சோழர்கள் பற்றி தற்போது பெரும் கவனம் உருவாகி இருக்கும் பட்சத்தில், சோழர்கள் தமிழர்களா இல்லையா என்பதே பெரும் சர்ச்சையாக தற்போது பார்க்கப்பட்டு வருகிறது. தஞ்சை மாநகரத்தை தலைநகராகக் கொண்ட சோழர்கள் உண்மையிலேயே தமிழர்கள் தானா என்பது இந்த கட்டுரையில் தெளிவாகும்.

கி.மு. 300ம் நூற்றாண்டில் துவங்கிய சோழர்கள் மறு எழுச்சி, அவர்களது 600 வருட அமைதி அடிமைத் தனத்திற்கு ஒரு மாபெரும் பரிசாக அமைந்தது. பல்லவர்கள் மற்றும் பாண்டியர்கள் ஆளுமையை எதிர்த்து ஒரு மாபெரும் போர் தொடுத்த விஜயாலய சோழன், சோழர்களுக்கு பெரும் ராஜ்ஜியத்தை உருவாக்கத் துவங்கினார். புலிச்சின்னம் கொண்ட சோழர்கள், சரியான காலம் பார்த்து பெரிதாக பாய்ந்து, மீன்களை (பாண்டியர்கள்) வேட்டையாடினர் என்றே சொல்லலாம்.

மேலும் படிக்க | அருண்மொழிவர்மன் எப்படி பொன்னியின் செல்வன் ஆனார் தெரியுமா?

பல பெரும் யுத்தங்கள் தொடுத்து தெற்காசியாவின் பல பகுதிகளை தன் வயப்படுத்திய சோழர்கள் பல கோவில்களையும் பல மாளிகைகளையும் கட்டி, தங்களது ராஜ்ஜியத்தை விரிவுப்படுத்திக் கொண்டே வந்தனர். குறிப்பாக, தென்சீனா, இந்தோனேசியா, ஜப்பான், கொரிய பகுதிகள் என பல தெற்காசிய நாடுகளை சோழர்கள் ஆட்சி செய்து வந்ததற்கான வரலாற்று சான்றுகள் உள்ளன.

வாரிசு வகையில் சாம்ராஜ்ஜியத்தை அடுத்த தலைமுறைக்கு கொடுத்து வந்த சோழர்களில் ஒரு சில அரசர்கள் அதிர்ஷ்டம் இல்லாதவராயினர். ஆண் வாரிசு இல்லாத நிலையில், தங்களது சகோதரர்களுக்கு அரியணையை விட்டுக் கொடுத்து துறவியாகி இருந்த நிலையில், அரியணை பெற்ற முதல் பெரும் அரசர் சுந்தர சோழர். அவரது மகன் தான் ராஜராஜ சோழன்.

பின், அவரை அடுத்து ராஜேந்திர சோழன் அரியணை அலங்கரித்த பின், அவரது தங்கை குந்தவை தேவி (இரண்டாம் குந்தவை)-க்கு மாப்பிள்ளை தேடும் பணியில் ஈடுபட்டார் ராஜேந்திர சோழன். சரியாக இப்போது தான், அதாவது 1010களில் ஒரு புதிய சோழர் குலம் தோன்றியது. அதுதான், ‘தெலுங்கு சோழர்’ அல்லது, ‘சாலுக்கிய சோழர்’.

மேலும் படிக்க |  #1 ட்ரெண்டிங்!!! 5 மில்லியன் பார்வையாளர்கள் எட்டிய பிரம்மாண்ட படைப்பு!!!

பல்லவர்களை வீழ்த்தி ஆட்சியை மீண்டும் பெற்ற சோழர்கள், பல்லாயிரம் ஆண்டுகளுக்கு வட தமிழகத்தை ஆண்டு வந்தனர். இன்றைய வடக்கு தமிழக மாவட்டங்களும், ஆந்திரா மற்றும் தெலங்கனா பகுதிகளையும் ஆண்டு வந்த சோழர்களுக்கு, பல ஆண்டுகளுக்குப் பிறகு சாலுக்கிய இனத்தோடும், பல்லவர்களுடனும் நட்பு ஏற்பட்டது.

