சென்னை: அயனாவரம் ஏகாங்கிபுரம் பகுதியை சேர்ந்த தனியார் நிறுவன ஊழியர் விக்ரம் (19). இவர் கடந்த 20 ஆம் தேதி தனது நண்பருடன் பெரம்பூர் முரசொலி மாறன் பூங்கா வழியாக பைக்கில் சென்று கொண்டிருந்தார். அப்போது அவரை 4 பேர் கொண்ட கஞ்சா கும்பல் ஒன்று வழிமறித்து கத்தியால் தாக்கி 1 சவரன் நகை, புல்லட் ஆகியவற்றை பறித்து கொண்டு தப்பி சென்றது. 

இதில் காயமடைந்த விக்ரம் அவரது நண்பர் மருத்துவமனையில் சிகிச்சை பெற்று வீடு திரும்பினார். பின்னர் இந்த வழிப்பறி சம்பவம் குறித்து விக்ரம் ஐசிஎப் காவல் நிலையத்தில் புகார் அளித்ததன் பேரில் போலீசார் வழக்கு பதிவு செய்து வழிப்பறியில் ஈடுபட்ட கொள்ளையர்களை தேடிவந்தனர். மேலும் கொள்ளையர்களை அடையாளம் காணமுடியாமல் போலீசார் திணறி வந்தனர்.

மேலும் படிக்க | ”என் தம்பி தலைய கேட்டியாமே! இப்போ எடு பாப்போம்!!!”- சவால் விட்ட பிரபல ரவுடி!!!

இந்நிலையில் நேற்று முந்தினம் இன்ஸ்டாகிராமில் இளைஞர்கள் நான்கு பேர் கஞ்சா போதையில் பட்டாக்கத்தியுடன் கானா பாடலுக்கு ஆட்டம் போட்ட வீடியோ வைரலானது. இது குறித்து போலீசாருக்கு புகார் வந்ததையடுத்து போலீசார் வீடியோ வெளியிட்ட நபர்களை அடையாளம் கண்டு பிடித்து இருவரை கைது செய்து விசாரணை நடத்தினர்.   

முதற்கட்ட விசாரணையில் பெரம்பூரை சேர்ந்த இளமாறன்(19), ஆனந்தகுமார்@மூலை(23) என்பது தெரியவந்தது. மேலும் கைதான இளமாறன் தனது கூட்டாளிகளுடன் சேர்ந்து விக்ரம் என்ற வாலிபரை தாக்கி செயின், புல்லட் பறித்து சென்றது தெரியவந்தது.  லோக்கல் ரவுடியான இளமாறன் மீது கொலைமிரட்டல், வழிப்பறி, உள்ளிட்ட 10க்கும் மேற்பட்ட வழக்குகள் நிலுவையில் உள்ளது தெரியவந்தது.  

மேலும் படிக்க | விசேஷ தேடலில் பிடிப்பட்ட போதைப்பொருள் மூட்டைகள்!

இதனையடுத்து போலீசார் இருவரை கைது செய்து புல்லட், கத்தி ஆகியவற்றை பறிமுதல் செய்தனர். மேலும் பட்டாகத்தியால் ரீல்ஸ் செய்து தெரியாமல் இன்ஸ்டாகிராமில் பதிவு செய்ததாகவும், இனி அப்படி போட மாட்டேன் என கைதான இளமாறன் வீடியோவில் பேசி வெளியிட்டுள்ளார். மேலும் தலைமறைவாக உள்ள இருவரை போலீசார் தேடிவருகின்றனர்.

மேலும் படிக்க | உப்பு தின்னவன் தண்ணி குடிக்கனும் தான்! அதுக்காக இப்படியா? வைரல் வீடியோ!!!

அசாம் மாநிலம் நாகோனில் தனது சொந்த மகளை பலமுறை பாலியல் பலாத்காரம் செய்த தந்தை கைது செய்யப்பட்ட சம்பவம் அரங்கேறியுள்ளது. 

அசாம் மாநிலம் நாகோனில் சொந்த மகளையே பலமுறை பாலியல் வன்புணர்வு செய்து வந்துள்ளார் தந்தை.  இதனை அறிந்த தாய் அவர் மீது காவல் நிலையத்தில் புகார் அளித்ததை தொடர்ந்து தந்தை தலைமறைவானார்.  போலீஸாரால் தொடர்ந்து தேடப்பட்டு வந்த நிலையில் பல நாட்களுக்கு பிறகு கைது செய்யப்பட்டு சிறைக்காவலில் வைக்கப்பட்டார்.  

