அதிமுக ஒருங்கிணைப்பாளர், இணை ஒருங்கிணைப்பாளர் இருவரும் கிருஷ்ண ஜெயந்தியை முன்னிட்டு சமூக வலைத்தளங்களில் வாழ்த்துப்பதிவு.

கிருஷ்ண ஜெயந்தி:

ஒவ்வொரு ஆண்டும் ஆவணி மாதத்தில் வரக்கூடிய தேய்பிறை அஷ்டமி திதி அன்று கிருஷ்ண ஜெயந்தி விழா கொண்டாடுவது வழக்கம். அந்த வகையில், இந்த ஆண்டுக்கான கிருஷ்ண ஜெயந்தி விழா இன்று வெகு சிறப்பாகக் கொண்டாடப்படுகிறது. கிருஷ்ணரின் கோயில்கள் அலங்கரிக்கப்பட்டு, வழிபாடுகள் நடத்தப்பட்டு வருகிறது. 

தலைவர்கள் வாழ்த்து:

கிருஷ்ண ஜெயந்தி நாளிற்கு பிரதமர் மோடி, முதலமைச்சர் ஸ்டாலின், ஆளுநர் ஆர்.ஏன்.ரவி, அதிமுக ஒருங்கிணைப்பாளர் ஓ.பன்னீர்செல்வம், எதிர்கட்சித் தலைவர் எடப்பாடி பழனிசாமி, அமமுக பொதுச்செயலாளர் டி.டி.வி.தினகரன், புதுச்சேரி துணைநிலை ஆளுநர் தமிழிசை சவுந்தரராஜன் மற்றும் பல மாநில முதலமைச்சர்களும், தலைவர்களும் வாழ்த்து தெரிவித்துள்ளனர்.

ஓபிஎஸ் - இபிஎஸ்:

அதிமுகவில் உயர் அதிகாரம் யாருக்கு என்பதில் போட்டி போட்டு வரும் ஓபிஎஸ், இபிஎஸ் இருவரும் தங்களில் கிருஷ்ண ஜெயந்தி வாழ்த்து செய்தியில் கூட தங்களின் நிலைப்பாட்டை வெளிப்படுத்துவம் விதமாகவே பதிவிட்டுள்ளதாக விமர்சிக்கப்படுகிறது. 

மேலும் படிக்க: தன் தரப்பு வாதத்தை கேட்டபிறகே உத்தரவு : ஓ.பி.எஸ். கேவியட் மனு தாக்கல் !!

அழைப்பு: 

ஜூலை 11 இல் நடந்த அதிமுக பொதுக்குழு செல்லாது என உயர்நீதிமன்றம் உத்தரவிட்டதை அடுத்து, தருமம் மீண்டும் வென்றதாக கூறிய ஓபிஎஸ், ஆகஸ்ட் 18 இல் செய்தியாளர்களை சந்தித்த போது, அனைவரும் இணைந்து அதிமுக கட்சியை வழிநடத்த வேண்டும் என விருப்பம் தெரிவித்தார். நடந்தவை மடம்தாவியாகவே இருக்கட்டும், நடப்பவை அனைத்தும் நல்லவையாக அமையட்டும் எனக் கூறிய ஓபிஎஸ், அனைத்தையும் மறந்து, அன்பு சகோதரர் எடப்பாடி பழனிசாமி, சசிகலா, டி.டி.வி. தினகரன் அனைவரும் ஒருங்கிணைத்து செயல்பட வேண்டும் என அழைப்பு விடுத்தார்.

மறுப்பு:

ஓபிஎஸ் இன் அழைப்பை திட்டவட்டமாக நிராகரித்த இபிஎஸ், யாருக்கு எதிராக தர்மயுத்தம் நடத்தினாரோ அவரையே மீண்டும் கட்சிக்குள் அழைக்கிறார், அவருடன் எப்படி இணைந்து செயல்பட முடியும்? பதவிக்காக எதை வேண்டுமானாலும் செய்வார், அவருடன் இணைவு என்பது சாத்தியமில்லை என மறுத்துக் கூறியிருந்தார்.

இபிஎஸ் வாழ்த்துப்பதிவு:

கிருஷ்ண ஜெயந்தி நாளில்,  "எது நடந்ததோ, அது நன்றாகவே நடந்தது; எது நடக்கிறதோ அது நன்றாகவே நடக்கிறது; எது நடக்கப் போகிறதோ அதுவும் நன்றாகவே நடக்கும்” என்ற ஶ்ரீகிருஷ்ணரின் உபதேசத்தை மனதில் கொண்டு அனைத்து மக்களின் நன்மைக்கு உழைப்போம் என்று கிருஷ்ண ஜெயந்தி நன்னாளில் நாம் அனைவரும் உறுதியேற்போம் என காலை 9.44 மணிக்கு சமூக வலைதளத்தில் பதிவிட்டு இருந்தார் இபிஸ்.

