மீஞ்சூர் அருகே நாயை கத்தியால் வெட்டி கொலை செய்த மூவர் கைது செய்யப்பட்டு  சிறையில் அடைப்பு.

திருவள்ளூர் மாவட்டம் மீஞ்சூர் அடுத்த அத்திப்பட்டு அன்பழகன் நகரை சேர்ந்தவர் புவனேஷ்வர் (27). கடந்த சில நாட்களுக்கு முன் இவரது நண்பர் கிரண் என்பவரை சிலர் தாக்கி கொண்டிருந்த போது, அதனை தடுக்க சென்ற புவனேஸ்வர் அரிவாளால் வெட்டப்பட்டார். 

இதில் காயமடைந்த புவனேஸ்வர், சென்னை ஸ்டான்லி அரசு மருத்துவமனையில் சிகிச்சை பெற்று வருகிறார். இது தொடர்பாக மீஞ்சூர் காவல்துறையினர் கொலை முயற்சி வழக்கு பதிவு செய்து விசாரணை மேற்கொண்டு வந்தனர். 

இந்நிலையில் மீண்டும் புவனேஸ்வரை வெட்டிய மூவரும் அவரது வீட்டிற்கு வந்து தகராறில் ஈடுபட்டனர். அப்போது புவனேஸ்வரின் நாய் அவர்களை பார்த்தது குரைத்ததால் ஆத்திரத்தில் அவர்கள் கொண்டு வந்த கத்தியால் நாயை வெட்டி கொலை செய்தனர்.

இதையும் படிக்க     | பிரிட்ஜை திறந்த பொழுது பரிதாபம் : மூதாட்டி தீக்காயம் - மகன்களுக்கு மூச்சுதிணறல் ....

 இதுகுறித்து மீஞ்சூர் காவல் நிலையத்தில் அளிக்கப்பட்ட புகாரின் பேரில் நாயை கொலை செய்ததாக வழக்கு பதிவு செய்து சங்கர் (23), பிரபாகரன் (22), ரோகித் (22) ஆகிய மூவரை கைது செய்த காவல்துறையினர் அவர்களை புழல் சிறையில் அடைத்தனர்.

இதையும் படிக்க     | நிர்வாகத்தின் அஜாக்கிரதையால்,.. 58 மாணவிகளின் மதிப்பெண் சான்றிதழ் மாயம்....!c

சென்னை பாரதி மகளிர் கல்லூரியில், 58 மாணவியரின் மதிப்பெண் சான்றிதழ் மாயமானது குறித்து போலீசார் விசாரித்து வருகின்றனர்.

பிராட்வேயில் பாரதி அரசு  மகளிர் கல்லூரி செயல்படுகிறது. இந்தக் கல்லூரியில் ஆயிரத்திற்கும் மேற்பட்ட மாணவிகள் பயின்று வருகின்றனர் வடசென்னை சேர்ந்த ஏழை எளிய கூலி தொழிலாளிகளின் மகள்கள் இந்த கல்லூரியில் படித்து வருகின்றனர். 

கடந்த ஆண்டு கல்லூரியில் படிக்கும் மாணவிகளின் மதிப்பெண் சான்றிதழ் கல்லூரி அலுவலகத்தில் உள்ள பீரோவில் வைக்கப்பட்டுள்ளது. என்ன நிலையில் கல்லூரி நிர்வாகம் பீரோவில் இருந்த மதிப்பெண் சான்றிதழ்களை சரிபார்த்த போது அதில் 58 மாணவிகளின் மதிப்பெண் சான்றிதழ் மாயமானது தெரியவந்துள்ளது.

