நீதிக்கட்சி தினம் - நெகிழ்வுடன் நினைவுகூர்ந்த முதலமைச்சர்...!

நீதிக்கட்சி தோற்றுவிக்கப்பட்ட நாளான இன்றைய தினத்தை முதலமைச்சர் ஸ்டாலின் நெகிழ்வுடன் நினைவுகூர்ந்துள்ளார்.

நீதிக்கட்சி தோற்றுவிக்கப்பட்ட நாள்:

தென்னிந்திய நல உரிமைச் சங்கம் என்ற பெயரில் உருவாகி, நீதிக்கட்சி என அழைக்கப்பட்ட பேரியக்கம் 1916, நவம்பர், 20ஆம் தேதி தோன்றியது. அதன்படி, 2022 நவம்பர் 20 ஆம் தேதியான இன்று நீதிக்கட்சியின் 107 ஆவது ஆண்டு தொடங்குகிறது.

இதையும் படிக்க: தமிழ்நாட்டிற்கு அடித்தளம் அமைத்த நீதிக்கட்சி...107 வது ஆண்டில் அடி...வைகோ கூறும் வரலாறு என்ன!

ஸ்டாலின் ட்வீட்:

இந்நிலையில், நீதிக்கட்சி தோற்றுவிக்கப்பட்டதன் 107வது ஆண்டு தினத்தை நினைவுகூர்ந்து தமிழ்நாடு முதலமைச்சர் மு.க.ஸ்டாலின் தனது ட்விட்டர் பக்கத்தில்  பதிவிட்டுள்ளார். அந்த பதிவில், சமூகநீதியின் அரசியல் குரல் உருவான நாள் எனவும், சாதியின் பெயரால் கல்வி - வேலைவாய்ப்பில் உரிமை மறுக்கப்பட்டோருக்கு இடஒதுக்கீடு என்ற நெடும்பயணத்துக்கான முதல் அடி எடுத்து வைக்கப்பட்ட இந்நாளில், பிற்படுத்தப்பட்ட - ஒடுக்கப்பட்ட மக்களின் நலனைக் காக்க உறுதியேற்போம் எனவும் குறிப்பிட்டுள்ளார். தொடர்ந்து, தமிழர் என்ற இன உணர்வு மங்கியிருந்த காலத்தில், சூழ்ச்சியாளர்களை வீழ்த்தி, இனமானம் காத்து - அரசியல் உரிமைகளை வென்றெடுத்திட நீதிக்கட்சி உருவாக்கிய பாதை, வரலாறு காட்டும் வெளிச்சம்! ஆயிரம் அரிதாரங்கள் பூசி வந்தாலும், விழித்துவிட்ட தமிழனை வீழ்த்திட முடியாது! திராவிடா.. விழி! எழு! நட என ஸ்டாலின் தனது சமூகவலைதள பக்கத்தில் பதிவிட்டுள்ளார்.