நாமக்கல் அடுத்த பதுச்சத்திரம் பகுதியில் உள்ள நவனி பகுதியை சேர்ந்தவர் தமிழ்செல்வன்(22). இவர் பன்னிரண்டாம் வகுப்பு படித்து கொண்டிருந்த போதே சக மாணவியான நந்தினி (22) என்பவரை காதலித்து திருமணம்  செய்து கொண்டார். இவர்களுக்கு 3 வயதில் ஆண் குழந்தை ஒன்று உள்ளது. திருமணத்திற்கு பின் இருவரும் நவனியில் வசித்து வருகின்றனர். 

தமிழ் செல்வன் மரம் வெட்டும் கூலி வேலை செய்து வருகிறார். இவரது மனைவி நந்தினி கடந்த 2 ஆண்டுகளுக்கு முன் வீட்டின் அருகில் உள்ள ரமேஷ் மெடிக்கல்ஸ் மற்றும் சூப்பர் மார்க்கெட்டில் வேலை பார்த்துள்ளார். அப்போது கடை உரிமையாளர் ரமேஷ் என்பவருக்கும், நந்தினிக்கும் தகாத உறவு ஏற்பட்டதாக கூறப்படுகிறது. இதனை அறிந்து கொண்ட கணவன் தமிழ் செல்வன், கடந்த ஓராண்டுக்கு முன்னரே  மனைவியை கண்டித்ததோடு வேலைக்கு செல்ல வேண்டாம் வீட்டிலேயே இருக்குமாறு கூறியுள்ளார். 

இதன் பின்பும் தமிழ் செல்வனுக்கு தெரியாமல் நந்தினியும், ரமேஷும் பழக்கத்தை தொடர்ந்ததால் ஆத்திரமடைந்த தமிழ் செல்வன் இன்று காலை நந்தினிடம் வாக்குவாதத்தில் ஈடுப்பட்டார். ஒருகட்டத்தில் ஆத்திரமடைந்த தமிழ்ச்செல்வன் தனது காதல் மனைவி நந்தினியை அறிவாளால் சரமாரியாக வெட்டி படுகொலை செய்து விட்டு வீட்டில் இருந்து தப்பியுள்ளார். 

தகவல் அறிந்து சம்பவ இடத்திற்கு வந்த புதுச்சத்திரம் போலீசார் தடவியல் நிபுணர்களை வரவழைத்து தடயங்களை சேகரித்ததோடு, ரத்த வெள்ளத்தில் மிதந்து கிடந்த நந்தினியின் உடலை மீட்டு பிரேத பரிசோதனைக்காக நாமக்கல் அரசு மருத்துவக் கல்லூரி மருத்துவமனைக்கு அனுப்பி வைத்ததோடு தலைமறைவாக இருக்கும் தமிழ் செல்வனை தேடி வருகின்றனர்.

காதலித்து திருமணம் செய்து கொண்ட பிறகு மனைவியின் தகாத உறவினாலும் கணவனின் ஆத்திரத்தாலும் தற்போது 3 வயது ஆண் குழந்தை தன்னந்தனியாக நின்று கொண்டிருக்கும் அவல நிலை நவனி பகுதி மக்களிடையே பெரும் சோகத்தை ஏற்படுத்தியுள்ளது.

தெலங்கானாவில்  குடும்ப கவுரவத்திற்காகாக 17 வயதுடைய பெண்ணை தாயும், பாட்டியும் சேர்ந்து கொலை செய்த நிகழ்வு அதிர்ச்சியை ஏற்படுத்திய நிலையில் இருவரையும் போலீசார் கைது செய்துள்ளனர். 