"எது நடந்ததோ, அது நன்றாகவே நடந்தது; எது நடக்கிறதோ அது நன்றாகவே நடக்கிறது; எது நடக்கப் போகிறதோ அதுவும் நன்றாகவே நடக்கும்” என்ற ஶ்ரீகிருஷ்ணரின் உபதேசத்தை மனதில் கொண்டு அனைத்து மக்களின் நன்மைக்கு உழைப்போம் என்று கிருஷ்ண ஜெயந்தி நன்னாளில் நாம் அனைவரும் உறுதியேற்போம். pic.twitter.com/QyqX6coI71

— Edappadi K Palaniswami (@EPSTamilNadu) August 19, 2022

பதிவின் சூட்சுமம் என்ன?

அதிமுக பொதுக்குழு தொடர்பான உயநீதிமன்ற தீர்ப்பை எதிர்த்து உயர் நீதிமன்றத்தில் மேல்முறையீடு செய்துள்ளார் இபிஎஸ். அந்த வழக்கு அடுத்த வாரம் விசாரணைக்கு வரவுள்ளது. 

"நடப்பவை அனைத்தும் நல்லவையாகவே நடக்கட்டும்” என்ற வரி, உயர் நீதிமன்றத்தில் வர இருக்கும் தீர்ப்பை சூட்சமமாக கூறுவதாக உள்ளதாக விமர்சனங்கள் எழுந்துள்ளது.

ஓபிஎஸ் வாழ்த்துப்பதிவு:

கிருஷ்ண ஜெயந்தியை முன்னிட்டு, பகவான் ஸ்ரீ கிருஷ்ணர் அவதரித்ததன் நோக்கமே இந்த உலகத்தில் உள்ள தீமைகளை ஒழித்து தர்மத்தை நிலைநாட்டுவதற்காகத்தான். நம் அனைவரும் தீமைகளை முறியடித்து உயரிய குறிக்கோளுடன் வாழ வேண்டும்.

தர்மம் தழைக்க வேண்டும்;
'அமைதி, வளம், வளர்ச்சி' 
பெருக வேண்டும். என காலை 10.42 மணிக்கு சமூக வலைதளத்தில் பதிவுட்டுள்ளார் ஒபிஸ். 

கிருஷ்ண ஜெயந்தி வாழ்த்துகள்!#KrishnaJanmashtami #KrishnaJayanthi pic.twitter.com/27f9pDey1r

— O Panneerselvam (@OfficeOfOPS) August 19, 2022

பதிவின் சூட்சுமம்?:

தர்மயுத்த நாயகனாக பார்க்கப்படும் ஓபிஎஸ், "தருமம்  தழைக்க வேண்டும்" என பதிவிட்டு இருப்பது, உயர்நீதிமன்றத் தீர்ப்பு தனக்கு சாதகமாக வரும், அது தான் தர்மம் என கூற வருகிறாரோ என கருத்து தெரிவித்து வருகின்றனர் நெட்டிசன்கள். 

இலவசம் கொடுப்பதனால் தமிழகத்தில் வளர்ந்தவர்கள் கோபாலபுரம் குடும்பத்தினர் மட்டும் தான் என அண்ணாமலை குற்றச்சாட்டு...

இலவச பொருள் விவகாரம்:

மாநில அரசாங்கத்தால் கொடுக்கப்படும் இலவச பொருட்களால் மக்கள் பயனடைகின்றனர் என்று மாநில அரசு கூறுவதை மத்திய அரசு நிராகரித்து வருகிறது.தங்களுடைய சுய லாபத்திற்காக இலவச பொருட்களை மக்களுக்கு கொடுத்து அதன்மூலம் மாநில அரசு வளர்ந்து வருவதாகவும், இலவச பொருட்களால் நிதி அளவு அதிகரித்து வருவதாகவும் குற்றம் சாட்டி வருகின்றனர். இது குறித்து பல்வேறு அரசியல் தலைவர்களும் தங்களது கருத்துகளை கூறி வருகின்றனர்.

அண்ணாமலை பேட்டி:

இந்நிலையில், பாஜக மாநில தலைவர் அண்ணாமலை புதுக்கோட்டையில் நடைபெற்ற கட்சி கூட்டத்தில் பங்கேற்பதற்காக சென்னையிலிருந்து நேற்று மாலை திருச்சி விமான நிலையம் சென்றடைந்தார். அப்போது செய்தியாளர்களை சந்தித்த அவர், திமுகவை விமர்சனம் செய்தார். 

