.png)
கோலிவுட்டிலும், டோலிவுட்டிலும் முன்னணி கதாநாயகியாக வலம் வருபவர் தான் நடிகை சமந்தா. ‘பாணாக்காத்தாடி “ படம் மூலம் ஹீரோயினாக அறிமுகமான நடிகை சமந்தா, தொடர்ந்து, நான் ஈ, நீதானே என் பொன்வசந்தம், தீயா வேலை செய்யனும் குமாரு, 24, அஞ்சான், கத்தி, தெறி போன்ற படங்களில் முன்னணி ஹீரோக்களுடன் இணைந்து நடித்து தமிழ் ரசிகர்கள் மனதில் நீங்கா இடம் பிடித்தார்.
இதனையடுத்து, தெலுங்கு பிரபலம் நாகர்ஜூனாவின் மகன் நாகசைதன்யாவை நடிகை சமந்தா காதலித்து திருமணம் செய்துக்கொண்டார். ஆனால் திருமணத்திற்கு பிறகு சமந்தா நடிப்பில் கவனம் செலுத்தமாட்டார் என்று நினைத்திருந்த நிலையில், யாரும் எதிர்பாராத வகையில் அடுத்தடுத்து படங்களில் கமிட்டாகி நடிக்க தொடங்கினார்.
அதுமட்டுமில்லாமல் வெப்சீரிஸிலும் கவனம் செலுத்த தொடங்கிய நடிகை சமந்தா தி ஃபேமிலி மேன் 2 வெப்சீரிஸில் படு கவர்ச்சியாக நடித்திருந்தார். இந்த தொடரில் ஈழ தமிழர் போராட்டத்தை கொச்சைப்படுத்தி இருப்பதாக சமந்தாவுக்கு எதிர்ப்புகள் கிளம்பினாலும், ஒரு பக்கம் விருதுகளையும், அடுத்தடுத்து, இந்தி படங்களில் நடிக்கும் வாய்ப்புகளும் வந்துள்ளன.
இதற்கிடையில் தி ஃபேமிலி மேன் 2 தொடரில் சில காட்சிகளில் சமந்தா அதிக கவர்ச்சியாக நடித்து இருந்தார். இதனாலேயே, நடிகை சமந்தாக்கும் , நாகசைதன்யாவுக்கும் இடையில் புயல் வீசி கணவரை விவாகரத்து செய்யும் நிலைமை ஏற்பட்டதாகவும் வலைத்தளங்களில் தகவல் பரவியது.
இந்நிலையில், பேமிலி மேன் 2 வெப் தொடரை எடுத்த ராஜ், டிகே ஆகியோர் இன்னொரு புதிய வெப் தொடரை இயக்க உள்ளனர். இந்த வெப் சீரிஸிலும் நடிகை சமந்தாவையே கதாநாயகியாக நடிக்க ஒப்பந்தம் செய்துள்ளதாக தகவல் வெளியாகியுள்ளது. நாயகனாக பிரபல இந்தி நடிகர் வருண் தவான் நடிக்கிறார். பெரிய பட்ஜெட்டில் தயாராவுள்ள இந்த வெப் தொடரின் படப்பிடிப்பு விரைவில் தொடங்க உள்ளது.
