திராவிடம் என்ற சொல்லை கேட்டாலே சிலருக்கு வயிற்றெரிச்சலாக உள்ளது என திமுக அமைப்புச் செயலாளர் ஆர்.எஸ்.பாரதி தெரிவித்துள்ளார். 

சென்னை தேனாம்பேட்டையில் உள்ள அன்பகத்தில் திமுகவின் கலை இலக்கிய பகுத்தறிவு பேரவையின், சென்னை மண்டலம் மற்றும் புதுவை மாநிலத்தின் நிர்வாகிகள் கூட்டம் நடைபெற்றது. இதில் திமுக அமைப்பு செயலாளர் ஆர் எஸ் பாரதி, சட்டமன்ற உறுப்பினர் மயிலை வேலு, சிற்றரசு ஆகியோர் பங்கேற்றனர். 

அப்போது திமுக அமைப்புச் செயலாளர் ஆர்.எஸ் பாரதி மேடையில் பேசுகையில், திமுகவினர் வாயிலிருந்து என்ன வருகிறது என்று வட்டமிடும் கழுகு போல ஓநாய்களாக ஒரு கூட்டம் சுற்றி வருகிறது. அப்படி வருகிற ஓநாய்களுக்கு நாம் இறையாகி விடக்கூடாது.  இலக்கியத்தாலும்  கலையாலும் தான் இந்த கட்சி வளர்ந்தது. அண்ணா எழுதிய வசனங்கள் தான் சமூகத்தில் மறுமலர்ச்சியை ஏற்படுத்தியது. இப்படி எல்லாம் கொள்கைகளை பரப்பி தான் இந்த இயக்கம் வளர்ந்தது. அதை பரப்புகின்ற பொறுப்பு தான் உங்களிடமும் கொடுக்கப்பட்டுள்ளது எனக்கூறினார்.  

தொடர்ந்து பேசிய அவர், திராவிடம் என்ற சொல்லை கேட்டாலே சிலருக்கு வயிற்று எரிச்சலாக இருக்கிறது. திராவிடம் என்ற சொல்லை நாம் ஏதோ புதிதாக கண்டுபிடித்தது போல பேசுகிறார்கள். அண்ணாமலைக்கு எவ்வளவு கொழுப்பு திமிர் இருந்தால் அண்ணாவை  பற்றி பேசுகிறார். குறைந்தபட்சம் காஞ்சிபுரத்தில் ஆவது 10 கொடும்பாவிகள்  கொளுத்தியிருக்க வேண்டாமா...? என ஆவேசமாக தெரிவித்தார். 

நாம் அனைவரும் இன்று ஒரே நாற்காலியில் அமர்கிறோம் என்றால் உட்கார வைத்தவர் அண்ணா.  அந்தக் காலத்தில் அண்ணாதுரை என்று பெயர் சொன்னாலே பளார் என்று அறைக்கொடுப்பார்கள். என்னுடைய கார் ஓட்டுனர் ஒருமுறை அண்ணாதுரை என்று அழைத்ததற்கு நான் ஒரு அறை கொடுத்தேன். குறிப்பிட்ட சிலர் அண்ணாதுரை மற்றும் ஈவேரா என்று அழைக்கிறார்கள் அவர்களுக்கு குளிர்விட்டு போய்விட்டது எனக் கூறிய அவர், நான் வன்முறையை தூண்டவில்லை. நம் உணர்வுகள் தூண்டப்பட வேண்டும் என்று தான் கூறுகிறேன். அப்படி என்ன பேசிவிட்டார் உதயநிதி. எவ்வளவு கேவலமாக பேசுகிறார் நிர்மலா சீதாராமன் எனக் கூறினார். 

தொடர்ந்து பேசிய அவர், நிர்மலா சீத்தாராமன் பெரியாரை பற்றி பச்சையாக புளுகுகிறார். இவர்கள் இப்படி எல்லாம் பேசுகிறார்கள் என்றால் நாம் எல்லாம் மௌனிகளாக இருக்கிறோம். தாழ்த்தப்பட்ட சமூகத்திற்கு தபால் கூட கொடுக்க மறுத்தனர். அச்சமூகத்தில் பிறந்த ராஜாவை மத்திய மந்திரி ஆக்கியது ஆதிக்க சக்திகளுக்கு எரிச்சல் ஊட்டியது. அவர் மீது வழக்குகள் பதிந்தனர். இருப்பினும் அவர் வெற்றி கண்டார் என தெரிவித்தார்.  

