கர்நாடகா மாநிலம் தட்சிண கன்னடா மாவட்டம் மங்களூர் அருகே கடபா பகுதியில் 16வயது சிறுமி ஒருவர் பாலியல் வன்கொடுமை தொடர்பாக  கடப்பா காவல் நிலையத்திற்கு புகார் அளிக்க சென்றார், அப்போழுது அந்த காவல்நிலையத்தில் காவலராக பணிபுரிந்து வரும் சிவராஜ் என்ற காவலர் விசாரணை நடத்துகிறேன் என்ற போர்வையில் அடிக்கடி சம்மன் கொடுக்கச் சென்ற சிறுமியின் வீட்டுக்கு அடிக்கடி போகும்போது, புகார் அளிக்க வந்த சிறுமியை தானும் வன்கொடுமை செய்து கர்ப்பிணியாக்கியுள்ளார்.

காவலர் சிவராஜ் பாலியல் வன்கொடுமை சம்பவம் தொடர்பாக வழக்குகள் முடிந்து இருந்தாலும், மீண்டும் மீண்டும் ஏதாவது ஒரு சாக்கு போக்கு சொல்லி அடிக்கடி சிறுமியின் வீட்டுக்கு சென்று வந்துள்ளார். மேலும் சிறுமியிடன் ஆசை வார்த்தை கூறியும் மிரட்டியும் பாலியல் வன்கொடுமை செய்துள்ளார். இதனால் தற்போது சிறுமி 5 மாத கர்ப்பிணி ஆனார். இந்நிலையில், சிறுமியின் கர்ப்பம் அறிந்த பெற்றோர் விசாரணை மேற்கொண்டபோது, காவலர் சிவராஜ் தான் தனக்கு திருமண ஆசை காட்டி ஏமாற்றியதாக கூறியுள்ளார். அதனை தொடர்ந்து சிறுமியின் பெற்றோர் சிவராஜை தொடர்பு கொண்டு கேட்ட போது, தன்னால் திருமணம் செய்ய இயலாது. வேண்டுமெனில் கர்ப்பத்தை களைத்துக் கொள்ளுங்கள் என்று திமிராக கூறியுள்ளார். 

 அதனைத் தொடர்ந்து கடந்த 18ம் சிறுமியும் அவரது தாயாரும் மருத்துவமனைக்கு சென்று உள்ளனர். பிறகு இதுவரை வீடு திரும்பவில்லை. இந்த நிலையில், மருத்துவமனைக்கு சென்ற சிறுமியின் தாயார், தன் கணவருக்கு போன் செய்து காவலர் சிவராஜ் 35 ஆயிரம் ரூபாய் கர்ப்பத்தை கலைக்க செலவுக்காக ஆன்லைன் மூலம் அனுப்பி உள்ளார் என்ற விவரத்தை மட்டும் கூறியுள்ளார்.ஆனால், எங்கு இருக்கிறேன் என்ற விவரத்தை தெரிவிக்கவில்லை. இதனைத் தொடர்ந்து சிறுமியின் தந்தை தற்போது, முதலமைச்சர் அலுவலகத்திற்கும் கடப்பா காவல் நிலையத்திற்கும் புகார் கொடுக்கப்பட்டதனை தொடர்ந்து, கடபா போலிஸார் வழக்குப்பதிவு செய்து சிவராஜை கைது செய்து செய்து விசாரனை மேற்க்கொண்டு வருகின்றனர். பாலியல் புகார் அளிக்க சென்ற சிறுமியை காவல்ர் ஒருவரே வன்கொடுமை செய்து கர்பமாக்கிய சம்பவம் பெரும் பரபரப்பை ஏற்படுத்தியுள்ளது.

நாகை துறைமுகத்திலிருந்து இலங்கைக்கு, படகு மூலம் கஞ்சா கடத்தவுள்ளதாக சுங்கத்துறை அதிகாரிகளுக்கு ரகசிய தகவல் கிடைத்தது. இதையடுத்து சுங்கத் துறை உதவி ஆணையர் செந்தில்நாதன் தலைமையில் 15 பேர் கொண்ட குழு, நேற்றிரவு கடலோர பகுதிகளில் அதிரடி சோதனை மேற்கொண்டது.  கீச்சாங்குப்பம், அக்கரைப்பேட்டை ஆகிய பகுதியில் சோதனை நடத்தி, நாகை துறைமுகம் நோக்கி வந்தபோது, சிலர் படகு ஒன்றில் மூட்டைகளை ஏற்றியுள்ளனர். 

