காஞ்சிபுரம் | வேலூர் மாவட்டம், காட்ப்பாடியை சேர்ந்தவர் வேலு. இவரது மகள் ஸ்வேதா (வயது 18). இவர் காஞ்சிபுரம் மாவட்டம் ஸ்ரீபெரும்புதூர் அருகே இருங்காட்டுக் கோட்டையில் உள்ள தனியார் பொறியியல் கல்லூரியில் B.Tech முதலாம் ஆண்டு படித்து வந்தார். ஸ்வேதா கல்லூரியில் சரிவர படிக்க வில்லை என்று கூறப்படுகிறது. 

படிப்பு ஏர வில்லை என்று மன உளைச்சலில் இருந்து வந்த ஸ்வேதா நேற்று இரவு கடிதம் எழுதிவைத்து விட்டு தங்கும் விடுதியில் சீலிங் ஃபேனில் தூக்கில் தொங்கிய நிலையில் உயிருக்கு போராடிக் கொண்டிருந்தார். 

மேலும் படிக்க | அமுதசுரபி ஊழியர்கள்: 30 மாதம் நிலுவை ஊதியத்தை தர வலியுறுத்தி மாடியில் ஏறி நின்று போராட்டம் 

இதைப் பார்த்து அதிர்ந்த சக தோழிகள் நிர்வாகத்திடம் கூறி உடனே அவரை மீட்டு தண்டலம் தனியார் மருத்துவமனைக்கு கொண்டு சென்றுள்ளனர். அங்கு பரிசோதித்த மருத்துவர் சுவேதா ஏற்கனவே இறந்து விட்டதாக கூறியுள்ளார். 

இச்சம்பவம் குறித்து தகவல் அறிந்து சம்பவ இடத்துக்கு வந்த ஶ்ரீபெரும்புதூர் போலீசார் மாணவியின் உடலை கைப்பற்றி பிரேத பரிசோதனைக்காக செங்கல்பட்டு அரசு மருத்துவமனைக்கு அனுப்பி வைத்து மாணவியின் தற்கொலை சம்பவம் குறித்து வழக்கு பதிவு செய்து விசாரணை நடத்தி வருகின்றனர். 

மேலும் படிக்க | போராட்டத்தில் இறங்கிய தற்காலிக துப்புரவு பணியாளர்கள்... 

விழுப்புரம் | திண்டிவனம் கிடங்கள் - 2 பகுதியில் உள்ள ராஜன் தெரு, கலைஞர் தெரு உள்ளிட்ட பகுதிகளில் நேற்று நள்ளிரவில் வந்த மர்ம நபர்கள் அந்தப் பகுதியில் உள்ள ஹரிதாஸ், பார்த்திபன், ஐயப்பன், தேவா, கணேஷ் உள்ளிட்ட பத்துக்கும் மேற்பட்டோரின் வீடுகளில், வீட்டில் உள்ளவர்கள் ஆழ்ந்து உறங்கிக் கொண்டிருப்பதை சாதகமாக பயன்படுத்தி சுமார் 15-க்கும் மேற்பட்ட விலை உயர்ந்த செல்போன்களை திருடி சென்றுள்ளனர். 

பின்பு இது குறித்து உணர்ந்த பொதுமக்கள் வெளியில் வந்து மர்ம நபர்களை தேடிய நிலையில், அவர்கள் அங்கிருந்து தப்பி சென்றுள்ளது தெரியவந்தது .
இது குறித்த காட்சிகள் அங்குள்ள சிசிடிவி கேமராவில் பதிவாகியுள்ள நிலையில், சிசிடிவி கேமரா காட்சிகளின்  அடிப்படையில் போலீசார் மர்ம நபர்களை வலை வீசி தேடி வருகின்றனர். 

திண்டிவனத்தின் மையப் பகுதியில் ஒரே இரவில்.பத்துக்கும் மேற்பட்ட வீடுகளில் இருந்த 15 க்கும் மேற்பட்ட விலை உயர்ந்த செல்போன்களை மர்ம நபர்கள் திருடி சென்றுள்ள சம்பவம் இப்பகுதியில் உள்ள பொதுமக்களை அச்சத்தில் ஆக்கியுள்ளது குறிப்பிடத்தக்கது. 

