சென்னை வளசரவாக்கம் பகுதியை சேர்ந்த குமரேசனுக்கு, குணசேகரன் என்ற மகனும், காஞ்சனமாளா, யமுனா, பரிமளா ஆகிய மூன்று மகள்களும் உள்ளனர்.

இவர் வளசரவாக்கத்தில் தனக்கு செந்தமாக உள்ள வீடுகளை வாடகைக்கு விட்டுள்ளார். இந்நிலையில் தனது ஓய்வூதியம் மற்றும் வாடகை பணத்தை  முதியவர் தனது மகள்களுக்கே செலவு செய்து வந்துதால், மகன் குணசேகரன் தந்தை மீது கோபத்தில் இருந்து வந்தார்.

இந்த நிலையில்  கடந்த 15 ஆம் தேதி முதியவர் வீட்டில் தனியாக இருந்ததை பயன்படுத்தி, குணசேகரன் அவரை கொலை செய்து,  டிரம்மில் அடைத்தார். தொடர்ந்து, ரானிப்பேட்டை மாவட்டம் காவேரிப்பாக்கத்திற்கு சென்ற அவர் அங்கு உள்ள வெங்கடேசன் என்பவருக்கு சொந்தமான நிலத்தை வாங்குவதாக கூறி நிலத்தை பார்வையிட்டார்.

அதன் பிறகு யாரோ தனக்கு சூனியம் வைத்திருப்பதாகவும், அதனை மந்திரவாதி உதவியோடு டிரம்மில் அடைந்துள்ளதாகவும், புதிதாக வாங்கும் இடத்தில் அதை புதைக்க வேண்டும் என நில உரிமையாளரிடம் கூறியுள்ளார்.  இதனை நம்பிய வெங்கடேசன், அப்பகுதியை சேர்ந்த பெருமாளின் உதவியோடு அந்த டிரம்மை புதைத்துள்ளார்.

இதனிடையே, தந்தை வீட்டில் இல்லாததால் சந்தேகமடைந்த அவரது மகள் சென்னை வளசரவாக்கம் காவல் நிலையத்தில் புகார் அளித்தார். அதன் பேரில் விசாரணை நடத்திய போலீசார், புதைக்கப்பட்ட உடலை தோண்டி எடுத்து பிரேத பரிசோதனைக்காக அனுப்பி வைத்தனர். தொடர்ந்து தலைமறைவாக உள்ள குணசேகரனை தேடி வருகின்றனர்.

தெலுங்கானா மாநிலம் ஹைதராபாத் பேகம் பஜார் பகுதியிலுள்ள கொல்சாவாடி பகுதியில் வசித்து வரும் மார்வாடி மஹிந்தர் பன்வர். இவருடைய மகன் நீரஜ் பன்வர் நீரஜ் பன்வர் அதே பகுதியைச் சேர்ந்த சஞ்சனா என்ற பெண்ணை காதலித்து வந்துள்ளார். சஞ்சனாவின் காதல் விவகாரம் தெரிந்த குடும்பத்தினர் நீரஜ் பன்வரை மிரட்டினர். 

இதைத்தொடர்ந்து கடந்த ஆண்டு ஏப்ரல் மாதம் வீட்டிலிருந்து வெளியேறிய சஞ்சனா மற்றும் நீரஜ் பன்வர் ஹைதராபாத்தில் உள்ள ஆரிய  சமாஜத்தில் திருமணம் செய்து கொண்டனர். திருமணத்தைத் தொடர்ந்து இரண்டு மாத காலம் தலைமறைவாக வாழ்ந்து வந்தனர். தற்போது நீரஜ் மற்றும் சஞ்சனா விற்கு 3 மாத குழந்தை உள்ளது. வேறு சமூகத்தைச் சேர்ந்த இளைஞனை காதலித்து வீட்டை விட்டு வெளியேறி சஞ்சனா திருமணம் செய்து கொண்ட சம்பவம் குடும்பத்தினரிடையே பெரும் ஆத்திரத்தை ஏற்படுத்தியது. 

இந்நிலையில் நேற்று இரவு எட்டு மணி அளவில் பேகம் பஜார் பகுதியில் ஸ்கூட்டரில் சென்று கொண்டிருந்த நீரஜ் பன்வர் வரை மற்றொரு இருசக்கர வாகனத்தில் வந்த மர்ம நபர்கள் இடித்து கீழே தள்ளினர். இதில் நிலைதடுமாறி கீழே விழுந்த நீரஜ் மீது கொண்டுவந்திருந்த இரும்பு கம்பி கற்கள் கொண்டு சராமாரியாக தாக்கியும் வாலால் 20 முறை குத்தி உள்ளனர்.

இதனால் படுகாயம் அடைந்த நீரஜ் சம்பவ இடத்திலேயே துடிதுடித்து பரிதாபமாக உயிரிழந்தார்.  நீரஜ் உயிரிழந்ததை உறுதி செய்த மர்ம நபர்கள் இருசக்கர வாகனத்தில் அங்கிருந்து தப்பிச் சென்றனர்.  தகவலறிந்து சம்பவ இடத்திற்கு விரைந்த போலீசார் நீரஜ் உடலை மீட்டு பிரேத பரிசோதனைக்காக உஸ்மானியா மருத்துவமனைக்கு அனுப்பி வைத்தனர். 