வாரங்கல் மாவட்டத்தில் உள்ள பர்வதகிரியை சேர்ந்த சிறுமி அதே பகுதியை சேர்ந்த வேறு சமூகத்தை  சேர்ந்த இளைஞரை காதலித்து வந்ததாக கூறப்படுகிறது. இதனை அறிந்த சிறுமியின் தாயார் மற்றும் பாட்டி அவரை கண்டித்துள்ளனர். ஆனால் தனது காதலை விட மறுத்த சிறுமி, அந்த இளைஞரை தான் திருமணம் செய்துகொள்வேன் என உறுதியாக இருந்து வந்ததாக தெரிகிறது.

இதனால் ஆத்திரமடைந்த இருவரும் பெற்ற மகள் என பாராமல் கடந்த 19-ம் தேதி இரவு தூங்கி கொண்டிருந்த சிறுமியின்  முகத்தில் தலையணையை போட்டு அழுத்தி கொலை செய்துள்ளனர்.  தகவல் அறிந்து வந்து போலீசார், விசாரித்த போது அவர் மூச்சுதிணறலால் உயிரிழந்துவிட்டதாக  கூறியுள்ளனர்.

ஆனால் சந்தேகமடைந்த போலீசார் தாயையும், பாட்டியையும் தீவிரமாக விசாரித்த போது, குடும்ப கவுரவத்திற்காக பெற்ற மகளையே கொலை செய்தது தெரியவந்தது. பின்னர் இருவரையும் கைது செய்து நீதிமன்றத்தில் ஆஜர்படுத்தி சிறையில் அடைத்தனர்.

ராமநாதபுரம் மாவட்டம் பரமக்குடி அருகே உள்ள கிளியூர் கிராமத்தை சேர்ந்தவர் திருநாவுக்கரசு. இவருக்கு திருமணமாகி மனைவி மற்றும் இரு குழந்தைகள் உள்ளனர். இவர் தமிழ்நாடு குடிநீர் வடிகால் வாரியத்தில் தற்காலிக பணியாளராக வேலை பார்த்து வந்துள்ளார். திருநாவுக்கரசுக்கு அந்தப்பகுதியில் உள்ள சில பெண்களிடம் தகாத உறவு வைத்துள்ளதாக தெரிகிறது. இந்நிலையில் கிளியூர் கிராமத்தைச் சேர்ந்த முத்துப்பாண்டி என்பவரின் உறவுக்கார பெண் வெளியூரிலிருந்து உறவினர் வீட்டு நிகழ்ச்சிக்காக கிளியூர் வந்துள்ளார். அங்கு வந்த அவரிடம் திருநாவுக்கரசு பேசி பழகி உள்ளார்.

இந்த பழக்கம் நாளடைவில் தகாத உறவாக மாறியது. இதனை அறிந்த  முத்துப்பாண்டி திருநாவுக்கரசை அழைத்து கண்டித்துள்ளார். இனிமேல் இந்த தவறை செய்ய மாட்டேன் என திருநாவுக்கரசு முத்துப்பாண்டியிடம்  கூறியுள்ளார். இந்நிலையில் கொளுவூர் கிராம ஊராட்சி மன்ற தலைவரின் நெருங்கிய உறவினருடன் தொடர்பு வைத்திருந்ததாக கூறப்படுகிறது. இதனால் ஆத்திரமடைந்த கொளுவூர் ஊராட்சி மன்ற தலைவரின் மகன் ஜீவானந்தம் திருநாவுக்கரசு மீது கடும் கோபத்தில் இருந்து வந்துள்ளார்.

இந்நிலையில் கடந்த சில நாட்களுக்கு முன்பு கிளியூரை  சேர்ந்த முத்து பாண்டியை கொளுவூரைச் சேர்ந்த ஜீவானந்தமமும் சந்தித்து பேசியுள்ளனர்.  அப்போது இருவரும் திருநாவுக்கரசின் நடவடிக்கை சரியில்லை என்றும் அவனை ஏதாவது செய்ய வேண்டுமென விவாதித்துள்ளனர். இந்நிலையில் கடந்த 1 -ம்தேதி வயல்வெளியில் விவசாய வேலை பார்த்துக் கொண்டிருந்த திருநாவுக்கரசை ஜீவானந்தம் மற்றும் முத்துப்பாண்டி ஆகிய இருவரும் சேர்ந்து தலையில் கம்பால் அடித்து கீழே தள்ளி கழுத்தை நெரித்து கொலை செய்து விட்டு தப்பி ஓடிவிட்டனர்.