தற்போது பாரதி அரசு மகளிர் கல்லூரியில் புதிய கட்டிடங்கள் கட்டப்பட்டு வருகின்றன பல்வேறு ஆவணங்கள் பழைய கட்டிடத்தில் இருந்து வேறு கட்டிடத்திற்கு மாற்றப்பட்டுள்ளது இந்நிலையில் பீரோவில் வைக்கப்பட்ட மாணவிகளின் மதிப்பெண் சான்றிதழ்கள் காணாமல் போனது குறித்து  இந்த கல்லூரியின் சார்பில் முத்தியால்பேட்டை காவல் நிலையத்தில் புகார் அளிக்கப்பட்டுள்ளது.

இதையும் படிக்க     | பாடமாகிறது சாவர்க்கரின் வரலாறு !   

கொரோனா தொற்று பரவல் காலத்தில்  மாணவிகளின் மதிப்பெண் சான்றிதழ்கள் பீரோவில் வைக்கப்பட்டதாகவும் அதன் பிறகு தற்போது தான் திறக்கப்பட்டதாகவும், இதில் 58 மாணவிகளின் மதிப்பெண் சான்றிதழ்கள் மாயமானது குறித்து முத்தியால்பேட்டை காவல் நிலையத்தில் கல்லூரி நிர்வாகம் சார்பில் புகார் அளிக்கப்பட்டுள்ளது.

மேலும், மாயமான மதிப்பெண் சான்றிதழ் மாயமானது கல்லூரி நிர்வாகத்தின் அஜாக்கிரதையால் என தெரியவந்துள்ளது.  இது குறித்து முத்தியால்பேட்டை போலீசார் வழக்கு பதிவு செய்து விசாரணை மேற்கொண்டு வருகிறார்கள்.

இதையும் படிக்க     | " எந்த இடத்தில் யாரை வைக்க வேண்டும் என்பதில் கேப்டன் தோனியை போலதான் ஸ்டாலினும்..... "

சென்னை மாநகராட்சியின் மே மாதத்திற்கான மாமன்ற கூட்டம் மேயர் பிரியா தலைமையில் இன்று கூடியது. இக்கூட்டத்தில் திமுக மாமன்ற உறுப்பினர்கள் மற்றும் அதிமுக மாமன்ற உறுப்பினர்களிடையே காரசார விவாதங்கள் நடைபெற்றது.

இக்கூட்டத்தில் நேரமில்லா நேரத்தில் பேசிய அதிமுக மாமன்ற உறுப்பினர் சதீஷ் குமார் பேசுகையில்,

ஐந்தாவது முறையாக ஐ.பி.எல் கோப்பையை வென்ற சென்னை சூப்பர் கிங்ஸ் அணிக்கு மன்ற கூட்டத்தில் வாழ்த்துக்களை தெரிவித்துக் கொண்டார். 

மேலும் பெருங்குடி ஏரி தான் கந்தன்சாவடி, கல்லுக்குட்டை பகுதியில் வசிக்கும் மக்களுக்கு நீர் ஆதாரமாக உள்ளது என்றும், தன் தந்தை சட்டமன்ற உறுப்பினராக இருந்த போது ஒருவராக அதை பராமரித்ததாகவும் கூறினார். அதற்கு பிறகு திமுக சட்டமன்ற உறுப்பினர் அதை கண்டுகொள்ளுவதில்லை எனவும், அதுமட்டுமின்றி தன் பகுதியில் உள்ள அம்மா உணவகத்தில் உணவு தாயார் செய்வதற்கு சரியாக இயந்திரம் இல்லை என்று அங்கு பணி புரியும் பணியாளர்கள் தெரிவித்ததாகவும், எனவே அதை சரி செய்து தர வேண்டும்"  என பேசினார்.

இவரை தொடர்ந்து பேசிய திமுக மாமன்ற உறுப்பினர் ரவி சந்திரன்,

" நேற்று சென்னை சூப்பர் கிங்ஸ் நேற்று வெற்றி பெற்றது . குறிப்பாக கேப்டன் தோனி எந்த பந்திற்கு எந்த பகுதியில் ஃபீல்டரை நிர்க்கவைக்க வேண்டும் என்று கணித்து நிற்கவைத்ததால் தான் நேற்று அந்த அணி வெற்றிபெற்றது. அதே போல் தான் முதல்வர் யாரை அமைச்சராக நியமிக்க வேண்டும் என்று தெரிந்து கொண்டு அமைச்சர் பணி கொடுத்து சிறப்பாக ஆட்சி செய்து வருகிறார்.