மேலும் படிக்க | சென்னை அண்ணாநகரில் ஒரு கோடி ரூபாய் கொள்ளை...!! 

நெல்லை | மகாராஜா நகரை சேர்ந்தவர் வெள்ளை சுந்தர் இவர் மீது சென்னை உள்ளிட்ட காவல் நிலையங்களில் பல்வேறு குற்ற வழக்குகள் நிலுவையில் இருப்பதாக கூறப்படுகிறது மேலும் தென் தமிழகத்தைச் சேர்ந்த ரவுடி ராக்கெட் ராஜாவின் கூட்டாளியாக வெள்ளை சுந்தர் இருப்பதாகவும் கூறப்படுகிறது.

இதுபோன்ற சூழ்நிலையில் வெள்ளை சந்தர் தனது உறவினரான அஜய் கோபி என்ற இளைஞருக்கு துப்பாக்கி சுடும் பயிற்சி அளித்த வீடியோ ஒன்று சமீபத்தில் வெளியாகி பெரும் பரபரப்பு ஏற்படுத்தியது போலீஸ் விசாரணையில் அந்த வீடியோ பல ஆண்டுகளுக்கு முன்பு எடுக்கப்பட்டது என்பது தெரியவந்தது.

மேலும் படிக்க | வீட்டில் தனியாக இருந்த பெண்ணை மிரட்டி கொள்ளை...

இருப்பினும் பழைய வீடியோவை தற்போது சமூக வலைதளங்களில் பரவ விட்டு பொதுமக்கள் மத்தியில் ஆயுத கலாச்சாரத்தை ததூண்டியதாக நெல்லை பாளையங்கோட்டை போலீசார் வழக்கு பதிவு செய்து அஜய் கோபியை கைது செய்தனர் மேலும் இந்த வழக்கில் தேடப்பட்ட வெள்ளை சுந்தர் தலைமறைவானதாக கூறப்பட்டது.

அதே சமயம் கடந்த 2 4ஆம் தேதி வெள்ளை சுந்தர் நெல்லை மாவட்ட நீதிமன்றத்தில் சரணடைய வந்தார் அப்போது திடீரென வெள்ளை சுந்தர் கடும் போலீஸ் பாதுகாப்பை மீறி நீதிமன்றத்தில் இருந்து தப்பி ஓடிய சம்பவம் காவல்துறை வட்டாரத்தில் அதிர்ச்சி ஏற்படுத்தியது மேலும் நூற்றுக்கணக்கான போலீசார் நடமாடும் நீதிமன்ற வளாகத்தில் முக்கிய வழக்கின் குற்றவாளி சாதாரணமாக தப்பி சென்ற சம்பவம் பெரும் சர்ச்சை ஏற்படுத்தியது.

மேலும் படிக்க | ஐஸ்வர்யா ரஜினிகாந்த் வீட்டு கொள்ளை சம்பவம்... தொடரும் விசாரணை!!

இந்த நிலையில் குற்றவாளி வெள்ளை சுந்தரை தப்ப விட்டதாக கூறி பாளையங்கோட்டை காவல் ஆய்வாளர் வாசிவத்தை கட்டுப்பாட்டு அறைக்கு மாற்றம் செய்து மாநகர காவல் ஆணையர் ராஜேந்திரன் அதிரடி உத்தரவிட்டுள்ளார் மேலும் இந்த இடமாற்றம் பின்னணியில் ஆய்வாளர் வாசிவம் குற்றவாளி வெள்ளை சுந்தரிடம் லஞ்சம் பெற்றுக் கொண்டு அவர் தப்பி செல்ல உதவியதாகவும் கூறப்படுகிறது.

