இந்தியாவில் கொரோனா தினசரி பாதிப்பு 92 ஆயிரமாக பதிவு !!
webteam
கடந்த 24 மணி நேரத்தில் 92 ஆயிரத்து 596 பேர் கொரோனா தொற்றால் பாதிக்கப்பட்டுள்ளனர். இதன்மூலம், நாட்டில் கொரோனாவால் பாதிக்கப்பட்டோரின் மொத்த எண்ணிக்கையானது 2 கோடியே 90 லட்சத்து 89 ஆயிரத்து 69 ஆக அதிகரித்துள்ளது.
கடந்த 24 மணி நேரத்தில் 2 ஆயிரத்து 219 பேர் உயிரிழந்துள்ள நிலையில், மொத்த பலி எண்ணிக்கை 3 லட்சத்து 53 ஆயிரத்து 528 ஆக உயர்ந்துள்ளது. மேலும், 12 லட்சத்து 31 ஆயிரத்து 415 பேர் கொரோனாவுக்கு சிகிச்சை பெற்று வரும் நிலையில், கடந்த 24 மணி நேரத்தில் 1 லட்சத்து 62 ஆயிரத்து 664 பேர் கொரோனாவில் இருந்து குணமடைந்து வீடு திரும்பியுள்ளனர்.
இதன்மூலம் 2 கோடியே 75 லட்சத்து 4 ஆயிரத்து 126 பேர் கொரோனாவிலிருந்து விடுபட்டு குணமடைந்துள்ளனர். அதேபோல், இதுவரை நாடு முழுவதும் 23 கோடியே 90 லட்சத்து 58 ஆயிரத்து 360 டோஸ் கொரோனா தடுப்பூசி செலுத்தப்பட்டு உள்ளதாகவும் தெரிவிக்கப்பட்டுள்ளது.