மேலும் அதிகாரிகளை பார்த்ததும், அவர்கள் மூட்டைகள், 4 இருசக்கர வாகனங்களை அங்கேயே விட்டுவிட்டு ஓட்டம் பிடித்துள்ளனர். இதனைத்தொடர்ந்து அந்த மூட்டைகளை அதிகாரிகள் சோதனை செய்தபோது, அவை அனைத்தும் கஞ்சா பொட்டலங்கள் என தெரியவந்தது. சுமார் 280 கிலோ எடையிலான கஞ்சா பொட்டலங்களை பறிமுதல் செய்த அதிகாரிகள் அதன் மதிப்பு சுமார் ஒரு கோடி ரூபாய் இருக்கலாம் என தெரிவிக்கின்றனர். 

இதுதொடர்பாக மேற்கொள்ளப்பட்ட முதற்கட்ட விசாரணையில், கடத்தலுக்கு பயன்படுத்தப்பட்ட படகு, பிரபல  ‘நாகை மீனவன்’ என்ற யூடியூப் சேனலை நடத்தி வருபவரின் குடும்பத்திற்கு சொந்தமான படகு என தெரிவிக்கப்பட்டுள்ளது. மேலும் இந்த கஞ்சா பொட்டலங்களை இலங்கைக்கு கடத்த இருந்ததாகவும் கூறப்பட்டுள்ளது. இதுகுறித்து விசாரணையை முடுக்கிவிட்டுள்ள போலீசார், கஞ்சாவை கடத்த முயன்றது யார், இலங்கையில் யாருக்கு அனுப்பி வைக்க திட்டமிடப்பட்டது என்பது குறித்து விசாரிக்கின்றனர். இச்சம்பவம் தற்போது நாகை பகுதியில் பரபரப்பை ஏற்படுத்தியுள்ளது.

திண்டுக்கல் மாவட்டம், மங்கலப்பட்டி பகுதியை சேர்ந்தவர் முருகன். இவர் சேலம் மாவட்டம் சங்ககிரி அருகே செயல்பட்டு வரும் ஓட்டலில் மாஸ்டராக பணிபுரிந்து வந்த நிலையில், குடும்பத்துடன் அதே பகுதியில் வசித்து வந்துள்ளார். இந்தநிலையில் முருகனின் மனைவி முருகேஸ்வரி தொடர்ந்து வேறொரு நபரிடம் செல்போனியில் பேசி வந்துள்ளார். இதனை முருகன் கண்டித்தும் அதனை கேட்காமல் தொடர்ந்து பேசி வந்ததாக கூறப்படுகிறது. இதனால் மனமுடைந்த முருகன் இரண்டு குழந்தைகளை கொலை செய்து வீடுயோ எடுத்து அவருடைய உறவினர்களுக்கு அனுப்பியுள்ளார்.   

பின்னர் அவரும் தூக்கிட்டு தற்கொலை செய்து கொண்டுள்ளார். இது தொடர்பான புகாரின் பேரில் வழக்கு பதிவு செய்த போலீசார், அவர்களை வலைவீசி தேடிவந்தனர். இதையடுத்து 3 பேரும் இறந்த நிலையில் அவர்களுடைய உடலை மீட்ட போலீசார் பிரேத பரிசோதனைக்காக அரசு மருத்துவமனைக்கு அனுப்பி வைத்தனர். இதைதொடர்ந்து வழக்கு பதிவு செய்து தீவிர விசாரணை மேற்கொண்டு வருகின்றனர். 

சென்னையில் குடிபோதையில் காவல் நிலையத்திற்குள் சென்று காவலரை மிரட்டிய நபரின் வீடியோ சமூக வலைதளத்தில் வைரலான நிலையில் அந்த நபரை போலீசார் கைது செய்து விசாரணை மேற்கொண்டு வருகின்றனர்.