இதுகுறித்து தகவலறிந்த நயினார் கோயில் போலீசார் மாவட்ட கண்காணிப்பாளருக்கு தகவல் கொடுத்தனர். தகவலறிந்த மாவட்ட கண்காணிப்பாளர் கார்த்திக் சம்பவ இடத்திற்கு விரைந்து வந்து உடலை கைப்பற்றி ராமநாதபுரம் அரசு மருத்துவமனைக்கு கொண்டு சென்றனர். இந்த சம்பவத்தை அறிந்த திருநாவுக்கரசின் உறவினர்கள் மற்றும் கிளியூர் கிராமத்தினர் கொலையாளிகளை உடனடியாக கைது செய்யக்கோரி ராமநாதபுரம் அரசு மருத்துவமனை எதிரில் உள்ள சாலையில் அமர்ந்து மறியலில் ஈடுபட்டனர். பின்னர் அவர்களிடம் பேச்சுவார்த்தை நடத்திய மாவட்ட கண்காணிப்பாளர் கார்த்திக் விரைவில் குற்றவாளிகள் கைது செய்யப்படுவார்கள் என உறுதி அளித்ததை தொடர்ந்து மறியலை கைவிட்டு உடலை வாங்கி  சென்றனர்.

இந்நிலையில்தான் இன்று திருநாவுக்கரசை கொலை செய்த கிளியூரை  சேர்ந்த முத்துப்பாண்டி மற்றும் கொளுவூரை சேர்ந்த ஜீவானந்தம் ஆகிய இருவரை போலீசார் கைது செய்தனர். அவர்களிடம் விசாரித்தபோது தங்களின் உறவுகார பெண்களிடம் திருநாவுக்கரசு தகாத உறவு வைத்திருந்ததால் தான் அவரை கொலை செய்தோம் என வாக்குமூலம் அளித்தனர். இதனை தொடர்ந்து அவர்கள் இருவரையும் கைது செய்த போலீசார் அவர்களிடம் தொடர்ந்து விசாரணை நடத்தி வருகின்றனர். தகாத உறவால் திருநாவுக்கரசு அடித்து கொலை செய்யப்பட்ட சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கள்ளக்குறிச்சி மாவட்டம் சங்கராபுரம் அருகே உள்ள குச்சிக்காடு கிராமத்தைச் சேர்ந்த ஜெயமணி மனைவி சங்கீதா இவரது கணவர் சென்னையில் கடந்த 15 வருடமாக லாரி மூலம் தண்ணீர் சப்ளை செய்யும் தொழில் நடத்தி வந்தார். ஜெயமணியுடன் இவரது உறவினர் குச்சிக்காடு கிராமத்தை சேர்ந்த வினோத்,விஜயகுமார் வேலை செய்து வந்தனர்.

சங்கீதாவின் கணவர் ஜெயமணி கடந்த 6 மாதங்களுக்கு முன்பு இறந்து விட்டார். இந்நிலையில் ஜெயமணியின் பணத்தினை அவரது உறவினர்கள் வினோத்,விஜயகுமார் ஏமாற்றி விட்டதாக முன்விரோதம் இருந்துவந்தது.  இந்நிலையில்   மூரார்பாளையம் கரூர் வைஸ்யா வங்கியில் பணம் எடுப்பதற்க்க சென்றபோது  சங்கீதாவை வினோத் விஜயகுமார் மற்றும் உறவினர்கள் சம்பத், சரமாரியாக தாக்கினர் மேற்கண்ட எதிரிகள் பின்தொடர்ந்து வந்து அசிங்கமாக பேசி, அடித்து, கொலை மிரட்டல் விடுத்தனர்.

