நீலகிரியில், சமீபத்தில் இறந்த 2 புலிகள், விஷம் கலந்த நீரை பருகியதால் உயிரிழந்திருக்கலாம் என பிரேத பரிசோதனையில் தெரியவந்துள்ளது.
உதகை வனச்சரகத்திற்கு உட்பட்ட எமரால்டு பகுதியில் அவலாஞ்சி அணைக்கு அருகே 2 புலிகள் மர்மமான முறையில் உயிரிழந்து கிடப்பதாக வந்த தகவலை அடுத்து வனத்துறையினர் அங்கு விரைந்தனர். நிகழ்விடத்திற்கு வந்த 20 பேர் கொண்ட வனத் துறையினர், புலிகளின் உடல்களை கைப்பற்றி விசாரணை மேற்கொண்டனர்.
தொடர்ந்து கால்நடை மருத்துவர்கள் மேற்கொண்ட பிரேத பரிசோதனையில், விஷம் கலந்த தண்ணீரை பருகியதால் புலிகள் இறந்திருக்கலாம் என முதல்கட்ட விசாரணையில் தெரிய வந்துள்ளது.