டெல்லி பல்கலைக்கழகத்தி்ல் சாவர்க்கரின் வரலாறு பாடமாக கொண்டுவரப்பட உள்ளது.

டெல்லி பல்கலைக்கழகத்தில் ஆர்.எஸ்.எஸ் முன்னாள் தலைவர் சாவர்க்கரின் வரலாறை, பாடமாக இணைக்க அகடமிக் கவுன்சில் ஒப்புதல் அளித்துள்ளது. அதன்படி இளநிலை பட்டப்படிப்பு படிக்கும் மாணவர்களுக்கான ஆறாவது பருவத் தேர்வில், அரசியல் அறிவியல் பிரிவில் சாவர்க்கர் பற்றிய பாடம் இணைக்கப்படுவதாக தெரிவிக்கப்பட்டுள்ளது. 

முன்னதாக உருது கவிஞர் முகமது இக்பாலின் பாடத்தை நீக்கி அந்த இடத்தில் சாவர்க்கரின் பாடம் இணைக்கப்பட்டுள்ளது குறிப்பிடத்தக்கது. இந்நிலையில் "75 ஆண்டுகளாக இக்பாலின் பாடம் கற்பிக்கப்பட்டு வந்தது ஏன் எனத் தெரியவில்லை" என பல்கலைக்கழக துணைவேந்தர் யோகேஷ் சிங் தெரிவித்துள்ளார். முகமது இக்பால் இந்துஸ்தானின் கீதம் உள்ளிட்ட பல்வேறு உருது கவிதைகளை எழுதியவர் என்பது குறிப்பிடத்தக்கது. 

இதையும் படிக்க:"83 மதிப்பெண்ணுக்கும் 84 மதிப்பெண்ணுக்கும் ஒரு நூற்றாண்டு வித்தியாசம்" விளக்கமளித்த இளம் பெண்..! வாழ்த்திய முதலமைச்சர்..!!

சத்தீஸ்கரில், தவறிவிழுந்த ஸ்மார்ட் போனை கண்டுபிடிக்க அணையின் நீரை வீணாக்கிய உணவுத்துறை ஊழியரின் வழக்கில் அவருக்கு உதவிய உயரதிகாரிக்கு 53 ஆயிரம் ரூபாய் அபராதம் விதிக்கப்பட்டுள்ளது.

அரசு அதிகாரியான ராஜேஷ் விஷ்வாஸ் என்பவர் சதீஷ்கர் மாநிலத்தில் உள்ள கேர்கட்டா அணைக்கு சுற்றுலா சென்றுள்ளார். அப்போது அணையின் மீதிருந்து தனது நண்பர்களுடன் செல்ஃபி எடுத்து மகிழ்ந்துள்ளார். எதிர்பாராத விதமாக அவரது செல்போன் தவறி அணைக்குள் விழுந்துள்ளது. இதனால் அதிர்ச்சி அடைந்த அவர் அருகில் இருந்த உள்ளூரை சேர்ந்தவர்களை அழைத்து அவரது செல்போனை தேடச்சொல்லி இருக்கிறார்.

எவ்வளவு தேடியும் செல்போன் கிடைக்காமல் போயுள்ளது. இந்நிலையில் 1 லட்ச ரூபாய் மதிப்புள்ள அந்த செல்போனை எடுப்பதற்காக அந்த அணையில் இருந்த நீரை மோட்டார் பம்புகள் மூலம் வெளியேற்ற நினைத்துள்ளார். இதனையொட்டி அவருக்கு அணையில் இருந்த நீரை வெளியேற்ற உதவக்கோரி சதீஷ்கர் மாநில நீர் மேலாண்மை துறை உயரதிகாரி ஒருவர் உதவியுள்ளார். அவர் அணையில் வேலை செய்த பணியாளருக்கு வாய்மொழி உத்தவிட்டதாக தெரிகிறது. 

