தென்காசி மாவட்டம் கடைய நல்லூர் தாலுகா புளியங்குடி தேவர் தெருவைச் சேர்ந்தவர் சொர்ணதேவர்மகன் திருமலைக்குமார்(42)சிவகாசியில் இருந்து சரக்கு வேன் ஒன்றில் பட்டாசு லோடு ஏற்றிக் கொண்டு திருச்சி நோக்கி சென்று கொண்டிருந்தார், 

இன்று அதிகாலை 5 மணியளவில் மேலூர் அருகே  நான்கு வழிச்சாலையில் நாவினிப்பட்டி என்ற இடத்தின் அருகே வந்த போது எதிர் பாராத விதமாக வாகனம் சென்டர் மீடியானில் மோதி விபத்துக்குள்ளானதில் பலத்த காயமடைந்த திருமலைக்குமார் சம்பவ இடத்திலேயே பரிதாபமாக உயிரிழந்தார், 

மேலும் படிக்க | நீச்சல் அடிக்க சென்ற சிறுவன் காணவில்லை! பலனில்லா மணி நேர தேடல்! 

கிடைத்த தகவலையடுத்து அங்கு விரைந்து சென்ற சார்பு ஆய்வாளர் ஜெயகஜேந்திரன்,தனிப்பிரிவு தினேஷ், மற்றும் நெடுஞ்சாலை துறை விபத்து மீட்பு ரோந்து வாகன பிரிவு நிர்வாகி கார்த்திகேயன் ஆகியோர் திருமலைக்குமார் உடலை மீட்டு பிரேத பரிசோதனைக்காக மேலூர் அரசு மருத்துவமனைக்கு அனுப்பி வைத்தனர், 

இது தொடர்பாக வழக்கு பதிவு செய்து விசாரணை நடத்தி வருகின்றனர். 

மேலும் படிக்க | இருசக்கர வாகனத்தின் மீது ஜேசிபி வாகனம் மோதி விபத்து...! இருவர் பலி..! 

திருவள்ளூர் மாவட்டம் போரூரைச் சேர்ந்தவர் சுசிலா. இவரது மகன் சபரி(18). இவர் போரூரில் உள்ள தனியார் பாலிடெக்னிக்கில் முதலாம் ஆண்டு படித்து வந்தார். இந்நிலையில் நேற்று சுசீலாவை தொடர்பு கொண்டு பேசிய மர்ம நபர்கள், அவரது மகனை கடத்தி வைத்துக்கொண்டு ரூ. 30 ஆயிரம் பணம் கேட்டு மிரட்டிவிட்டு தொடர்பை துண்டித்துள்ளனர். இதனால் அதிர்ச்சி அடைந்த அவர் போரூர் காவல் நிலையத்தில் புகார் அளித்தார். இந்த புகாரின் பேரில் போரூர் போலீசார் சபரியின் செல்போன் சிக்னலை வைத்து தீவிரமாக தேடி வந்தனர்.

இந்நிலையில் போரூர் அடுத்த காரம்பாக்கம் பகுதியில் கடத்தி வைக்கப்பட்டிருந்த சபரியை மீட்ட போலீசார், போரூர், காரம்பாக்கத்தை சேர்ந்த பாலாஜி(25), விஜய்(21), ஆகிய இருவரை கைது செய்து விசாரித்தனர். அப்போது தாங்கள் விளையாடிவிட்டு வரும்போது அந்த சிறுவன் தங்களிடம் சிறிது தூரத்தில் விடுமாறு லிப்ட் கேட்டு வந்ததாகவும், பின்னர் அந்த சிறுவனை கடத்தி சென்று அருகில் உள்ள காலி இடத்தில் உட்கார வைத்து தங்களது காரை இடித்து விட்டதாக கூறி அதற்காக ரூபாய் 30,000 பணம் தர வேண்டும் எனவும் மிரட்டியதாக தெரிவித்தனர். 

மேலும் பணம் கேட்டு மிரட்டிய இருவரையும் கைது செய்து சிறையில் அடைத்தனர். கைது செய்யப்பட்ட இருவர் மீதும் பல்வேறு குற்ற வழக்குகள் இருப்பது குறிப்பிடத்தக்கது. லிப்ட் கேட்டு வந்த சிறுவனை கடத்திச் சென்று பெற்றோரிடம்  பணம் கேட்டு மிரட்டிய சம்பவம் பரபரப்பை ஏற்படுத்தி உள்ளது.

