தென்காசி: கடையநல்லூர் கிருஷ்ணாபுரம்  பருத்திவிலை தெருவில் சில நபர்கள் பயங்கர ஆயுதங்களுடன் தங்கி இருப்பதாகவும், பொதுமக்கள் அச்சம் அடைந்து இருப்பதாக காவல்துறையினருக்கு கிடைத்த தகவலின்பேரில் தென்காசி மாவட்ட காவல் கண்காணிப்பாளர் கிருஷ்ணராஜ். 

உத்தரவின்பேரில் காவல் துணை கண்காணிப்பாளர்கள் பொன்னரசு,  அசோக் ஆகியோர் தலைமையில் காவல் ஆய்வாளர்கள்  மகேஷ்குமார்,  விஜயகுமார் மற்றும் காவலர்கள் பருத்திவிலை தெருவில் உள்ள வீடுகளை நேற்று இரவு அதிரடி சோதனையில் ஈடுபட்டனர். 

மேலும் படிக்க | 35 கைம்பெண்களை ஏமாற்றிய காதல் மன்னன்...வெளியான பல திடுக்கிடும் தகவல்கள்...! 

அப்போது சரோஜா என்பவரது லைன் வீட்டை சோதனை செய்தபோது மாடியில் உள்ள ஒரு வீடு மட்டும் கதவை தட்டியும் திறக்கவில்லை. இதனால் சந்தேகம் அடைந்த காவல்துறையினர் சட்டவழி முறைகளை பின்பற்றி வீட்டின் கதவை உடைத்து உள்ளே சென்றபோது 6 பேர் பயங்கர ஆயுதங்களுடன் பதுங்கி இருந்தது தெரியவந்தது. 

அந்த 6 பேரிடமும்  விசாரணை செய்ததில் 

• சேரன்மகாதேவி சங்கன்திரடு தெற்கு தெருவை சேர்ந்த முப்புடாதி (எ) 

• ஆறு (27), 

• நெட்டூர் அம்மன் கோவில் தெருவை சேர்ந்த சுப்பையா என்பவரது மகன் சுரேஷ் கண்ணன் (எ) நெட்டூர் கண்ணன், 

• மேலசெவல் பகுதியைச் சேர்ந்த பிச்சையா என்பவரது மகன் லட்சுமணகாந்தன் (எ) கருப்பசாமி, 

• ஊத்துமலை அம்மன் கோவில் தெருவை சேர்ந்த பாண்டி என்பவரது மகன் மாரிமுத்து, 

• அய்யனார் குளம் நடுத்தெருவை சேர்ந்த உக்கிரமசிங்கம் என்பவரது மகன்களான சூர்யா மற்றும் சத்யா என்றும் 

மேற்படி நபர்கள் குற்றம் செய்யும் நோக்கத்துடன் கிருஷ்ணாபுரம் பருத்திவிளை தெருவில் வாடகை வீட்டில் தங்கியிருந்தது தெரியவந்தது. 

மேலும் படிக்க | விவசாயியிடம் லஞ்சம் வாங்கிய பெண் வட்டாட்சியர்...விடாத லஞ்ச ஒழிப்புத்துறை! 

காவல்துறையினரால் கைது செய்யப்பட்ட 6 பேர்கள் மீதும் கடையநல்லூர் காவல் நிலையத்தில் வழக்குப்பதிவு செய்யப்பட்டு விசாரணை செய்ததில் மேற்படி முப்புடாதி (எ) ஆறு என்பவருக்கு நெல்லை, தென்காசி மற்றும் பிற மாவட்டங்களில் கொலை, கொலைமுயற்சி ஆயுதத்தடை சட்டத்தின் கீழ் பதிவு செய்யப்பட்ட வழக்குகள் உட்பட 21 வழக்குகளும், சுரேஷ் கண்ணன் (எ) நெட்டூர் கண்ணன் என்பவருக்கு நெல்லை, தென்காசி மற்றும் பிற மாவட்டங்களில் கொலை, கொலைமுயற்சி ஆயுதத்தடை சட்டத்தின் கீழ் பதிவு செய்யப்பட்ட வழக்குகள் உட்பட 27 வழக்குகளும், லட்சுமண காந்தன் என்பவருக்கு கொலை, கொலைமுயற்சி உட்பட 15 வழக்குகளும், மாரிமுத்து என்பவருக்கு கொலை, திருட்டு, கஞ்சா உட்பட 10 வழக்குகளும், சூர்யா என்பவருக்கு கொலை முயற்சி உட்பட 2 வழக்குகளும், சத்யா என்பவருக்கு கொலை, கொலை முயற்சி உட்பட 9 வழக்குகளும் உள்ளது என தெரியவந்தது. 