அப்படி, கலிங்க ராஜ்ஜியங்களை ஆண்டு வந்த அப்போதைய சாலுக்கிய மன்னரான, விமலாதித்தர் என்பவரை, குந்தவை தேவிக்கு திருமணம் செய்து வைத்தார் ராஜேந்திர சோழன். சோழ நாட்டு புதிய மருமகன் விமலாதித்தர் கீழைச் சாலுக்கியர் என்பது குறிப்பிடத்தக்கது.

மேலும் படிக்க | பொன்னியின் செல்வன் திரைப்படத்தில் ஜெயராமின் கதாபாத்திரம் இது தானா...?

ராஜேந்திர சோழனுக்கு வானவன் மாதேவி என அழைக்கப்படும் திரிபுவனா, முக்கோகிலன், பஞ்சவன் மாதேவி மற்றும் வீரமாதேவி என பல ராணியர் இருந்தனர். மொத்தம் அவருக்கு 7 மகன்களும், அருள்மொழி நங்கையார் பிரனார் மற்றும் அம்மங்காதேவி என 2 மகள்களும் இருந்ததாக தெரியப்பட்ட வரலாறு குறிப்பிடுகிறது. ராஜராஜன் மற்றும் ராஜாதி ராஜன் ஆகிய அவரது இரண்டு மகன்களும் சி்று வயதிலேயே இறந்தது குறிப்பிடத்தக்கது.

இதனைத் தொடர்ந்து, சோழர்களில் சரியான தலைவர் இல்லை என்ற செய்தி, எதிரி நாட்டு ராஜ்ஜியமான பாண்டியர்களுக்கு தெரிய வந்ததை அடுத்து, ராஜேந்திர சோழனின் மகள் அம்மங்காதேவியை, குந்தவை தேவியின் மகன் இராஜராஜ நரேந்திரருக்கு திருமணம் செய்து வைத்தனர்.

அவர்களுக்கு பிறந்தவர் தான், முதலாம் குலோத்துங்கச் சோழர். இவரே, சாலுக்கிய மற்றும் சோழ அரசின் முதல் கலவை இளவரசர். அதாவது தெலுங்கு தந்தை வழி கொண்டிருந்தாலும், குடி, தமிழ் குடிதான். தனது காலத்தில், சோழ அரசவையை காக்கவும், ஆளவும் சோழர்களில் வாரிசு இல்லாததை உணர்ந்த சாலுக்கிய இளவரசர் முதலாம் குலோத்துங்கன், சோழ அரியணையை கைப்பற்றினார். அப்படித்தான் சாலுக்கியமும் சோழமும் இணைந்தது.

இதனைத் தொடர்ந்து வந்த அரசர்கள் அனைவருமே தெலுங்கு தந்தை வழி கொண்டு சாலுக்கிய தந்தை வழி கொண்டவர்களாகவே இருந்தனர். இதனால், சோழர்கள் தெலுங்கு மொழி அதிகமாக பேசத் துவங்கினர். இதனால் தான் அவர்கள் தெலுங்கர்கள் ஆனார்கள்.

மேலும் படிக்க | பொன்னியின் செல்வன் படம் பாருங்கள்.. ஆனந்த் மஹிந்திராவுக்கு லைகா நிறுவனம் வேண்டுகோள்.. எதற்காக?

இதனையே, பிரபல தமிழ் படமான, 2010ம் ஆண்டு வெளியான, ஆயிரத்தில் ஒருவன் படத்தில், அனிதா பாண்டியன் எனும் பாண்டிய இளவரசியாக நடித்திருக்கும் ரீமா சென், சோழ அரசரான பார்த்திபனிடம் கேட்பார்:

தெலுங்கிலேயே பாடிக் கொண்டிருந்த ரீமா சென்னுக்கு, தமிழ் தெரியாதோ என சோழர் பார்த்திபன் கேட்டதற்கு,