மேலும், " கல்லுக்குட்டை பகுதிகளில் கடந்த 10 ஆண்டு கால அதிமுக ஆட்சியில் அங்கு வசிக்கும் 13,000 குடும்பங்களுக்கு மாமன்ற உறுப்பினர் சதீஷ் குமார் தந்தையோ (கந்தன், அதிமுக சட்டமன்ற உறுப்பினர்) , மாமன்ற உறுப்பினராக இருந்த அவர் சித்தியோ எதுவும் செய்யவில்லை. அம்மா உணவகத்தில் உள்ள பொருட்களை கொள்ளை அடித்து விற்பதற்கு என ஒரு கடையை தொடங்கியவர் சதீஷ் குமாரின் சித்தி அமுதா. அதிமுக ஆட்சியில் எந்த ஒரு அடிப்படை வசதியும் அப்பகுதிக்கு செய்ய வில்லை " என்று கூறினார்.

தொடர்ந்து பேசிய அவர்,  " தளபதி ஆட்சியில் அவர்களுக்கு மின்சாரம் வழங்கப்பட்டுள்ளதாகவும், தன்னுடைய சொந்த செலவில்  அவர்களுக்கு தண்ணீர் குழாய் அமைத்து  கொடுத்ததாகவும்,  கொள்ளை அடிக்கும் ஆட்சி அதிமுக என்றும், நல்லது செய்யும் ஆட்சி திமுக எனவும் கூறினார். 

இதையும் படிக்க     | பாடமாகிறது சாவர்க்கரின் வரலாறு !

திமுக மாமன்ற உறுப்பினர் ரவி சந்திரன் பேசிக்கொண்டு இருக்கும் பொழுது, அதிமுக உறுப்பினர் சதீஷ் குமார் பேச முற்பட்டத்தால் அதிமுக மற்றும் திமுக மாமன்ற உறுப்பினர்களிடையே காரசார விவாதங்கள் நடைபெற்றது. 

இதைத்தொடர்ந்து மாமன்ற கூட்டத்தில் இருந்த வெளியேறிய அதிமுக சதீஷ் குமார் செய்தியாளர்களை சந்தித்தார்.   

அப்போது பேசிய அவர்,

" பெருங்குடி ஏரி பாதுகாக்க எந்த நடவடிக்கை இல்லை. தற்போது திமுக சட்டமன்ற உறுப்பினர் எந்த நடவடிக்கை எடுப்பதில்லை. மீன்கள் செத்து கிடைக்கிறது . 14 வது மண்டலகுழு தலைவர் அவதூறு பேசும் வகையில் மன்ற கூட்டத்தில் பேசுகிறார். மன்ற கூட்டத்தில் அதிமுக உறுப்பினர்கள் பேச முறையாக வாய்ப்பு வழங்கவில்லை. பெருங்குடி பகுதியில் சாலை வசதி முறையாக இல்லை. பெருங்குடி ஏரியை பாதுகாக்க சுற்றுச்சுவர் அமைக்க வேண்டும். ஏன் நிதி ஒதுக்க மாநகராட்சி மறுக்கிறது", எனவும்  கேள்வி எழுப்பினார்.

இதையும் படிக்க     | 80 வயது மூதாட்டியை இரக்கமின்றி தாக்கிய குடும்பம்...! காரணம் என்ன ....?

சேவை இணைப்பு வழங்க லஞ்சம் பெறும் அதிகாரிகள் மற்றும் ஊழியர்கள் மீது கடும் நடவடிக்கை எடுக்கப்படும் என மின்வாரியம் உத்தரவு பிறப்பித்துள்ளது. 