இதனையடுத்து 2 ராட்சத பம்புகளை வைத்து அணையின் 42 லட்சம் லிட்டர் தண்ணீரை  வெளியேற்றியுள்ளனர். இதனால் 1500 ஏக்கர் விவசாய நிலத்திற்கு பயன்படும் நீரை வீணாக்கியதாக கூறப்படுகிறது. இது அம்மாநிலத்தில் சர்ச்சையாக எழவே ராஜேஷ் விஷ்வாஸ் சஸ்பெண்ட் செய்யப்பட்டார். தற்போது இந்த விவகாரத்தில் ராஜேஷ் விஷ்வாசுக்கு உதவிய உயரதிகாரிக்கு  53 ஆயிரம் ரூபாய் அபராதம் விதிக்கப்பட்டுள்ளது.

இதையும் படிக்க:நெல்லையில் பெப்பர் ஸ்பிரே அடித்து 1.5 கோடி கொள்ளை!

டெல்லியில் அதிகாரிகளை நியமிக்கும் மத்திய அரசின் அவசர சட்டம் தொடர்பாக, மார்க்சிஸ்ட் கம்யூனிஸ்ட் பொதுச்செயலாளர் சீதாராம் யெச்சூரியை டெல்லி முதலமைச்சர் அரவிந்த் கெஜ்ரிவால் சந்தித்துப் பேசியுள்ளார். 

டெல்லியில் அரவிந்த் கெஜ்ரிவால் தலைமையிலான மாநில ஆட்சிக்கும், அங்கு துணைநிலை ஆளுநராக இருக்கும் வினய் சக்சேனாவுக்கும் இடையில் நீண்ட நாட்களாக மோதல் போக்கு நிலவி வருகிறது. இந்தப் பிரச்சனை ஐ.ஏ.எஸ் அதிகாரிகளை நியமிக்கும் விவகாரத்தில் பூதாகரமாக வெடித்தது. இந்த விவகாரத்தையடுத்து, மாநில நிர்வாகத்தில் யாருக்கு அதிகாரம் இருக்கிறது என்று கேள்வி எழுப்பி உச்சநீதிமன்றத்தில் ஆம் ஆத்மி கட்சி வழக்கு தொடர்ந்தது. இந்த வழக்கை விசாரித்த உச்சநீதிமன்ற உச்சநீதிமன்ற தலைமை நீதிபதி சந்திரசூட், "டெல்லியில் ஐ.ஏ.எஸ் அதிகாரிகளை நியமிக்க, இடமாற்றம் செய்ய ஆளுநருக்கு அதிகாரம் கிடையாது. மக்களால் தேர்ந்தெடுக்கப்பட்ட மாநில அரசுக்கே முழு அதிகாரம் இருப்பதாகவும்,  அரசு அதிகாரிகளைக் கட்டுப்படுத்தும் அதிகாரம் மக்களால் தேர்ந்தெடுக்கப்பட்ட அரசுக்கு வழங்கப்படாவிட்டால் அரசியலமைப்பின் அடிப்படையே கேள்விக்குறியாகி விடும்” என்று தீர்ப்பளித்தது.