“தூய தமிழர் அல்லாத சோழரான பார்த்திபனுக்கு, தமிழின் மிக அடிப்படை இலக்கியங்களான, பரணி (ஆயிரம் யானைகளை வென்ற மிகச்சிறந்த அரசரின் வெற்றியைப் பாடும் இலக்கியம்), கலம்பகம் (பல வகையான கவிதைகளை பூக்கொடி போல கலந்து கட்டப்பட்ட இலக்கியம்), உலா (அழகு இளவரசர் மக்கள் மத்தியில் யானையில் வலம் வருவதை விவரிக்கும் இலக்கியம்) ஆகியவற்றை பாட முடியுமா? அல்லது தெரியவாவது தெரியுமா? என கேட்பார். அதிலும் மேலாக, பார்த்திபனை அசிங்கப்படுத்தும் நோக்கத்துடன், “ஈரு கெட்ட எதிர்மறை பெயரச்சம் ஆவது அறிவீறா? என கேட்பார். அதாவது, தமிழ் அறிந்தவர்கள் குறைந்தது தவறான உடைந்த தமிழிலாவது பேசுவார்கள். அதில், முடியாத எச்சமாக இருக்கும் தமிழ் வார்த்தைகளாவது அறிவீர்களா?”

என, அவரை அவமானப்படுத்துவார். இந்த படத்தில், மூன்றாம் ராஜேந்திர சோழரின் புத்திரனான மெய்ஞானந்த சிவபாத சேகர சோழராக பார்த்திபன் நடித்திருப்பது குறிப்பிடத்தக்கது.

மேலும் படிக்க | உலகம் முழுவதும் வெளியான பொன்னியின் செல்வன்.. விழாக் கோலம் பூண்ட திரையரங்குகள்..!

தற்போது சோழர்களின் பெருமையைக் கூறும் படமாக, கல்கியின் மிகச் சிறந்த படைப்புகளில் ஒன்றான ‘பொன்னியின் செல்வன்’ படத்தின் முதலாம் பாகம் வெளியானதைத் தொடர்ந்து, சோழர்கள், பாண்டியர்கள் எனவும், இந்துக்கள் குறித்தும், இனங்களின் பிற்குறிப்புகள் பற்றியும் பல வகையான சர்ச்சை பேச்சுகள் தற்போது பெரிதாகப் பார்க்கப்படுவதை அடுத்து, இந்த கருத்து குறித்த சிறிய விளக்கம் இந்த கட்டுரை அளிக்கிறது என்பதில் மகிழ்ச்சி !

மேலும் படிக்க | தயவு செய்து இப்படி விளம்பர படுத்தாதீர்கள்!- படக்குழுவிற்கு வழக்கறிஞர்கள் கோரிக்கை!

--- பூஜா...

மகாராஷ்டிராவில் மெகா விகாஸ் கூட்டணியிலான சிவசேனா ஆட்சி உத்தவ் தாக்கரே தலைமையில் நடைபெற்று வந்தது. மாநில முதலமைச்சரும், சிவசேனா கட்சித் தலைவருமான உத்தவ் தாக்கரேவுக்கு எதிராக, அக்கட்சியைச் சேர்ந்த மூத்தத் தலைவர் ஏக்நாத் ஷிண்டே, அவரது ஆதரவு எம்எல்ஏக்களை திரட்டி எதிர்ப்பு தெரிவித்தார். இதனால் பெரும்பான்மை இழந்த உத்தவ் தாக்கரே, நம்பிக்கை வாக்கெடுப்பிலும் தோல்வியுற்று, முதலமைச்சர் பதவியை  ராஜினாமா செய்தார்.

இதனைத் தொடர்ந்து, பாஜகவுடன் கூட்டணி அமைத்து, சிவசேனா அதிருப்தித் தலைவர் ஏக்நாத் ஷிண்டே நம்பிக்கை வாக்கெடுப்பில் வெற்றி பெற்றார். இதனால் பாஜகவைச் சேர்ந்த ஏக்நாத் ஷிண்டே முதலமைச்சராகவும், தேவேந்திர பட்னாவிஸ் துணை முதலமைச்சராகவும் பதவி ஏற்றனர்.

