும் பூனமை அடிப்பதை வாடிக்கையாகக் கொண்டிருந்துள்ளார். இதை அனைத்தையும் பொறுக்க முடியாத பூனம், தனது மகனுடன் சேர்ந்து அஞ்சாந்தாஸை கொலை செய்ய முடிவு செய்துள்ளார். 

கழுத்தை அறுத்து கொலை:

சம்பவத்தன்று தாஸுக்கு, மதுவில் தூக்க மாத்திரை கலந்து கொடுத்து தூங்க செய்துள்ளனர். அதன் பின்னர், கத்தியால் கழுத்தை அறுத்துக் கொன்றுள்ளனர். உடலை வெட்டிக் கொன்றதால், ரத்தம் பீறிட்டு வெளிதுள்ளது. அதனால், ரத்தம் முழுவதும் வடியும் வரை வீட்டிலேயே உடலை வைத்துள்ளனர். பின்னர் பொறுமையாக, சடலத்தை 10 துண்டுகளாக வெட்டி பிரிட்ஜில் வைத்து மூடியுள்ளனர்.

4 பாகங்கள் தேடல்:

பிரிட்ஜில் வைத்திருந்த உடல்களை ஒவ்வொன்றாக பாண்டவ நகர் பகுதியில் எடுத்து வீசியுள்ளனர். ஷ்ரத்தாவின் உடலை தேடிய நிலையில் இவரின் உடல் பாகங்கள் கிடைத்ததால் இந்த கதை தற்போது வெளிச்சத்திற்கு வந்துள்ளது. தாயும், மகனும் கைது செய்யப்படுள்ள நிலையில், வீசிய உடல் பாகங்களில் இப்போதைக்கு 6 பாகங்களை மீட்டுள்ளனர். இன்னும் 4 பாகங்கள் எங்கே என்று தெரியாமல தேடிக் கொண்டுள்ளனர் காவல்துறையினர்.

பொள்ளாச்சி தாராபுரம் சாலை பூசாரி பட்டி அருகே உள்ள கரப்பாடியில் வசிப்பவர் சிவலிங்கம். இவரது மனைவி சித்ராதேவி இவர்களுக்கு கார்த்திக் என்ற மகன் உள்ளார். சிவலிங்கம் கூலி வேலைக்கும், கார்த்திக் கரப்பாடி பகுதியில் சரக்கு வாகனமும் ஓட்டி வருகின்றனர்.

இந்நிலையில் சிவலிங்கம் அவரது மனைவி சித்ராதேவியை தினமும் குடித்து விட்டு துன்புறுத்தி வந்துள்ளதாக தெரிகிறது. கார்த்திக்  தனது தந்தை சிவலிங்கத்தை பலமுறை கண்டித்துள்ளார். ஆனால் சிவலிங்கம் தனது மனைவியிடம் கடந்த இரண்டு நாட்களாக சண்டையிட்டுள்ளார். இதனால் சித்ரா தேவி கோபித்து கொண்டு உறவினர் வீட்டுக்கு சென்றுவிட்டார். நேற்று மாலை சிவலிங்கம் பூசாரிபட்டி மதுபான கடையில் இருந்தபோது அங்கு வந்த கார்த்திக், தான் மறைந்து வைத்து இருந்த அரிவாள் எடுத்து சரமாரியாக வெட்டியதில் சிவலிங்கம் உயிரிழந்தார். இச்சம்பவம் குறித்து தலைமறைவாக உள்ள கார்த்திக்கை தனி படை போலீசார் தேடி வருகின்றனர்.  இந்த சம்பவம் அப்பகுதியில் பரபரப்பை ஏற்படுத்தியது.

இதையும் படிக்க : நாணயங்களை விழுங்கிய முதியவர்...! அறுவை சிகிச்சை மூலம் அகற்றிய சம்பவம்...!