இந்த தீர்ப்பு வெளியான சில மணி நேரத்திலேயே, டெல்லி மாநில சேவைகள் துறைச் செயலாளர் ஆஷிஷ் மோரை இடமாற்றம் செய்து அரவிந்த் கெஜ்ரிவால் உத்தரவிட்டார். ஆனால், அதற்கு துணைநிலை ஆளுநர் ஒப்புதல் அளிக்கவில்லை. அத்துடன், உச்ச நீதிமன்றத்தின் உத்தரவையே நீர்த்துப்போகச் செய்யும் வகையில், மத்திய அரசு அவசரச் சட்டம் ஒன்றையும் கொண்டுவந்தது. அந்த சட்டத்தில், ”பணி நியமனம், இடமாற்றம் தொடர்பாக முடிவு செய்ய குழு அமைக்கப்பட்டிருப்பதாகவும், முதலமைச்சர் தலைமையில் அமைக்கப்பட்ட இந்த குழுவில் தலைமைச் செயலாளர், உள்துறை முதன்மைச் செயலாளர் ஆகியோர் இடம்பெற்றிருக்கின்றனர்.  பெரும்பான்மை முடிவின்படி பணி நியமனம் மற்றும் இடமாற்றம் முடிவுகள் இருக்கும் என்றும், அப்படி ஒருவேளை இந்த குழுவில் ஒருமித்த முடிவு ஏற்படாவிட்டால் துணைநிலை ஆளுநர் எடுக்கும் முடிவே இறுதியானது” எனவும் தெரிவிக்கப்பட்டது. இதற்கு குடியரசுத் தலைவரும் உடனடியாக ஒப்புதல் வழங்கியதால், இந்தச் சட்டம் உடனடியாக அமலுக்கு வந்திருக்கிறது. இதைத் தொடர்ந்து, இந்த சட்டத்தை நிரந்தரச் சட்டமாகக் கொண்டுவர பாஜக அரசு முயற்சி மேற்கொண்டு வருகிறது. 

இந்த சட்டத்தால் அதிர்ச்சியடைந்துள்ள ஆம் ஆத்மி கட்சி, அவசரச் சட்டத்தை கறுப்புச் சட்டம் என்று கடுமையாக விமர்சனம் செய்துள்ளது. அத்துடன், மக்களவையில் பாஜகவுக்கு தனிப்பெரும்பான்மையுடன் இருப்பதால், மாநிலங்களவையில் எதிர்க்கட்சிகளின் உதவியோடு அதை தோற்கடிக்க அரவிந்த் கெஜ்ரிவால் திட்டமிட்டு பாஜக அல்லாத கட்சித் தலைவர்களை சந்தித்து ஆதரவைக் கோரி வருகிறார். அதன்படி, காங்கிரஸ் தலைவர் மல்லிகார்ஜூன கார்கே, மேற்கு வங்க முதல்வர் மம்தா பானர்ஜி, பீகார் முதல்வர் நிதிஷ் குமார், சிவசேனா (உத்தவ் அணி) தலைவர் உத்தவ் தாக்கரே, தேசியவாத காங்கிரஸ் தலைவர் சரத் பவார் ஆகியோரைச் சந்தித்து ஆதரவு கோரியிருக்கிறார்.

இந்நிலையில் இன்று மார்க்சிஸ்ட் கம்யூனிஸ்ட் பொதுச்செயலாளர் சீதாராம் யெச்சூரியை டெல்லி முதலமைச்சர் அரவிந்த் கெஜ்ரிவால் சந்தித்துப் பேசியுள்ளார். இதனையடுத்து ஆம் ஆத்மி கட்சிக்கு இப்பிரச்சனையில் ஆதரவு தெரிவிப்பதாக மார்க்சிஸ்ட் கம்யூனிஸ்ட் கட்சி தேசிய செயலாளர் சீத்தாராம் யெச்சூரி தெரிவித்துள்ளார்.

அடுத்த நாடாளுமன்றத் தேர்தலுக்கான பணிகளை தேர்தல் ஆணையம் ஆகஸ்ட் மாதம் தொடங்குகிறது உள்ளது.

வரும் 2024 ஆம் ஆண்டிற்கான  நாடாளுமன்றத் தேர்தல் அடுத்த ஆண்டு மே மாதம் நடைபெற உள்ளது. இதற்காக பல்வேறு தேசிய மற்றும் மாநில கட்சிகள் புதிய வீயூகங்களையும் தேர்தல் கூட்டணிகளையும் அமைக்கும் வேலையில் இறங்கியுள்ளன.  இந்த நிலையில், தேர்தல் ஆணையம் 2024 நாடாளுமன்ற தேர்தலுக்கான பணிகளை முழு வீச்சில் ஆகஸ்ட் மாதம் தொடங்க உள்ளது. இதில் முதல் கட்டமாக வாக்காளர் பட்டியல் சரிபார்க்கும் பணி தொடங்க இருக்கிறது. தேர்தல் பணிகளுக்காக அக்டோபர் மாதம் இறுதியில் இந்திய தேர்தல் ஆணையத்தில் இருந்து தேர்தல் ஆணையர் குழு தமிழகம் வர உள்ளதாக தகவல் வெளியதாக உள்ளது‌.