மேலும், ஏழரை லட்சம் கோடி ஊழலை ஊர் முழுவதும் கூறி விடுவோம் என்ற பயத்தில் திசை பாஜகவினர் திசைதிருப்பகின்றனர் என தெரிவத்த ஆர் எஸ் பாரதி, அண்ணா பற்றி அண்ணாமலை பேசிய பிறகுதான் அண்ணாவைப் பற்றி  பலர் ஆராய்ச்சி செய்கின்றனர். இவர்கள் பேசிய பிறகுதான் அண்ணாவை பெரியாரை அம்பேத்கரை பற்றிய நூல்கள் அதிக அளவில் விற்கப்படுகின்றன எனக் கூறினார். 

இதையும் படிக்க: வியாபாரியை தாக்கிய எஸ்.ஐ.; ரூ.2 லட்சம் இழப்பீடு வழங்க உத்தரவிட்ட மனித உரிமை ஆணையம்!

தொடர்ந்து விபத்து ஏற்படுத்தக் கூடிய வழக்குகள் டிடிஎஃப் வாசன் மீது வருவதால் ஜாமின் மனு நிராகரிப்பதாக நீதிபதி தெரிவித்துள்ளார். 

பிரபல யூடூபர் டிடிஎஃப் வாசன் கடந்த 17ஆம் தேதி சென்னை பெங்களூர் தேசிய நெடுஞ்சாலையில் காஞ்சிபுரம் அடுத்த தாமல் பகுதியில் உயர்ரக பைக்கில் சென்று சாகசம் செய்ய முயன்று விபத்து ஏற்பட்டு காயமடைந்தார். இதில் கை முறிவு ஏற்பட்டு, தனியார் மருத்துவமனையில் சிகிச்சை பெற்று விட்டு சென்ற நிலையில் பாலு செட்டி சத்திரம் போலீசார் 5 பிரிவுகளின் கீழ் வழக்கு பதிவு செய்து அவரை கைது செய்தனர். 

காஞ்சிபுரம் நீதித்துறை நடுவர் நீதிமன்றம் எண் 1-ல் டிடிஎப் வாசன் ஆஜர்படுத்தப்பட்டு வரும் அக்டோபர் 3- தேதி வரை நீதிமன்ற காவல் அளித்து புழல் சிறையில் அடைக்கப்பட்டுள்ளார். இந்நிலையில் நீதிமன்றத்தில் ஆஜர் படுத்தப்பட்ட அன்றே ஜாமீன் கேட்ட நிலையில் ஜாமீன் மனுவை நீதிபதி இனிய கருணாகரன் தள்ளுபடி செய்தார். இதனால் புழல் சிறையில் அடைக்கப்பட்ட டிடிஎப் வாசன் கை முறிவு சிகிச்சைக்காக ஸ்டான்லி மருத்துவமனையில் அனுமதிக்கப்பட்டுள்ளார்.   

சிறையில் அடைக்கப்பட்டு இரண்டு நாட்கள் ஆன நிலையில் இன்று மீண்டும் காஞ்சிபுரம் மாவட்டம் மற்றும் அமர்வு நீதிமன்றம் எண் 2-ல் நீதிபதி செம்மல் முன்னிலையில் ஜாமீன் கேட்டு டிடிஎஃப் வாசனின் வழக்கறிஞர்கள் ஜாமீன் மனு தாக்கல் செய்தனர். ஜாமீன் கேட்டு வந்த மனு மீது வழக்கு விசாரணை நடைபெற்ற நிலையில் டிடிஎப் வாசன் மீது விபத்து ஏற்படுத்தும் வழக்குகள் தொடர்ந்து வரும் நிலையில் அவருக்கு இரண்டு நாட்களிலேயே ஜாமீன் வழங்க முடியாது என கூறி, வழக்கறிஞர்களின் வாதத்தை ஏற்காமல் மாவட்ட நீதிபதி செம்மல் ஜாமீன் மனுவை தள்ளுபடி செய்தார்.