குற்றவாளியை கைது செய்ய வேண்டிய காவல் ஆய்வாளரே குற்றவாளி நீதிமன்ற வளாகத்தில் வைத்து தப்பி செல்ல உதவியதாக கூறப்படும் சம்பவம் நெல்லை மாநகர காவல் துறை வட்டாரத்தில் பரபரப்பு ஏற்படுத்தி உள்ளது

மேலும் படிக்க | பற்கள் புடுங்கப்பட்ட வழக்கு: விசாரணைக்கு வராத கைதிகள்... காவல்துறை சார்பில் மிரட்டலா?!

திருவண்ணாமலை | கீழ்பென்னாத்தூர் எம்.ஜி.ஆர் நகரை சேர்ந்த வெங்கடாசலபதி மனைவி பிருந்தா  வீட்டில் தனியாக வசித்து வருகின்றனர். இந்நிலையில் இரவு வீட்டில் உறங்கிக் கொண்டிருந்தபோது நள்ளிரவில் மூன்று பேர் கொண்ட கும்பல் கதவைத் தட்டி இரும்பு கம்பியை காட்டி மிரட்டி பீரோவில் இருந்த 10 பவுன் தங்க நகை, 2.5 கிலோ வெள்ளி மற்றும் ரூபாய் 70 ஆயிரம் ரொக்கப் பணம் கொள்ளை அடித்து சென்றனர். 

தகவல் அறிந்து வந்த கீழ்பென்னாத்தூர் போலீசார் சம்பவ இடத்திற்கு விரைந்து வந்து விசாரணை மேற்கொண்டனர். மேலும் கைரேகை நிபுணர்கள் வரவழைக்கப்பட்டு தடையங்கள் சேகரிக்கப்பட்டுள்ளது. நள்ளிரவில் கொள்ளையில் ஈடுபட்ட மர்ம நபர்கள் குறித்து ஈடுபட்ட போலீசார் தீவிர விசாரணை மேற்கொண்டு வருகின்றனர். 

நள்ளிரவில் கதவைத் தட்டி இரும்பு கம்பியை காட்டி மிரட்டி கொள்ளையடிக்கப்பட்டுள்ள சம்பவம் அப்பகுதியில் பெரும் பரபரப்பை ஏற்படுத்தியுள்ளது. 

மேலும் படிக்க | 'மாஸ் மகாராஜா' ரவி தேஜா நடிக்கும் 'டைகர் நாகேஸ்வரராவ்' பட வெளியீட்டு தேதி அறிவிப்பு 

நடிகர் ரஜினிகாந்தின் மகள் ஐஸ்வர்யா வீட்டில் கொள்ளை அடித்த பணியாளர் ஈஸ்வரிக்கு இரண்டு நாள் போலீஸ் காவலில் எடுத்து விசாரணை செய்ய சைதாப்பேட்டை நீதிமன்றம் உத்தரவு பிறப்பித்துள்ளது.

சென்னை போயஸ் கார்டனை சேர்ந்தவர் நடிகர் ரஜினிகாந்தின் மகள் ஐஸ்வர்யா ரஜினிகாந்த்.  தமிழ் சினிமாவில் இயக்குனராக இருந்து வரும் ஐஸ்வர்யா ரஜினிகாந்த், வீட்டின் லாக்கரில் வைத்திருந்த கோடிக்கணக்கில் மதிப்பிலான தங்க, வைர நகைகள் காணாமல் போனதாக கடந்த பிப்ரவரி மாதம் 27ஆம் தேதி தேனாம்பேட்டை காவல் நிலையத்தில் புகார் அளித்தார்.  கடந்த 2019ஆம் ஆண்டுக்கு பிறகு மூன்று வீடுகள் மாறிய நிலையில், எந்த வீட்டிலிருந்து நகைகள் திருடப்பட்டது என தெரியவில்லை என புகாரில் குறிப்பிட்டிருந்தார். 