மக்களவை தொகுதிகள் மறுவரையறை செய்யப்பட இருப்பதாக தகவல்கள் வெளியானதை ஒட்டி, இந்த நாடாளுமன்றத் தேர்தலில் எம்.  பி-கள் எண்ணிக்கையை அதிகப்படுத்த வாய்ப்பில்லை என்றும், மக்கள் தொகை கணக்கின் அடிப்படையில் ஒய்வு பெற்ற உச்ச நீதிமன்ற நீதிபதி தலைமையில் எம்.எல்.ஏ, எம்பிக்கள் கொண்ட குழு அமைத்து மக்களிடம் கருத்து கேட்டு அதன் அடிப்படையில்தான் எம்பிக்கள் எண்ணிக்கை அதிகப்படுத்தபடுவது என்பது நடைமுறை என்றும் தேர்தல் ஆணைய வட்டாரங்கள் தெரிவித்துள்ளன.

நாடாளுமன்றத் தேர்தலுக்கு அரசியல் கட்சிகள் தயாராகி வரும் நிலையில், தேர்தல் ஆணையமும் தனது பணிகளை ஆகஸ்ட் மாதம் தொடங்க உள்ளது குறிப்பிடத்தக்கது.

இதையும் படிக்க:ஆசிரியர் தேர்வு வாரியம் உறங்குகிறதா? அன்புமணி கேள்வி!

மத்தியப்பிரதேசத்தில் 150 தொகுகளில் வெற்றி பெறுவோம் என்று ராகுல் காந்தி நம்பிக்கை தெரிவித்துள்ளார்.

கடந்த மே 10 ஆம் தேதி நடைபெற்ற கர்நாடக தேர்தலில் மொத்தவுள்ள 224 தொகுதிகளில் 136 இடங்களை கைப்பற்றி பெரும்பான்மையுடன் காங்கிரஸ் கட்சி ஆட்சியமைத்தது. 

இதனைத்தொடர்ந்து,  230 தொகுதிகளைக் கொண்ட மத்தியப்பிரதேசத்தில் வருகின்ற நவம்பர் 28 ஆம் தேதி சட்டப்பேரவை தேர்தல் நடைபெறவுள்ளது. 

இதையும் படிக்க : அரவிந்த் கெஜ்ரிவாலுக்கு ராகுல்காந்தி ஆதரவளிப்பாரா? மாநிலங்களவையில் ஆம் ஆத்மி பெரும்பான்மை வகிக்குமா?

இந்நிலையில் தேர்தல் தொடர்பாக மாநில காங்கிரஸ் மூத்த தலைவர்களுடன் டெல்லியில் கட்சியின் தேசியத் தலைவர் மல்லிகார்ஜுன கார்கேவும், ராகுல்காந்தியும், கே.சி.வேணுகோபால் உள்ளிட்டோரும் ஆலோசனை நடத்தினர். 

ஆலோசனைக்கு பிறகு செய்தியாளர்களை சந்தித்த ராகுல்காந்தி, தேர்தல் தொடர்பான விரிவான கலந்தாய்வில் ஈடுபட்டதாகவும், 230 தொகுதிகளை கொண்ட மத்திய பிரதேசத்தில் 150 தொகுதிகளைக் கைப்பற்றி வெற்றி பெறுவோம் எனவும் நம்பிக்கை தெரிவித்தார்.

#WATCH | We had a detailed meeting right now and our internal assessment says that since we got 136 seats in Karnataka, we are now going to get 150 seats in Madhya Pradesh: Congress leader Rahul Gandhi pic.twitter.com/9rQgiJBumY

— ANI (@ANI) May 29, 2023