நிதியமைச்சர் ஆய்வு செய்ய வேண்டும்:

தமிழக நிதி அமைச்சர் பிடிஆர், கைதட்டலுக்காக எது வேண்டுமானாலும் பேசலாம் என்பதற்காக பேசுகிறார், முதலில் அவர் பேசுவதற்கு ஆதாரம் இருக்கிறதா? என்பதையும், அர்த்தம் இருக்கிறதா என்பதையும் கவனித்து பேச வேண்டும். இலவசங்களால் மட்டும் தான் தமிழகம் முன்னேறி கொண்டி இருக்கிறது என்று அவர் கூறுவது சரியா என்பதை திமுக ஆய்வு செய்ய வேண்டும் என்று அண்ணாமலை தமிழக நிதியமைச்சர் பிடிஆரை சாடினார்.  

மேலும் படிக்க: https://www.malaimurasu.com/posts/cover-story/Annamalai-has-ten-years-of-political-experience

நிதி சுமையில் முதலிடம்:

மக்களுக்கு இலவச பொருட்கள் கொடுப்பதால் தமிழ்நாடு வளர்ச்சி அடையவில்லை. இலவசம் கொடுப்பதனால் தமிழகத்தில் வளர்ந்தவர்கள் கோபாலபுரம் குடும்பத்தினர் மட்டுமே தவிர மக்கள் அல்ல. இலவச பொருட்களில் வரும் கமிஷன் மட்டுமே அரசியல்வாதிகளுக்கு லாபம் என்றும் முகஸ்டாலினை சாடியுள்ளார்...தொடர்ந்து பேசிய அவர், நிதி சுமையில் தமிழகம் முதல் இடத்தில் இருப்பதாக குற்றம்சாட்டினார். திமுக ஆட்சிக்கு வந்த போது, 1 லட்சம் கோடி கடன் பெற்றதாகவும், ஆனால் தற்போது மீண்டும் 1.20ஆயிரம் கோடி கடன் கேட்டுள்ளதாக குற்றம் சாட்டினார்.

அதிக கடன் வாங்குவதில் முதலிடம்:

தொடர்ந்து, ஆகஸ்ட் 15ஆம் தேதி போதைப்பொருள் குறித்து பேசிய தமிழ்நாடு முதலமைச்சர், தமிழகத்தில் போதைப்பொருளை விடமாட்டேன் என்று கூறினார். ஆனால் ஆகஸ்ட் 14 ஆம் தேதி வரலாற்றில் இல்லாத அதிகபட்ச மது விற்பனை நடைபெற்றுள்ளதாக கூறினார். அதேபோன்று அதிக கடன் வாங்குவதிலும் திமுக அரசு முதலிடம், வாங்கிய கடனையும் முறையாக செலுத்தவில்லை என்பதிலும் முதலிடம். இப்படி இருக்க எந்த அடிப்படையில் முன்னேறி கொண்டு இருக்கும் அரசு என்றும், திராவிட மாடல் அரசு என்றும் மு.க.ஸ்டாலின் கூறுகிறார் என்று தெரியவில்லை என சாடினார்.

இலங்கையை போல் மாறி வரும் தமிழ்நாடு:

சமீபத்தில் இலங்கையில் இதே போன்று நிலைதான் ஏற்பட்டது, இங்கு நடப்பது போலவே, ஆட்சியை ஒரே குடும்பத்தின் கையில் கொடுத்துவிட்டதால், நிதி நிலைமை திவாலாகி அவர்கள் அனைவரும் இலங்கையை விட்டு ஓடும் நிலை ஏற்பட்டது. தற்போது 
தமிழகமும் ஒரு குட்டி இலங்கை போல் மாறி வருவதாக அண்ணாமலை குற்றம் சாட்டினார். 

திமுகவுக்கு எந்த தகுதியும் இல்லை:

திமுக அரசை தொடர்ந்து குற்றம் சாட்டிய அவர், பாஜக மற்றும் ஆர்எஸ்எஸ் உடன் சமரசம் செய்து கொள்வதற்கோ அல்லது கூட்டணி வைத்துக் கொள்வதற்கோ ஒரு தகுதி வேண்டும். அந்த தகுதி திமுகவுக்கு இல்லை என்று கடுமையாக விமர்சனம் செய்துள்ளார்.  