இதுகுறித்து சங்கராபுரம் போலீசில் சங்கீதாவின் தந்தை கொடுத்த புகாரின்பேரில் வினோத்,விஜயகுமார், சம்பத் உள்பட 3 பேரையும் போலீஸ் சப்-இன்ஸ்பெக்டர் திருமால் வழக்கு பதிவு செய்து விசாரணை செய்து தலைமறைவாக உள்ளமூன்று எதிரிகளையும் சங்கராபுரம் காவல்துறையினர் தீவிர தேடுதல் வேட்டையில் ஈடுபட்டுள்ளனர். பட்டப்பகலில் ஒரு பெண்ணை 3 வாலிபர்கள் சுற்றிவளைத்து தாக்கிய சம்பவம் அப்பகுதியில் பெரும் பரபரப்பை ஏற்படுத்தியுள்ளது.

கன்னியாகுமரி மாவட்டம் நாகர்கோவில் அண்ணா பேருந்து நிலையத்தினுள் செண்பகராமன்புதூரை சேர்ந்த கண்ணன் என்பவர் பூ வியாபாரம் செய்து வருகிறார். இந்நிலையில் இன்று மாலை அரசு பள்ளியில் பயிலும் மாணவர்கள்  சிலர் நாகர்கோவில் அண்ணா பேருந்து நிலையத்திற்கு வந்து அங்கு பூ வியாபாரத்தில் ஈடுப்பட்டுக்கொண்டிருந்த கண்ணனிடன் தகராறில் ஈடுபட்டதாக கூறப்படுகிறது.

அதில் ஒரு மாணவன் திடீரென கீழே கிடந்த மது பாட்டிலை எடுத்து உடைத்து பூ வியாபாரி கண்ணன் வயிற்றில் குத்தி விட்டு அங்கிருந்து தப்பி சென்றுள்ளார். இதனை கண்ட அருகில் நின்றவர்கள் வயிற்றில் குத்துப்பட்டு கீழே விழுந்த பூ வியாபாரி கண்ணனை 108 ஆம்புலன்ஸ் மூலம் ஆசாரிப்பள்ளம் அரசு மருத்துவமனைக்கு அனுப்பி வைத்தனர்.

தகவலறிந்த கோட்டார் போலீசார் சம்பவ இடத்திற்கு விரைந்து வந்து விசாரணை மேற்கொண்டனர். அதில் தினமும் மாலையில் பள்ளி முடிந்து மாணவர்கள் வீட்டிற்கு செல்ல பேருந்துநிலையம் வரும்போது மாணவர்களுக்குள் தகராறு ஏற்படுவதாகவும், இதனை பூ வியாபாரி கண்ணன் போலீசாருக்கு தெரியப்படுத்தி வந்ததாகவும் கூறப்படுகிறது. 

இதை தெரிந்து கொண்ட ஒரு சில மாணவர்கள் இதற்கு பலி வாங்க வேண்டும் என எண்ணிய நிலையில் இன்று பூ வியாபாரியிடம் வழுக்கட்டாயமாக மாணவர்கள் 4 பேர் தகராறில் ஈடுப்பட்டுள்ளனர். அதில் திடீரென ஒரு மாணவன் கீழே கிடந்த மது பாட்டிலை எடுத்து உடைத்து பூ வியாபாரின் வயிற்றில் குத்தியுள்ளான்.

உடனே வியாபாரி வலியால் சத்தமிடவே அக்கம்பக்கத்தினர் விசாரித்தை கண்டு மாணவர்கள் தப்பி ஓடியதாக தெரிகிறது. மேலும் போலீசார் இது தொடர்பாக வழக்கு பதிவு செய்து, தப்பி ஓடிய பள்ளி மாணவர்கள தேடி வருகின்றனர். மேலும் இந்த சம்பவம் குறித்த சிசிடிவி காட்சிகள் வெளியாகி அதிர்ச்சியை ஏற்படுத்தியுள்ளது.