இது குறித்து வழக்குப்பதிவு செய்த போலீசார் சிசிடிவி கேமராவில் பதிவான காட்சிகளை வைத்து குற்றவாளிகளை தேடி வந்தனர். குற்றவாளிகள் கர்நாடக மாநிலத்திற்கு தப்பிச் சென்றதை அறிந்த போலீசார் 5 பேரை கைது செய்தனர். மேலும் 10 பேரை பிடித்து விசாரணை மேற்கொண்டு வருகின்றனர். நீரஜ் படுகொலையைத் தொடர்ந்து பேகம் பஜார் மார்வாடி வியாபாரிகள் பந்துக்கு அழைப்பு விடுத்தனர். இதன் காரணமாக பேகம் பஜார் பகுதியில் அனைத்து கடைகளும் அடைக்கப்பட்டுள்ளன. 

கடந்த சில நாட்களுக்கு முன்னர் ஹைதராபாத் கரூர் நகர் பகுதியில் இஸ்லாமிய பெண்ணை திருமணம் செய்த தலித் இளைஞர் கொல்லப்பட்ட சம்பவம் நடைபெற்றது. தற்போது 15 நாட்கள் இடைவெளியில் மற்றுமொரு ஆணவக்கொலை தெலுங்கானா தலைநகர் ஹைதராபாத் நடந்தது குறிப்பிடத்தக்கது.

ராமநாதபுரம் மாவட்டம் அபிராமம் அருகே உள்ள பள்ளப்பச்சேரி  கிராமத்தை சேர்ந்த கண்ணாயிரம் என்பவரின் மகள் காவ்யா என்பவரை, அதே கிராமத்தை சேர்ந்த சண்முகம் என்பவரின் மகன் வினித் என்பவர் காதலித்து திருமணம் செய்து கொண்டதாக கூறப்படுகிறது.

இதனால்  இரண்டு குடும்பத்திற்கும் இடையே அடிக்கடி தகராறு ஏற்பட்டு வந்த நிலையில் பெண்ணின் தந்தை கண்ணாயிரம் என்பவர் ஆத்திரத்தில் மருமகனின் தாய் ராக்கு என்பவரை அரிவாளால் வெட்டி படுகொலை செய்தார்.

இந்த சம்பவம் குறித்து கமுதி டிஎஸ்பி மணிகண்டன்,  அபிராமம் காவல் ஆய்வாளர் கலைவாணி ஆகியோர் சம்பவ இடத்திற்கு சென்று இறந்த பெண்ணின் உடலை கைபற்றி உடற்கூறு ஆய்வுக்காக கமுதி அரசு மருத்துவமனைக்கு அனுப்பி வைத்தனர். 

பின்னர் இது குறித்து அபிராமம் போலீசார் கொலை செய்த பெண்ணின் தந்தை கண்ணாயிரத்தை கைது செய்து விசாரணை நடத்தி வருகின்றனர்.

திருப்பத்தூர் மாவட்டம், ஆம்பூரில் மனைவி என நினைத்து சாலையோரம் உறங்கிகொண்டு இருந்த பெண்ணை கொலை செய்த நபரை போலீசார் கைது செய்தனர்.

ஆம்பூரை சேர்ந்த தனலட்சுமி ரயில் நிலையம், பேருந்து நிலையம் உள்ளிட்ட பகுதிகளில் பிச்சை எடுத்து வந்தார். கடந்த 2 மாதங்களுக்கு முன்பு திருவண்ணாமலையை சேர்ந்த தேவேந்திரன் என்பவரை திருமணம் செய்துகொண்டார்.

இந்நிலையில் கருத்து வேறுபாடு காரணமாக கணவரை பிரிந்த அவர் ஆம்பூருக்கு சென்றுவிட்டார். இதனிடையே தனலட்சுமி, கௌசர் உள்ளிட்ட சிலர் சாலையோரம் ஒரு கடையின் வளாகத்தில் படுத்து உறங்கிகொண்டு இருந்தனர். 

அப்போது அங்கு வந்த தேவேந்திரன் தனது மனைவி என நினைத்து கௌசரை கத்தியால் குத்தி கொலை செய்தார். இதை தடுக்க முயன்ற அவரது மனைவிக்கும் கத்தி குத்து விழுந்தது. தகவல் அறிந்து வந்த ஆம்பூர் போலீசார் கொலையாளியை கைது செய்து விசாரணை நடத்தி வருகின்றனர்.

ஐதராபாத்தில் சத்தனபள்ளி டோல்கேட் அருகே, கடந்த 2019-ஆம் ஆண்டு பெண் மருத்துவர் பாலியல் வன்கொடுமை செய்யப்பட்டு எரித்துக் கொல்லப்பட்டார். இந்த வழக்கில் தொடர்புடைய 4 பேரை கைது செய்த காவல்துறை என்கவுண்டரில் சுட்டுக் கொன்றனா்.

இந்த நிலையில், நடந்த என்கவுண்டர் குறித்து விசாரிக்க, உச்ச நீதிமன்ற நீதிபதி வி.எஸ்.  சிா்புா்கா் தலைமையில் விசாரணை ஆணையம் அமைக்கப்பட்டது.

பல்வேறு கோணங்களில் விசாரணை நடத்திய பிறகு தனது அறிக்கையை தாக்கல் செய்துள்ள விசாரணை ஆணையம் போலியான என்கவுண்டர் நடத்தி 4 குற்றவாளிகளும் கொல்லப்பட்டதாகத் தெரிவித்துள்ளது.மேலும், துப்பாக்கிச் சூட்டில் ஈடுபட்ட 10 போலீசார் மீது கொலை வழக்கு பதிவு செய்யவும் ஆணையம் பரிந்துரை வழங்கியுள்ளது.