அதிமுக பொதுக்குழு வழக்கு தீர்ப்பு:

அதிமுகவில் கடந்த ஜூலை 11 ஆம் தேதி நடைபெற்ற பொதுக்குழுவுக்கு தடைக்கோரி ஓ.பி.எஸ் தொடர்ந்த வழக்குக்கு சென்னை உயர்நீதிமன்றம் நேற்று அதிரடி தீர்ப்பு வழங்கியது. அதிமுக கடந்த ஜூன் 23 ஆம் தேதிக்கு முன்பு இருந்ததை போலவே செயல்படும், ஒருங்கிணைப்பாளர், இணை ஒருங்கிணைப்பாளர் இணைந்தே பொதுக்குழு நடத்த வேண்டும் என நீதிபதி ஜெயச்சந்திரன் தீர்ப்பளித்தார். இதனால் மீண்டும் அதிமுகவின் ஒருங்கிணைப்பாளர் ஆனார் ஓ.பன்னீர் செல்வம். இந்த தீர்ப்பானது ஓபிஎஸ்க்கு வெற்றி என்றாலும், ஈபிஎஸ்க்கு சற்று சரிவாக தான் கருதப்படுகிறது.

ஈபிஎஸ்க்கு அழைப்பு:

பொதுக்குழு வழக்கில் நேற்று சென்னை உயர்நீதிமன்றம் அளித்த தீர்ப்பையடுத்து, இன்று செய்தியாளர்களை சந்தித்த அதிமுக ஒருங்கிணைப்பாளர் ஓபிஎஸ், நடந்தவை நடந்தவையாகவே இருக்கட்டும், எல்லாவற்றையும் மறந்து அனைவரும் ஒருங்கிணைந்து செயல்பட வேண்டும் என்று கூறியதோடு, ஈபிஎஸை ’அன்பு சகோதரன்’ என்று கூறி ஒன்றிணைந்து செயல்பட அழைப்பு விடுத்தார்.

ஈபிஎஸ் நிராகரிப்பு:

அதிமுகவில் கடந்த ஜூலை 11 ஆம் தேதி நடைபெற்ற பொதுக்குழு செல்லாது என்று அறிவித்த சென்னை உயர்நீதிமன்றம் தனிநீதிபதியின் தீர்ப்பை எதிர்த்து, எதிர்க்கட்சித் தலைவர் ஈபிஎஸ் இரு நீதிபதி கொண்ட அமர்வுக்கு மேல்முறையீடு செய்தார் . பின்னர் செய்தியாளர்களை சந்தித்த அவர், ஓ.பி.எஸ் அழைப்பை நிராகரிப்பதாக கூறினார். மேலும் அதற்கான பல காரணங்களை காரசாரமாக எடுத்து முன்வைத்தார். 

ஓபிஎஸ்க்கு எந்த தகுதியும் இல்லை:

பொதுக்குழு வழக்கில் சென்னை உயர்நீதிமன்றத்தின் தீர்ப்பு, ஓ.பி.எஸ் அழைப்பு, ஈபிஎஸ் நிராகரிப்பு என அதிமுக அரசியல் வட்டாரங்களில் பரபரப்பு நிலவி வரும் நிலையில், மதுரை புறநகர் கிழக்கு மாவட்ட கழக செயலாளர் ராஜன் செல்லப்பா அவரது அலுவலகத்தில் செய்தியாளர்களை சந்தித்து பேசினார். அப்போது பேசிய அவர், நேற்று வந்த நீதிமன்றத்தின் தீர்ப்பானது தற்காலிகமானதே தவிர, முடியவில்லை. இன்னும் இறுதி தீர்பு வரவில்லை மேல்முறையீடு வழக்கு உள்ளது. எடப்பாடி பழனிசாமிக்கு வலிமைமிக்க தீர்ப்பினை, கழகத் தொண்டர்கள் ஏற்கனவே வழங்கி விட்டதாக கூறினார். தொடர்ந்து பேசிய அவர், சிலர் தற்காலிகமாக வந்த தீர்ப்பினை வைத்து சில அறிக்கைகளை விடுக்கின்றனர் என்று ஓ.பி.  எஸை செல்லப்பா சாடினார். அதுமட்டுமின்றி, எடப்பாடி பழனிசாமிக்கு அழைப்பு விடுப்பதற்கு ஓ.பி.எஸ்க்கு எந்த தகுதியும் கிடையாது என்று கடுமையாக சாடியுள்ளார்.

திமுகவுடன் கூட்டணி;எப்படி சேர முடியும்?:

செய்தியாளர்கள் சந்திப்பில், அனைவரும் ஒன்று சேர வேண்டும் எனவும், கசப்பை மறக்க வேண்டும் எனவும் ஓ.பி,எஸ் சொல்கிறார். அதே சமயம் திமுகவுக்கும் ஓபிஎஸ் ஆதரவு தெரிவிக்கிறார். ஆனால் நாங்கள் திமுகவை எதிர்க்கிறோம். நாங்கள் எப்படி ஒன்று சேர முடியும்? இனி வசந்த காலம் என்றார் ஓ.பி.எஸ்....ஆனால் திமுகவுடன் தொடர்பு உள்ளவர்களை எப்படி வசந்த காலம் என்று ஏற்க முடியும்?நாங்கள் அவர்களுடன் ஒன்றுசேர வழியில்லை...என ராஜன் செல்லப்பா செய்தியாளர்கள் சந்திப்பில் ஓ.பி.எஸை கடுமையாக விமர்சனம் செய்துள்ளார்.