இதையும் படிக்க: மீண்டும் ஒரு வேங்கைவயல்?

கண்ணாடி பாட்டிலில் பால் விற்பனை செய்வதை நுகர்வோர் விரும்பவில்லை என சர்வேயில் தெரியவந்துள்ளதாக ஆவின் நிறுவனம் தரப்பில் சென்னை உயர் நீதிமன்றத்தில் தெரிவிக்கப்பட்டுள்ளது.

பிளாஸ்டிக் தடை உத்தரவை மறு ஆய்வு செய்யக் கோரிய வழக்குகளை விசாரித்து வரும் சென்னை உயர் நீதிமன்றம், ஆவின் பாலை பாக்கெட்டுகளில் அடைத்து விற்பதற்கு பதில் கண்ணாடி பாட்டிலில் அடைத்து விற்றால் பிளாஸ்டிக் பயன்பாடு தவிர்க்கப்படும் என கூறியதுடன், பாட்டிலில் அடைத்து விற்க முடியுமா என்று சர்வே நடத்தி அறிக்கை தாக்கல் செய்ய ஆவின் நிறுவனத்துக்கு  உத்தரவிட்டிருந்தது. 

இந்த வழக்கு  நீதிபதிகள் எஸ்.வைத்தியநாதன் மற்றும் பி.டி.ஆஷா அமர்வில் விசாரணைக்கு வந்தபோது, ஆவின் நிறுவனத்தின் நிர்வாக இயக்குனர் வினீத் சார்பில், கூடுதல் தலைமை வழக்கறிஞர் ரவீந்திரன் அறிக்கை தாக்கல் செய்தார். 

அதில், உயர் நீதிமன்ற உத்தரவின்படி, கோவை மாவட்டம் மேட்டுப்பாளையம், பொள்ளாச்சி மற்றும் சென்னையில் வில்லிவாக்கத்தில் உள்ள திருமங்கலம் சாலை, வடக்கு ஐகோர்ட் காலனி, குமாரசாமி நகர், திருநகர், சிட்கோ நகர் பகுதிகளில் ஆவின் பாலை பாட்டிலில் விற்பனை செய்தால் ஆதரவளிப்பீர்களா? பாட்டிலில் விற்க வேண்டுமா? பாலித்தீன் கவரில் விற்க வேண்டுமா? என சர்வே செய்ததாக குறிப்பிட்டுள்ளார்.

இந்த சர்வேயில், சென்னை வில்லிவாக்கத்தில் உள்ள திருமங்கலம் சாலை, குமாரசாமி நகர், திருநகர் மற்றும் பொள்ளாச்சி, மேட்டுப்பாளையம் பகுதிகளைச் சேர்ந்த நுகர்வோர், பாட்டிலில் பால் விற்பனை செய்யும்போது விலை அதிகமாக இருக்கும் என்பதால், பாலித்தின் உறைகளிலேயே தொடர மக்கள் விரும்புவதாக தெரிவித்துள்ளதாகவும், நுகர்வோர் விருப்பத்தின் அடிப்படையில் ஆய்வு செய்து, நீதிமன்றம் பரிசீலித்து உத்தரவிட வேண்டும் எனவும் கோரப்பட்டிருந்தது.

இதையடுத்து வழக்கின் விசாரணையை அக்டோபர் 9ஆம் தேதிக்கு நீதிபதிகள் தள்ளிவைத்தனர்.

இதையும் படிக்க: மீண்டும் ஒரு வேங்கைவயல்?

பாக்ஸிங்கிற்கு நான் தயார் இடம் மற்றும் நேரத்தை அறிவித்தால் உடனே வருகிறேன் என நாம் தமிழர் கட்சி ஒருங்கிணைப்பாளர் சீமான் தெரிவித்துள்ளார்.

