நெல்லை | மகாராஜா நகரை சேர்ந்தவர் வெள்ளை சுந்தர் இவர் மீது சென்னை உள்ளிட்ட காவல் நிலையங்களில் பல்வேறு குற்ற வழக்குகள் நிலுவையில் இருப்பதாக கூறப்படுகிறது மேலும் தென் தமிழகத்தைச் சேர்ந்த ரவுடி ராக்கெட் ராஜாவின் கூட்டாளியாக வெள்ளை சுந்தர் இருப்பதாகவும் கூறப்படுகிறது.

இதுபோன்ற சூழ்நிலையில் வெள்ளை சந்தர் தனது உறவினரான அஜய் கோபி என்ற இளைஞருக்கு துப்பாக்கி சுடும் பயிற்சி அளித்த வீடியோ ஒன்று சமீபத்தில் வெளியாகி பெரும் பரபரப்பு ஏற்படுத்தியது போலீஸ் விசாரணையில் அந்த வீடியோ பல ஆண்டுகளுக்கு முன்பு எடுக்கப்பட்டது என்பது தெரியவந்தது.

மேலும் படிக்க | வீட்டில் தனியாக இருந்த பெண்ணை மிரட்டி கொள்ளை...

இருப்பினும் பழைய வீடியோவை தற்போது சமூக வலைதளங்களில் பரவ விட்டு பொதுமக்கள் மத்தியில் ஆயுத கலாச்சாரத்தை ததூண்டியதாக நெல்லை பாளையங்கோட்டை போலீசார் வழக்கு பதிவு செய்து அஜய் கோபியை கைது செய்தனர் மேலும் இந்த வழக்கில் தேடப்பட்ட வெள்ளை சுந்தர் தலைமறைவானதாக கூறப்பட்டது.

அதே சமயம் கடந்த 2 4ஆம் தேதி வெள்ளை சுந்தர் நெல்லை மாவட்ட நீதிமன்றத்தில் சரணடைய வந்தார் அப்போது திடீரென வெள்ளை சுந்தர் கடும் போலீஸ் பாதுகாப்பை மீறி நீதிமன்றத்தில் இருந்து தப்பி ஓடிய சம்பவம் காவல்துறை வட்டாரத்தில் அதிர்ச்சி ஏற்படுத்தியது மேலும் நூற்றுக்கணக்கான போலீசார் நடமாடும் நீதிமன்ற வளாகத்தில் முக்கிய வழக்கின் குற்றவாளி சாதாரணமாக தப்பி சென்ற சம்பவம் பெரும் சர்ச்சை ஏற்படுத்தியது.

மேலும் படிக்க | ஐஸ்வர்யா ரஜினிகாந்த் வீட்டு கொள்ளை சம்பவம்... தொடரும் விசாரணை!!

இந்த நிலையில் குற்றவாளி வெள்ளை சுந்தரை தப்ப விட்டதாக கூறி பாளையங்கோட்டை காவல் ஆய்வாளர் வாசிவத்தை கட்டுப்பாட்டு அறைக்கு மாற்றம் செய்து மாநகர காவல் ஆணையர் ராஜேந்திரன் அதிரடி உத்தரவிட்டுள்ளார் மேலும் இந்த இடமாற்றம் பின்னணியில் ஆய்வாளர் வாசிவம் குற்றவாளி வெள்ளை சுந்தரிடம் லஞ்சம் பெற்றுக் கொண்டு அவர் தப்பி செல்ல உதவியதாகவும் கூறப்படுகிறது.

குற்றவாளியை கைது செய்ய வேண்டிய காவல் ஆய்வாளரே குற்றவாளி நீதிமன்ற வளாகத்தில் வைத்து தப்பி செல்ல உதவியதாக கூறப்படும் சம்பவம் நெல்லை மாநகர காவல் துறை வட்டாரத்தில் பரபரப்பு ஏற்படுத்தி உள்ளது

மேலும் படிக்க | பற்கள் புடுங்கப்பட்ட வழக்கு: விசாரணைக்கு வராத கைதிகள்... காவல்துறை சார்பில் மிரட்டலா?!

திருவண்ணாமலை | கீழ்பென்னாத்தூர் எம்.ஜி.ஆர் நகரை சேர்ந்த வெங்கடாசலபதி மனைவி பிருந்தா  வீட்டில் தனியாக வசித்து வருகின்றனர். இந்நிலையில் இரவு வீட்டில் உறங்கிக் கொண்டிருந்தபோது நள்ளிரவில் மூன்று பேர் கொண்ட கும்பல் கதவைத் தட்டி இரும்பு கம்பியை காட்டி மிரட்டி பீரோவில் இருந்த 10 பவுன் தங்க நகை, 2.5 கிலோ வெள்ளி மற்றும் ரூபாய் 70 ஆயிரம் ரொக்கப் பணம் கொள்ளை அடித்து சென்றனர். 