சில கட்சிகள் மக்கள் மத்தியில் நல்ல பேரை பெரும் நோக்கில், குறுக்கு வழியாக இலவசங்கள் வழங்குவதைத் தேர்ந்தெடுக்கின்றனர். இலவசங்கள் கொடுப்பதால் மட்டும் அது நல்லாட்சி ஆகி விடாது என, பிரதமர் நரேந்திர மோடி, சமீபத்தில் பேசியுள்ளார். மேலும், இலவச திட்டங்களால், அதிக செலவாகிறது என, மத்திய அரசு, தரப்பில் தெரிவிக்கப்பட்டதையடுத்து, அட்ஜ்ஹற்கு எதிர்ப்பு தெரிவித்து, மாநில அரசுகளுக்கு எதிராக வழக்கும் தொடரப்பட்டது.

பாஜக வழக்கு பதிவு!

தேர்தல்களில் அரசியல் கட்சிகள் இலவச அறிவிப்புகளை வெளியிடுவதற்கு தடை விதிக்கும்படி கோரி, உச்ச நீதிமன்றத்தில், பாஜக தரப்பு வழக்கறிஞர் அஸ்வினி உபாத்யா தொடர்ந்த இப்பொதுநலன் வழக்கில், இலவசங்கள் வழங்குவதன் சாதகங்களையும், பாதகங்களையும் ஆய்வு செய்ய, நிபுணர் குழு ஒன்றை அமைக்கலாம் எனவும், அதில், மத்திய அரசு, மாநில அரசுகள், அனைத்து அரசியல் கட்சிகள், நிதி ஆணையம், நிதி ஆயோக், தேர்தல் ஆணையம் உள்ளிட்டோர் இடம்பெறலாம் என்றும் தலைமை நீதிபதி என்.வி.ரமணா அடங்கிய அமர்வு தெரிவித்தது.

இடையீட்டு மனு:

இந்நிலையில், ‘அடித்தட்டு மக்கள் மக்கள் வாழ்வாதாரத்தை அடிப்படையாகக் கொண்டு சமூக நீதியைக் காக்கும் வித்ததில் தான் லவசங்கள் வழங்கப்படுகின்றன’ என உச்ச நீதிமன்றத்தில், திமுக சார்பாக, ஆர்.எஸ். பாரதி தரப்பில் உச்சநீதிமன்றத்தில் இடையீட்டு மனு தாக்கல் செய்யப்பட்டுள்ளது.

அஃபிடவிட் பற்றி தெரியாது!

இந்த வழக்கு மீண்டும் விசாரணைக்கு வந்தபோது, தேர்தல் ஆணையம் பதில் மனு தாக்கல் செய்திருபதாகத் தெரிவித்தது பெரும் சர்ச்சையைக் கிளப்பியது. ஏன் என்றால், அதன் பிரமாணபத்திரம் (அஃபிடவிட்) தங்களுக்கு கிடைக்கவில்லை என்றும், செய்திகளில் படித்து தான் தெரிந்துக் கொண்டதாகவும் தலைமை நீதிபதி அதிருப்தி தெரிவித்துள்ளது. மேலும், அந்த அஃபிடவிட்டில், தேர்தல் ஆணையம் சுதந்திரமான  அரசியல் சாசன அமைப்பு என்பதால் நிபுணர் குழுவில் பங்கேற்க விரும்பவில்லை எனவும்,  தேர்தல் ஆணையம் தெரிவிக்கும் கருத்துக்கள் தேர்தல்களில் பாதிப்பை ஏற்படுத்தலாம் என்றும் தெரிவிக்கப்பட்டுள்ளது குறிப்பிடத்தக்கது.

வாழ்வாதாரம் தரும் இலவசங்கள்:

ஆனால், தற்போதைய சூழலில், இலவசங்களால் தான் பலரது வாழ்வாதாரம் நிலைத்திருக்கிறது என மாநில அரசு சார்பில் வைக்கப்பட்ட வாதங்கள் மூலம், ‘இது முக்கியமான பிரச்சனை என்பதால், அனைத்து தரப்பு கருத்துகளையும் கேட்க வேண்டும். இந்த விவகாரத்தை வரைமுறைப்படுத்த வேண்டும்’ என கடந்த 11ம் தேதி தெரிவித்தது. பின், இலவசங்களை அறிவிக்கும் கட்சிகளின் அங்கீகாரத்தை ரத்து செய்யவும்,  இலவசங்களை தடுக்க சட்டம் இயற்றவும் உத்தரவிட முடியாது என கூறி,  வழக்கை நேற்றுக்கு ஒத்தி வைத்தது.