ஆனால் அவர் ஜாமீனில் வெளியே வந்துள்ளார்.   ஜாமீனில் வெளியே வந்த பிறகும் மகளை பாலியல் தொல்லை கொடுத்துள்ளார்.  இதனால் தாயார் மீண்டும் புகார் கொடுத்த நிலையில் போலீசார் உடனடியாக நடவடிக்கை எடுத்து குற்றவாளியை கைது செய்தனர்.  குற்றம் சாட்டப்பட்டவர் நீதிமன்றத்தில் ஆஜர்படுத்தப்பட்டு அங்கிருந்து அவர் நீதிமன்ற காவலுக்கு அனுப்பப்பட்டார்.

தாம்பரம் அடுத்த மணிமங்கலம், சோமங்கலம், குன்றத்தூர் காவல் நிலையங்களில் பல்வேறு வழக்குகளில் தொடர்புடையவர் சச்சின் (27). பிரபல ரவுடியான இவர் மீது பல்வேறு வழக்குகள் நிலுவையில் உள்ளது. அதிலும் குறிப்பாக கொலை முயற்சி, கொள்ளை, ஆள் கடத்தல், கட்டப்பஞ்சாயத்து, மாமூல் வசூலித்தல் உட்பட பல வழக்குகள் நிலுவையில் உள்ளது. இந்த நிலையில் சோமங்கலம் பகுதியில் உள்ள முக்கிய தொழிற்சாலைகளில் சச்சின் மாமூல் கேட்டு தொடர்ச்சியாக மிரட்டி வந்ததாக கூறப்படுகிறது. தொழில்சாலைகளின் உரிமையாளர்கள் கொடுத்த புகாரின் பேரில் சோமங்கலம் போலீசார் சச்சினை தீவிரமாக தேடி வந்தனர்.

இந்த நிலையில் சென்னை தாம்பரம் அடுத்த, தனியார் கல்லூரி அருகே உள்ள காட்டில் சச்சின் பதுங்கி இருப்பதாக பொலிஸாருக்கு ரகசிய தகவல் கிடைத்தது. அந்த தகவலின் பேரில் சம்பவ இடத்திற்கு விரைந்து சென்ற போலீசார் சச்சினை பிடிக்க முற்பட்டனர். அப்போது சச்சினும் அவரது நண்பர் பரத் என்பவரும் போலீசாரை கத்தியால் வெட்ட முயன்றுள்ளனர். மேலும் கையில் வைத்திருந்த இரண்டு நாட்டு வெடிகுண்டை தூக்கி வீசி உள்ளனர். இதில் அதிர்ச்சி அடைந்த போலீசார் தற்காப்புக்காக துப்பாக்கியால் இரண்டு முறை சுட்டு உள்ளனர். இதில் சச்சின் என்ற ரவுடிக்கு தொடையில் குண்டு பாய்ந்தது. சச்சினின் நண்பர் பரத் அங்கிருந்து தப்பி ஓடி உள்ளார்.

இந்த ரவுடிகள் தாக்கியதால் காவலர் பாஸ்கர் என்பவர் காயம் ஏற்பட்டு குரோம்பேட்டை மருத்துவமனையில் சிகிச்சை பெற்று வருகிறார். மேலும் குண்டு பாய்ந்த ரவுடி சச்சின் சென்னை ராஜீவ்காந்தி மருத்துவமனையில் சிகிச்சை பெற்று வருகிறார். துப்பாக்கியால் சுட்டு ரவுடியை பிடித்த சம்பவம் சுற்றி உள்ள பகுதிகளில் பரபரப்பை ஏற்படுத்தியுள்ளது. 

விருதுநகர் அருகே குல்லூர் சந்தை அகதிகள் முகாமைச் சேர்ந்தவர் நந்தகோபால்(42). அவரது மனைவி  ரோஸ்மேரி. குடும்பத்தகராறு காரணமாக ரோஸ்மேரி, அவரது தந்தை நாகராஜன் வீட்டிற்கு நந்தகோபாலை பிரிந்து சென்றுள்ளார். 