சென்னை அபிராமபுரம் பகுதியைச் சேர்ந்தவர் கார்த்தி (எ) பிச்சைக் கார்த்தி. கூலி வேலை செய்து வரும் இவர் அவ்வப்போது அபிராமபுரம் காவல் நிலையத்திலும் சிறு சிறு எடுபிடி வேலைகள் செய்து வந்ததாகக் கூறப்படுகிறது. 

இந்நிலையில் நேற்றிரவு 10.30 மணியளவில் குடி போதையில் ஒரு கையில் எலுமிச்சை பழம் இன்னொரு கையில் பிளேடுடன் அபிராமபுரம் காவல் நிலையத்திற்குள் நுழைந்த கார்த்தி பாரா பணியில் இருந்த காவலர் சதீஷ் குமார் என்பவரை அநாகரீகமான முறையில் பேசி, தனது ஏரியாவிற்குள் ரோந்து வந்தால் வெட்டி விடுவேன் எனவும் கூறி மிரட்டினார். 

கார்த்தி காவலர்களை மிரட்டும் வீடியோ காட்சிகள் சமூக வலைதளங்களில் வெளியாகி பெரும் பரபரப்பை ஏற்படுத்தியது. இதனையடுத்து கார்த்தி (எ) பிச்சை கார்த்தி-யை போலீசார் கைது செய்து அவரிடம் விசாரணை மேற்கொண்டு வருகின்றனர்.

அவரை விரைவில் நீதிமன்ற காவலுக்கு அனுப்ப உள்ளதாகவும், கார்த்தி மீது அதே காவல் நிலையத்தில் 4 வழக்குகள் நிலுவையில் உள்ளதாகவும் போலீசார் தரப்பில் தகவல் தெரிவிக்கப்பட்டுள்ளது. சுமார் 6 மாதத்திற்கு முன் கார்த்தி இதேபோன்றொரு சம்பவத்தில் ஏற்கனவே ஈடுபட்டவர் என்பது குறிப்பிடத்தக்கது.

சென்னை மயிலாப்பூர் பல்லாக்கு மாநகர் அரசு மதுபான கடை அருகே கடந்த ஆகஸ்ட் மாதம் 1 ஆம் தேதி சரவணன்(25) என்பவரை ஒரு கும்பல் சரமாரியாக வெட்டி கொலை செய்தனர். இந்த கொலைச் சம்பவம் தொடர்பாக மணிகண்டன், ஷாம், அஜித், விஜய் ஆகியோரை போலீசார் கைது செய்து சிறையில் அடைத்தனர். இந்நிலையில் சிறையில் இருக்கும் 4 நபர்களை கொலை செய்ய திட்டமிட்டு வருவதாக நுண்ணறிவுப் பிரிவு போலீசாரால் காவல் துறையினருக்கு தகவல் அளிக்கப்பட்டது.

அந்த தகவலின் பேரில் மயிலாப்பூர் போலீசார் நொச்சி நகரில் வசித்து வரக்கூடிய இறந்து போன சரவணனின் தந்தை முருகேசன், சகோதரர்கள் முருகன், கார்த்திக் மற்றும் பிரவீன் குமார் ஆகியோரை பிடித்து விசாரணை செய்தனர். விசாரணையில் இறந்து போன தனது மகனை கொலை செய்த நபர்கள் பிணையில் வெளியே வந்தவுடன் அவர்களை கொலை செய்ய சதி திட்டம் தீட்டி வந்தது நிரூபணமாகியது.   

மேலும் கொலை செய்வதற்காக கண்ணகி நகரைச் சேர்ந்த சுனாமி சுரேஷிடம் நாட்டு வெடிகுண்டு மற்றும் செம்மெஞ்சேரியைச் சேர்ந்த கார்த்திக் என்பவரிடம் பட்டாக் கத்திகள் ஆகியவற்றை வாங்கி வைத்துள்ளதும் தெரியவந்தது. இதனையடுத்து இவர்களிடமிருந்த நாட்டு வெடிகுண்டு மற்றும் 5 பட்டாக் கத்திகளை போலீசார் பறிமுதல் செய்தனர். இவர்கள் நான்கு பேரிடமும் மயிலாப்பூர் போலீசார் தொடர்ந்து விசாரணை நடத்தி வருகின்றனர்.