இந்த கொள்ளை சம்பவம் தொடர்பாக தேனாம்பேட்டை போலீசார் வழக்குபதிவு செய்து வங்கி கணக்குகளை ஆய்வு செய்து விசாரணை நடத்தி முக்கிய நபரான ஐஸ்வர்யா வீட்டின் பணியாளர் ஈஸ்வரி மற்றும் கார் ஓட்டுனர் வெங்கடேசன் ஆகியோரை கைது செய்தனர்.  கைது செய்யப்பட்ட இவர்களிடமிருந்து 100 சவரன் தங்க நகைகள், 4 கிலோ வெள்ளி பொருட்கள், 30 கிராம் வைர நகைகள், திருடிய நகைகளில் வாங்கப்பட்ட 1கோடி மதிப்புள்ள நிலத்தின் ஆவணங்களை போலீசார் பறிமுதல் செய்தனர்.  பின்னர் இருவரையும் நீதிமன்றத்தில் ஆஜர்படுத்தி சிறையில் அடைத்தனர். 

ஐஸ்வர்யா ரஜினிகாந்த் லாக்கரில் இருந்து எவ்வளவு நகைகள் திருடுப்போனது என முறையான கணக்குகள் போலீசாரிடம் தெரிவிக்காததால் ஐஸ்வர்யாவிடம் போலீசார் விசாரணை நடத்தி, அவரது தங்கை திருமண நிகழ்வின் போது எடுத்த புகைப்படம் மற்றும் நகைகள் அணிந்திருந்த புகைப்படத்தை வாங்கி போலீசார் விசாரணை நடத்தினர். 

இந்த நிலையில் ஐஸ்வர்யா ரஜினிகாந்தின் மீதமுள்ள நகைகளை மீட்பதற்காக கைது செய்யப்பட்டுள்ள ஈஸ்வரி மற்றும் வெங்கடேசனை விசாரிக்க மூன்று நாட்கள் போலீஸ் காவல் கேட்டு சைதாப்பேட்டை நீதிமன்றத்தில் தேனாம்பேட்டை போலீசார் மனு தாக்கல் செய்தனர்.  மனு மீதான விசாரணை இன்று நீதிமன்றத்தின் 18வது எம்.எம் கோர்ட்டில் நடந்ததால் ஈஸ்வரி மற்றும் வெங்கடேசனை போலீசார் மேஜிஸ்ட்ரேட் சுப்பிரமணியன் முன்பு ஆஜர்படுத்தினர்.  பின்னர் இந்த மனுவை விசாரித்த மேஜிஸ்ட்ரேட் சுப்பிரமணியன் அவர்களை இரண்டு நாட்கள் போலீஸ் காவலில் எடுத்து விசாரணை நடத்த அனுமதி வழங்கினார்.   

மாஜிஸ்ட்ரேட் விசாரணையின் போது போலீசார் அடிப்பார்கள் எனவும், போலீஸ் காவலில் செல்லமாட்டேன் என ஈஸ்வரி அடம்பிடித்ததாக கூறப்படுகிறது.  அதற்கு போலீசார் தாக்கக்கூடாது எனவும் போலீஸ் விசாரணைக்கு ஈஸ்வரி ஒத்துழைப்பு கொடுக்கவேண்டும் எனவும் மாஜிஸ்ட்ரேட் அறிவுறுத்தியதாக கூறப்படுகிறது.

பின்னர் இருவரையும் போலீஸ் பாதுகாப்பாக வாகனத்தில் தேனாம்பேட்டை காவல்நிலையத்திற்கு அழைத்துசென்ற போது கேமராவில் முகம் தெரியாதவாறு போலீஸ் மடியில் படுத்தப்படியே இருவரும் அழைத்து செல்லப்பட்டனர்.  வீட்டில் திருடிய நகைகள் எவ்வளவு? திருடிய மீதமுள்ள நகைகளை எங்கே பதுக்கி வைத்துள்ளனர்? சொத்துக்களாக குவித்துள்ளாரா என்பது தொடர்பாகவும், திண்டுக்கல் மாவட்டத்தில் ஈஸ்வரி மீதான குற்றவழக்கு குறித்தும் ஈஸ்வரி மற்றும் வெங்கடேசனிடம் போலீசார் விசாரணை நடத்த திட்டமிட்டுள்ளனர்.

இதையும் படிக்க:  தன்னை எதிர்த்து பேசினால் பழி வாங்குவேன்....!!!