மேகதாது அணை கட்டுவதற்கு தமிழர்கள் யாரும் அனுமதிக்க மாட்டார்கள் என்று தேமுதிக பொருளாளர் பிரேமலதா விஜயகாந்த் தெரிவித்துள்ளார்.

குலதெய்வ வழிபாட்டிற்காக சென்னையில் இருந்து மதுரை விமான நிலையத்திற்கு வருகை தந்த தேமுதிக பொருளாளர் பிரேமலதா விஜயகாந்த், செய்தியாளர்களை சந்தித்தார். அப்போது பேசிய அவரிடம், மல்யுத்த வீரர்கள் குறித்து கேள்வி எழுப்பப்பட்டது. அதற்கு பதிலளித்த அவர், இந்தியாவிற்காக விளையாடிய பெண்களுக்கு எந்தவித பாதுகாப்பும் இல்லை, அவர்கள் துறைசார்ந்தவர்களாலே பாலியல் தொல்லைக்கு ஆளாகியுள்ளது கண்டிக்கத்தக்கது.  தொடர்ந்து போராடி வரும் வீராங்கனைகளுக்கு நல்ல ஒரு தீர்ப்பு வழங்கப்பட வேண்டும் என்று கூறினார்.

மேகதாது அணை விவகாரம் குறித்த கேள்விக்கு பதிலளித்த அவர், மேகதாது அணை கட்டுவதற்கு தமிழர்கள் யாரும் அனுமதிக்க மாட்டார்கள் என்றும், இந்த விவகாரத்தில் இரு மாநிலங்களுக்கும் இடையே மிகப்பெரிய மோதல் உருவாகும் என தெரிவித்தார்.

வருமானவரித்துறை அதிகாரிகள் தாக்கப்பட்ட விவகாரம் குறித்த கேள்விக்கு பதிலளித்த பிரேமலதா, வருமான வரித்துறை அதிகாரிகள் ரெய்டு வருவதற்கு முன்பு அறிவிக்கமாட்டார்கள், இருப்பினும் தங்களது கடமையை செய்த அதிகாரிகளை தாக்கியது கண்டிக்கத்தக்கது என்று கூறினார். எனவே, இந்த விவகாரத்தில் அமைச்சர் செந்தில்பாலாஜியை கைது செய்ய வேண்டும் என்றும், இது அதிகாரிகளை கடமை செய்ய விடாமல் தடுப்பவர்களுக்கு ஒரு பாடமாக இருக்க வேண்டும் என்றும் தெரிவித்தார்.

இதையும் படிக்க : சிலிண்டர் விலை குறைவு...இருப்பினும் அதிருப்தியில் இல்லத்தரசிகள்!

செங்கோல் விவகாரம் குறித்த கேள்விக்கு பதிலளித்த அவர், தமிழ் பாரம்பரியத்தை எடுத்துரைக்கும் விதமாக செங்கோல் உள்ளது. இதற்கு முன் செங்கோல் எங்கு இருந்தது.? செங்கோல் விவகாரம் ஒட்டுமொத்த தமிழர்களின் புகழ் போற்றப்பட வேண்டும் அதை ஏன் விமர்சனம் செய்கிறீர்கள் என்று கேள்வி எழுப்பினார். 

முதலமைச்சரின் வெளிநாட்டு பயணம் நிறைவு பெற்றது குறித்த கேள்விக்கு, முதலமைச்சரின் துபாய் பணத்தின் போது எத்தனை தொழிற்சாலைகள் எத்தனை முதலீடுகள் கொண்டு வந்தார்? எத்தனை இளைஞர்களுக்கு வேலை வாய்ப்புகள் கொடுத்தார்? நேற்று இரவு தான் தமிழகம் திரும்பி உள்ளார் அதற்குள் பயணம் வெற்றி பெற்றுவிட்டது என கூறுகிறார். ஆயிரம் கோடி முதலீடுகள் ஈர்க்கப்பட்டுள்ளது எனக் கூறுகிறார். பொறுத்திருந்து பார்ப்போம் தமிழகத்தில் எத்தனை மாவட்டங்களில், தொழிற்சாலைகள், வேலை வாய்ப்புகள் வழங்குகிறார் என்பதை பார்ப்போம் என்று கூறியுள்ளார்.

மத்திய அரசு அறிவித்த குறைந்தபட்ச ஆதார விலையில் விவசாயிகளிடம் இருந்து கொப்பரை தேங்காயை கொள்முதல் செய்ய தமிழ்நாடு அரசு அனுமதி வழங்கி உள்ளது. 