மேலும் படிக்க | தமிழிசைக்கு நாவடக்கம் தேவை..! புதுச்சேரி முன்னாள் முதலமைச்சர் ஆவேசம்..! 

மேலும் இது சம்பந்தமாக கடையநல்லூர் காவல் துறையினர் தீவிர விசாரணை மேற்கொண்டு வருகின்றனர். பொதுமக்களுக்கு அச்சுறுத்தும் வகையில் பயங்கர ஆயுதங்களுடன் தங்கியிருந்த 6 பேரை  காவல்துறையினர் சுற்றி வளைத்து சினிமா பாணியில் கைது செய்த சம்பவம் அப்பகுதியில் பெரும் பரபரப்பை ஏற்படுத்தியது. 

மேலும் படிக்க | தெரியாமல் செய்து விட்டேன்..! பைக் சாகசத்தில் ஈடுபட்ட இளைஞருக்கு நூதன நிபந்தனை ஜாமின் ! 

தாம்பரம் அருகே பல கைம்பெண்களை ஆசை வார்த்தைக் கூறி ஏமாற்றிய நபரை போலீசார் கைது செய்துள்ளனர். விசாரணையில் பல திடுக்கிடும் தகவல்கள் வெளியானது. 

செங்கல்பட்டு மாவட்டம், முடிச்சூர் பகுதியை சேர்ந்த கைம்பெண் ஒருவர், ஹபீப் ரஹ்மான் என்பவர் தன்னிடம் பழகி ஆசை வார்த்தை கூறி  30 லட்சம் ரூபாயும், 15 சவரன் தங்க நகைகளையும் பறித்துச் சென்று விட்டதாக காவல் நிலையத்தில் புகார் அளித்தார். 

இந்த புகாரின் பேரில் வழக்கு பதிவு செய்த போலீசார், பூந்தமல்லியில் அவரது வீட்டில் தங்கிருந்த ஹபீப் ரஹ்மானை கைது செய்தனர். பின்னர் விசாரணையில் பல திடுக்கிடும் தகவல்கள் வெளியானது. 

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

விசாரணையில், திருமண தகவல் குறித்து ஆன்லைனில்  வரும் விளம்பரங்கள் மூலம் கைம்பெண்களின் தகவல்கள்களை பெற்று, அவர்களை தொடர்பு கொண்டு ஏமாற்றியதை ஒப்புக்கொண்டார். 

மேலும் இதுவரை தமிழ்நாடு முழுவதும் 35க்கும் மேற்பட்ட கைம்பெண்களை அவர், ஏமாற்றி பணம் மற்றும் நகைகளை பெற்று கொண்டு  உல்லாசமாக வாழ்ந்து வந்ததும் விசாரணையில் தெரியவந்துள்ளது. இதையடுத்து அவனிடமிருந்த விலையுயர்ந்த கார் மற்றும் இருசக்கர வாகனம் உள்ளிட்டவற்றை பறிமுதல் செய்த போலீசார், அவரை கைது செய்து சிறையில் அடைத்தனர். 

ஈரோடு மாவட்டம் எல்லபாளையம் தொட்டியம்பட்டியில் நிலத்தகராறு காரணமாக மீனவர் வெட்டி கொல்லப்பட்ட சம்பவம் பரபரப்பை ஏற்படுத்தியுள்ளது. 

நிலத்தகராறு காரணமாக முன்விரோதம்:

ஈரோடு அடுத்த எல்ல பாளையம் தொட்டம்பட்டியை சேர்ந்தவர் கணேசன். மீன்பிடி தொழிலாளியான இவருக்கு நதியா என்ற மனைவியும் , இரண்டு மகன்களும், ஒரு மகளும் உள்ளனர். இவருக்கும், இவரது உறவினர் ஒருவருக்கும் இடையே நிலத்தகராறு காரணமாக முன் விரோதம் இருந்து வந்ததாக கூறப்படுகிறது.