கடந்த 2016 ஆம் ஆண்டு பிரிந்து சென்ற மனைவியை திரும்ப அழைத்து வர நந்த கோபால் அதே பகுதியில் உள்ள அவரது மாமனார் நாகராஜனின் வீட்டிற்கு சென்றுள்ளார். ஆனால் நந்தகோபாலின் மனைவி ரோஸ்மேரியை திரும்ப அனுப்ப  மாமனார் நாகராஜன் மறுத்துள்ளார். இதனால் ஆத்திரமடைந்த நந்த கோபால், நாகராஜனை அடித்து அவரை சுவற்றில் முட்ட வைத்துள்ளார். இதனால் படுகாயமடைந்த நாகராஜன் மதுரை கொண்டு செல்லும் வழியிலேயே உயிரிழந்தார்.

இது குறித்து விருதுநகர் சூலக்கரை போலீசார் வழக்கு பதிவு செய்து நந்தகோபாலை கைது செய்தனர். இது தொடர்பான வழக்கு விருதுநகர் கூடுதல் மாவட்ட நீதிமன்றத்தில் நடந்து வந்தது. இந்நிலையில், கூடுதல் மாவட்ட நீதிமன்ற நீதிபதி ஹேமந்தகுமார், நந்தகோபாலுக்கு ஆயுள் தண்டனை மற்றும் ஆயிரம் ரூபாய் அபராதம் விதித்து தீர்ப்பளித்தார்.

ஈரோடு சூரம்பட்டி கஸ்தூரிபாய் வீதியின் ஒரு வீட்டில் விக்னேஷ் (29) மற்றும் இவரது தம்பி அருண்குமார்(25) வாடகைக்கு வசித்து  வந்தனர். இவர்கள்  இருவரும் கூலி வேலை செய்து வந்தனர். விக்னேஷ் - அருண்குமார் இருவரும் அவ்வப்போது ஒன்றாக அமர்ந்து மது அருந்துவது வழக்கம். அவ்வப்போது மது அருந்தும் போது அவர்களுக்கிடையே சிறு சிறு பிரச்சனைகள் ஏற்படுவது வழக்கம் என சொல்லப்படுகிறது.

அதைப்போல் நேற்று இரவும் வழக்கம்போல் விக்னேஷ், அருண்குமார் மது அருந்தி உள்ளனர். அப்போது அருண்குமார், விக்னேஷிடம் வீட்டு வாடகைக்கு பணம் வேண்டும் என்று கேட்டுள்ளார். இது தொடர்பாக அவர்களுக்கு இடையே வாய் தகராறு ஏற்பட்டுள்ளது. பின்னர் இது கைகலப்பாக மாறி ஒருவரை ஒருவர் தாக்கி கொண்டனர். இதில் அருண்குமார் தாக்கியதில் விக்னேஷுக்கு உடலின் பல பகுதிகளில் காயம் ஏற்பட்டுள்ளது. பின்னர் அருண்குமார் போதையில் அங்கேயே படுத்து தூங்கிவிட்டார். 

இந்நிலையில் இன்று காலை அருண்குமாரின் நண்பர், அவரது வீட்டுக்கு வந்த போது விக்னேஷ் இறந்து கிடப்பதைக் கண்டு அதிர்ச்சியடைந்தார். இதை அடுத்து அருண்குமார் போதை தெளிந்த உடன் அண்ணனை கொன்று விட்டோமே என அதிர்ச்சியடைந்தார். பின்னர் அவரே  சூரம்பட்டி காவல் நிலையத்தில் சரண் அடைந்தார்.

இதுகுறித்து டவுன் டி.எஸ்.பி. ஆனந்தகுமார் மற்றும் போலீசார் சம்பவ இடத்துக்கு விரைந்து விசாரணை நடத்தினர். இதை அடுத்து விக்னேஷ் உடலை பிரேத பரிசோதனைக்காக அரசு மருத்துவமனைக்கு அனுப்பி வைத்தனர். மேலும் அருண்குமாரிடம் தீவிர விசாரணை நடத்தி வருகின்றனர். இந்த சம்பவம் அப்பகுதியில் பரபரப்பை ஏற்படுத்தியுள்ளது.