சமீபத்தில் நடைபெற்று முடிந்த தமிழ்நாடு சட்டப்பேரவை கூட்டத்தொடரில், 640 கோடி ரூபாய் மதிப்பிலான 56 ஆயிரம் மெட்ரிக் டன் கொப்பறைத் தேங்காயினை மத்திய அரசு அறிவித்த, குறைந்தபட்ச ஆதரவு விலையில் தேசிய வேளாண் கூட்டுறவு விற்பனை இணையத்துடன் இணைந்து கொள்முதல் செய்ய நடவடிக்கை எடுக்கப்படும் என அறிவிப்பு வெளியிடப்பட்டது.

அதனை செயல்படுத்தும் வகையில் 72 முதன்மை கொள்முதல் நிலையங்களில், தேசிய வேளாண் கூட்டுறவு இணையத்தால் கொப்பரை தேங்காய் கொள்முதல் செய்ய தமிழ்நாடு அரசு அனுமதி வழங்கி அரசாணை வெளியிட்டுள்ளது. 

இதையும் படிக்க : அனுமதியின்றி கட்டப்பட்ட 2ம் தளம்...அதிரடி உத்தரவிட்ட நீதிமன்றம்!

இதுதொடர்பாக தமிழ்நாடு அரசு வெளியிட்டுள்ள அரசாணையில், 640 கோடி ரூபாய் மதிப்பிலான 56 ஆயிரம் மெட்ரிக் டன் தேங்காய் கொள்முதல் செய்ய அனுமதி வழங்கப்பட்டுள்ளது. கொள்முதல் முடிந்தவுடன் விலை ஆதரவு திட்டத்திற்காக மாநில அளவிலான ஒருங்கிணைப்பாளரிடம் உள்ள மூலதன நிதியில் இருந்து விவசாயிகளுக்கு மின்னணு பரிவர்த்தனை செய்யப்பட வேண்டும் என அறிவுறுத்தப்பட்டுள்ளது. 

மேலும், கொப்பரை செய்யப்பட்ட தேங்காயினை மத்திய அல்லது மாநில நிறுவனத்திடம் உள்ள கிடங்குகளில் இருப்பு வைக்க வேண்டும் என்றும், கொள்முதல் செய்வதற்கு மாநில அளவிலான ஒருங்கிணைப்பாளர், தேசிய வேளாண் கூட்டுறவு விற்பனை இணையத்தோடு ஒப்பந்தம் செய்திருக்க வேண்டும் என்றும் தெரிவிக்கப்பட்டுள்ளது. இது குறித்த மாதாந்திர முன்னேற்ற அறிக்கையை தமிழ்நாடு அரசிற்கு அனுப்பவும் அரசு உத்தரவிட்டுள்ளது.

ஆவின் பால் விநியோகத்தில் 3-வது நாளாக தொடரும் பிரச்சினை காரணமாக பால் விநியோகம் பாதிக்கப்பட்டுள்ளதாக தமிழ்நாடு பால் முகவர்கள் தொழிலாளர்கள் நலச் சங்கம் புகார் தெரிவித்துள்ளது.

பால் வரத்து சரிவு, தொழிலாளர்கள் வருகை குறைவு உள்ளிட்ட பிரச்சனைகளால் சென்னை, திருவள்ளூர் மாவட்டங்களில் சுமார் ஒரு லட்சம் லிட்டர் பால் வினியோகம் பாதிக்கப்படும் சூழல் ஏற்பட்டுள்ளதாக தெரிவிக்கப்பட்டுள்ளது.

இதையும் படிக்க : அனுமதியின்றி கட்டப்பட்ட 2ம் தளம்...அதிரடி உத்தரவிட்ட நீதிமன்றம்!

தாம்பரம், அடையாறு, வேளச்சேரி, பெருங்குடி உள்ளிட்ட பகுதிகளில் பாதிப்பு ஏற்பட்டுள்ளதாகவும், இதனை சரி செய்ய ஆவின் நிர்வாகம் விரைந்து நடவடிக்கை எடுக்க வேண்டும் என்றும் தமிழ்நாடு பால் முகவர்கள் மற்றும் தொழிலாளர் நலச்சங்கம் கேட்டுக் கொண்டுள்ளது. 

சென்னை போரூரில் உள்ள கட்டடத்தில், அனுமதியின்றி கட்டப்பட்ட இரண்டாவது தளத்தை 8 வாரத்தில் இடிக்க வேண்டுமென மாநகராட்சி ஆணையருக்கு உயர் நீதிமன்றம் உத்தரவிட்டுள்ளது.