துணை முதலமைச்சர் தேவேந்திர ஃபட்னாவிஸ்:

இந்நிலையில் மகாராஷ்டிர துணை முதலமைச்சர் தேவேந்திர ஃபட்னாவிஸ் உத்தவ் தாக்கரேவை தாக்கி பேசினார். சிவசேனாவில் ஏற்பட்ட பிளவுக்கு அவரது செயல்பாடுதான் காரணம் என்று கூறினார். தேசியவாத காங்கிரஸின் மூத்த தலைவர் அஜித் பவாரை நம்பியது மிகப்பெரிய அரசியல் தவறு என்றும் முதுகில் குத்தியதற்கு பழிவாங்க, அந்த நபர் நீண்ட காலம் வாழ வேண்டியது அவசியம் என்றும் அவர் கூறியிருந்தார்.

ஏன் முதுகில் குத்தினீர்கள்:

முதலமைச்சர் ஏக்நாத் ஷிண்டே அணி எம்எல்ஏக்கள் ராஜினாமா செய்துவிட்டு தேர்தலை சந்திக்க வேண்டும் என்று மகாராஷ்டிர முன்னாள் அமைச்சர் ஆதித்யா தாக்கரே சவால் விடுத்திருந்தார். உத்தவ் தாக்கரே ஆதரவு எம்.எல்.ஏக்களுக்கு தேர்தல் புறக்கணிப்பு தொடர்பாக நோட்டீச் அனுப்பப்பட்ட நிலையில் பால் தாக்கரே மீதான மரியாதையால் ஆதித்யா தாக்கரேவிற்கு நோட்டீஸ் அளிக்கவில்லை என ஷிண்டே ஆதரவாளர்கள் கூறியது குறித்து ஆதித்யா தாக்கரே கடுமையான விமர்சனத்தையும் முன்வைத்தார்.

மேலும் தெரிந்துகொள்க:  யாரிடமும் அனுதாபத்தை எதிர்பார்க்கவில்லை - ஆதித்யா தாக்கரே ஆவேசம்!

அதாவது, சிவசேனா – காங்கிரஸ் – தேசிவாத காங்கிரஸ் கட்சி பெற்ற வெற்றியானது சட்டரீதியான வெற்றி எனவும், அது நீதிமன்ற சட்டத்தின் முன் நிற்கும் எனவும் கூறினார். அதே சமயம், யாரிடமும் அனுதாபத்தை சிவசேனாவோ, நானோ எதிர்பார்க்கவில்லை எனவும் ஆவேசமாக பதிலளித்தார். 

மேலும் தெரிந்துகொள்க:  பாஜக கூட்டணிக்கு சவால் விடுத்த ஆதித்யா!!!என்ன சவால்??!!

ஷிண்டே குழு எம்எல்ஏக்களிடம் சிவசேனா தலைவர் ஆதித்யா தாக்கரே, ”நாங்கள் உங்களுக்கு அனைத்தையும் கொடுத்தோம், ஏன் எங்களை முதுகில் குத்தினீர்கள்” எனவும் கேட்டிருந்தார் ஆதித்ய தாக்கரே.

மகன் வேண்டாம்...:

மகாராஷ்டிராவில் உத்தவ் தாக்கரேவிற்கு பல நெருக்கடிகளை அளித்து நம்பிக்கை துரோகம் செய்தவர் ஏக்நாத் ஷிண்டே.  உத்தவ் தாக்கரேவின் தந்தை பால் தாக்கரேவால் எழுப்பப்பட்ட கட்சி சிவசேனா.  அதில் குழப்பத்தை ஏற்படுத்தி பிளவை ஏற்படுத்தியவர் ஏக்நாத்.  மகனுக்கு துரோகம் இழைத்து மக்கள் நலத்திட்டங்களுக்கு தந்தையின் பெயரை பயன்படுத்துகிறார் ஏக்நாத்.  பால்தாக்கரேயின் பெயர் இல்லாமல் மகாராஷ்டிரா அரசியல் கடினம் என்பது ஷிண்டேவுக்குத் தெரிந்த காரணத்தினாலேயே மாநிலத்தில் பால் தாக்கரே பெயரில் 700 சுகாதார மையங்களை திறக்க போவதாக அறிவித்துள்ளார் முதலமைச்சர் ஏக்நாத் ஷிண்டே.

