ராஜஸ்தான் மாநில சட்டப்பேரவை தேர்தலுக்கான வேட்பாளர்கள் பட்டியலை பாஜக மற்றும் காங்கிரஸ் கட்சிகள் இன்று வெளியிட்டுள்ளது.
ராஜஸ்தான் மாநில சட்டப்பேரவை தேர்தலுக்கான தேர்தல் பிரச்சாரம் சூடுபிடித்து வரும் நிலையில், பாஜக, காங்கிரஸ் ஆகிய கட்சிகள் தங்களின் வேட்பாளர்கள் பட்டியலை இன்று வெளியிட்டது. பாஜக சார்பில் ஏற்கனவே முதல்கட்ட வேட்பாளர் பட்டியல் வெளியிடப்பட்ட நிலையில், தற்போது இரண்டாம் கட்டமாக 83 பேர் கொண்ட பட்டியலை பாஜக வெளியிட்டுள்ளது.
இந்த பட்டியலில் முன்னாள் முதலமைச்சர் வசுந்தர ராஜே சிந்தியாவுக்கு ஜால்ராபதான் சட்டமன்ற தொகுதியில் போட்டியிட வாய்ப்பு வழங்கப்பட்டுள்ளது குறிப்பிடத்தக்கது.
தொடர்ந்து ஆளும் காங்கிரஸ் கட்சி சார்பாக வெளியிடப்பட்டுள்ள முதல்கட்ட வேட்பாளர் பட்டியலில் 33 வேட்பாளார்கள் அடங்கிய பட்டியல் வெளியாகியுள்ளது. அதில் அம்மாநில முதலமைச்சர் அசோக் கெலாட் ஏற்கனவே போட்டியிட்ட சர்தார்புரா சட்டமன்ற தொகுதியிலும், துணை முதலமைச்சராக உள்ள சச்சின் பைலட்டுக்கு டோங்க் சட்டமன்ற தொகுதியிலும் போட்டியிட வாய்ப்பு வழங்கப்பட்டுள்ளது.