நீதிமன்றம் தலையிட முடியாது!

இந்த வழக்கில் திமுக சார்பில், வழக்கறிஞர் திமுக மாநிலனக்களவை உறுப்பினரும் வழக்கறிஞருமான, பி. வில்சன் மற்றும் வழக்கறிஞர் நெடுமாறன் ஆகியோர் ஆஜராகி வாதிட்டனர். அதில், ‘சமூக நீதி பற்றி அரசியலமைப்பு சட்டத்திலேயே கூறப்பட்டுள்ளது. அடித்தட்டு மக்களின் வாழ்வாதாரத்தை உயர்த்தும் வகையில் தான் தேர்தல் நேரம் இலவசங்கள் அறிவிக்கப்படுகின்றன. இலவசங்களில், இலவச மின்சாரம் மூலம், ஏழை மாணவர்களின் கல்வி மேம்படுத்தப்படுகிறது. இது போன்ற இலவசங்கள் வழங்குவது அரசு கொள்கைகள் சார்ந்தது என்பதால், நீதிமன்றம் இதற்குள் தலையிட முடியாது.” என வாதம் முன்வைக்கப்பட்டது.

பணக்காரர்களைப் பணக்காரராக்கும் சலுகைகள் தேவையா?

மேலும், பல முக்கிய பிரமுகர்கள் கடன் வாங்குவதைப் பற்றியெல்லாம் பேசாமல் விட்டு, ஏழைகளுக்கு வழங்கும் இலவசங்கள் மீது கை வைப்பது ஏன் என்றும், திமுக சார்பு வழக்கறிஞர் அடுக்கடுக்காக கேள்விகளை முன்வைத்தார். இது குறித்து பேசிய போது, “பெரிய தொழிலதிபர்கள் வாங்கிய பெரும் வங்கிக்கடன்கள் மொத்தமாக ரத்து செய்யப்படுவது ஒரு வகையில் இலவசம் தானே? அதே போல, வசதியானவர்களுக்கு சலுகைகள் வழங்குவதெல்லாம் எப்படி சமூக நீதி நிலைப்படுகிறது?” என்று கேட்டார்.

முதலாளித்துவ நாடாக மாற்றும் முயற்சி!

பின், இலவசங்கள் குறித்து அராய குழு அமைப்பதை திமுக எதிர்ப்பதாக கூறி, ரிட் மனுதாரர் இந்தியாவை சமதர்மவாத நாடில் இருந்து முதலாளித்துவ நாடாக மாற்றி வருகிறது என்று, பி. வில்சன் வாதிட்டார். மேலும், மாநிலஙளின் கொள்கைகளின் வழிகாட்டும் கோட்பாடுகளை விரக்தி அடைய செய்வதாகவும் அவர் வைத்த வாதங்களின் அடிப்படையில், இந்த வழக்கை விசாரிக்கும் அமர்வு, வரும் திங்கட்கிழமை, அதாவது ஆகஸ்ட் 22ம் தேதிக்கு, அனைத்து தரப்பினரின் வாதங்களையும் கேட்க, வழக்கை ஒத்திவைத்துள்ளது.

நீதித்துறை அமைச்சர் ஆதங்கம்!

இதனைத் தொடர்ந்து, தமிழ்நாட்டு நிதித்துறை அமைச்சர் பி.டி.ஆர்., சமீபத்தில் ஒரு தனியார் தொலைக்காட்சியின் வாதத்தில் கலந்து கொண்டார். அப்போது, தனக்கு மற்ற வேலைகள் இருப்பதால், சீக்கிரமாக கிளம்ப வேண்டும் என கூறிய நிலையில், இந்த வழக்கு தொடர்பான கேள்விகள் முன்வைக்கப்பட்டன. அதற்கு பதிலளித்த போது, தனது மாநிலத்தில் என்ன நடக்கிறது என்பது தெரியாமல், ஒட்டுமொத்தமாக குற்றம் சாட்டுவது எந்த விதத்தில் சரி என்று கேள்வி கேட்டார். மேலும், பாஜக தரப்பில் வைக்கப்பட்ட குற்றச்சாட்டுகள் குறித்து கேள்வி எழுப்பிய போது, தான் தனது வேலையை மிக சிறப்பாக செய்வதால் தான், தமிழ்நாட்டு முதலமைச்சர் மு.க ஸ்டாலின், தனக்கு இந்த பொறுப்பை வழங்கியுள்ளதாகவும், தன் வேலைகளால், மக்கள் திருபதி அடைந்து மேம்பட்டு வருவதாகவும் தெரிவித்தார்.