தகவல் அறிந்து வந்த கீழ்பென்னாத்தூர் போலீசார் சம்பவ இடத்திற்கு விரைந்து வந்து விசாரணை மேற்கொண்டனர். மேலும் கைரேகை நிபுணர்கள் வரவழைக்கப்பட்டு தடையங்கள் சேகரிக்கப்பட்டுள்ளது. நள்ளிரவில் கொள்ளையில் ஈடுபட்ட மர்ம நபர்கள் குறித்து ஈடுபட்ட போலீசார் தீவிர விசாரணை மேற்கொண்டு வருகின்றனர். 

நள்ளிரவில் கதவைத் தட்டி இரும்பு கம்பியை காட்டி மிரட்டி கொள்ளையடிக்கப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

மேலும் படிக்க | 'மாஸ் மகாராஜா' ரவி தேஜா நடிக்கும் 'டைகர் நாகேஸ்வரராவ்' பட வெளியீட்டு தேதி அறிவிப்பு 

நடிகர் ரஜினிகாந்தின் மகள் ஐஸ்வர்யா வீட்டில் கொள்ளை அடித்த பணியாளர் ஈஸ்வரிக்கு இரண்டு நாள் போலீஸ் காவலில் எடுத்து விசாரணை செய்ய சைதாப்பேட்டை நீதிமன்றம் உத்தரவு பிறப்பித்துள்ளது.

சென்னை போயஸ் கார்டனை சேர்ந்தவர் நடிகர் ரஜினிகாந்தின் மகள் ஐஸ்வர்யா ரஜினிகாந்த்.  தமிழ் சினிமாவில் இயக்குனராக இருந்து வரும் ஐஸ்வர்யா ரஜினிகாந்த், வீட்டின் லாக்கரில் வைத்திருந்த கோடிக்கணக்கில் மதிப்பிலான தங்க, வைர நகைகள் காணாமல் போனதாக கடந்த பிப்ரவரி மாதம் 27ஆம் தேதி தேனாம்பேட்டை காவல் நிலையத்தில் புகார் அளித்தார்.  கடந்த 2019ஆம் ஆண்டுக்கு பிறகு மூன்று வீடுகள் மாறிய நிலையில், எந்த வீட்டிலிருந்து நகைகள் திருடப்பட்டது என தெரியவில்லை என புகாரில் குறிப்பிட்டிருந்தார். 

இந்த கொள்ளை சம்பவம் தொடர்பாக தேனாம்பேட்டை போலீசார் வழக்குபதிவு செய்து வங்கி கணக்குகளை ஆய்வு செய்து விசாரணை நடத்தி முக்கிய நபரான ஐஸ்வர்யா வீட்டின் பணியாளர் ஈஸ்வரி மற்றும் கார் ஓட்டுனர் வெங்கடேசன் ஆகியோரை கைது செய்தனர்.  கைது செய்யப்பட்ட இவர்களிடமிருந்து 100 சவரன் தங்க நகைகள், 4 கிலோ வெள்ளி பொருட்கள், 30 கிராம் வைர நகைகள், திருடிய நகைகளில் வாங்கப்பட்ட 1கோடி மதிப்புள்ள நிலத்தின் ஆவணங்களை போலீசார் பறிமுதல் செய்தனர்.  பின்னர் இருவரையும் நீதிமன்றத்தில் ஆஜர்படுத்தி சிறையில் அடைத்தனர். 

ஐஸ்வர்யா ரஜினிகாந்த் லாக்கரில் இருந்து எவ்வளவு நகைகள் திருடுப்போனது என முறையான கணக்குகள் போலீசாரிடம் தெரிவிக்காததால் ஐஸ்வர்யாவிடம் போலீசார் விசாரணை நடத்தி, அவரது தங்கை திருமண நிகழ்வின் போது எடுத்த புகைப்படம் மற்றும் நகைகள் அணிந்திருந்த புகைப்படத்தை வாங்கி போலீசார் விசாரணை நடத்தினர். 