மீனவர் வெட்டி கொலை:

இந்நிலையில் கடந்த 3 ஆம் தேதி இரவு வீட்டின் அருகே நடந்து சென்ற கணேசனிடம், உறவினர்கள் 3 பேர் நில தகராறு தொடர்பாக மீண்டும் வாக்குவாதத்தில் ஈடுபட்டுள்ளனர். ஒரு கட்டத்தில் இந்த வாக்குவாதம் முற்றவே ஆத்திரமடைந்த கும்பல் மறைத்து வைத்திருந்த அரிவாள், கத்தி உள்ளிட்ட ஆயுதங்களால் கணேசனை சரமாரியாக வெட்டியுள்ளனர். இதில் நிலைகுலைந்த கணேசன் ரத்த வெள்ளத்தில் கீழே சரிந்து சம்பவ இடத்திலேயே பரிதாபமாக உயிரிழந்தார். இதைத்தொடர்ந்து, அந்த கும்பல் அங்கிருந்து தப்பி ஓடிவிட்டனர். 

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

பின்னர் இந்த சம்பவம் தொடர்பாக தகவலறிந்த வீரப்பன்சத்திரம் போலீசார், சம்பவ இடத்திற்கு விரைந்து சென்று கணேசன் உடலை மீட்டு பிரேத பரிசோதனைக்காக அரசு மருத்துவமனைக்கு அனுப்பி வைத்தனர். தொடர்ந்து, இது குறித்து வழக்குப்பதிவு செய்த போலீசார்,  கணேசனை கொலை செய்த மர்ம நபர்களை தீவிரமாக தேடி வருகின்றனர்.  இருப்பினும், முன்விரோதம் காரணமாக மீனவர் ஒருவர் மர்ம நபர்களால் வெட்டிக்கொலை செய்யப்பட்ட சம்பவம் ஈரோட்டில் பெரும் பரபரப்பை ஏற்படுத்தியுள்ளது

கோயம்பேட்டில் மணி பர்சை தொலைத்த பெண்ணின் ஏடி.எம் கார்டிலிருந்து 50 ஆயிரம் சுருட்டிய கொள்ளை.

தொலைந்த மணி பர்ஸ்:

திருவண்ணாமலை மாவட்டம் ஓடலூர் கிராமத்தை சேர்ந்த இளம்பெண் ரேவதி, நேற்று மதியம் 2 மணிக்கு வண்ணாரப் பேட்டையில் இருந்து பேருந்து மூலம் கோயம்பேடு பேருந்து நிலையத்தில் இறங்கி அங்கிருந்து ஆட்டோ மூலம் விருகம்பாக்கத்தில் உள்ள மற்றொரு உறவினரை சந்திப்பதற்காக சென்றுள்ளார். அப்போது ஆட்டோவுக்கு பணம் கொடுப்பதற்காக தனது பேக்கில் வைத்திருந்த மணி பர்சை பார்த்த போது காணாமல் போயுள்ளது. 

பணம் கொள்ளை:

சிறிது நேரத்தில், ஐந்து தவணைகளில் 50,000 ரூபாய் ஏடி.எம்மில் இருந்து பணம் எடுத்ததாக அவருக்கு குறுஞ்செய்தி வந்துள்ளது. இதனால் அதிர்ச்சி அடைந்த இளம் பெண் கோயம்பேடு பேருந்து நிலைய காவல் நிலையத்தில் புகார் அளித்துள்ளார்.

இதையும் படிக்க: தெரியாமல் செய்து விட்டேன்..! பைக் சாகசத்தில் ஈடுபட்ட இளைஞருக்கு நூதன நிபந்தனை ஜாமின் !

புகார்:

காணாமல் போன பணம் மற்றும் ஆதார் கார்டு, பான் கார்டு, ஏடிஎம் கார்டு ஆகியவற்றை கண்டுபிடித்துக் கொடுக்கும்படி அளித்த புகாரின் பேரில் கோயம்பேடு போலீசார் அண்ணா நகர் சைபர் கிரைம் காவல்துறையின் விசாரணைக்கு மாற்றினர்.

