பொங்கல் பண்டிகையை முன்னிட்டு நாளைமுதல் ரயில் டிக்கெட் முன்பதிவு தொடக்கம்!!

பொங்கல் பண்டிகையை முன்னிட்டு நாளை முதல் ரயில் டிக்கெட் முன்பதிவு செய்ய தொடங்கப்பட உள்ளதாக அறிவிக்கப்பட்டுள்ளது. 

ஜனவரி மாதம் 15-ம் தேதி பொங்கல் பண்டிகை கொண்டாடப் பட உள்ள நிலையில், பொதுமக்கள் தங்கள் சொந்த ஊர்களுக்கு செல்ல வசதியாக 120 நாட்களுக்கு முன்பாகவே ரயில் டிக்கெட் முன்பதிவு தொடங்குகிறது.

கடைசி நேர நெருக்கடியை தவிர்க்கும் வகையில் நாளை முன்பதிவு செய்வோர் ஜனவரி 11-ஆம் தேதி ரயிலில் பயணிக்கலாம் என அறிவிக்கப்பட்டுள்ளது.

செப்டம்பர் 14ஆம் தேதி முன்பதிவு செய்வோர், ஜனவரி 12ஆம் தேதியும், செப்டம்பர் 15ஆம் தேதி முன்பதிவு செய்வோர், ஜனவரி 13ஆம் தேதியும், செப்டம்பர் 16ஆம் தேதி முன்பதிவு செய்வோர், ஜனவரி 14-ஆம் தேதியும், செப்டம்பர் 17ஆம் தேதி முன்பதிவு செய்வோர் ஜனவரி 15ஆம் தேதியும், செப்டம்பர் 18ஆம் தேதி முன்பதிவு செய்வோர் ஜனவரி 16ஆம் தேதியும் மற்றும் செப்டம்பர் 19ஆம் தேதி முன்பதிவு செய்வோர், ஜனவரி 17ஆம் தேதி பயணம் செய்து கொள்ளலாம் என ரயில்வே நிர்வாகம் தெரிவித்துள்ளது.

இதையும் படிக்க || வித விதமாக தயாராகி வரும் விநாயகர் சிலைகள்!!