என்ன தகுதி இருக்கிறது?

மேலும், பேசிய அவர், “ஒன்று அடிப்படை அரசியலமைப்பு தெரிந்திருந்தால் நீங்கள் (பாஜக) சொல்வது கேட்கலாம். அல்லது, இந்த துறையில் நிபுணராகவோ இருக்க வேண்டும். பொருளாதாரத்தில் இரட்டை பி.எச்.டி பட்டமோ, அலது நோபல் பரிசோ பெற்றிருந்தால், எங்களை விட உங்களுக்கு அதிக அறிவு இருக்கிறது எனறு அவர்கள் (பாஜக) கூறுவதை ஒப்புக்கொள்ளலாம். அதுவும் இல்லையா, இது வரை தங்கள் ஆட்சியில், பொருளாதாரத்தை சிறந்தளவில் அதிகரித்திருந்தாலோ, அல்லது கடன்களைக் குறைத்திருந்தாலோ, இல்லையென்றால், தனி நபர் வருமானத்தையும், வேலைவாய்ப்புகளையும் அதிகரிப்பது போன்ற செயல்கள் மூலம், உங்கள் ஆட்சி செயல்திறனை நிரூபித்திருந்தாலோ, நீங்கள் சொல்வதற்கு நாங்கள் கட்டுப்படலாம். ஆனால், இப்படி தான் எதுவுமே இல்லையே!” என்று கூறினார்.

கடவுள் வாக்கா என்ன?

தொடர்ந்து பேசிய அவர், “இப்படி எதுவுமே இல்லாத ஒருவரது வாக்குகளைக் கடவுள் வாக்காக நான் ஏன் பார்க்க வேண்டும். நான் கடவுளை நம்புகிறவன். நான் எந்த மனிதனையும் கடவுளாக பார்க்க மறுக்கிறேன். பின் ஏன் நான் மற்றொருவரது பார்வைக்கு மதிப்பு கொடுக்க வேண்டும்?” என்று ஆதங்கததி வெளிப்படுத்தும் விதமாக கேள்வி எழுப்பினார்.

எனக்கு உரிமை இருக்கிறது!!!

இதனைத் தொடர்ந்து, தனது மாநிலத்தேவைகளுக்கு, முடிவெடுக்கும் உரிமை தனக்கு வழங்கப்பட்டதாகக் ஊறிய அவர், “தேர்தல் மற்றும் எனது முதலமைச்சர் மு.க. ஸ்டாலின் எனக்கு சில பொருப்புகளைக் கொடுர்த்திருக்கிறார். அதன் மூலம் எனக்கு சில உரிமைகள் உண்டு. ஒன்றிய அரசை விட பல மடங்கு நாங்கள் நன்றாக உழைக்கிறோம். நாங்கள் பல மடங்கு சிறப்பாக செயல்பட்டு வருகிறோம். மேலும் இதனைத் தொடர்ந்து மூன்று ஆண்டுகளுக்கு எங்கள் ஆட்சி முடியும் வரை செய்வோம். ஒன்றிய அரசின் கஜானாவிற்கு நாங்கள் தான் அதிகமாக சொத்து சேர்க்கிறோம். இப்படி இலவசங்கள் மூலம் 1 ரூபாய் செலவு செய்யப்பட்டாலும், 30-33 காசுகள் கூட எங்களுக்கு கிடைப்பதில்லை. இதற்கு மேல் என்ன செய்ய வேண்டும் என்கிறீர்கள்? இப்போது கூறுங்கள்! நான் ஏன் அவர்கள் குறுவதைக் கேட்க வேண்டும்?” என்று கொந்தளித்தார்.

மேலும், அவர் அடுக்கடுக்காக மீண்டும் அதே கேள்விகளைக் கேட்டார்!

1. அடிப்படை அரசியலமைப்பு இருக்கிறதா? இல்லை!

2. பொருளாதார நிபுணரா? இல்லை!

3. நோபல் பரிசு இருக்கிறதா? இல்லை!

4. குறைந்தது நல்ல அரசியல் செயல்திறன் நிரூபிக்கப்பட்டதா? அதுவும் இல்லை!

பிறகு என்ன அடிப்படையில், இவர்களது உத்தரவுகளை கடவுள் வாக்கு போல மதிக்க வேண்டும்? என்று பேசிவிட்டு, விவாதத்தை விட்டு வெளியேறினார்.

