இன்று அதிமுக மாவட்ட செயலாளா்கள் கூட்டம்...நாடாளுமன்ற தோ்தல் வியூகம் குறித்து ஆலோசனை?

நாடாளுமன்ற தோ்தல் நெருங்கி வரும் நிலையில், சென்னை ராயப்பேட்டையில் உள்ள கட்சி அலுவலகத்தில் அதிமுக மாவட்ட செயலாளா்கள் கூட்டம் இன்று நடைபெறவுள்ளது.

அடுத்த ஆண்டு நடைபெறவுள்ள நாடாளுமன்ற தோ்தலை முன்னிட்டு அதிமுக, திமுக, பாஜக உள்ளிட்ட அனைத்து கட்சிகளும், அடிப்படையில் இருந்து தனது கட்சியை பலப்படுத்தப்பட்ட தொடங்கிவிட்டன. அந்த வகையில் தமிழ்நாட்டின் பிரதான எதிர்க்கட்சியான அதிமுக, பூத் கமிட்டி உறுப்பினர்கள் செயல்படும் விதம், அதிமுக இளைஞர் மற்றும் இளம்பெண் பாசறையை பலப்படுத்துவது தொடர்பான பல்வேறு பணிகளுக்கு வழிகாட்டுதல்கள் உள்ளிட்ட பல்வேறு பணிகளை தொடர்ச்சியாக செய்து வருகிறது.

இதையும் படிக்க : 10-க்கும் மேற்பட்ட நகைக் கடைகளில் அமலாக்கத்துறையினர் சோதனை...!

இந்த பரபரப்பான சூழ்நிலையில் அதிமுக பொதுச்செயலாளா் எடப்பாடி பழனிச்சாமி தலைமையில் இன்று கட்சியின் மாவட்ட பொறுப்பாளா்கள் மற்றும் மாவட்ட செயலாளா்கள் கூட்டம் நடைபெறவுள்ளது. சென்னை ராயப்பேட்டையில் உள்ள எம்ஜிஆா் மாளிகையில் மாலை 4 மணிக்கு நடைபெறவுள்ளது.   

இக்கூட்டத்தில் அடுத்த ஆண்டு நடைபெறவுள்ள நாடாளுமன்ற தேர்தலில் அதிமுகவின் நிலையை இன்னும் தீர்க்கமாக செலுத்த ஆலோசிக்கப்படவுள்ளதாகவும் தகவல் வெளியாகியுள்ளது.