அண்ணாமலை சீமான் குறித்த கேள்விகளுக்கு வடிவேலு பாணியில் பதிலளித்த மஸ்தான்!!

ஈரோடு கிழக்கு தொகுதிக்கான இடைத்தேர்தல், வரும் 27ம் தேதி நடைபெறவுள்ளது.  இதில் காங்கிரஸ், அதிமுக, தேமுதிக, நாம் தமிழர் கட்சி என 4 முனைப் போட்டி நிலவுகிறது.  

ஈரோடு கிழக்கு தொகுதிக்கான வேட்பாளருக்கான வேட்பு மனு தாக்கலில் இதுவரை 83 மனுக்கள் ஏற்கப்பட்டிருந்த நிலையில்,  6 பேர் வேட்புமனுவை வாபஸ் பெற்றதால் 77 வேட்புமனுக்கள் கொண்ட இறுதி வேட்பாளர் பட்டியல் வெளியாகியுள்ளது.

இந்நிலையில் ஈரோடு கிழக்கு தொகுதி இடைத்தேர்தலில் திமுக கூட்டணி சார்பாக போட்டியிடும் காங்கிரஸ் கட்சியின் ஈவிகேஎஸ் இளங்கோவனை ஆதரித்து அமைச்சர் செஞ்சி மஸ்தான் பிரசாரத்தில் ஈடுபட்டுள்ளார்.

அப்போது மாலைமுரசு தொலைக்காட்சிக்கு பிரத்யேகமாக பேட்டியளித்த செஞ்சி மஸ்தான் “அதிக வாக்குகள் வித்தியாசத்தில் காங்கிரஸ் வெற்றி பெறும்.” எனக் கூறியுள்ளார்.

மேலும் "தி.மு.க. எந்த சலசலப்புக்கும் அஞ்சாது" எனக் கூறிய அமைச்சர் அண்ணாமலைக் குறித்தும் சீமான் குறித்தும் கேள்வியெழுப்பியபோது வடிவேலு காமெடி பாணியில் பதிலளித்துள்ளார். அதாவது "பங்கரமாக பொய் சொல்பவர் அண்ணாமலை" எனவும் "பொய்யை பயங்கரமாக பிரசாரம் செய்பவர் சீமான்" எனவும் நையாண்டியாக பதிலளித்துள்ளார்.

-நப்பசலையார்

இதையும் படிக்க:  திருடிய செங்கலே... திமுகவின் நாடகம் இன்னும் 8 நாட்களுக்குதான்!!!