இந்த பேச்சு, பலராலும் ஆதரிக்கப்பட்டு வருவது குறிப்பிடத்தக்கது. இர்ந்தாலும், மத்திய அரசு, மாநில அரசு, எதிர்கட்சி, ஆளுங்கட்சி என பலதரப்பினரிடையே பெரும் விவாதததிக் கிளப்பியதோடு, ஒரு சில பிரிவினருக்கு இடையே மோதலையும் கிளப்பியுள்ளது.

Here is the transcript of what @ptrmadurai says in this interview, clearly listing how the state of Tamil Nadu is far ahead of Union Govt despite giving its welfare schemes (the so called freebies) such as TVs, grinders, mixers, cycles, laptops etc. pic.twitter.com/oqntNiBRMO

— Srini Swaminathan (@srini091) August 17, 2022

தலைமை அலுவலகத்தில் தகராறு: கடந்த ஜூலை மாதம் 11ஆம் தேதி நடந்த அதிமுக பொதுக்குழு கூட்டத்தில், தற்காலிக பொதுச்செயலாளராக ஈபிஎஸ் தேர்ந்தெடுக்கப்பட்டார். இதற்கு எதிர்ப்பு அதிமுக தலைமை அலுவலகத்தில் ஓ.பி.எஸ் - ஈ.பி.எஸ் ஆதரவாளர்கள் வன்முறையில் ஈடுபட்டு, வாகனங்களை சேதப்படுத்தினர். 

தலைமை அலுவலகத்திற்கு சீல்: இதையடுத்து சட்டம் - ஒழுங்கு பிரச்சினையை காரணம் காட்டி, அதிமுக தலைமை அலுவலகத்திற்கு வருவாய்த்துறை ஆட்சியர் சீல் வைத்தார். 

ஈபிஎஸ்க்கு சாதகமாக தீர்ப்பு: இதனை எதிர்த்தும், சாவியை வழங்கக் கோரியும், ஓ.பி.எஸ்., ஈ.பி.எஸ். இருவரும் தனித்தனியே சென்னை உயர்நீதிமன்றத்தில் வழக்கு தொடர்ந்த நிலையில், ஈபிஎஸ்க்கு சாதகமாக தீர்ப்பு அளிக்கப்பட்டது. 

இதையும் படிங்க: அதிமுக ஓபிஎஸ்-க்கு.. அதிமுக அலுவலக சாவி யாருக்கு? 2 ஆப்ஷன்கள்..!

ஈபிஎஸ் வசம் சாவி ஒப்படைப்பு: அதன்படி, அதிமுக அலுவலக சாவி ஈபிஎஸ் வசம் ஒப்படைக்க வருவாய்துறைக்கு உயர் நீதிமன்றம் உத்தரவிட்டது.

ஓபிஎஸ் மேல்முறையீடு: இதனிடையே உயர்நீதிமன்ற தீர்ப்புக்கு தடை விதிக்கக் கோரி, ஓபிஎஸ் தரப்பில் உச்சநீதிமன்றத்தில் மேல்முறையீடு செய்யப்பட்டது. இவ்வழக்கு இன்று உச்ச நீதிமன்ற  தலைமை நீதிபதி அமர்வில் விசாரணைக்கு வந்தது.  

எதிர் மனுதாரருக்கு நோட்டீஸ்: அப்போது வழக்கை முழுமையாக விசாரித்ததற்கு பிறகே எந்த ஒரு உத்தரவும் பிறப்பிக்க முடியும் என்றும், வழக்கில் எதிர் மனுதாரர்களுக்கு நோட்டீஸ் அனுப்புவதாகவும் தெரிவித்தது.

இடைக்கால தடை விதிக்க வேண்டும்: முன்னதாக ஓ.பன்னீர்செல்வம் தரப்பில் ஆஜரான மூத்த வழக்கறிஞர் சேகர் நாப்டே, பொதுக்குழு தொடர்பாக சென்னை உயர்நீதிமன்றத்தில் தொடரப்பட்ட வழக்கில் தீர்ப்பு ஓ.பன்னீர் செல்வத்திற்கு சாதகமான வழங்கப்பட்டுள்ளதாகவும், ஆதலால் உச்சநீதிமன்றம் இவ்வழக்கை விசாரித்து முடிக்கும் வரை சென்னை உயர்நீதிமன்றத்தின் உத்தரவிற்கு இடைக்கால தடை விதிக்க வேண்டும் என கோரினார். 

ஒரு வாரத்திற்கு ஒத்திவைப்பு: ஆனால் வழக்கை தீர விசாரித்ததற்கு பிறகே எந்த ஒரு உத்தரவும் பிறப்பிக்க முடியும் என தெளிவுப்படுத்திய நீதிமன்றம், வழக்கு விசாரணையை ஒரு வாரத்திற்கு ஒத்திவைத்துள்ளது.