இதையும் படிக்க:  ஒரே கட்சி முறையை நோக்கி நகர்கிறதா இந்தியா.....!!!!

சென்னையில் போக்குவரத்து நெரிசல் அதிகம் காணப்படுவதால், அதனை கட்டுப்படுத்த வெளிநாடுகளில் இருப்பதுபோல் நவீன தொலைத்தூர கட்டுப்பாட்டு கருவிகள் பொருத்தப்பட உள்ளதாக சென்னை போக்குவரத்து காவல் கூடுதல் ஆணையர் தெரிவித்துள்ளார்.

அதிகரிக்கும் போக்குவரத்து:

சென்னையில் நாளுக்கு நாள் வாகனங்களின் எண்ணிக்கை அதிகரிப்பதால், போக்குவரத்து நெரிசலும் அதற்கேற்ப அதிகரித்து வருகிறது. அதுவும் “பீக் அவர்ஸ்” எனப்படும் காலை, மாலையில் கட்டுப்படுத்த முடியாத அளவுக்கு போக்குவரத்து நெரிசல் ஏற்பட்டு வாகனங்கள் ஊர்ந்து செல்லும் நிலை தொடர்கதையாக உள்ளது. 

போக்குவரத்தை கட்டுப்படுத்த போலீசார் தீவிரம்:

இதனிடையே சாலையில் போக்குவரத்து நெரிசலை குறைப்பதற்காக போக்குவரத்து போலீஸாரும் நிறைய மாற்றங்களை கொண்டு வந்த வண்ணம் உள்ளனர். எடுத்துக்காட்டாக, நெரிசலை குறைக்க அண்ணா சாலை உட்பட பல்வேறுசாலைகளில் சில பகுதிகளை ஒருவழிப் பாதையாக போக்குவரத்து போலீஸார் மாற்றம் செய்துவருகின்றனர். ஆனாலும், போக்குவரத்து நெரிசலுக்கு நிரந்தர தீர்வு ஏற்படவில்லை. அதேபோல், “கூகுள் மேப்” மூலமும் நெரிசலை கண்காணித்து, அப்பகுதிகளுக்கு போக்குவரத்து போலீசார் உடனடியாக சென்று போக்குவரத்து நெரிசலை சரிசெய்து வருகின்றனர். இது ஒருபுறம் இருக்க, தொழில் நுட்ப உதவியுடன் நெரிசலை கட்டுப்படுத்தும் முயற்சியிலும் போக்குவரத்து போலீஸார் தீவிரமாக ஈடுபட்டுள்ளனர். 

இதையும் படிக்க: முடிவுக்கு வந்த வேலை நிறுத்தப் போராட்டம்...முதலமைச்சர் பேசியது என்ன?

சாலை சிக்னல்களில் நவீன தொலைத்தூர கட்டுப்பாட்டு கருவிகள்:

அந்த வகையில், வெளிநாடுகளில் இருப்பதுபோல, சென்னையில் உள்ள 312 சாலை சிக்னல்களில் நவீன தொலைத்தூர கட்டுப்பாட்டு கருவிகள் பொருத்துவதற்கு ஏற்பாடு செய்யப்பட்டுள்ளது.  நெரிசலை கட்டுப்படுத்தவும், வாகனங்கள் தங்கு தடையின்றி விரைந்து செல்லவும், மருத்துவ அவசர ஊர்திகள், விஐபிக்களின் வாகனங்கள், பிற அவசரகால வாகனங்களின் இயக்கத்தின்போதும், போக்குவரத்து நெரிசல் மிகுந்த நேரங்களிலும் போக்குவரத்தின் அளவை பொருத்து இக்கருவியானது இயங்கும் என்று அறிவித்துள்ளனர்.