திருச்சி மாவட்டம் திருவெறும்பூர் பகுதியை சேர்ந்த 6ம் வகுப்பு படிக்கும் மாணவி அந்த பகுதியில் உள்ள பால் கடைக்கு வந்தப் போது பால் கடை உரிமையாளர் எழிலன் என்பவர் அந்த சிறுமிக்கு பாலியல் தொந்தரவு கொடுத்துள்ளார். இது குறித்து அந்த சிறுமி தன் தாயிடம் கூறியுள்ளார். 

இந்நிலையில் சிறுமியின் தாய் திருவெறும்பூர் அனைத்து மகளிர் காவல் நிலையத்தில் புகார் அளித்துள்ளார். அதன் அடிப்படையில் திருவெறும்பூர் அனைத்து மகளிர் காவல் நிலைய போலீசார், எழிலன் மீது போக்சோ சட்டத்தின் கீழ் வழக்கு பதிவு செய்து தலை மறைவாக உள்ள அவரை தேடி வருகின்றனர். 

திண்டிவனத்தில் உள்ள சென்னை - திருச்சி தேசிய நெடுஞ்சாலையில் உள்ள உணவகம் அருகில் சேற்றில் புதைந்த நிலையில் 35 வயது மதிக்கத்தக்க ஆண் சடலம் ஒன்று கிடப்பதாக போலீசாருக்கு தகவல் கிடைத்தது. அந்த தகவலின் அடிப்படையில் சம்பவ இடத்திற்கு சென்ற ரோஷனை போலீசார் பிரேதத்தை கைப்பற்றி உடற் கூறு ஆய்விற்காக திண்டிவனம் அரசு மருத்துவமனைக்கு அனுப்பி வைத்தனர். 

மேலும் இது குறித்து போலீசார் விசாரணை நடத்தினர். இந்த விசாரணையில் அவர் திருவண்ணாமலை மாவட்டம் வெண்பாக்கம் அடுத்த நாட்டேரி கிராமத்தைச் சேர்ந்த ஆதிமூலம் என்பவரது மகன் மணிகண்டன் என்பது தெரியவந்தது. மேலும் இவர் கடந்த 27- ஆம் தேதி தனது வீட்டில் இருந்து பண்ருட்டிக்கு சென்றவர், பின்னர் வீடு திரும்பவில்லை என இவரது சகோதரர் திருவண்ணாமலை மாவட்டம் பிரம்மதேசம் காவல் நிலையத்தில் புகார் அளித்துள்ளதும் விசாரணையில்  தெரியவந்துள்ளது. மேலும் இறந்தவர் தனியாக வந்தாரா என்பது உள்ளிட்ட பல்வேறு கோணங்களில் போலீசார் விசாரணை நடத்தி வருகின்றனர். இந்த சம்பவம் அப்பகுதியில் பெரும் பரபரப்பை ஏற்படுத்தியுள்ளது.

தென்காசி: கடையநல்லூர் கிருஷ்ணாபுரம்  பருத்திவிலை தெருவில் சில நபர்கள் பயங்கர ஆயுதங்களுடன் தங்கி இருப்பதாகவும், பொதுமக்கள் அச்சம் அடைந்து இருப்பதாக காவல்துறையினருக்கு கிடைத்த தகவலின்பேரில் தென்காசி மாவட்ட காவல் கண்காணிப்பாளர் கிருஷ்ணராஜ். 

உத்தரவின்பேரில் காவல் துணை கண்காணிப்பாளர்கள் பொன்னரசு,  அசோக் ஆகியோர் தலைமையில் காவல் ஆய்வாளர்கள்  மகேஷ்குமார்,  விஜயகுமார் மற்றும் காவலர்கள் பருத்திவிலை தெருவில் உள்ள வீடுகளை நேற்று இரவு அதிரடி சோதனையில் ஈடுபட்டனர். 

மேலும் படிக்க | 35 கைம்பெண்களை ஏமாற்றிய காதல் மன்னன்...வெளியான பல திடுக்கிடும் தகவல்கள்...! 

