சென்னை அரும்பாக்கத்தைச் சேர்ந்த மூதாட்டி வசந்தா என்பவர் சென்னை காவல் ஆணையர் சங்கர் ஜிவாலிடம் புகார்  அளித்தார். அதில், "தனக்கு சொந்தமான ரூ. 1 கோடி மதிப்பிலான கொளத்தூரில் உள்ள 2,822 சதுர அடி காலி மனையை, தன்னைப்போல் வேறு நபரை வைத்து ஆள்மாறாட்டம் செய்து நில அபகரிப்பு செய்துள்ளனர் என புகார் தெரிவித்துள்ளார்.

புகாரின் பேரில் சென்னை மத்திய குற்றப்பிரிவு நில அபகரிப்பு தடுப்பு பிரிவில் வழக்கு பதிவு செய்து  விசாரணை நடத்தினர். விசாரணையில் வசந்தா பெயரில் கிரையம் பெற்ற சொத்தினை வசந்தாவை போல வேறொரு நபரை வைத்து போலியான பொது அதிகார பத்திரம் தயார் செய்யப்பட்டிருந்தது தெரிய வந்தது. அந்த நிலத்தின் மேல் போலியான பல ஆவணங்களை தயார் செய்துள்ளனர் என்பது தெரிய வந்தது.  போலியான பொது அதிகார பத்திரத்தை பதிவு செய்த சென்னை அயப்பாக்கத்தைச் சேர்ந்த ராஜா மற்றும் பெரம்பூரைச் சார்ந்த தேவராஜ் ஆகிய இருவரை  சென்னை மத்திய குற்றப்பிரிவு நில மோசடி தடுப்புப் பிரிவு போலீசார் கைது செய்தனர். மூதாட்டி வசந்தா போல நடித்து ஏமாற்றியவரை போலீசார் தேடி வருகின்றனர்.

கைது செய்யப்பட்ட ராஜா மற்றும் தேவராஜ் ஆகியோரை நில அபகரிப்பு மோசடி வழக்கு விசாரணை சிறப்பு நீதிமன்றத்தில் ஆஜர்படுத்தப்பட்டு நீதிபதி அவர்கள் உத்தரவின் பேரில் சைதாப்பேட்டை கிளைச் சிறையில் அடைக்கப்பட்டனர்.

திருவாரூர் அருகே குழவி கல்லை தலையில் போட்டு மாணவி படுகொலை செய்யப்பட்ட சம்பவம் அப்பகுதியில் பரபரப்பை ஏற்படுத்தியது. 

தஞ்சை மாவட்டம், பட்டுக்கோட்டை பகுதியை சேர்ந்தவர் மவுலிகா. இந்நிலையில் இவரது உறவினரான சிவசங்கரன், மவுலிகாவை ஒருதலையாக காதலித்து வந்துள்ளார். இவர், இறால் பண்ணையில் வேலைபார்த்து வருவதால் சிவசங்கரனுக்கு பெண் தர மவுலிகாவின் பெற்றோர்கள் மறுத்துள்ளனர்.

இதனால் ஆத்திரமடைந்த சிவசங்கரன்  நேற்று இரவு வீட்டுற்கு சென்று தூங்கிக்கொண்டிருந்த மவுலிகாவின் தலையில் அம்மிக்கல்லை போட்டு படுகொலை செய்துள்ளார். தகவல் அறிந்து சம்பவ இடத்திற்கு வந்த காவல்துறையினர் சிவசங்கரனை கைது செய்து விசாரணை மேற்கொண்டு வருகின்றனர்

மலேசியாவில் பணிபுரியும்  மென்பொருள் பொறியாளர் கொரோனா உதவிக்கு ஆள் இல்லாததால் மன விரக்தியில் தனது 5 வயது மகளுடன் 18 வது மாடியிலிருந்து குதித்து தற்கொலை செய்து கொண்ட சம்பவம் சோகத்தை ஏற்படுத்தியுள்ளது.

கடலூர் மாவட்டம் திட்டக்குடி தெற்கு தெருவை சேர்ந்தவர்கள் ரவிராஜா, சத்யாபாய் தம்பதி. இவர்களுக்கு 5 வயது மகள் உள்ள நிலையில் இருவரும்  மலேசியாவில் மென்பொருள் பொறியாளராக  15 ஆண்டுகளாக தங்கி பணியாற்றி வருகின்றனர்.