சென்னை போரூர் ஜெயபாரதி நகரில் செங்கன் என்பவருக்கு சொந்தமான கட்டத்தில், உரிய அனுமதியின்றி 2வது தளம் கட்டப்பட்டுள்ள நிலையில், அதற்கும்மேல் ரிலையன்ஸ் ஜியோ நிறுவனத்தின் மொபைல் டவர் அமைக்க ஒப்பந்தம் செய்யப்பட்டு உள்ளதாக கூறி, இதற்கு அனுமதிக்கக்கூடாது என்று சென்னை மாநகராட்சி மற்றும் அரசுக்கு உத்தரவிட வேண்டுமென்ற கோரிக்கையுடன், ஜெயபாரதி நகர் குடியிருப்போர் நலச் சங்கம் சார்பில் வழக்கு தொடரப்பட்டது.

இதையும் படிக்க : தமிழ்நாட்டில் வாக்காளர் எண்ணிக்கை சரிவு...  இந்திய தேர்தல் ஆணையம் பட்டியல் வெளியீடு!

சென்னை உயர்நீதிமன்றத்தில் நீதிபதி ஆர்.எம்.டி.டீக்காராமன் முன்பு இந்த வழக்கானது விசாரணைக்கு வந்தபோது, கட்டட உரிமையாளர் செங்கன் தரப்பில், இரண்டாவது தளத்தை வரையறை செய்யும்படி, அரசிடம் விண்ணப்பித்துள்ளதாக தெரிவிக்கப்பட்டது.

இதையடுத்து நீதிபதி பிறப்பித்த உத்தரவில், இரண்டாவது தளம் உரிய அனுமதியின்றி கட்டப்பட்டுள்ளது உறுதியாவதால், அந்த தளத்தை 8 வாரத்துக்குள் இடிக்க வேண்டுமென சென்னை மாநகராட்சி ஆணையருக்கு உத்தரவிட்டு, வழக்கின் விசாரணையை ஜூன் 30ஆம் தேதிக்கு தள்ளிவைத்துள்ளது.

தமிழ்நாட்டில் வாக்காளர்களின் எண்ணிக்கை 6.20 கோடியில் இருந்து 6.12 கோடியாக சரிந்துள்ளதாக இந்திய தேர்தல் ஆணையம் தெரிவித்துள்ளது. 

ஒவ்வொரு ஆண்டும் ஜனவரி மாதம் 1ஆம் தேதியை தகுதி ஏற்படுத்தும் நாளாக வைத்து, வாக்காளர் பட்டியல் திருத்தப்பணி நடைபெற்று வந்தது. ஆனால், தற்போது ஜனவரி 1, ஏப்ரல் 1, ஜுலை 1, அக்டோபர் 1 ஆகிய நாட்களை தகுதி ஏற்படுத்தும் நாளாக வைத்து, இளைஞர்களின் பெயர்களை வாக்காளர் பட்டியலில் சேர்க்க, தேர்தல் கமிஷன் உத்தரவிட்டுள்ளது. அதன்படி, ஏப்ரல் 1 ஆம் தேதியை தகுதி ஏற்படுத்தும் நாளாக வைத்து கடந்த ஜனவரி 5 ஆம் தேதி முதல் வாக்காளர் பட்டியலில் பெயர் சேர்க்க, நீக்க, திருத்த, இடமாற்றம் செய்ய, விண்ணப்பங்கள் பெறப்பட்டன.

இதையும் படிக்க : தேனி மாவட்டத்திற்கு முல்லைப்பெரியாறு அணையிலிருந்து தண்ணீர் திறப்பு...  !

இந்நிலையில் நேற்று வெளியிடப்பட்ட வாக்காளர் பட்டியலின்படி, கடந்த ஐந்து மாதங்களில் மட்டும் 9.11 லட்சம் வாக்காளர்களின் பெயர்கள் நீக்கம் செய்யப்பட்டுள்ளதாக தெரிவிக்கப் பட்டுள்ளது. இதில், செங்கல்பட்டு மாவட்டம், சோழியங்கநல்லூர் தொகுதி அதிக வாக்காளர்களை கொண்டதாக தெரிவிக்கப்பட்டுள்ளது. ஆண்கள், பெண்கள் மற்றும் மூன்றாம் பாலினத்தவர் உட்பட 6.51 லட்சம் வாக்காளர்கள் உள்னர். குறைந்த பட்சமாக சென்னை துறைமுகம் தொகுதியில் ஒரு லட்சத்து 69 ஆயிரத்து 292 லட்சம் வாக்காளர்கள் உள்ளதாக தெரிவிக்கப்பட்டுள்ளது. 

அத்துடன், தமிழ்நாட்டில் வாக்காளர்களின் எண்ணிக்கை 6.20 கோடியில் இருந்து 6.12 கோடியாக சரிந்துள்ளதாகவும் இந்திய தேர்தல் ஆணையம் தெரிவித்துள்ளது.