இந்த நிலையில் ஐஸ்வர்யா ரஜினிகாந்தின் மீதமுள்ள நகைகளை மீட்பதற்காக கைது செய்யப்பட்டுள்ள ஈஸ்வரி மற்றும் வெங்கடேசனை விசாரிக்க மூன்று நாட்கள் போலீஸ் காவல் கேட்டு சைதாப்பேட்டை நீதிமன்றத்தில் தேனாம்பேட்டை போலீசார் மனு தாக்கல் செய்தனர்.  மனு மீதான விசாரணை இன்று நீதிமன்றத்தின் 18வது எம்.எம் கோர்ட்டில் நடந்ததால் ஈஸ்வரி மற்றும் வெங்கடேசனை போலீசார் மேஜிஸ்ட்ரேட் சுப்பிரமணியன் முன்பு ஆஜர்படுத்தினர்.  பின்னர் இந்த மனுவை விசாரித்த மேஜிஸ்ட்ரேட் சுப்பிரமணியன் அவர்களை இரண்டு நாட்கள் போலீஸ் காவலில் எடுத்து விசாரணை நடத்த அனுமதி வழங்கினார்.   

மாஜிஸ்ட்ரேட் விசாரணையின் போது போலீசார் அடிப்பார்கள் எனவும், போலீஸ் காவலில் செல்லமாட்டேன் என ஈஸ்வரி அடம்பிடித்ததாக கூறப்படுகிறது.  அதற்கு போலீசார் தாக்கக்கூடாது எனவும் போலீஸ் விசாரணைக்கு ஈஸ்வரி ஒத்துழைப்பு கொடுக்கவேண்டும் எனவும் மாஜிஸ்ட்ரேட் அறிவுறுத்தியதாக கூறப்படுகிறது.

பின்னர் இருவரையும் போலீஸ் பாதுகாப்பாக வாகனத்தில் தேனாம்பேட்டை காவல்நிலையத்திற்கு அழைத்துசென்ற போது கேமராவில் முகம் தெரியாதவாறு போலீஸ் மடியில் படுத்தப்படியே இருவரும் அழைத்து செல்லப்பட்டனர்.  வீட்டில் திருடிய நகைகள் எவ்வளவு? திருடிய மீதமுள்ள நகைகளை எங்கே பதுக்கி வைத்துள்ளனர்? சொத்துக்களாக குவித்துள்ளாரா என்பது தொடர்பாகவும், திண்டுக்கல் மாவட்டத்தில் ஈஸ்வரி மீதான குற்றவழக்கு குறித்தும் ஈஸ்வரி மற்றும் வெங்கடேசனிடம் போலீசார் விசாரணை நடத்த திட்டமிட்டுள்ளனர்.

இதையும் படிக்க:  தன்னை எதிர்த்து பேசினால் பழி வாங்குவேன்....!!!

குற்றச் செயல்களில்  ஈடுபட்டு  கைதாகும் விசாரணை கைதிகளின் பற்களை பிடுங்கிய விவகாரத்தில் சிக்கிய எஸ்.பி.பல்பீா் சிங்கிற்கு  சாதகமாக  காவல் துறையினா் செயல்பட்டு வருவதாக தகவல்கள் வெளியாகியுள்ளது.

திருநெல்வேலி மாவட்டம் அம்பாசமுத்திரம் சரகத்தின்   எஸ்.பியாக பல்பீா் சிங் பணியாற்றி வருகிறாா்.   இவா் குற்றச் செயலில் ஈடுபட்டு கைதாகும் விசாரணை கைதிகளுக்கு தண்டனையாக வாயில்  ஜல்லிகற்களை போட்டு  பற்களை புடுங்குவதோடு மட்டுமல்லாமல் அவா்கள் மீது கடுமையான தாக்குதலும் நடத்தி இருப்பதாக செய்திகள் தொிவிக்கின்றன.   இதனை அறிந்த திருநெல்வேலி மாவட்ட ஆட்சியா் கார்த்திகேயன் குற்றம் சுமத்தப்பட்ட எஸ்.பி. பல்பீா் சிங்கை விசாரிக்க சேரன்மகாதேவி சார் ஆட்சியர் முகமது சமீர் ஆலமை விசாரணை அதிகாரியாக நியமனம் செய்தார்.

மேலும் படிக்க:  குற்றவாளிகளின் பற்கள் புடுங்கப்பட்ட விவகாரம்...  !!

இதனைத் தொடர்ந்து நேற்று காலை விசாரணை தொடங்கிய நிலையில் பாதிக்கப்பட்டவா்களிடம் விசாரணை செய்ய முடிவு செய்யப்படதோடு , சிசிடிவி ஆதாரங்களையும் ஆய்வு செய்ய முடிவு செய்திருந்தனர்.   இந்நிலையில் விசாரணைக்காக ஒதுக்கப்பட்ட நேரம் வரை காவல்துறையை சார்ந்தவர்களோ பாதிக்கப்பட்டவர்களோ விசாரணைக்கு முன்வரவில்லை என தெரிகிறது.   விசாரணைக்கான நேரத்தை கடந்து லட்சுமி சங்கா் என்ற பாதிக்கப்பட்ட நபர் மட்டும் முக கவசம் அணிந்து  தாமாக முன்வந்து விசாரணைக்கு ஆஜராகியுள்ளார்.   பின்னா் அவரிடம் ஒருமணி நேரத்திற்கும் மேலாக காவல் துறையினா்  விசாரணை நடைத்தினா்.   அவரிடம் நடத்தப்பட்ட விசாரணைக்கு பின்னா் தகவல் அளித்த காவல் துறையினர்  எஸ்.பி தாக்குதலில்  அவர்களுக்கு காயம் எதுவும் ஏற்படவில்லை என விசாரணை கைதி தெரிவித்ததாக கூறியுள்ளனர். 