சேவை இணைப்புகளை வழங்க அதிகாரிகளும் ஊழியர்களும் லஞ்சம் கோருவதும் வாங்குவதும் வழக்கமாகக் கொண்டுள்ளதாக மின் உற்பத்தி மற்றும் பகர்மான கழகத்திற்கு புகார் வந்துள்ளது.

இதனையடுத்து, இத்தகைய செயல்களில் ஈடுபடுவோர் மீது கடுமையான நடவடிக்கை எடுக்க தலைமை பொறியாளர்கள் மற்றும் கண்காணிப்பு பொறியாளர்களுக்கு மின்வாரியம் உத்தரவு பிறப்பித்துள்ளது. 

மேலும், ஆதாரங்களுடன் புகார் பெறப்பட்டால் ஊழியர்கள் மற்றும் அதிகாரிகள் மீது 10 நாட்களுக்குள் நடவடிக்கை எடுக்கப்படும் எனவும் எச்சரிக்கை விடுத்துள்ளது. 

இது போன்ற வழக்குகளை விசாரிக்க லஞ்ச ஒழிப்புத்துறை அதிகாரிகளுக்கு உத்தரவிடப்பட்டுள்ளதோடு, வழக்குகள் குறித்து எழுத்துப்பூர்வமாக ஆவணங்கள் சமர்ப்பிக்கவும் அறிவுறுத்தப்பட்டிருக்கிறது. 

இதையும் படிக்க   | பாடமாகிறது சாவர்க்கரின் வரலாறு !

ஐந்தாவது முறையாக ஐபிஎல் தொடரில், சி.எஸ்.கே வென்றெடுத்த  கோப்பைக்கு, சென்னை தியாகராய நகரில் உள்ள திருப்பதி தேவஸ்தானத்தில் சிறப்பு பூஜை செய்யப்பட்டது.

16வது ஐபிஎல் தொடரின் இறுதி போட்டி, அகமதாபாத்தில் உள்ள நரேந்திர மோடி மைதானத்தில் நேற்று நடைபெற்றது.இதில் சென்னை சூப்பர் கிங்ஸ் அணி குஜராத் டைட்டன்ஸ் அணியை ஐந்து விக்கெட் வித்தியாசத்தில் வீழ்த்தி அபார வெற்றி பெற்றது.

இந்நிலையில் சென்னை அணி வெற்றி பெற்றதை அடுத்து சென்னை அணி நிர்வாகிகள் வெற்றி கோப்பையோடு இன்று சென்னை விமான நிலையம் வந்தடைந்தனர். சென்னை அணியின் தலைமைப் பயிற்சியாளர் ஸ்டீபன் பிளம்பிங், சிஇஓ காசி விஸ்வநாதன் சென்னை விமான நிலையம் வந்தடைந்தனர் அவர்களோடு ஐபிஎல் வெற்றி கோப்பையில் எடுத்து வரப்பட்டது.

இந்த நிலையில் சென்னை திநகரில் உள்ள திருப்பதி தேவஸ்தான கோவிலுக்கு சி.எஸ்.கே அணி வென்ற கோப்பை எடுத்து வரப்பட்டு சிறப்பு பூஜை செய்யப்பட்டது.இதில் சென்னை சூப்பர் கிங்ஸ் அணியின் உரிமையாளரும், இந்தியா சிமெண்ட்ஸ் நிறுவனத்தின் இயக்குனருமான என். சீனிவாசன், சிஇஒ காசி விஸ்வநாதன் மற்றும் நிர்வாகிகள் கலந்துகொண்டனர்.ஐபிஎல் கோப்பைக்கு சிறப்பு பூஜை செய்யப்பட்டு  கோவிலுக்கு வெளியில் கொண்டுவரப்பட்டு அங்கு கூடியிருந்த பொது மக்கள் முன்பு கோப்பையை காண்பித்து மக்களை உற்சாகப்படுத்தினார்.