அப்போது சரோஜா என்பவரது லைன் வீட்டை சோதனை செய்தபோது மாடியில் உள்ள ஒரு வீடு மட்டும் கதவை தட்டியும் திறக்கவில்லை. இதனால் சந்தேகம் அடைந்த காவல்துறையினர் சட்டவழி முறைகளை பின்பற்றி வீட்டின் கதவை உடைத்து உள்ளே சென்றபோது 6 பேர் பயங்கர ஆயுதங்களுடன் பதுங்கி இருந்தது தெரியவந்தது. 

அந்த 6 பேரிடமும்  விசாரணை செய்ததில் 

• சேரன்மகாதேவி சங்கன்திரடு தெற்கு தெருவை சேர்ந்த முப்புடாதி (எ) 

• ஆறு (27), 

• நெட்டூர் அம்மன் கோவில் தெருவை சேர்ந்த சுப்பையா என்பவரது மகன் சுரேஷ் கண்ணன் (எ) நெட்டூர் கண்ணன், 

• மேலசெவல் பகுதியைச் சேர்ந்த பிச்சையா என்பவரது மகன் லட்சுமணகாந்தன் (எ) கருப்பசாமி, 

• ஊத்துமலை அம்மன் கோவில் தெருவை சேர்ந்த பாண்டி என்பவரது மகன் மாரிமுத்து, 

• அய்யனார் குளம் நடுத்தெருவை சேர்ந்த உக்கிரமசிங்கம் என்பவரது மகன்களான சூர்யா மற்றும் சத்யா என்றும் 

மேற்படி நபர்கள் குற்றம் செய்யும் நோக்கத்துடன் கிருஷ்ணாபுரம் பருத்திவிளை தெருவில் வாடகை வீட்டில் தங்கியிருந்தது தெரியவந்தது. 

மேலும் படிக்க | விவசாயியிடம் லஞ்சம் வாங்கிய பெண் வட்டாட்சியர்...விடாத லஞ்ச ஒழிப்புத்துறை! 

காவல்துறையினரால் கைது செய்யப்பட்ட 6 பேர்கள் மீதும் கடையநல்லூர் காவல் நிலையத்தில் வழக்குப்பதிவு செய்யப்பட்டு விசாரணை செய்ததில் மேற்படி முப்புடாதி (எ) ஆறு என்பவருக்கு நெல்லை, தென்காசி மற்றும் பிற மாவட்டங்களில் கொலை, கொலைமுயற்சி ஆயுதத்தடை சட்டத்தின் கீழ் பதிவு செய்யப்பட்ட வழக்குகள் உட்பட 21 வழக்குகளும், சுரேஷ் கண்ணன் (எ) நெட்டூர் கண்ணன் என்பவருக்கு நெல்லை, தென்காசி மற்றும் பிற மாவட்டங்களில் கொலை, கொலைமுயற்சி ஆயுதத்தடை சட்டத்தின் கீழ் பதிவு செய்யப்பட்ட வழக்குகள் உட்பட 27 வழக்குகளும், லட்சுமண காந்தன் என்பவருக்கு கொலை, கொலைமுயற்சி உட்பட 15 வழக்குகளும், மாரிமுத்து என்பவருக்கு கொலை, திருட்டு, கஞ்சா உட்பட 10 வழக்குகளும், சூர்யா என்பவருக்கு கொலை முயற்சி உட்பட 2 வழக்குகளும், சத்யா என்பவருக்கு கொலை, கொலை முயற்சி உட்பட 9 வழக்குகளும் உள்ளது என தெரியவந்தது. 

மேலும் படிக்க | தமிழிசைக்கு நாவடக்கம் தேவை..! புதுச்சேரி முன்னாள் முதலமைச்சர் ஆவேசம்..! 

மேலும் இது சம்பந்தமாக கடையநல்லூர் காவல் துறையினர் தீவிர விசாரணை மேற்கொண்டு வருகின்றனர். பொதுமக்களுக்கு அச்சுறுத்தும் வகையில் பயங்கர ஆயுதங்களுடன் தங்கியிருந்த 6 பேரை  காவல்துறையினர் சுற்றி வளைத்து சினிமா பாணியில் கைது செய்த சம்பவம் அப்பகுதியில் பெரும் பரபரப்பை ஏற்படுத்தியது. 

மேலும் படிக்க | தெரியாமல் செய்து விட்டேன்..! பைக் சாகசத்தில் ஈடுபட்ட இளைஞருக்கு நூதன நிபந்தனை ஜாமின் !