.png)
கர்நாடக சட்டப்பேரவையின் சபாநாயகராக யு.டி.காதர் ஒருமனதாக தேர்வு செய்யப்பட்டுள்ளார்.
கர்நாடக மாநிலத்தில் தனிப்பெரும்பான்மையுடன் காங்கிரஸ் வெற்றிபெற்ற நிலையில், முதலமைச்சராக சித்தராமையாவும் துணை முதலமைச்சராக டி.கே.சிவகுமாரும் பதவியேற்றனர். தொடர்ந்து தற்காலிக சபாநாயகராக காங்கிரஸ் மூத்த தலைவர் ஆர்.வி.தேஷ்பாண்டே செயல்பட்டு வந்தார்.
இந்நிலையில் 5 முறை எம்எல்ஏவாக பதவி வகித்த காங்கிரஸ் மூத்த தலைவர் யு.டி.காதர் சபாநாயகர் பதவிக்கு வேட்புமனுத்தாக்கல் செய்திருந்தார். வேறு யாரும் வேட்புமனுத்தாக்கல் செய்யாததை அடுத்து, ஒருமனதாக யு.டி.காதர் சபாநாயகராக தேர்ந்தெடுக்கப்பட்டுள்ளார். மாநில வரலாற்றில் முதன்முறையாக ஒரு இஸ்லாமியர், சபாநாயகராக தேர்வு செய்யப்பட்டுள்ளது குறிப்பிடத்தக்கது.
