.png)
வாரிசு படத்தின் இசை வெளியீட்டு விழா நிகழ்ச்சிக்காக வந்திருந்த விஜய் ரசிகர்களை பவுன்சர்கள் அடிக்கும் வீடியோ சமூக வலைத்தளங்களில் வைரலாகி வருகிறது.
பவுன்சர்களால் அடிக்கப்பட்ட விஜய் ரசிகர்கள்:
நடிகர் விஜய் நடிப்பில், வம்சி இயக்கத்தில் உருவாகியுள்ள “வாரிசு” திரைப்படத்தின் இசை வெளியீட்டு விழா நேற்று சென்னை நேரு உள் விளையாட்டு அரங்கில் நடைபெற்றது. ஏராளமான ரசிகர்கள் விஜய்யை பார்க்க வேண்டும் என காத்திருந்தனர்.
பல்வேறு ஊர்களில் இருந்து வந்த விஜய் ரசிகர்கள் விஜயை காண வேண்டும் என்ற ஆர்வத்தில் நேரு ஸ்டேடியத்தில் குவிந்திருந்தனர். நிகழ்ச்சிக்கு டிக்கெட் வைத்திருந்தவர்கள் மட்டுமே அனுமதிக்கப்பட்ட நிலையில், டிக்கெட் இல்லாத ஏராளமான ரசிகர்கள் வெளியிலேயே காத்துக்கொண்டு இருந்தனர்.
இதையும் படிக்க: 98 வது பிறந்தநாள் காணும் நல்லகண்ணு...வாழ்த்து தெரிவித்த வைகோ...!
இந்நிலையில் நிகழ்ச்சியின் போது விஜய்யை பார்க்க அருகே சென்ற ரசிகர் ஒருவரை பாதுகாப்புக்காக இருந்த பவுன்சர் அடிக்கும் வீடியோ சமூக வலைத்தளங்களில் வைரலாகி வருகிறது. அந்த வீடியோவில், ஆர்வ மிகுதி காரணமாக, சில ரசிகர்கள் விஜய்யை பார்க்க அவருடைய அருகே சென்றுள்ளனர். ஆனால், அவர்களையெல்லாம் எச்சரித்து அனுப்பாமல் பவுன்சர்கள் அடித்துள்ளனர். இதனால் ரசிகர்களை எப்படி அடிக்கலாம் என பலர் கேள்வி எழுப்பி வருகின்றனர்.
அதுமட்டுமல்லாமல், நேற்று அரங்கிற்கு வெளியே கூட்ட நெரிசலில் கையில் டிக்கெட் இருந்தும் பல ரசிகர்கள் போலீஸிடம் அடி வாங்கினர். அரங்கிற்கு உள்ளேயும் பவுன்சர்கள் கையால் ரசிகர்கள் அடிவாங்கினர். ஆனால், இதனை அங்கிருந்த படக்குழுவினர் யாரும் கண்டுகொள்ளவில்லை என்றும், என் நெஞ்சில் குடியிருக்கும் ரசிகர்கள் என்று சொல்வது எல்லாம் வெறும் வாய் வார்த்தை மட்டும்தானா? ரசிகர்களை இப்படித்தான் பவுன்சர்களை வைத்து அடிப்பதா என்றும், இதுபோன்ற பாதுகாப்பற்ற நிகழ்ச்சிகளை நடத்தி அப்பாவி ரசிகர்களை அடிக்க வேண்டாம் என்று சமூக வலைத்தளங்களில் ரசிகர்கள் ஆதங்கத்தை வெளிப்படுத்தி வருகின்றனர்.