சந்தேகம்:

இதனையடுத்து போலீசாரின் முதற்கட்ட விசாரணையில் காணாமல் போன பெண்ணின் பர்சில், ஏடிஎம் கார்டு, ஆதார் கார்டு, பான் கார்டு உள்ளிட்ட முக்கிய ஆவணங்கள் இருந்ததால் ஏடிஎம் கார்டு எடுத்த நபர் அவரின் பிறந்த தேதியை எதார்த்தமாக பதிவு செய்து ஏடிஎம்மில் இருந்து பணத்தை திருடி இருக்கலாம் என்று போலீசாருக்கு சந்தேகம் ஏற்பட்டுள்ளது. அங்குள்ள சிசிடிவி காட்சியை வைத்து திருடிய நபர் யார் என்பதை கண்டுபிடிக்கும் முயற்சியில்  ஈடுபட்டு வருகின்றனர்.

எச்சரிக்கை:

பிறந்த தேதி, வாகனத்தின் எண், செல்போனின் கடைசி நான்கு எண்கள், முதல் நான்கு எண்கள் போன்ற எளிதாக பொதுவெளியில் தெரியும் எண்களை ஏடிஎம் மற்றும் ஆன்லைன் பணப்பரிவர்த்தனை கடவுச் சொற்களாக வைக்க வேண்டாம் என பொது மக்களுக்கு காவல்துறையினர் எச்சரிக்கை விடுத்துள்ளனர்.

திருப்பூர் மாவட்டம் பல்லடம் அருகே தொழிலில் பங்குதாரராக சேர்ப்பதாக கூறி  கடத்திச் சென்று சித்ரவதை செய்வதாக பெண் ஒருவர்  கண்ணீர் மல்க வெளியிட்டுள்ள வீடியோ குறித்து காவல்துறையினர் விசாரித்து வருகின்றனர்.

திருப்பூர் அருகேயுள்ள வடுகபாளையம் பகுதியை சேர்ந்தவர் பிரவீனா. இவர் அண்மையில், அழுதபடி வீடியோ ஒன்றை வெளியிட்டுள்ளார். அதில் தான் பியூட்டி பார்லர் நடத்தி வருவதாகவும், பார்லருக்கு வேலப்பகவுண்டன்பாளையம் பகுதியை சேர்ந்த தமிழ்ச்செல்வி என்பவர் அடிக்கடி வரும் நிலையில் இருவரும் நெருங்கி பழகியதாகவும் கூறியுள்ளார். அப்போது தமிழ்செல்வி தனது கணவன் சிவக்குமார் டெக்ஸ்டைல்ஸ் தொழில் செய்து வருவதாகவும், அதன் மூலம் நிறைய பணம் சம்பாதிக்கலாம் என ஆசை வார்த்தை கூறியதாகவும் தெரிவித்துள்ளார்.

இதனை உண்மையென நம்பி, தனது வீட்டின் பத்திரத்தை கொடுத்ததாகவும், ஆனால் அவர்கள் அதனை 3 கோடி ரூபாய்க்கு அடமானம் வைத்ததாகவும் புகார் தெரிவித்துள்ளார். அது குறித்து கேட்ட தன்னை கடத்தி சென்று திருச்சியில் வைத்து சித்ரவதை செய்வதாகவும் கண்ணீர் மல்க வீடியோ ஒன்றை வெளியிட்டுள்ளார். இந்த வீடியோ சமூக வலைதளங்களில் வைரலாகி பொதுமக்களிடையே அதிர்ச்சியையும் பரபரப்பையும் ஏற்படுத்தி உள்ளது.

இதையும் படிக்க: அமைச்சர்களுக்கு வாய் கொழுப்பு அதிகம்...ஓசியை அனுபவிப்பவர்கள் ஓசியை பற்றி பேசுகிறார்கள்...!

இதனிடையே பிரவீனாவின் மகள் தனது தாயை காணவில்லை என்று பல்லடம் காவல் நிலையத்தில் புகார் அளித்துள்ளார். அதன் பேரில் பல்லடம் போலீசார் பெண் மாயம் என வழக்கு பதிவு செய்து மாயமாகியுள்ள பிரவீனாவையும் அவர் வீடியோவில் குறிப்பிட்டவர்களையும் வலை வீசி தேடி வருகின்றனர்.