போக்குவரத்து காவல் கூடுதல் ஆணையர்:

இதுகுறித்து பேசிய சென்னை போக்குவரத்து காவல் கூடுதல் ஆணையர் கபில் குமார் சி.சரத்கர், இந்த நவீன தொலைதூர கட்டுப்பாட்டு கருவிகள் சாலையில் நெரிசலை கட்டுப்படுத்தும் எனவும், சாலையில் ஒருபுறம் நெரிசல், மறுபுறம் குறைந்த நெரிசல் அல்லது வெறிச்சோடி காணப்பட்டால், இந்த கருவி தானாகவே இயங்கி பச்சை அல்லது சிவப்பு சிக்னல் நேரத்தை கட்டுப்படுத்தும் எனவும், இதற்கு போக்குவரத்து போலீஸாரின் உதவி, வழிகாட்டுதல் தேவை இல்லை. இந்த கருவி மூலம் வாகனங்கள் தேங்காமல் சீராக செல்லும் என்றும், தற்போது இந்தக் கருவியை நிறுவ டெண்டர் கோரப்பட்டுள்ளது என்றும் அவர் தெரிவித்தார்.

தொண்டர்களுக்கு கடிதம்:

திமுக தலைவரும் முதலமைச்சருமான மு.க.ஸ்டாலின் தொண்டர்களுக்கு எழுதியுள்ள கடிதத்தில், தலைவர் உள்ளிட்ட தலைமைக் கழக நிர்வாகிகளைத் தேர்வு செய்வதற்கான பொதுக்குழு, வரும் 9-ஆம் தேதி நடைபெறவுள்ளதாகவும், வரும் 7-ஆம் தேதி வேட்புமனு தாக்கல் செய்யவுள்ளதாகவும் தெரிவித்துள்ளார்.

அலட்சியமான போக்கு வேண்டாம்:

எக்காரணம் கொண்டும் சொல்லிலும் செயலிலும் அலட்சியமான போக்கு வேண்டாம் - இரண்டையும் கவனத்துடன் கையாளுங்கள் என அமைச்சர்கள், எம்பி-எம்எல்ஏக்கள், உள்ளாட்சி பொறுப்பிலே இருக்கக்கூடிய திமுக நிர்வாகிகளுக்கு அறிவுரை கூறியுள்ளார் முதலமைச்சர். 

கண்ணியம் குறைந்து விடக் கூடாது:

நம்மிடமிருந்து வெளிப்படும் சொற்கள், அதனை வெளிப்படுத்தும் உடல்மொழி, நம்மை நாடி வரும் மக்களை அணுகும் முறை என அனைத்திலும் கவனமுடனும் பொறுப்புடனும் கண்ணியம் துளியும் குறைந்து விடாமல் செயலாற்றும்படியும் அறிவுறுத்தியுள்ளார்.

கடுமையான நடவடிக்கை:

நம் தரப்பிலிருந்து தவறுகளுக்கோ, குறைகளுக்கோ குன்றிமணி அளவுகூட இடம் தரக்கூடாது என்றும், அப்படி ஏதேனும் ஒன்றிரண்டு நிகழ்வுகள் தன் கவனத்திற்கு வந்தாலும், கடுமையான நடவடிக்கை எடுத்திட சிறிதும் தயங்க மாட்டேன் என்றும் முதலமைச்சர் மு.க.ஸ்டாலின் எச்சரித்துள்ளார்.

எதிரிகளுக்கு துணைப் போக மாட்டீர்கள்:

அரும்பாடுபட்டு அமைந்துள்ள மக்கள் நல ஆட்சிக்கு, அவப்பெயர் ஏற்படுத்த நினைக்கும் எதிரிகளுக்கு, திமுகவினர் யாரும் எள்ளளவும் துணைபோக மாட்டீர்கள் என உறுதியாக நம்புவதாகவும் முதலமைச்சர் மு.க.ஸ்டாலின் தெரிவித்துள்ளார். திமுக அரசின் செயல்பாடுகளுக்கு தடங்கலாகும் சூழலை திட்டமிட்டு உருவாக்க சில அரசியல் கட்சிகளும், அவர்களின் பின்னணிக் குரலாகச் செயல்பட நினைப்போரும் காத்திருப்பதாக முதலமைச்சர் கூறியுள்ளார்.