இந்நிலையில் கடந்த 14 தேதி ரவிராஜாவுக்கு கொரோனா  நோய் தொற்று உறுதி செய்யப்பட்டு மலேசியாவில் உள்ள மருத்துவமனையில் அனுமதிக்கப்பட்டார். பின்னர் 16-ஆம் தேதி சத்யாபாய்க்கும் மகள் குகதாரணிக்கும்  நோய் தொற்று உறுதி செய்ய பட்டதாகவும். இவர்கள் இருவரும் வீட்டிலேயே தனிமைப்படுத்திக் கொண்டதாக கூறப்படுகிறது. இதனையடுத்து  17 -ந் தேதி சத்யாபாய்க்கு உடல்நிலை மோசம் அடைந்ததாகவும்  இருவரையும் பார்த்துக்கொள்ளவும் உதவி செய்ய ஆள் இல்லாமலும் மன அழுத்தத்தில் தன் குழந்தையுடன் தவித்து வந்துள்ளார். இதனால் ஏற்பட்ட மன விரக்தி காரணமாக மாலை 6 மணி அளவில் தான் வசித்து வந்த பதினெட்டாவது  மாடியிலிருந்து 5 வயது மகளுடன் குதித்து தற்கொலை செய்துகொண்டார்.

இதனை அறிந்த அதிர்ச்சியில் மருத்துவமனையில் சிகிச்சை பெற்று வந்த கணவர் ரவிராஜாவும்  உயிரிழந்தார். ஒரே குடும்பத்தை சேர்ந்த கணவன் மனைவி குழந்தை  உயிரிழந்தது திட்டக்குடியில் உள்ள உறவினர்கள் மற்றும் அப்பகுதி மக்களிடையே பெரும் சோகத்தை ஏற்படுத்தி உள்ளது.

காஞ்சிபுரம், பல்லவர்மேடு பகுதியை சேர்ந்தவர் செந்தில். ஆட்டோ ஓட்டுநரான இவரது தம்பி ரகு மீது 2  கொலை வழக்குகள் உள்ளன. கடந்த 2013-ஆம் ஆண்டு பிரபல ரவுடி பிரபாகர் என்பவரின் அண்ணனை வெட்டி படுகொலை செய்ததால் பழிக்கு  பழியாக ரகுவின் அண்ணன் சரவணன் எதிர்தரப்பால் கொல்லப்பட்டார்.

இந்நிலையில் செந்திலின் தந்தை நடராஜன் அவர்களின் 13ம் நாள் காரியம் தொடர்பாக நள்ளிரவு வீட்டு வாசலில் குடும்பத்தினர் அனைவரும் ஒன்றுகூடி பேசி கொண்டிருந்தனர். அப்போது மர்ம கும்பல் ஒன்று செந்தில்  வீட்டின் மீது நாட்டு வெடிகுண்டு வீசியது. அத்துடன் அக்கும்பல் ரகுவை குறிவைத்து தாக்க துவங்கிய போது சுவர் ஏறி குதித்து தப்பித்து ஓடிவிட்டதாக தெரிகிறது. 

ஆனால் அவரது மற்றொரு அண்ணன்  செந்தில்குமார் மர்ம கும்பலிடம் மாட்டி கொண்டார். கஞ்சா போதையுடன் வெறித்தனமாக விரட்டிய மர்ம கும்பல் செந்திலை சுற்றி வளைத்து சுமார் 12 இடங்களில் சரமாரியாக வெட்டி சாய்த்தது. மேலும் ஆவேசம் தனியாத அக்கும்பல் அங்கிருந்த பாறாங்கல் மற்றும் உருட்டு கட்டையால் செந்திலை சாகும் வரை துடிதுடிக்க அடித்து கொன்றது. இது குறித்து  போலீசார் வழக்கு  பதிவு செய்ததுடன் கொலை கும்பலை பிடிக்க தனிப்படைகள் அமைத்து  விசாரணை நடத்தி  வருகின்றனர்.

பாகிஸ்தானில் மனைவியுடன் கள்ளக்காதலில் இருந்தவரின் காதையும் மூக்கையும் கணவர் அறுத்துள்ள சம்பவம் அதிர்ச்சியை ஏற்படுத்தியுள்ளது.

பாகிஸ்தான் பஞ்சாப் மாகாணத்தின் முசாஃபர்கர் கிராமத்தில் வசிப்பவர் அப்துல் கயாம். இவரின் மனைவியுடன் முகம்மது அக்ரம் என்பவர் கள்ளத்தொடரில் இருப்பதாக சந்தேகம் இருந்துள்ளது. 

கடந்த சில தினங்களுக்கு முன்னர் அக்ரம் அவரது வீட்டுக்குச் சென்றுகொண்டிருந்தபோது அவரை அப்துல் கயாம் அவரது நண்பர்களுடன் சேர்ந்து வழிமறித்துள்ளார்.

அவரை, ஆளில்லாத பகுதிக்கு தூக்கிச் சென்றுள்ளனர்.  அங்குவைத்து அக்ரமின் காது மற்றும் மூக்கை அறுத்துள்ளனர். ஆபத்தான நிலையில் இருந்த அவரை அங்கேயே போட்டுவிட்டு சென்றுவிட்டனர். இச்சம்பவம் தொடர்பாக அப்துல் கயாம் உள்ளிட்டவர்கள் கைது செய்யப்பட்டனர். அப்துல் கயாம் செய்த குற்றத்தை ஒப்புக்கொண்டுள்ளதையடுத்து சிறையில் அடைக்கப்பட்டார் .