திருவண்ணாமலை மாவட்டம் செங்கம் அருகே ஆட்டோ மீது தனியார் பேருந்து மோதியதில் 6 மாணவிகள் படுகாயமடைந்தனர். செங்கம் அருகேயுள்ள மேல்பள்ளிப்பட்டு கிராமத்தைச் சேர்ந்த மாணவிகள் ஆட்டோவில் பள்ளிக்குச் சென்றனர். இந்த நிலையில் சாலையோரம் நின்று கொண்டிருந்த ஆட்டோ மீது தனியார் பேருந்து மோதி விபத்துக்குள்ளானது. இதில் காயமடைந்த 6 மாணவிகளை அக்கம்பக்கத்தினர் மீட்டு அரசு மருத்துவமனைக்கு அனுப்பி வைத்தனர். இதற்கிடையில் விபத்து ஏற்படுத்திய தனியார் பேருந்து மீது நடவடிக்கை எடுக்காமல் போலீசார் அலட்சியம் காட்டுவதாக பெற்றோர்கள் குற்றம் சாட்டியுள்ளனர்.