எச்சரிக்கையுடன் செயல்பட வேண்டும்:

நாம் பேசுகிற நீண்ட பேச்சில், தொடர்பில்லாமல் ஒரு சிறிய துண்டை மட்டும் எடுத்து, அதிலும் வெட்டி-ஒட்டி, திரித்து மோசடி செய்து, அதனை எதிர்ப்புப் புயல் என நம்ப வைக்க பெரும்பாடுபடுவதாகவும், அதனை கவனத்தில் கொண்டு எச்சரிக்கையுடன் செயல்பட வேண்டும் என்றும் முதலமைச்சர் மு.க.ஸ்டாலின் அறிவுரை கூறியுள்ளார்.

புதுச்சேரியில் கடந்த 6 நாட்களாக நடைபெற்று வந்த மின்துறை ஊழியர்களின் போராட்டம் முதலமைச்சர் ரங்கசாமி உடனான பேச்சுவார்த்தைக்கு பிறகு முடிவுக்கு வந்தது. வேலை நிறுத்தத்தை கைவிடுவதாக தெரிவித்த ஊழியர்கள் உடனடியாக பணிக்கு திரும்ப ஒப்புக்கொண்டனர் ...

கால வரையற்ற வேலை நிறுத்தம்:

புதுச்சேரியில் மின்துறையை தனியார் மயமாக்கும் மத்திய அரசின் நடவடிக்கையை எதிர்த்து மின்துறை பொறியாளர்கள் மற்றும் ஊழியர்கள் காலவரையற்ற வேலை நிறுத்தப் போராட்டத்தில் ஈடுபட்டு வந்தனர். இதனால் பல இடங்களில் மின்வெட்டு ஏற்பட்டு மக்களின் இயல்பு வாழ்க்கை பாதிக்கப்பட்டது. 

தமிழிசை எச்சரிக்கை:

இந்நிலையில் ஊழியர்களின் போராட்டத்தை முடிவுக்கு கொண்டுவர புதுச்சேரி மாநில அரசு தீவிரமாக முயற்சித்து வந்தது. செயற்கை மின் தடையை ஏற்படுத்தும் ஊழியர்கள் மீது எஸ்மா சட்டம் பாயும் என துணைநிலை ஆளுநர் தமிழிசை செளந்தரராஜன் எச்சரிக்கை விடுத்திருந்தார்.

இதையும் படிக்க: அமைச்சர்களுக்கு வாய் கொழுப்பு அதிகம்...ஓசியை அனுபவிப்பவர்கள் ஓசியை பற்றி பேசுகிறார்கள்...!

6வது நாளாக போராட்டம்:

மேலும் பணிக்கு திரும்பாவிட்டால் ஒழுங்கு நடவடிக்கை எடுக்கப்படும் என மின்துறை பொறியாளர் சார்பில் சுற்றறிக்கை அனுப்பப்பட்டது. எனினும் இந்த எச்சரிக்கைகளை புறக்கணித்து மின்துறை ஊழியர்கள் 6வது நாளாக தொடர்ந்து வேலை நிறுத்தப் போராட்டத்தில் ஈடுபட்டனர்.

போராட்டத்தை கைவிட்ட ஊழியர்கள்:

இந்த சூழலில் மின்துறை ஊழியர்களுடன் முதலமைச்சர் ரங்கசாமி இன்று பேச்சுவார்த்தை நடத்தினார். இந்தப் பேச்சுவார்த்தையில் உடன்பாடு எட்டப்பட்ட நிலையில், வேலை நிறுத்தத்தை கைவிடுவதாக மின்துறை ஊழியர்கள் அறிவித்தனர். மேலும் உடனடியாக பணிக்கு திரும்புவதாகவும் அறிவித்தனர்.