பாதிக்கப்பட்ட விசாரணை கைதிகளும் காவல் துறையினரும் முறையாக விசாரணையில் கலந்து கொள்ளாததையும் இந்த விசாரணை நடவடிக்கையானது காவல் துறையினரால் மேற்கொள்ளப்பட்டதாலும் விசாரணை முறைகேடுகள் நடந்திருக்கலாம் என்ற சந்தேகம் மக்கள் மனதில் எழுந்துள்ளது.

-முருகானந்தம்

இதையும் படிக்க:   பொதுச்செயலாளரான எடப்பாடி... இனிப்பு வழங்கிய அமைச்சர் சேகர் பாபு!!

ஆறு மாதங்களுக்கு முன்பு ஏற்பட்ட பகையின் காரணமாக இளைஞர் ஒருவரை தலையில் சரமாரியாக வெட்டிய சம்பவம் சைதாப்பேட்டை பகுதியில் பெரும் பரபரப்பை ஏற்படுத்தியுள்ளது

சென்னையை அடுத்துள்ள அம்பத்தூர் அயப்பாக்கம் பகுதியை சேர்ந்தவர் 21 வயதாகும் ராகுல்.  கல்லூரி படிப்பை பாதியிலேயே நிறுத்திய ராகுல் போதை பழக்கத்திற்கு அடிமையாகி அயப்பாக்கம் பகுதியில் சிறு சிறு குற்றச் சம்பவங்களில் ஈடுபட்டு வந்ததாக கூறப்படுகிறது. 

இந்நிலையில் மது போதைக்கு அடிமையாகிய ராகுலை அவனது பெற்றோர் சில நாட்களுக்கு சைதாப்பேட்டையில் உள்ள அவரது சித்தப்பா வீட்டில் தங்க வைக்க முடிவு செய்துள்ளனர்.  அதன் பின்னர் கடந்த இரு தினங்களாக சைதாப்பேட்டை கோத்தமேடு குடிசை மாற்று குடியிருப்பு பகுதியில் தனது சித்தப்பா வீட்டில் வசித்து வந்த ராகுலை நேற்று இரவு பின் தொடர்ந்து வந்த மர்ம நபர்கள் அவரை அவரது வீட்டு முகப்பிலேயே சரமாரியாக வெட்டி உள்ளனர். 

இந்த சம்பவத்தில்  பலத்த காயம் அடைந்து ராகுலை ரத்தம் சொட்ட சொட்ட அருகாமையில் இருந்த மக்கள் மயங்கிய நிலையில் இருந்த அவரை 108 ஆம்புலன்ஸ் மூலம் ராயப்பேட்டை அரசு மருத்துவமனைக்கு கொண்டு சேர்த்து தற்போது உயிருக்கு ஆபத்தான நிலையில் சிகிச்சை பெற்று வருகிறார். 

மேலும் இது தொடர்பாக காவல்துறைக்கு தகவல் தெரிவிக்கப்பட்டு சம்பவ இடத்திற்கு வந்த சைதாப்பேட்டை காவல் துறையினர் விசாரணை மேற்கொண்டதில் முதற்கட்ட விசாரணையில் 6 மாதங்களுக்கு முன்பு தனது சித்தப்பா வீட்டிற்கு வந்த ராகுலுக்கும் அதே பகுதியை சேர்ந்த சில இளைஞர்களுக்கும் மோதல் ஏற்பட்டதாகவும், அந்த மோதலுக்கு பழி தீர்க்கும் விதமாக நேற்று இரவு ராகுலை  வெட்டி விட்டு தப்பி சென்றிருக்கலாம் என தெரிவிக்கின்றனர்.   மேலும் தப்பி ஓடிய அந்த மர்மநபர்களை சைதாப்பேட்டை காவல்துறையினர் தனிப்படை அமைத்து தீவிரமாக தேடி வருகின்றனர்.

இதையும் படிக்க:   சென்னை அண்ணாநகரில் ஒரு கோடி ரூபாய் கொள்ளை...!!