செங்கல்பட்டு மாவட்டம் மறைமலை நகரில் உள்ள தனியார் திருமண மண்டபத்தில் நாம் தமிழர் கட்சியின் செங்கல்பட்டு சட்டமன்ற தொகுதி மற்றும் திருப்போரூர் சட்டமன்ற தொகுதி  உறுப்பினர்களுக்கான கலந்தாய்வு கூட்டம்‌ நடைபெற்றது. இதில் சிறப்பு அழைப்பாளராக அக்கட்சியின் தலைமை ஒருங்கிணைப்பாளர் சீமான் கலந்து கொண்டு கட்சி நிர்வாகிகளிடையே உரையாற்றினார். தொடர்ந்து செய்தியாளர்களிடம் பேசுகையில், வருகின்ற பாராளுமன்ற தேர்தலில் வருகையின் போது அதனை எதிர்கொள்வது குறித்து மேற்கொள்ள உள்ள பணிகள் குறித்து ஆலோசனை கூட்டம் நடைபெற்றது. 

அப்போது செய்தியாளர்களிடம் பேசிய அவர்,  காவிரி நதிநீர் பிரச்சனைக்கு நாங்கள் உச்சநீதிமன்றம் தான் செல்ல வேண்டும் என்றால், பாராளுமன்றம், சட்டமன்றம் எதற்கு? எதற்கெடுத்தாலும் உச்சநீதிமன்றத்திற்கு செல்ல வேண்டுமானால் நாட்டை ஆள்வது நீதியரசர்களா? பிரதமரா? என கேள்வி எழுப்பினார். 

தொடர்ந்து பேசிய அவர், காவிரி நதி நீர் மேலாண்மை ஆணையம் குறித்து பேசுகையில், தமிழகத்தில் எங்களுடைய வளங்களில் இருந்து தயாரிக்கப்படும் மின்சாரத்தை நீங்கள் பயன்படுத்தி வருகிறீர்கள். ஆனால் தண்ணீரை வழங்க மறுக்கிறீர்கள். கேட்டால் எங்களுக்கே போதிய அளவில் தண்ணீர் இல்லை என கூறுகிறீர்கள். இதை ஏன் யாரும் கேட்பதில்லை, நாங்கள் கேட்டால் எங்களை பாசிச வாதிகள் என கூறுகின்றனர். நீங்கள் அறிவாளிகளா? எங்களை பார்த்தால் பைத்தியகாரர்களாக தெரிகிறதா? என்றார். நாங்களும் இனிமேல் இப்படி தான் செய்வோம், நெய்வேலி மின்சார மேலாண்மை வாரியம், மின்சார ஒழுங்காற்று குழு அமைத்து இந்த ஆட்டத்தை நான் ஆடி காட்டவில்லை என்றால் நான் பிரபாகரனின் மகன் இல்லை என ஆவேசமடைந்தார்.   

மேலும், தமிழர் முன்னேற்ற படை தலைவர் வீரலட்சுமியின் கணவர் பாக்ஸிங்கிற்கு அழைத்தது குறித்து கேட்டபோது, அவர் பகலில் பேசினால் பாக்ஸிங்கிற்கு போகலாம், ஆனால் அவர் 7-மணிக்கு மேல் பேசுகிறார். அவர் அதனை பதிவு செய்வது தெரிகிறது. அதனை வெளியிட்டு இதுபோன்ற கேள்விகள் வரும் என்பதால் தான் செல்போனை அணைத்தேன். அவர் என் கையால் தான் சாவது என முடிவெடுத்தால் நான் அதனை எதிர்கொள்கிறேன். அவரிடம் கேட்டு சொல்லுங்கள் இடம், நேரம் சொன்னால் எப்போது வேண்டுமானாலும் வருவார் என கூறுங்கள் என்றார். முதலில் என்னிடம் நேரில் வந்து நில்லு, அப்பறம் சண்டை போடலாம் என தெரிவித்தார். மேலும், இதுபற்றி பேசும் போது உங்களுக்கு சிரிப்பாக இருக்கிறதா? சிரித்து விட்டு போங்கள் என பேசினார்.

இதையும் படிக்க: மீண்டும் ஒரு வேங்கைவயல்?

