சீனாவின் ஜிங்காங் நகரில் வணிக வளாகம் ஒன்றில் தீ விபத்து ஏற்பட்டது. இதுகுறித்து தகவல் அறிந்து வந்த சுமார் 300 க்கும் மேற்பட்ட தீயணைப்புத் துறையினர் 2 மணிநேரத்திற்கு மேலாக போராடி தீயை அணைத்தனர். இந்த தீ விபத்தில் 8 பேர் உயிரிழந்த நிலையில், மேலும் பலர் சிக்கி கொண்டனர். அவர்களில் 30 பேர் பாதுகாப்பாக மீட்கப்பட்டு உள்ளனர். எனினும், மொத்தம் எத்தனை பேர் உள்ளே சிக்கியிருந்தனர் என்ற விவரங்கள் வெளியிடப்படவில்லை. இந்த தீ விபத்து குறித்து போலீசார் விசாரணை மேற்கொண்டு வருகின்றனர்.