சிசோடியா கைதில் அரசியல் ஆதாயம் தேடும் ஆம் ஆத்மி...?!!

கைதுக்குப் பிறகும் ஆம் ஆத்மி கட்சி போராட்டங்களில் உற்சாகத்தைத் தக்கவைத்துக்கொள்வதற்கான அறிகுறிகளே அதிக அளவில் தென்படுகிறது.  இந்த ஆர்ப்பாட்டத்தை முன்னிறுத்தி கட்சியின் அரசியல் விரிவாக்கம் குறித்து அதன் தலைவர்கள் பேசி வருகின்றனர். 

போராட்டத்தால் ஆதரவு:

டெல்லியின் துணை முதலமைச்சர் மணீஷ் சிசோடியா கைது செய்யப்பட்டதற்கு எதிர்ப்பு தெரிவித்து ஆம் ஆத்மி கட்சியினர் இன்று நாடு முழுவதும் போராட்டம் நடத்தி வருகின்றனர்.  போராட்டத்தால், ஆம் ஆத்மி கட்சி மற்றும் பாஜக தலைமையகம், ஐடிஓ, ரோஸ் அவென்யூ, மாதா சுந்தரி சாலை, டெல்லி ரயில் நிலையம் வரையிலான அனைத்து சாலைகளும் தில்லியில் அடைக்கப்பட்டதால், மக்கள் பெரும் சிரமத்தை எதிர்கொண்டனர்.  

பலன் யாருக்கு?:

மணிஷ் சிசோடியா கைது செய்யப்பட்டதை எதிர்த்து ஆம் ஆத்மி கட்சியினர் உ.பி., மத்தியப் பிரதேசம், மகாராஷ்டிரா, பஞ்சாப், உத்தரகண்ட் மற்றும் கோவா வரை எதிர்ப்புத் தெரிவித்து, எதிர்க்கட்சிகளை ஒடுக்கும் மத்திய அரசின் நடவடிக்கை என்று கூறி வருகின்றனர்.  இந்த ஆர்ப்பாட்டத்தால் யாருக்கு பலன் கிடைக்கும் என்ற அரசியல் மதிப்பீடு தற்போடு நடைபெற்று வருகிறது.

ஆதாரங்கள் என்ன?:

மணீஷ் சிசோடியாவை கைது செய்ய சிபிஐ எந்த ஆதாரங்களை வைத்திருக்கிறது என்பதை நீதிமன்றத்தில் மறுப்பது அவர்களுக்கு கடினமாக இருக்கும் என்று சட்ட நிபுணர்கள் கருத்து தெரிவித்துள்ளனர்.  இதில், பிறர் பெயரில் மொபைல் வாங்குவது, பயன்படுத்திய பின் அழிப்பது, விஜய் நாயரின் சாட்சியம், ஸ்டிங் ஆபரேஷனில் வெளியான உரையாடல்கள், வாட்ஸ்அப் உரையாடல்கள், சாராய ஊழலில் கொள்கை மாற்றம் செய்து அரசுக்கு கேடு விளைவிக்கும் வகையில் மது வியாபாரிகளின் கமிஷன் இது போன்ற ஊழல்களின் ஆதாரங்களை நீதிமன்றம் ஏற்றுக்கொண்டால், மணிஷ் சிசோடியாவுக்கு ஜாமீன் கிடைப்பது கடினமாக இருக்கும் என அரசியல் வட்டாரங்கள் தெரிவிக்கின்றன.  பின்னர் நீதிமன்ற நடவடிக்கைகளில் ஆம் ஆத்மி கட்சித் தலைவர் தப்பிப்பது என்பது மிகவும் கடினமாகும்.

ஆதாயம் தேடுகிறதா?:

கைதுக்குப் பிறகு ஆம் ஆத்மி கட்சி தொடர்ந்து போராட்டத்தில் ஈடுபட்டு வருகிறது.  இந்த ஆர்ப்பாட்டத்தை முன்னிறுத்தி கட்சியின் அரசியல் விரிவாக்கம் குறித்தும் அதன் தலைவர்கள் பேசி வருகின்றனர் என அரசியல் வட்டாரங்கள் கூறி வருகின்றன.  இதன்படி, ஆம் ஆத்மி கட்சி தனக்கு பரந்த மக்கள் அடித்தளம் இல்லாத மாநிலங்களிலும் நகரங்களிலும் கூட ஆர்ப்பாட்டம் செய்து வருகிறது.  இந்த ஆண்டு சட்டசபை தேர்தல் நடைபெற உள்ள கர்நாடகா மற்றும் மத்திய பிரதேசமும் இவற்றுள் அடங்கும். இந்த இடங்களில் நடைபெறும் ஆர்ப்பாட்டங்களுக்கு பரந்த வடிவத்தை அளித்து அரசியல் ஆதாயம் அடைய கட்சி முயல்வதாகவே தெரிகிறது என அரசியல் விமர்சகர்கள் தெரிவிக்கின்றனர்.

-நப்பசலையார்

இதையும் படிக்க:    ”இந்த மதத்தில் மதவெறி இல்லை எனவும் எதிரிகளை மட்டுமே உருவாக்கும் கடந்த காலத்தை தோண்டி எடுக்காதீர்கள்...”உச்சநீதிமன்றம்!!!