தமிழ்களுடைய நாகரிகம் எப்படி மறைக்கப்பட்டது என்பதை அறிந்து கொண்டால்தான், எதிர்காலங்களில் வரக்கூடிய சவால்களை எதிர்கொள்ள முடியும் என அமைச்சா் தங்கம் தென்னரசு குறிப்பிட்டுள்ளார்.

தஞ்சாவூர் தமிழ்ப் பல்கலைக்கழகத்தில் நடைபெற்ற அண்மைக்கால ஆய்வுகள் காட்டும் தமிழ்நாட்டு வரலாறு என்கிற முத்தமிழறிஞர் கலைஞர் நூற்றாண்டு மாநிலக் கருத்தரங்கத்தைத் அமைச்சர் தங்கம் தென்னரசு தொடங்கி வைத்தார். 

இந்நிகழ்வில் பேசிய அவர், இந்தியாவிலுள்ள வேறு எந்த மாநிலத்திலும் மேற்கொள்ளப்படாத தொல்லியல் ஆய்வுகள் தமிழகத்தில்தான் அதிக அளவில் செய்யப்படுகிறது. இதற்கான நிதியுதவியை முதல்வர் அளித்து வருகிறார். இந்தியாவின் வரலாறு கங்கைச் சமவெளியில் எழுதுவது அல்ல; அது காவிரிக்கரையில் இருந்து எழுதக்கூடிய வரலாறாக இருக்க வேண்டும் என்பதை நிரூபிக்கக்கூடிய வகையில் ஆய்வுகள் நடைபெற்று வருகின்றன. கீழடி, பொருநை, வெம்பக்கோட்டை வைப்பாறு போன்ற இடங்களில் மேற்கொள்ளப்படும் ஆய்வுகள் மூலம் தமிழ்நாட்டினுடைய வரலாறு எந்த அளவுக்குப் பின்னோக்கிச் செல்கிறது என்பதை அறிந்து கொள்ள முடிகிறது. 

நாம் என்னவாக இருந்தோம் என்பதை அறிந்து கொண்டால்தான், எதிர்காலத்தில் நாம் என்னவாக வர வேண்டும் என்பதை தீர்மானிக்க இயலும். நம்முடைய தமிழர் நாகரிகம், நம் சமுதாயம் எப்படி இருந்தது, தமிழனுடைய நாகரிகம் எப்படி எல்லாம் மறைக்கப்பட்டது என்பதை எல்லாம் அறிந்து கொண்டால்தான், எதிர்காலங்களில் வரக்கூடிய சவால்களை எதிர்கொள்ள முடியும் என்றார் தங்கம் தென்னரசு. 

நிகழ்ச்சிக்கு பின் பேட்டி அளிக்கையில் தொல்லியல் துறைக்குத் தமிழக முதல்வர் மிகுந்த அக்கறையோடு ஆதரவு தருகிறார்.  இதனால் பல இடங்களில் ஆய்வு நடைபெற்று வருகிறது. குறிப்பாக, கீழடி அருங்காட்சியகம் மிகப்பெரிய வரவேற்பைப் பெற்றுள்ளது. இதைத்தொடர்ந்து, பொருநையில் அருங்காட்சியகம் அமைப்பதற்கான பணி வேகமாக நடைபெற்று வருகிறது. நிதிநிலை அறிக்கையில் அறிவிக்கப்பட்டபடி, தஞ்சாவூரில் சோழர்களின் பெருமையை விளக்கும் விதமாக மாபெரும் சோழர் அருங்காட்சியகம் அமைப்பதற்கான இடமும் தேர்வு செய்யப்பட்டுள்ளது. எனவே மிக விரைவிலேயே அருங்காட்சியம் அமைப்பதற்கான பணி தொடங்கப்படவுள்ளது. இதே போல கங்கைகொண்ட சோழபுரத்திலும் அருங்காட்சியகம் அமைக்கப்படும் என்றார் நிகழ்ச்சியில் பள்ளிக்கல்வித்துறை அமைச்சர் தமிழ் பல்கலைக்கழக துனை வேந்தர் மாவட்ட ஆட்சியர் உள்ளிட்டோர் கலந்து கொண்டனர்.

இதையும் படிக்க: மீண்டும் ஒரு வேங்கைவயல்?